صفحة 1 من 2 12 أخيرأخير
النتائج المعروضة من 1 الى 20 من مجموع 40

موضوع: نيوزيلانده .. ارض الاحلام

ردود: 40 | زيارات: 13142
  1. #1
    عضو متميز
    تاريخ التسجيل
    Aug 2003
    ردود
    1,317

    نيوزيلانده .. ارض الاحلام

    السلام عليكم
    في اقصى بقاع الارض توجد دولة نيوزيلانده ساحرة بمعنى الكلمة
    انا فكر بالسفر هناك جديا ز هل يعلم احد تفاصيل الهجرة هناك ؟؟ او السفر او الاقامة
    انا افيدكم بمعلوماتي المهمة :

    تكب بالانجليزي
    new zealand


    الموضوع يبدو وردي شوية عن امريكا وكندا واستراليا

    السلام عليكم أهل الديار الموحشة .. والمحال المقفرة .. أنتم لنا سلف ونحن لكم تبع .. وإنا إن شاء الله عما قريب بكم لا حقون .. يا أهل القبور .. أما الأزواج فقد نكحت .. وأما الديار فقد سكنت .. وأما الأموال فقد وزعت .. هذا خبر ما عندنا فما خبر ما عندكم ؟ مالي أراكم لا تجيبون ؟ أما لو أنهم تكلموا لقالوا وجدنا أن خير الزاد التقوى
    علي ابن ابي طالب



  2. #2
    عضو متميز
    صور رمزية أبوهاشم
    تاريخ التسجيل
    Aug 2004
    المنطقة
    في أحب بقعة إلى الله(مكة)
    ردود
    1,201
    الله يعينك يا ولييد .. بس ترى الروحة 18 ساعة يعني .................. .

    لا اله لا الله محمد رسول الله

  3. #3
    عضو متميز
    صور رمزية emas
    تاريخ التسجيل
    Nov 2003
    ردود
    3,543
    ولا وردى ولا حاجه الموضوع شروطه اصعب

    لابد من ارسال شهاداتك للتقييم كل شهاده تتكلف 200 دولار واكثر وتنتهى فى 7 شهور

    ولابد من حصولك على الايلتس امتحان اللغه بمعدل اكبر من 6 ونصف وان لا يقل كل فرع عن 6

    فى الاربع فروع

    ثم ان تبحث عن تخصصك لتعرف اذا كان مطلوبا ام لا ومقدار البوينتس لنوع عملك

    وتجمعهم وتشوف لابد ان تكون فوق 140 لتقبل بسهوله اقل من هذا تنتظر عده سنوات

    اصلا شروط استراليا صعبه جدا ونيوزلاندا اصعب

    ولو كنت متزوج لازم هى كمان تحصل على 5 ونصف فى امتحان اللغه

    امريكا اصلا اسهل لكن تاخذ وقت كبير جدا حوالى 7 سنين

    بعدها كندا 3 سنين

    استراليا سنتين ويرفضوك

    نيوزلاندا لما تعرف تجيب البوينتس ابقى اقول لك
    _____________
    EMADSOUND

  4. #4
    كنت أفكر في التوجه لدراسة الجرافكس بـ نيوزيلانده ، لأن هناك مدرسة جرافكس كان البرنامج بتاعها شكله كويس ، بس كنت بافكر في مسألة العمل بعد الدراسة اذا كانت ممكنة ، و سألت في cgtalk و قالولي اذا كنت فاكر انك حاتيجي تشتغل في weta digital تبقى بتحلم ، صعب جدا ، بالإضافة لأن عشان تشتغل في نيوزيلانده محتاج 3 سنين خبرة . و البلد من ناحية انتاج الجرافكس فقيرة جدا و بها عدد قليل من المحطات التلفزيونية .

    السفر لهناك 24 ساعة عن طريق سنغافورة .

    و زي ماقال عماد استراليا أصعب من أمريكا و كندا ، حتى الحصول على فيزا عمل لأمريكي أو كندي للعمل في استراليا أمر يمكن تحقيقه و لكنه مزعج من ناحية الاجراءات و الطلبات لأنهم يريدون تشغيل أبناء البلد .
    -------------------
    الشارع ده كنا ساكنين فيه زمان..
    كل يوم بيضيق زيادة عمّا كان..
    أصبح الأن بعد ماكبرنا عليه..
    زي بطن الأم مالناش فيه مكان..

