الفراعنه أجدع ناس و المصريين لازم يفخروا بحضارتهم

[Ahmed012]

لا قريته وأنا متفق معاك فيه ياإيهاب 100%
لكن أنا بكلم أخواننا المهاجمين لحضارتهم


ياجماعه لو إنت عندك ساعه كان يلبسها جدك هتفتخر بيها جدا
برغم إنها ليست للعباده مثلا والعياذ بالله

نفس الشيئ حضارتنا........... نعتز بيها جدا ولكن ليست للعباده
وكذلك الوثنين اللي إنتوا بتتكلموا عليهم
إحنا لانفخر بهم لإنهم وثنيين
إحنا نفخر بالخير والحضاره اللي قدموها للعالم في الوقت اللي كان فيه باقي الشعوب تعاني من الجهل والتخلف.
ياجماعه الفرعون كان بيبني الهرم علشان يدفن فيه
في الوقت اللي كان فيه الأوروبي يبحث عن كهف ليبات ليلته

..........................
أرجو ألا يثير ردي غضب أحد الأعضاء وخصوصا حبيبي ألفا روميو

[عمرالمختار]

كلام الاخ alpharomio
صحيح جداً . أنا مش عارف ليش الجدل في موضوع لا يستحق الجدال بل هو محسوم الفراعنة قوم كانت لهم حضارة وطغوا واهلكهم الله وافناهم لما هدا التشبت بالكفرة لما لا يفتخر المصريون بأجدادهم المسلمين اللدين قادوا الفتوحات الاسلامية وحضارتهم لا تزال باقية حتى الان في مصر من مساجد ومباني . لما لا يفتخرون بدولة المماليك حتى اللدين أوقفوا الغزو الماغولي أليسوا هولاء رجالاً يفتخر بهم المرء .
أخواني المصريين لما لا يفتخر العمانيون بقوم ارم التي قال الله عنها انها دات العماد اي دات الابراج وقال كدلك لم يخلق مثلها في البلاد .
اخواني ان من الكلام ما يؤدي الى التهلكة ولا يكفي ان يعجب الغرب بهده الاصنام لكي نفتخر نحن بها يا أخ Sherif.Nagib ارجوا ان تتقبل وجهة نظري . فأنا أفتخر بعمر ابن الخطاب . وحمزة . وعقبة ابن نافع . وعمر بن عبد العزيز . وصلاح الدين الايوبي الدي واجه الصليبيين وكسر شوكتهم . وغيرهم كثير جداً من الصحابة والقادة المسلمين العظام . على فكرة نسيت ان اقول بأننا نواجه حملة صليبية عنيفة ضد الاسلام ويستعمل فيها الاعداء شتى الاسلحة العسكرية والتقافية والسياسية وخير دليل ما نراه في العراق وافغانستان وفلسطين والشيشان وغيرها من الدول الاسلامية والقنوات الفضائية الموجهة لمحاربة هدا الجيل ومسح الداكرة الاسلامية والتعلق والانبهار بكل ما هو غربي
مع كل ما يجري من حولنا نرى مثل هدا النقاش الدي يدور حول ماضي زال بأمر من الله عز وجل ومازلنا ندور في حلقة البيضة ام الدجاجة أخيراً أحب ان أعيد أن الفراعنة قضى عليهم رب العباد جراء كفرهم وعصيانه واتارهم باقية لسبب واحد هو ان يأخد الناس عبرة من هده المباني الشاهقة ويتقوا الله .
أرجوا ان اكون قد أوصلت الفكرة بشكل جيد . كما أرجوا ألا أكون قد أغضبت أحداً
وشكراً

[Ahmed012]

أعجبتني طريقتك ياعمر في الحوار

فعلا هذا هو أسلوب الحوار الذي أتمنى أن يسير في هذا الموضوع حتى لا نؤذي أحد بالكلام أولا
ولا ينتهي الموضوع بالغلق من قبل المشرفين ثانيا


دعني أشرح لك أمرا صغيرا ياعزيزي
ليس لأني أفتخر بالفراعنه لا أفتخر بغيرهم
فأنا أفتخر أيضا بالتاريخ الإسلامي المصري
فكانت القاهره قديما مدينه الألف مئذنه
ويكفي وجود أكبر كيان إسلامي في الوجود فيها
ألا وهو الجامع الأزهر
وبالرغم من الإتنهاكات التي يقوم بها بعض الجهله والمتخلفين من الشعب بالجامع الأزهر
عن طريق التجمع أمامه لشرب الشيشه وماشابه
إلا أني أأمل أن يصحو البقيه العاقله يوما
ويصححوا هذا الوضع
فهو مكان سياحي أيضا ويجذب الكثير من السياح العرب والأجانب على السواء

