وراء الكواليس ( سبب اختفاء Subdevil) وحصريا في المنابر ;)

[kareem50]

بسم الله الرحمن الرحيم
انا بقالي مدة مش بتكلم هنا ,ولو حد فاكرني يعني ... المهم انا جايب خبر غريب من نوعة ومأسوي جدا جدا
محمد طلال ماكس مستر Subdevil >> الواد دا صحبي واخويا الكبير ..
حصلت له حاجة لا يصدقها اي عقل ... كنت من اسبوع كلمتو في التليفون وقولت انا عايز الهارد بتاعك يابو طلال عشان اخود كل الدروس بتاعتك .... قالي انا عندي خبر وحش ؟؟؟!!
قولت اوعا تقول ..اكيد اانا فهمت يا إما الهارد اتفرمت يا الحاجات المهمة اتشالت
قالي الدرايف بتاع الماكس كلو اتشال ..لما ادا الهارد بتاعو لواحد صاحبو عشان ياخد شوية اغاني
المهم انا وشي جاب اللوان عشان دا كان الطريق الوحيد الي كان هيعلمني الماكس كلوة
والواد جالو احباط ياعيني ومش عاد هيشتغل علي كمبيوتر اصلا من تاني
وبقا اهتمامو في حاجة واحدة ..المزرعة والصقور والبط
وانا الي كنت عايز ابقا بروفيشنال في الماكس ضاع املي
لذلك انا قررت حاجة كويسة بس لما اصلح النت الي عندي وعايز اعرف رأي الاخوة
انا ناوي احط كل الدروس الشغالة من اول موضوع محطوط لغاية أخر موضوع (وتحت كل موضوع صحاب الموضوع اكيد)
واعمل ترتيب للدروس بدل النعكشة الي هيا فيها
وانا شايف ان التطور الي موجود في قسم الماكس هائل عشان كدة انا جات ليا الفكرة دي
ياريت مواساة الاعضاء لمحمد طلال وليا
ورأيهم في موضوع جمع اللينكات الصالحة من الدروس

[jessing]

فهمت ولم أفهم ..

في الحقيقة لاحظت غياب Subdevil

اشتقنا له حقيقة ..

..

[String]

طبعا موضوع سب ديفل حاجه تزعل جدا واختفاءه وموضوع الحاجه اللى ضاعت دى كارثه جربتها فى مره
لكن متخفش كل حاجه خاصة بالماكس عندى من تعليم وبلجنز يعنى احنا فى الخدمة

[maxspider]

لا حول ولا قوة إلا بالله ..

ربنا يكون في عونه ..

بس هوه من قبلها منقطع عنا ... طب ليه ؟؟

[فدائي]

فعلا صب ديفيل اختفى فجاه
كان بسم الله ما شاء الله شعله نشاط
لكن لا اعتقد ان ضياع الشغل على الهارد هو سبب اختفاؤه
انا فاهم محمد كويس
محمد ممكن فى يوم يملاء الهارد دروس وشغل
ولكن اكيد وراء الاختفاء شىء اخر
انا اتمنى انه يعود
ولكن الله اعلم بظروفه يمكن هو فى حاجه انه يبعد عن الكمبيوتر
وطالما بيربى بط
يبقى اكيد لو زرناه هناكل بط
اما من ناحيه الدروس ففكره جميله منك والله المستعان

[شين.نون]

هو كان اشتكى من قبل من عدم استمراره في هواية واحدة لفترة كافية و انتقاله من مجال للأخر ، و من ساعتها بدأ يتكلم عن شغفه بالصقور و أنا كان قلبي حاسس .
و لكن ما المانع في ان يستمر في الاثنين ؟ واحدة منهما ممكن تصبح حرفة و الأخرى هواية .. خسارة و الله مجتمع الجرافكس العربي يخسر شخص بعقليته
عموما ربنا يوفقه لما فيه الخير .

[Ahmed_3d]

Subdevil ... على مستوى عالى فى الماكس...
اتمنى ان يعود لنراه قريباً ..
مع انى فى الحقيقة .. ابارك له عمله فى مجال الطيور هذا ...
و الله نفسى اعمل زيك يا محمد .. و اسيب الماكس و وجع الدماغ اللى الواحد فيه كل يوم دا ...
و بجد مبروك .. ان قدرت تاخد القرار ...
لكن متبعدش عننا كتير لأنك هاترجع مشتاق ...
نعمل ايه ..الماكس إدمان ...

[kareem50]

مشكورين علي مواستكم لي و لمحمد طلال
بس انا عايز اقول ان السبب الرئيسي الي خلي طلال يبطل شغل اول حاجة الفورمات الي حصل دا
وهو كان عايز يستمر بعد ما انقطع فترة
وانا شجعتو انو يرجع للماكس وكان ناوي فعلا
بس الحادث المأساوي دا عمل احباط عندو
ومشكور الاخ سترنج ماكس علي المساعدة
وياريت تقول ليا يا سترنج انت منين في مصر
او تديني نمرة التليفون واظن ان صب ديفيل اول مايعرف كدة هيبقا سعيد جدا
وشكرا

[Romantic-X]

هل الهارد ديسك هو الموهبة ؟ هل الهارد ديسك هو المبدع ؟ لا اظن ...كل شيء ياتي من العقل و المعرفة و لا تقل لي أنك استسلمت يا Subdevil لبتاع اسمه هارد ديسك...؟؟؟؟

هيا أخي برهن على اصرارك و تحديك للمصاعب

[kareem50]

مشكورين يا اخوة
انا كنت اتمني تكون الردود اكتر شوية عشان اقول ل Subdevil بص المنظر الهلامي بتاع المنابر
وشوف هما بيقولو ايه عنك

[max ghost]

ربنا يكرمه .. subdevil
يا ريت يرجع للمنابر ..

[أبوهاشم]

هو راح فين

ما يسير الغيبة الطويلة كذا

..

[al3ashiq64]

والله فعلا حصلت لي قبل كذا
والله حسرة وقهر لكن ما يمنع اننا نفتح صفحة جديدة ونبدأ من اول
بس بخبرة اكبر وهتكبر وتكبر وتزيد
وهذه فائدة تعود لصاحبها
واتمنى اشوفك يا subdevil بمستوى اقوى وبحماس اكبر
وان شاء الله يكون درس لك هذه المرة
فالحياة كلها تعلم تتعلم للمرة الجاية بإذن الله
تحياتي لك وانتظاري لعودتك