    (الشوارع حواديت - صلاح جاهين)
    -------------------

    سبتمبر 2002

  5. #5
    عضو متميز
    تاريخ التسجيل
    Aug 2003
    ردود
    1,317
    انا اعرف ان استراليا صعبة جدا جدا .. دا انت لو نزلت ترانزيت ساعتين تدفغ مبلغ خرافي
    ولكن نيوزيلاندة صعبة ايضا ؟ مع ان دخولها للسياحة سهل على ماعرف
    ماذا عن هذا الامتحان ؟؟ ولو عديته في احلامي طبعا دا هايسهل الهجرة ؟؟
    شهادات ايه المطلوبه بالظبط ؟؟ وفين اسال ؟؟
    السلام عليكم أهل الديار الموحشة .. والمحال المقفرة .. أنتم لنا سلف ونحن لكم تبع .. وإنا إن شاء الله عما قريب بكم لا حقون .. يا أهل القبور .. أما الأزواج فقد نكحت .. وأما الديار فقد سكنت .. وأما الأموال فقد وزعت .. هذا خبر ما عندنا فما خبر ما عندكم ؟ مالي أراكم لا تجيبون ؟ أما لو أنهم تكلموا لقالوا وجدنا أن خير الزاد التقوى
    علي ابن ابي طالب


  6. #6
    عضو متميز
    تاريخ التسجيل
    Aug 2003
    ردود
    1,317
    جمعت معلومات قيمة جدا ساوافيكم بها وانا شاء الموضوع يمشي

    كذلك ان لو عندك عرض للعمل يسهل الموضوع جدا وهناك بعض المكاتب في مصر توفرها
    وارجو الا اكون اقتربت من فخاخ النصابين
    أخر تعديل بواسطة WALEEDSS في 23 / 08 / 2005 الساعة 03:17 PM
    السلام عليكم أهل الديار الموحشة .. والمحال المقفرة .. أنتم لنا سلف ونحن لكم تبع .. وإنا إن شاء الله عما قريب بكم لا حقون .. يا أهل القبور .. أما الأزواج فقد نكحت .. وأما الديار فقد سكنت .. وأما الأموال فقد وزعت .. هذا خبر ما عندنا فما خبر ما عندكم ؟ مالي أراكم لا تجيبون ؟ أما لو أنهم تكلموا لقالوا وجدنا أن خير الزاد التقوى
    علي ابن ابي طالب


  7. #7
    عضو متميز
    صور رمزية emas
    تاريخ التسجيل
    Nov 2003
    ردود
    3,543
    لا لم تقترب من فخاخ النصابين بل انت تقيم الان وسطهم


    ما فيش حاجه اسمها جوب اوفر


    عارف يعنى ايه عرض عمل ؟؟؟؟

    يعنى ناس هناك معجبين جدا بادائك واختبروك ولقوك هديه وفلته وماعندهومش حد فى مستواك

    ومستعدين يحتفظوا لك بمكانك فى الوظيفه لما تنهى كل اجراءات الهجره سنتين تلاثه اربعه ولا يهمك على مهلك مكانك محفوظ يا باشا

    وانهم ملتزمين بعقد عمل معك لا يقل اجرك فيه عن المينمم ويج اى الحد الادنى للاجور هناك لهذا التخصص

    وانهم ملتزمين بدفع كل تاميناتك ودفع مرتبك كله دفعه واحده اذا فسخوا هذا العقد معك

    قل لى مين حمار يرضى يعطى عقد يوديه فى داهيه لواحد عمره ما شافه ؟؟؟؟؟؟؟


    طبعا النصابين يبيعوا لك عقد وهمى وياخدوا فلوس مقدما وتيجى السفاره لا تعترف بكل هذا

    والجميل فى السفارات انهم يرفضوك ولا يعطوك سببا لذلك فطبعا لو ترجع لمن غرر بك واعطاك العقد الفذ اياه

    يقول لك العقد سليم لكن شكلك ما عجبتهمش


    شوف بالطول والعرض المبادىء واحده :