وأفتخر بالبطل صلاح الدين الأيوبي
بل وأدعو له كلما مررت أمام قلعته في شارع صلاح سالم

عوده لموضوعنا الرئيسي ليس في ذلك حرج بأن أفخر بكل معالم بلادي الحضاريه
سواء كانت فرعونيه أم قبطيه أم إسلاميه

ولو كان لك رأي مخالف ياريت تشرحه
وأطلب من كل الأعضاء الحفاظ على أسلوب الحوار الحضاري
حتى نجتنب المشاكل سويا


شكرا لسعه صدركم

[youssef_23]

الاخ طارح الموضوع ناسى شىء اساسى جدا
اننا لا نفخر بشرك الحضارة الفرعونية او عبادتهم الاصنام والى ذلك
ولكن نحن نفخر بتقدمهم الذى كان ليس لة نظير واسرار حضارتهم
يعنى ننظر لهم من منظور الدهشة والتعجب ازاى بنوا الهرم ازاى عملوا كذا وكذا
ولا من منظور القدوة
ولا اظن ان يتعارض هذا مع الاسلام فى اى شىء
للعلم الغرب يعلمون عن حضارتنا اكثر مننا
ويحترمون احفاد الفراعنة كثيرا

-----------------------------------------------
للعلم العرب كانوا مشركين قبل الاسلام هل انكر المسلمون العرب انهم احفاد العرب
-----------------------------------------------

[youssef_23]

مع كل ما يجري من حولنا نرى مثل هدا النقاش الدي يدور حول ماضي زال بأمر من الله عز وجل ومازلنا ندور في حلقة البيضة ام الدجاجة أخيراً أحب ان أعيد أن الفراعنة قضى عليهم رب العباد جراء كفرهم وعصيانه واتارهم باقية لسبب واحد هو ان يأخد الناس عبرة من هده المباني الشاهقة ويتقوا الله .
أرجوا ان اكون قد أوصلت الفكرة بشكل جيد . كما أرجوا ألا أكون قد أغضبت أحداً
وشكراً

للعلم نحن لسنا احفاد الفراعنة ولا حاجة

فرعون خرج اثر سيدنا موسى علية السلام بخيرة جنود الفراعنة فاهلكهم الله جميعا بالغرق

وبقى فى مصر الرعاع الهمج

نحن احفاد الرعاع
هههههههههههههههههههه

وتكالبت الامم على الرعاع حتى اصبح الجنس المصرى هو خلاصة العصير لباقى الاجناس

[Limponi_3d]

السلام عليكم
انا بس حابب قول وجهت نظري من غير اي تعصب

بغض النظر الجانب الايجابي في حضارة الفراعنة وعن الجانب السلبي وهو عبادتهم الوثنية
بس انا أزاي افتخر بحاجة انا معملتهاش هو احنا اللي بنينا الاهرامات واللا نعرف طريقة بناها حتي

انا الحاجة الوحيدة اللي من حقي ان افتخر بيها هو انا ..انا عملت ايه .. انا انجزت ايه .. انا افتخر بعقلي فقط
يعني انتو لو قارنتوا ما بين مصر او أمريكا من ناحية العلم والتكنولوجيا الان بالله عليكم 7000 سنة حضارة هتوزن اي حاجة ..
هي كانت ممكن توزن وممكن توزن كتيير لو كنا أحنا فعلاا عرفنها بس أحنا للاسف منعرف اي حاجة عنها حاجات موجودة بالفعل أتولدنا ولقيناها

ثانيا كل حاجة ممكن تتورث المال المعابد الذهب كل حاجة ممكن تتورث بالنسب الا العلم فلا يورث بالنسب
والدليل ان أغلبية المكتشفات عن الحضارة الفرعونية الغرب هم اللي أكتشفوها وهما اللي بيبحثوا في علوم الفراعنة

يا ريت من الاعضاء تغير وجهة نظرهم في رؤية الاشياء
وعلا فكرة احسن طريقة رد عجبتي هو رد الاخ شريف نجيب بغض النظر عن الاختلاف في الراءي بس رده كلوه بموضوعية ومن غير تعصب..
سلام

[شين.نون]

----------

[شين.نون]

تعرفوا ، الشئ الجميل في هذه المواضيع هي انها بتطلع المكبوت في القلوب و بنعرف حقا مشاعر الإخوة في العروبة و الاسلام.. الحكاية مش حكاية فراعنة و لا حاجة على فكرة .
و عموما أنا الغلطان .

