your tsunami
إن الحياة الدولية مثل الحياة الفردية من يحترم نفسه فيها يُحترم ، ومن يهن يسهل الهوان عليه قد ينال جزءاً من شفقة أو بعضاً من التعاطف أو جانباً من ابتسامة وربما قدراً من الفائدة ، ولكنه ينال أيضا الكثير من السخرية والاستهزاء.
على فكره أنا بتكلم جد في فعلا فيلم أنا هاعمله على سبيل بروجكت وهاقدمه عندنا في الجامعه
طبعا انا هاعمله كوميدي جدا
ومحتاج كل الأفكار الكوميديه الغير مكلفه طبعااااااااااا
من حوالي 16 سنه كده كنت ساعتها أنا عيل صغير عندي 4 سنين
والدي قرر يشتري سياره
ولإني حب العربيات في دمي من ساعه ماإتولدت
أخدني معاه في المشوار ده وخللاني ألف وأتعلم العربيات كلها
المهم ........ رحنا شركه نصر لصناعه السيارات وشفنا البلونيز دي
بتنزل من على السير بتاع خط التصنيع
ووالدي عجبته العربيه جدا
خصوصا إنها عائليه وقويه قي الصدامات وكده يعني وكان ساعتها مواصفات الموتور حلوه بالنسبع للعصر ده
((لاحظ إن من 16 سنه كان مفيش سيارات مستورده وكانت البيجو 504 هي أحسن سياره في مصر))
يعني كان اللي يركب 128 في الوقت ده يبقى راجل واصل جدا...........
مابالك بالبلونيز ؟؟؟؟؟؟؟
المهم إشترينا السياره وقعدنا كام شهر في مصر وبعد كده سافرنا السعودية
وطول ماإحنا في السعوديه السياره مرفوعه
ولما كنا بنرجع مصر أيام الأجازات
ننزل السياره لمده شهر أو إتنين بالكتير أو على حسب وجودنا في مصر وبعدين نرفعها تاني قبل مانسافر السعوديه
طبعا ماقوللكش كل مانيجي مصر وننزل البلونيز بنعمل فرح إزاي
وشوف بقى كل مانروح نصيف وتودينا البلونيز ونتفسح بيها وبنبقى مبسوطين فيها.........
والآن وبعد 16 سنه كبرت أنا وأصبح لدي رخصه قياده وممكن أسوق
في الوقت اللي قدمت فيه البلونيز ولم يعد لها زهوتها على الطريق مثل ماكان لها زمان
لكن السياره دي عاشرتها وإرتبطت فيها بكل ذكرياتي من وأنا عندي 4 سنين
فبحاول أعمل لها زهوه تاني من جديد
طبعا كل الزملاء في الجامعه مستغربين من حبي لهذه السياره ((بالرغم من إنها تعتبر أقل سياره في الجراج هناك))
لكن أنا أعتز بيها جدا
طبعا الموضوع او الأسلوب اللي أنا بتبعه كوميدي بحت
حتى إن تاني فيديو أعمله بالمايا كان إسمه Thank you Polonez
وكانت القصه كوميديه جدا ولاقت إستحسان كل الطلبه والأساتذه هناك
حتى إن البعض ينادوني بإسم Mr: Polonez ((( بالرغم من إني كان نفسي يبقى إسمي Mr: Ferrari))) لإني أحب هذه السياره جدااااااااا
لكن أعمل إيه والدي لم يشتري فيراري من 16 سنه
وكتبت عليا بلونيز
تعليق