    1- لا يوجد عرض عمل ممكن استقدامه من اى بلد بها هجره وعلشان تفهم الجزء ده اكثر لانك ستقول لى

    الله ؟؟؟ امال كاتبين ليه فى الشروط ان لو فيه عرض تاخذ نقاط ؟؟؟؟؟


    الجواب : لان كثيرين يتقدموا للهجره من داخل نيوزلانده او من كندا او او او او

    هم فعلا يعملون هناك تبع شركه لها فرع هناك او انهم فى وضع اقامه مؤقته بعقد عمل تم نقلهم الى فرع هناك

    ثم ارادوا ان يستقروا ويصبحوا مواطنين رسميين

    اذا هم يعملوا هناك اصلا

    + ان المكان يريدهم ان يستمروا او شركه منافسه تريدهم ان ينتقلوا اليها فيعطوهم عرض العمل هذا


    لكن من خارج البلد ؟ مش ممكن الا لو انت حاصل على نوبل او تخصص فريد من نوعه لا يوجد عندهم

    او ستمرض مرضى الايدز او عجبت الحاكم


    ثانيا الشهادات


    هم لا يعترفوا الا بشهادات صادره من دول الكومنولث ( بريطانيا - كندا - استراليا - جنوب افريقيا )

    غير هذا يتم موازنه شهادتك بما يماثلها هناك فطبعا لو بكالريوس من مصر يعادلوه بمعهد سنتين عندهم

    وهذا يتم بارسال الشهادات بكافه تفاصيل المناهج وعدد ساعات الدراسه لكل ماده والتقدير لكل ماده لكل سنه دراسه

    وبعد 7 شهور ترسل لك هذه الجامعه عندهم شهاده تقول ما هو مستواك بالنسبه لهم

    عندها فقط تعرف تحسب النقاط للهجره لانك لو تعتمد على تقديرك انت للبكالريوس ستضع عددا من النقاط

    طيب افرض هم قيموك = ثانويه عامه عندهم ؟؟؟؟؟ تبقى النقاط قلت واختلفت


    امتحان اللغه يتم هنا فى المركز الثقافى البريطانى وينقسم الى 4 امتحانات سمع - تحدث - وكتابه موضوعين تعبير - وتحريرى

    الدرجه المسموح بها فى نيوز لانده

    6 ونصف فى محصله الاربعه

    على ان لا تقل الدرجه عن 6 لكل امتحان منفرد

    اتخن تخين فيكى يا مصر حصل على 7 ونصف ومرض بعدها 3 شهور واول حرف من اسمه ع

    معظم الدرجات التى حصل عليها من عدى هذا الامتحان تتراوح بين 4 و5

    وقليلون جدا بستر ربنا فقط حصلوا على اعلى من ذلك

    الامتحان رسومه 800 جنيه ولا يسمح لك بتكراره الا كل 3 شهور والتكرار قد يعطيك درجات اقل

    الكتب : لا يوجد الا كتب بها امثله للامتحان واجابات ثمنهم 800 جنيه ولا يفيدوا فى شىء لان كل مره امتحان مقزز مختلف تماما عن الامثله

    الدورات : 1000 جنيه يقوموا بحل ما هو فى الكتاب

    المستوى : لا ياتى بالمذاكره ولا الاجتهاد هو يا اما مستواك اصلا رائع من تراكم السني او العمل مع اجانب وكثره محادثاتك وكتباتك بالانجليزيه

    او كنت فى مدرسه انجليزيه ( ليست امريكيه ولا تجريبيه ولا فرنسيه ولا لغات خاصه )


    لكن المحاوله فيه انا انصح بها

    الشهاده تتقادم وتسقط بعد سنتين يعنى لو انتظرت ولم تقدمها فى خلال سنتين راحت عليك وتعمل امتحان جديد


    بعد ذلك ستجد ان معظم ما يعطى نقاط عاليه هو سابقه وجودك عندهم او انك تعلمت هناك او عملت هناك

    غير ذلك كلها نقاط قليله وبعض الاعمال لها اولويه وغالبا اعمل تضحك مثل حلاق -جناينى- سباك - ممرضه