[ehabrashad]

[QUOTE=Sherif.Nagib]و بنعرف حقا مشاعر الإخوة في العروبة و الاسلام[QUOTE]
يعني ايه .. انا عايز افهم
هم يضحك وهم يبكي
وهم برجر وهم يا جمل
مهي بقة بزرميطه

[emas]

تانى ؟؟؟؟؟

العجيب ان الفا روميو ماعندوش غير الموضوع المحذوف يتناقش فيه

والاعجب ان المساندين هم هم لا تغيير ولا فهم ولا اى حاجه يعنى نلف وندور ونرجع من الاول تانى


من قال اننا اولاد الرعاع هو مخطىء تماما لان الجيش وفرعون ليسوا هم منشا العلم ولا التقدم

وان كانوا هلكوا فى البحر هذا لا يعنى ان العلماء والمهندسين والفلكيين والاطباء و و و و كانوا من ضمن الجيش

بالعكس ده الهمجيين هم دائما افراد الجيش والناس العلميه هى من تبقى داخل المدينه ولا تذهب للحرب


ثانيا لم تنتهى الدوله الفرعونيه فى واقعه الهلاك هذه بالعكس امتدت سنون عديده وانتهت بكيليوباترا

تحت وطاه الغزو الرومانى وتحالفها الخاطىء معهم وانطونيو السبب الله يخرب بيت الستات



الافتخار : يجب ان نفرق بين طرق الافتخار

فيه فرق بين ان تفتخر بشىء انت او اجدادك صنعوه وبين ان تفتخر بانتمائك لدين او بلد

لما الدمج بين شيئيين لا يتفقان ؟؟؟؟؟؟؟؟؟


افتخر بدينك نعم هذا واجب لكن انت لست صانعه انت فقط منتمى وموافق ومؤمن به لكن لا فضل لك

فيه انت متلقى


اذا افتخرت باجدادك هنا الكلام مختلف بالعكس كلما كانوا اجدادى فى ظروف علميه سيئه

وتوصلوا الى علم كبير افتخر بهم اكثر وخصوصا لو كانوا وثنيين



ساوضح هذا للذى يريد الفهم :


اذا كان القرأن كما تذكرون به كل العلم والاعجاز العلمى اذا من بلغه القران وفهمه ملك مفاتيح العلم واسرار الحياه وحظى بنظام تعاملى متكامل لتنظيم حياته وحظى بالحق وحياه كريمه تحت حكم اسلامى ملتزم بالشرع والحقوق


فلهذا اذا خرج من هؤلاء علماء وصارت حضاره كان يبقى شىء طبيعى ان يفرز هذا العدل والحكمه علماء وحضاره

لكن وقت الفراعنه وقت الظلم والسخره والوثنيه ولا قران موجود يعرفوا منه اسرار العلم ويصنعون كل هذا ؟؟؟؟؟؟؟؟؟؟؟؟؟؟؟؟؟؟؟؟؟


اذا هم علماء سوبر لان كل الظروف لا تؤدى الى ظهور علم ولا هندسه ولا غيره


اذا هؤلاء القوم تمتعوا بقدرات عقليه جينيه ممتازه جدا ونحن احفادهم صحيح حالنا يبكى

لكن الجينات موجوده
ولهذا

من تواجد من المصريين فى ظروف تساعد على ظهور التفوق اصبح عالميا متفوق



طيب نرجع ونقول تريد الفخر بالاسلام ؟؟؟؟ طبعا افخر به كدين لكن مادخله فى تركيبه جيناتك الموروثه ؟؟؟؟؟؟ او قدراتك انت كانسان ؟؟؟؟؟؟؟؟؟؟؟؟؟؟؟؟؟؟؟؟


لا المسيحيه ولا الاسلام ولا اى دين اخر يؤثر فى قدرات الانسان يوجهها نعم لكن يصنعها لا

