ياشباب وش الزود في السينما؟

[ابو خاطر]

السلام عليكم
بس حبيت أفهم وش الزود في سينما 4d
يعني إلى درجة أن ناس تترك الماكس وتتحول إلى السينما!!

[Ali 2002]

مافيه زود

لكنه أسهل ومرتب أكثر من الماكس والرندر أسرع

[ظبياني]

الماكس أقوى برنامج ثريدي على الإطلاق و فيه اشياء كثيره تفوق إحتياجاتك الشخصية , و اذا فكرت تتعلم عليه كله بياخذ من عمرك خمس سنوات على أقل تقدير , برنامج السينما مناسب لسهولته في التعامل و إيجابيته في إخراج الأعمال .

وعلى الرغم من إن دروس الماكس منتشره في كل مكان و لكن تجد بعض الناس تتركه و تكره الثريدي بسببه بعكس السينما الي نادرا ما تحصل دروس جديده له و لكن من خلال الدروس القليله المتوفره تفهم كل شيء فيه و بسرعه .

[ابو خاطر]

يعني ياشباب أنا بصراحة لي أربع سنوات على الماكس ومع هذا ما أستطيع أسوي فلم كرتوني أو حركي وأنا
بصراحة أرغب في أن أكون متمكن في الأفلام الحركية فهل السينما يدعم هذا بقوة وهل من السهولة عمل الأفلام عليه أم أنه صعب مثل الماكس ؟
وثانيا في أحد من الشباب من سكان الدمام أو الخبر أوحتى الرياض لأن دراستي فيها حتى ناخذ ونعطي معه بشكل أكبر
وتصدقون أني مالقيت السينما في الدمام فضلا عن سديهات تعليميه!!

[Lightning Glow]

الماكس أقوى برنامج ثريدي على الإطلاق و فيه اشياء كثيره تفوق إحتياجاتك الشخصية ,

معقول هذا كلام ظبياني ؟؟؟

السينما فوردي برنامج محترف وقوي جدا في المودلنج والأنيميشن ، وهو أسهل برامج الثريدي ، ولكنه سهل جدا في البداية ومع مرور الوقت والتعمق فيه سترى أنه يحتوي على ادوات متطورة جدا مثل الـ Mocca للكراكترز وغيره ، وايضا البرنامج الخفي المدمج مع السينما وهو Xpresso الذي إذا فهمته جيدا فستدخل عالم الاحتراف بكل قوة .... وكذلك الـ Thinking Particles والداينمكس ، إذاً فهو برنامج للمحترفين وفي اعماقه الكثير من الامور والادوات التي ليست بالسهلة !!

[ظبياني]

الأخ Lightning Glow

انا عارف إن السينما برنامج قوي و عنده إمكانيات تنافس أي برنامج ثريدي آخر و أكبر دليل شعبيته المتزايده كل يوم في العالم , بس قصدي إن برنامج الماكس يعطيك تفاصيل التفاصيل ويمللك بكثرة الخيارات و الادوات , انا كل ما اضغط على خيار على اساس إني بجربه الاقي قائمه طويله فتحت في الشاشه و فيها مليون خيار و تعديل !!!

و الشيء المضحك مع إن الماكس فيه كل هذه المميزات و لكنه يبقى برنامج ( بكتيريا ) دائما يعتمد علي البرامج الأخرى في الرندر او الحركة و المقابس حدث ولا حرج , اما برنامج السينما فهو برنامج يغنيك عن إستخدام برامج متعدده .

انا ما احب الماكس لكن لازم نكون صريحين الماكس حاليا هو أقوى برنامج بالنسبه ( للمحترفين العالميين ) و انا اتوقع السينما يوصل للماكس بسرعه لان بداية السينما ممتازه لسهولته و سرعة فهمه و به كل شيء يحتاجه اي مصمم ثريدي .

[ابو خاطر]

شدعوة ياشباب عطيتوني خاااااااامس:d

[abdullafx]

لا يا ظيباني .. شدعوه ماكس قوي وخطير !! أوكيه أقدر أقول فيه إمكانيات كبيرة لكن قوي ؟؟

قوي في شنو؟؟ سرعة الرندر؟؟ ولا طريقة المودلنيغ؟؟

يعني إذا كان الماكس قوي .. شيطلع السينما فوردي؟؟ .. قوقوي !! ولا قوي دبل !!
وشيطلع المايا ؟؟

نكون صريحين شوي .. الماكس منشر أكثر بس في الدول العربية .. لكن في الغرب .. ليس منتشر كثر المايا وباقي البرامج المنافسة .. بس عندنا الماكس منتشر أكثر علشان الكتب اللي باللغة العربية وكثرة المنتديات إللي عددها أكثر من مستخدمي الماكس أنفسهم !!؟؟

إلا إنه أتعس برنامج ثري دي شفته في حياتي .. وعلى فكرة .. السينما فوردي أيضاً به خيارات كثيرة لو تعمقت بها لعلمت إنه برنامج لا يستهان به .. والحلو في الموضوع إنها خيارات سهلة التعامل وتخرج بنتيجة مدهشة.