    شد حيلك
    _____________
    EMADSOUND

  8. #8
    عضو متميز
    تاريخ التسجيل
    Aug 2003
    ردود
    1,317
    عرفت ليه بيسموها ارض الاحلام
    اجابه شافيه ووافية عماد الف شكر
    بس انا ناوي اقوي نفسي في اللغة واخش الامتحان لانه مش هايخسر كده كده محتجينها في الكتب والتعليم
    انا خبرة تقارب سنتين في شركة امريكيه هل ينفع هذا ام لا

    انا لما قريت ردودك وجدتها منطقية وازداد حبي لمصر

    طيب في ناس تدخل سياحة وتدور هناك على عمل قبل انتهاء المده مامدى المجازفة هنا ؟؟
    السلام عليكم أهل الديار الموحشة .. والمحال المقفرة .. أنتم لنا سلف ونحن لكم تبع .. وإنا إن شاء الله عما قريب بكم لا حقون .. يا أهل القبور .. أما الأزواج فقد نكحت .. وأما الديار فقد سكنت .. وأما الأموال فقد وزعت .. هذا خبر ما عندنا فما خبر ما عندكم ؟ مالي أراكم لا تجيبون ؟ أما لو أنهم تكلموا لقالوا وجدنا أن خير الزاد التقوى
    علي ابن ابي طالب


  9. #9
    عضو متميز
    صور رمزية emas
    تاريخ التسجيل
    Nov 2003
    ردود
    3,543
    اشكرك

    طبعا عملك فى شركه اجنبيه يحسن لغتك الاجنبيه بقوه لا يقعلها اى كورس ولا اى امتحان

    عمليه السفر سياحه

    مجازفه كبيره جدا لكنها ممكنه لغير المتزوج وصغير السن ممكن طبعا كافضل طريقه ان تتزوج من هناك

    حتى لو كنت بتتكلم صعيدى بس ستحصل على الاقامه ( بس و ما رفعتش راس المصريين عندها سترميك
    فى المحيط )

    غير ذلك مقدار المجازفه كبير جدا جدا خصوصا ان تكلفه السفر لبعدها كبير جدا

    وايضا هناك مشكله ان تعمل هناك لان التاشيره يكتب فيها انك ممنوع من العمل فتضطر ان تعمل فى الخفاء فى وظيفه مهينه وراء كواليس العمل وتحضر مخبأ اذا حضر البوليس لاى سبب

    وتتجنب ان تشاكس او ان تدافع حتى عن نفسك اذا تعرضت للضرب حتى لا يحضر البوليس

    وطبعا يعطوك مرتب ربع النيوزلاندى

    مش عارف انصحك بهذه المغامره كانت زمان بتنفع لكن ادعى لاسامه بن لادن قفل علينا كل البلاد

    وياويلك لو ضبطوك هناك بطريقه غير شرعيه غالبا ستحصل على تاشيره مجانيه لجوانتيامو او ابو غريب


    وحتى لو كنت مسيحى سيفعلوا بك نفس الشىء وابقى اثبت انك مسيحى


    ده حتى عندنا فى مصر قبضوا على مسيحيين لانهم فى تنظيم الجهاد



    =

    المهم الصعوبه حاليا كبيره جدا لاى بلد وكل يوم تزيد الصعوبه بفضل التفجيرات ولبيانات وغيرها

    وعندهم حق خايفين من دخول مزيد من العرب واصبحم يفضلون الهنود والصينيون

    لانهم اكثر تفوقا وعملا ولم يظهر منهم مشاكل


    فى ظل لظروف الحاليه حاول تكون طريقتك شرعيه 100% وكمان تقول ربنا يستر
    _____________
    EMADSOUND

  10. #10
    حُـــس
    صور رمزية downs_mass
    تاريخ التسجيل
    Feb 2004
    المنطقة
    أينما ذكر اسم الله في بلد.. عددت ذاك الحمي من صُلب اوطاني
    العمر
    36
    ردود
    7,612
    عماس مبخر الاحلام

    هههههههههههه

    ___________________




    خلاص متزأش وتقلي الخبره

    ههههههههععععععععع
    وما فتىءَ الزمان يدورحتى
    مضى بالمجدِ قومٌ أخرونَ
    وأصبح لا يُرى في الركب قومي

    وقد عاشو أئمته سنينَ
    وآلمني وآلم كل حرٍ
    سؤال الدهر أين المسلمينَ ?