يعنى مسيحى من نسل غبى سيظل غبى

مسلم من اصل غبى سيظل غبى

يهودى من اصل غبى سيظل غبى

واذا مسيحى غبى اصبح مسلما سيظل غبى والعكس


والذكى جينيا يظل ذكى فى اى دين بنفس القدر وانجازاته ستتحول تحت تسميه دينه فقط

يعنى لو ذكى وثنى سينجز ثم يدخل دين وينجز ايضا

الاول تبقى حضاره وثنيه ولما يدخل دين ما تبقى حضاره مسيحيه او اسلاميه او غيره


المهم ان عنصر بناء الحضارات هو اصلا الانسان الدين منظومه لجمع هؤلاء البشر به نظام وفكر موحد


لكن المنظومات الاخرى ايضا تصنع حضاره يعنى حضاره الصين كانت عظيمه والازتيك والانكاس

التى هى حضاره المايا والفراعنه والاشوريين وغيرهم كلها حضارات اعتمدت القدرات البشريه




الحضاره الاسلاميه لا تختلف هى اعتمدت ايضا على قدرات البشر لو لم يكن هناك قدرات يبقى كيف تحدث الانجازات ؟؟؟؟؟؟؟؟؟

حاولوا تفهموا ان الافتخار بالدين نفسه كدين شىء مختلف تماما عن الافتخار بالقدرات البشريه

وعلى فكره محاوله تقييم الدين ووضعه فى مقارنه بحضارات البشر هو حرام اصلا

لان الدين لا يقارن ولا ينفع نقول الدين الاسلامى افضل من حضاره الفراعنه



كيف تقارن ما هو من الله بشىء من صنع الناس ؟؟؟؟؟؟؟؟؟؟؟؟؟؟؟



تريد الافتخار بالمماليك ؟؟؟؟؟؟ تعرف اصلا يعنى ايه مماليك ؟؟؟؟؟؟ يعنى عبيد

تريد الافتخار بالقاده الاسلاميين ؟؟؟ ماشى حد قال الا تفتخر بهم ؟؟؟

زياده الخير خيرين


يعنى كل اجدادك كانوا شاطرين يا انسان ياعربى سواء قبل ظهور الاديان وبعدها


وده لانهم فعلا يملكوا قدرات خاصه عقليه ليه بتقسمهم اجزاء ؟؟؟؟؟؟


عادى جدا ان لكل عصر اخفاقات وحاجات غلط حدثت فيه لكن الفخر دائما هو للصحيح يعنى بنوا شىء رائع ماشى صنعوا علما ما شى



لكن يعبدوا اصنام ؟؟؟؟ لا طبعا مين بيفخر ان اجداده كانوا يعبدوا اصنام ؟؟؟؟؟؟؟

مع ملحوظه ان كل الاجداد عبدوا الاصنام اذ هذا عامل مشترك فى كل الاجداد خلاص نرميه على جنب
ولا نفتخر به طبعا


ونرجع نشوف قدراتهم وعلمهم خارج موضوع الدين



عديد من المرات قلت لكم ان السلاله لا تتغير بالدين لكن تندمج وتصبح غير اصيله بالتزاوج بين سلالات مختلفه


وهذا ما حدث فعلا قليليين هم من من سلاله اصليه غير مختلطه فى العالم كله


وطبعا كل سلاله اصليه نقيه بها ما يميزها


ومصر الان ناتجه من سلالات مختلفه لان كل العالم عدى على مصر لهذا تجد ان احفاد الفراعنه قليلين جدا


وطبعا الفا روميو عنده حق لا يفتخر بالفراعنه بصراحه مش علشان الوثنيه لكن لانهم ليسوا اجداده

فعلا ولو افتخر بيهم بصراحه احفاد الفراعنه سيغضبوا بلاش تلزيق فى عقليات جامده قوى


والراجل بصراحه عنده حق لانه لو افتخر بهم كنت اقول له ازاى وانت تكتب بطرق ليست عقليه ابدا

[samran]