    اذا لم تجد ما تحب فحب ما تجد

  11. #11
    عضو متميز
    تاريخ التسجيل
    Aug 2003
    ردود
    1,317
    انا ان شاء هابدا في تقوية في اللغة حيث انها الحاجة الوحيدة اللي مش هاتخسر
    كده كده محتاجينها

    هادي لنفسي فترة سنه واشوف الافلام من غير ترجمة وجيب شرائط المواضيع بتاعت بي بي سي وغيرها
    وبعدين يعدلها ربنا

    في شركات نيوز لندية ممكن تساعدك في الحصول على فرصة عمل ودول معتقدش انهم كدابين لان الكدب عندهم جريمة لاتغتفر
    بس مفيش اي امل من غيرشهادة الايلتس
    السلام عليكم أهل الديار الموحشة .. والمحال المقفرة .. أنتم لنا سلف ونحن لكم تبع .. وإنا إن شاء الله عما قريب بكم لا حقون .. يا أهل القبور .. أما الأزواج فقد نكحت .. وأما الديار فقد سكنت .. وأما الأموال فقد وزعت .. هذا خبر ما عندنا فما خبر ما عندكم ؟ مالي أراكم لا تجيبون ؟ أما لو أنهم تكلموا لقالوا وجدنا أن خير الزاد التقوى
    علي ابن ابي طالب


  12. #12
    عضو متميز
    صور رمزية emas
    تاريخ التسجيل
    Nov 2003
    ردود
    3,543
    خلاص يا داون ابحث عن ( مكثف )
    _____________
    EMADSOUND

  13. #13
    عضو متميز
    تاريخ التسجيل
    Aug 2003
    ردود
    1,317
    مقلتليش ياعماد في مواقع كنديه توفر جوب اوفر
    ما موقعها من الاعراب؟؟
    السلام عليكم أهل الديار الموحشة .. والمحال المقفرة .. أنتم لنا سلف ونحن لكم تبع .. وإنا إن شاء الله عما قريب بكم لا حقون .. يا أهل القبور .. أما الأزواج فقد نكحت .. وأما الديار فقد سكنت .. وأما الأموال فقد وزعت .. هذا خبر ما عندنا فما خبر ما عندكم ؟ مالي أراكم لا تجيبون ؟ أما لو أنهم تكلموا لقالوا وجدنا أن خير الزاد التقوى
    علي ابن ابي طالب


  14. #14
    عضو متميز
    صور رمزية emas
    تاريخ التسجيل
    Nov 2003
    ردود
    3,543
    على حسب علمى لا يوجد جوب اوفر وحتى لو الشركات كنديه ولا نيوزلانديه هم ايضا نصابين


    هو مين قال ان الاجانب معندهمش نصابين ؟؟؟؟؟؟؟


    لن ياتى عرض عمل طول ما انت خارج بلدهم الا لو بتشتغل اصلا فى فرع ليهم هنا فى مصر وينقلوك هناك

    او انك عالم ذره او مخترع او تفعل شىء لا يوجد عندهم مثيله ويريدوك هناك


    وستجد بابا كاملا لهذا موجه للحاصلين على نوبل او شهادات علميه عالميه تقديريه فى صفحات الهجره الرسميه فى النت



    شوف افضل شىء امشى صح

    السن له نقاط

    الشهاده العلميه لها نقط فوريه فى كندا فقط لكن نيوزلانده واستراليا لا بد من تقيمها اولا بواسطه مراكز تقييم عندهم غير تابعه للسفاره

    سابقه التعليم عندهم او العمل عندهم لها نقاط

    امتحان الايلتس اساسى جدا جدا جدا وله نقاط

    امتحان الفرنسيه له نقاط فى كندا فقط

    وجود قريب درجه اولى وثانيه ( ام -اب -اخ- اخت ) = 5 نقاط فى كندا فقط

    الخبره اكثر من 4 سنين تتساوى فى النقاط

    الوظيفه والتخصص لها نقاط تبعا لاحتياجهم وتتغير كل يوم

    الحد الادنى 67 نقطه فى كندا اقل من ذلك لا تقدم اوراقك لان ستفقد مصاريف باهظه وسترفض

    فى استراليا ونيوزلانده 120 نقطه 100 يرموك فى الانتظار سنتين ويقولوا لك اسفين راحت عليك

    + مبلغ هلامى لطيف يكفى الحياه لمده 6 شهور هناك بدون عمل وعليك اثبات انك تمتلكه ويكون سائلا اى ليس عقارات ولا سيارات ولا اراضى بل نقـــــــــــــــــــــــــــــــــــــــــــــــــــــــود باسمك فى البنك

    قابله للتحويل لهناك واول ما تصل اليهم اذا كنت لا تحملهم ترجع فى نفس الطائره ولا تدخل بلدهم مره اخرى


    يعنى تستلف ولا تزور ان عندك فلوس فى البنك او تضع الفلوس ثم تسحبهم بعد ما تاخذ شهاده

    لن ينفع سيكشفوك فى المطار هناك وتبقى فضيحتك بجلاجل



    هناك حل واحد اسهلهم كلهم وهو مقاطعه كيبك الكنديه

    فيها السن يعطيك نقاط كبيره لو انك فى العشرينيات

    لا تطالب بامتحان ايلتس لكن سيكون هناك مقابله بالفرنسيه يا حلو ومنها يقيموا قدرتك على فهم الممتحن والاجابه عليه

    وبعدها يقبلوك اذا عجبهم مستواك ومخططاتك للحياه هناك

    طبعا مع كل الشروط السابقه والدفع اياه للطلب وهو حوالى 700 دولار رايحين عليك فى كل الاحوال

    + 900 دولار ثمن الفيزا + رسوم مفاجئه للكشف الطبى

    طبعا مع وجود فيش وتشبيه وخلو ملفك من اى اعتقالات او جرائم سابقه وموافقه امن الدوله على سفرك وهذا يستلزم وقتا لطيفا جدا حوالى سنه ونصف حتى يذهب الفراش من المجمع للشارع الذى خلف المجمع حاملا الموافقه


    طبعا كل اوراقك من شهاده ميلاد جيش زواج تطعيم لابد من ترجمتها داخل الوزارات المصريه وليس فى مكتب ترجمه من اياهم

    ولو حصل انا ترجمت ورقه فيها كلمتين ب 200 جنيه علشان المكتب معتمد عند السفاره


    طبعا ليس لى بل لاقارب ينوون الهجره

    المهم التكاليف للاسره من 4 افراد


    7000 جنيه رسوم تقديم + 10000 جنيه للفيزا النهائيه + الكشف الطبى الذى لم يصلوا اليه وهو اخر مرحله



    فاذا لم تكن واثقا من قبولك لا تفعل

    اى كلام من اى شركه او محامى او مستشار هجره ((((((( لا تفعله )))))))

    خليك مع السفاره فقط
    _____________
    EMADSOUND

  15. #15
    عضو متميز
    تاريخ التسجيل
    Aug 2003
    ردود
    1,317
    جامد جدا ياعماد
    وفرت علي خبرة سنين
    طيب انا ابيض في الفرنساوي ( ثانوية سعوديه )


    بماذا تنصحني ؟
    السلام عليكم أهل الديار الموحشة .. والمحال المقفرة .. أنتم لنا سلف ونحن لكم تبع .. وإنا إن شاء الله عما قريب بكم لا حقون .. يا أهل القبور .. أما الأزواج فقد نكحت .. وأما الديار فقد سكنت .. وأما الأموال فقد وزعت .. هذا خبر ما عندنا فما خبر ما عندكم ؟ مالي أراكم لا تجيبون ؟ أما لو أنهم تكلموا لقالوا وجدنا أن خير الزاد التقوى
    علي ابن ابي طالب


  16. #16
    وليد : لو عاوز الـ 8 درجات بتوع الفرنساوي في التقديم لهجرة كندا ، كل ما عليك هو أخذ كورسات في المركز الثقافي الفرنسي بالمنيرة أو مصر الجديدة ، لو خلصت الكورس الخامس دي بتعتبر شهادة ، و هذه الشهادة حسب ما سمعت من المدرسين هناك و من طلبة كانوا بياخدوا الكورس مخصوص لهذا الغرض ، هذه الشهادة تعطيك الثمانية درجات الخاصة بالفرنسية كاملة .