أحنا المصريين عندنا حضارة من 7000 سنة ..و أيامها كان العام كله يغط فى الجهل و التخلف...
الفراعنه كانوا متدينين فى حين كان الناس لا يعرفون الدين..
والفراعنه كانوا يعبدون الأصنام الجميله التى يصنعونها..
يا سلام على منظر الواد الفرعونى من دول و هو ساجد أمام صنم حورس... حاجه تشرح القلب
ويا سلام لما تشوف الواد ده بعد ما زهق من حورس راح سايبه و رايح لصنم أيزيس و جوزها الحاج أوزوريس ويسجد لهم شويه ...يا سلام عليه حاجه تفرح يا راجل..هى دى الحضارة ولا بلاش...
وبعد الفراعنة ما زهقوا من عبادة آلاف الأصنام و الرسل بتاعتهم قالو لهم لازم التوحيد علشان تدخلوا الجنه.... علطول كانوا أول ناس توحد العبادة فهم أول الموحدين
فوحدوا الألهة جميعا فى أله واحد بس مش ربنا ده الشمس.
مش مهم عبدوا مين المهم أنهم كانوا موحدين ..
واى واد فرعونى يفكر يروح يعبد إله تانى مع الشمس يقولوله.
ياد بلاش شرك ... خليك موحد...لو رحت سجدت لحورس الشمس هتلسعك ..

-----
و الله عم أرجع أقرأ ما كتب بعيدا عن الخلافات هذا الرجل مهضوم دمه خفيف
و خصوصا ((...لو رحت سجدت لحورس الشمس هتلسعك )
و الشعب الوحيد الذي لديه خفه الدم هذه هو الشعب الفرعوني الواد ده فرعوني يا جماعه الموضوع مش بيده أصل الإنسان يغلب عليه

[ehabrashad]

لا تعليق

[فدائي]

سؤال لكل اهل المنابر
انتم عايزين الواحد يعرفكم الخطاازاى ؟؟؟
يعنى ايه كلامك شديد الللهجه هو مالف الكلام من عنده ؟؟
الراجل لم يقل اى شىء سوى الحقيقه
طيب انت عايزين ايه بجد حد يقولى
طيب نذكركم بالنار ازاى
نقولكم ان النار وحشه اوعى تيجى جنبها لتلسعك يا واد ياحماده
والجنه حلوه قوى فيها خمره
كما قال الشيح وجدىغنيم الناس عايزه الدين الحلو الدين المودرن اللى فيه المسلم بلبانه وانسيال ومعاه البت بتاعته
يا عم الدين حلو ياعم محدش يقولى حرام متعكننيش سيبنى اعمل اللى انا عايزه انا مسلم ومباذيش حد بس بص بقى هتقعد تقولى حلال وحرام سيبنى انطلق يا عم محنا مسلمين وحلويين والاسلام حلو (والتين حلو) اللهم صلى على النبى سيبنى بقه مانا قلتلك الدين حلو وصليت على النبى سيبنى بقه
طيب يقولها ازاى فهمونى

الراجل كل ما يتكلم تقلولوا متتكلمش بشده هى فين الشده دى هو قام ضربكم

والتانى اللى بيقول انت واصحابك مش هيبقى ليكم اى اثر والهرم هيفضل شامخ طيب سبنالك الهرم
يا اخى اتقى الله ( كل من عليها فان ويبقى وجه ربك ذو الجلال والاكرام )
ابقى ورينا اثرك يا اخويا بس على الله متكنش رائحته منتنه
مستغرب ليه كلنا هننزل القبر وياكلنا الدود ونطلع رائحه نتنه لاننا من تراب

هو الفاروميو بيعمل كده ليه بيتكلم بحرقه عليكم ليه
هل له هدف طيب ايه هو هدفه
ده بيقولكم الصح وكلامه مفيش فيه غلط
على الاقل هو احسن من اللى بيقولك الاغانى حلال
والاسلام دين للعباده فقط مش للحكم
لما انتم غيرانين على الدين قوى كده وعايزينه يتكلم بالراحه
طيب اتشطروا على اللى عمال يبث فيكم مبادىء التبشير ويفسرلكم الدين من وجهه نظره العقيمه وانتم عمالين تقولوا له يا استاذ رايك حلو
الله الله
اايه ياواد الحلاوه دى والله انت مسلم يا اخى من جواك
وهو عمال يلبسكم عمم لحد ما غزا قلوبكم وبقيتوا بتصدقوه فى كل كلامه مش تتحققوا الاول لا ده كلامه معتدل ده عايز مصلحتنا
ابدا ده عايز يضلكم ( ودوا لو تكفرون فتكونون سواء ) ده ربنا اللى بيقول مش انا ولا الفا روميو ولا اى حد
الكفار والمشركين متغاظين لاننا مؤمنين عايزين يكفرونا
بس بيسحبونا واحده واحده نثق فيهم الاول وبعدين يسحبونا على السلاخانه زى الجمال بالضبط الجزار مبيخليهاش تشوف بعض بيدبحوا لا ده بياخدهم من اخر واحد يسحبوا ويسمى ويروح دابح بعيد عن الجمال التانيه علشان لو شافوه هيهيجوا وبجد انتم بتتحاملوا على الراجل كتير قوى

[emas]

ليه كده يا فدائى ؟؟؟؟

خليك فى الموضوع نظام اى كلام تقوله علشان مش قادر تميز حاجه مش كويسه فيك


مين بيبشر ؟؟؟؟ مين بيفسر دين ؟؟؟؟؟ مبادىء التبشير ؟ ماهى هذه المبادىء ؟ بصراحه لاعمرى بشرت ولا اعرف ان ليها مبادىء


وهولو انا ببشر مش كنت كتبت موضوعات تخدم دينى وتبشر بيه ؟؟؟




(((ابدا ده عايز يضلكم ( ودوا لو تكفرون فتكونون سواء ) ده ربنا اللى بيقول مش انا ولا الفا روميو ولا اى حد
الكفار والمشركين متغاظين لاننا مؤمنين عايزين يكفرونا )))))



مين عاوز يضلكم ؟؟؟؟؟ هو الكلام فى الحضارات له علاقه بالضلال وغيره




شوف يا فدائى ممكن فعلا الواحد يتغاظ علشان انتم مؤمنين لكن ده لما يكون الدين حكرا عليكم


يعنى ممنوع دخول الاسلام


لكن كيف يتغاظ اى احد من المسلمين لانهم مسلمين ؟؟؟؟ طيب ماهو لو عاوز ممكن يبقى مسلم

فى دقيقه





فعلا الفكر اليهودى طغى على الناس


هم ايضا عاوزين اى كلام يبقى على اساس الدين وانهم افضل ناس بسبب الدين وانهم لو قتلوا او احتلوا فهذا صح بالدين

ولو ضربوا العالم كله يبقى دفاعا عن الدين


وحاسيين ان كل العالم متغاظ منهم علشان هم يهود شعب الله المختار والنظريه انتقلت فعلا فى طريقه كلامكم

اصبحتم رفضوا حتى النقاش المظبوط والكلام الصحيح لمجرد انه خرج من واحد ليس من زمرتكم




احب اقول لسيادتك ان الوحيد الذى احترم دينك فى منبر الصوت ولم يحلل الاغانى ولم يتناولها

هو انا


وكل المسلمين اخترقوا هذا الشرط وروح انظر وشوف كم المواضيع الموسيقيه التى هناك كل اصحابها مسلمين

وانا لا اكتب فيها


وموضوع ((((والاسلام دين للعباده فقط مش للحكم ))))

انت بتكتب الجمله على قدر فهمك

الموضوع بتلخيص شديد ليس عن الدين الاسلامى ولا الحكم بالدين بل كان عن من يصلح للحكم الاسلامى من قاده يعز وجودهم هذه الايام

يعنى لم يكن هناك اعتراض منى على الدين ولا الحكم به بل على من يستطيع ان يكون فى قدرات الخلفاء
الراشدين فى زمن صعب وجود بشر صالحين وذوى عقول واعيه وليس لهم مصالح




اذا لا داعى تكتب اى شىء فقط للبلبله عندما تعجز عن الرد على ما كتبته اعلاه


اذا وافقك شىء مما اكتبه ماشى

اذا لم يوافقك ارفضه ولا ترفض الشخص الذى كتبه

واذا لم تفهم اسال

اعتقد هذه ابسط قواعد المناقاشات

[فدائي]

من الاثر
ان رجل اعمى كان يذهب الى المسجد فى صلاه الفجر ولم يكن هناك من يعينه وفى يوم من الايام تعثر وسقط على وجهه فى اليوم التالى وهوذاهب واثناء خروجه من المنزل امسكه شخص وقال له ساوصلك الى المسجد وعندما وصلا قال له ادخل انت صلى تعجب الرجل وفى اليوم التالى نفس الموضوع وهنا امسكه الرجل من يده على باب المسجد وقال له لماذا لا تدخل لن اتركك حتى تصدقنى القول فقال له الرجل انا شيطانك وعندما وقعت على الارض غفر الله لك كل ذنوبك اللتى اجتهدت على ان تفعلها طوال الايام السابقه فخفت ان تقع مره اخرى فيضيع مجهودى هباء ...