    أي لغة في الدنيا عاوزة ممارسة ، للأسف أنا كنت شاطر جدا في الفرنساوي في ثانوية عامة و خلصت الجامعة و أخذت الكورس حتى المستوى الخامس ، بس من ساعتها انقطعت صلتي باللغة اللهم الا من بعض الأغاني و مجموعة قليلة جدا من الأفلام . المشكلة الثانية إني من هبلي مارحتش أخد الشهادة لأني اتلخمت في الشغل.. عموما أظن الشهادة ليها وقت أصلا و لو كانت معايا دلوقتي ماتنفعش لأن مر عليها أكثر من سنة و نصف . ولا إيه يا باشمهندس عندك أي فكرة عن الموضوع ده ؟.. بالمناسبة يا باشمهندس عماد أنا عندي ليك كام سؤال مش عارف حالاقي اجاباتهم عندك أم لا ، بس سأرسلهم لك على الخاص .

    و شكرا على المعلومات المستفيضة .
    بس قل لي .. هل مازلت تفكر في الهجرة شخصيا ؟
    -------------------
    الشارع ده كنا ساكنين فيه زمان..
    كل يوم بيضيق زيادة عمّا كان..
    أصبح الأن بعد ماكبرنا عليه..
    زي بطن الأم مالناش فيه مكان..

    (الشوارع حواديت - صلاح جاهين)
    -------------------

    سبتمبر 2002

  17. #17
    عضو متميز
    صور رمزية خالد امين
    تاريخ التسجيل
    Feb 2004
    المنطقة
    مصر
    العمر
    38
    ردود
    1,176
    ودى سعرها كام يا شريف او سعر القرص كام
    ان الله اذا غضب على قوم منحهم كثرة الجدال وقلة العمل


    ساب نفسه لحد ماضاع وياريته فاق ليليه من الاوهام

  18. #18
    عضو متميز
    تاريخ التسجيل
    Aug 2003
    ردود
    1,317
    شكرا ليكم شباب
    بصفتك في كندا ياشريف
    ايه امكانية انك تحصل على فرصة عمل من خلال علاقاتاك الحاليه او علاقات المدرسة ؟؟؟
    وهل انت ناوي تكمل في مصر بعد الدراسه ؟؟ انا راي انك تبعد عن هنا لان نظام بتاع كله ده بيدمر اكثر مابيدي
    ينفع كبدايه لكن لازم تخصص . اسال عن دكتور علاء المتخصص في رندر مان
    نرجع لموضوعنا
    انا هابدا في البرتش كنسل كمان كام اسبوع

    المستوى ب 720 جنيه لمدة شهرين
    ان شاء الله بداية الطريق نحو الخارج
    السلام عليكم أهل الديار الموحشة .. والمحال المقفرة .. أنتم لنا سلف ونحن لكم تبع .. وإنا إن شاء الله عما قريب بكم لا حقون .. يا أهل القبور .. أما الأزواج فقد نكحت .. وأما الديار فقد سكنت .. وأما الأموال فقد وزعت .. هذا خبر ما عندنا فما خبر ما عندكم ؟ مالي أراكم لا تجيبون ؟ أما لو أنهم تكلموا لقالوا وجدنا أن خير الزاد التقوى
    علي ابن ابي طالب


  19. #19
    خالد : سعر الكورس على أيامي كان على ما أذكر 360 جنيه للمستوى الواحد ، و من حقك تاخد المستوى مكثف أربع حصص في الاسبوع و يخلص في شهر ، و من حقك تاخده غير مكثف (عادي) حصتين في الاسبوع و ياخد شهرين .

    أنا جربت كليهما و احب اقول ان المكثف أحسن ، صحيح مجهوده صعب جدا و مرهق لأنه ثلاث ساعات كل يوم (أو ثلاثة و نصف.. مش فاكر) .. بس بتمارس اللغة كل يوم و بتعمل الواجب و تذاكر أكثر ، بينما المرتين في الاسبوع بتبقى مريّح و أنا شخصيا لما يدوني فرصة أريّح باسوء فيها

    وليد : بالنسبة للمدرسة فدائما يأتينا ناس من شركات عالمية تريد تشغيل الناس و أخرها كان bluesky و bioware ، و EA عاوزة modelers طول الوقت ، و لكن أنا لست modeler و حتى لو جائتني فرصة عمل في EA فلن أعمل بها . و لكن شوف مع الفرص دي كلها .. فرصتي أنا ضئيلة جدا و تكاد تكون معدومة ، لدي هنا أصدقاء أوروبيون يريدون الاقامة في كندا و الأمر بالنسبة لهم صعب أيضا ( و لكن أنا أصعب) ، الأمر كله يكمن في مشكلتين.. الأولى عقد العمل ، لو وجدت شركة ترعاك و مستعدة تعطيك عقد عمل هذا سيسهل لك الحصول على فيزا العمل work permit ، هذه الشركة أمامها خيار كبير من الكنديين ، يليهم الامريكيين (فرصتهم في العمل في كندا سهلة جدا) ، يعني لما يخلصوا كل دول و يتزنقوا في ناس.. يبصوا يشوفوا بقية العالم.. خللي بالك ان مافيش شركة حاتوجع قلبها في فيزا و مشاكل عشان فرد واحد لو كان مين ، فيه حكاية حكاهلنا مدرس عن صديق له (أظن أني رويتها من قبل في المنابر) يعمل منذ 10 سنوات في ILM و مركزه هناك عالي و لكن يعاني من مشاكل في تجديد الفيزا في أمريكا.

    أما المشكلة الثانية ، فهي أن الطلبة الدوليون في مدرستنا ينقسمون في مركز الهجرة و العمل إلى قائمتين كل واحدة لها موظفوها و مشرفوها ، قائمة منهم القائمون بالعمل عليها أناس صعبة جدا لدرجة أني سمعت عن ناس جالها شغل و اترفضت والثانية أسهل . أن تكون في أي قائمة.. انت و بختك .

    أنا شخصيا من قبل ماجي هنا لم أكن عاقد أي أمال على العمل هنا ، أنا لا استطيع الابتعاد عن مصر ، عارف انها مليانة سلبيات و خربانة و فيها العجب.. بس فعلا اللي ايده في المية مش زي اللي ايده في النار ، و الغربة فعلا و الله العظيم نار كاوية مهما كان لك أصدقاء و معارف هنا ، و أنا الحمد لله لي العديد من الأصدقاء و مهونين علي اقامتي هنا بشكل كبير . و عموما انا لما بافكر في المستقبل بخاف.. عشان كده ان شاء الله حاعمل اللي علي دلوقتي و الباقي على ربنا .

    انت قل لي.. ايه اخبار سوق الجرافكس في مصر.. و فيه أمل ؟.. و ايه حكاية د.علاء رندر مان ده ؟.. مش فاهم .. اشرح لي قصدك ايه بموضوع التخصص .. يعني المطلوب في مصر حاليا متخصصين و لا بتوع كله ؟

    أنا طول عمري مش مؤمن بموضوع بتاع كله.. مستحيل ياعالم.. اعرف كل شئ عن شئ ، و شئ عن كل شئ .. أنا شخصيا لست قوي في المودلنج أو الإضاءة أو الرندر أو المحاكاة.. و ذلك لأني أحاول التركيز في الأنيماشن .

    المهم.. ربنا يوفق الجميع .
    -------------------
    الشارع ده كنا ساكنين فيه زمان..
    كل يوم بيضيق زيادة عمّا كان..
    أصبح الأن بعد ماكبرنا عليه..
    زي بطن الأم مالناش فيه مكان..

    (الشوارع حواديت - صلاح جاهين)
    -------------------

    سبتمبر 2002

  20. #20
    باشمهندس عماد : بالنسبة للأسئلة اللي كنت حارسلها على الخاص ، افتكرت و لقيت اجابة لبعضها ، عموما شكرا يا باشا و اسفين للازعاج .
    -------------------
    الشارع ده كنا ساكنين فيه زمان..
    كل يوم بيضيق زيادة عمّا كان..
    أصبح الأن بعد ماكبرنا عليه..
    زي بطن الأم مالناش فيه مكان..

    (الشوارع حواديت - صلاح جاهين)
    -------------------

    سبتمبر 2002

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل