أي واحـــــــــــــــــد ساكـــن في الـــريـاض يدخــل

[أبو دجانة]

السلام عليكم ورحمة الله وبركاته :


حقيقة عندي إقتراح لساكني الرياض

فكرة الإجتماع

هذه الفكرة تختصر علينا كثيراً من الوقت والجهد

بأن يجتمع شباب الرياض كل أسبوع أو أسبوعين مرة في أي مكان في الرياض وتكون بشكل دورية

ويكون في هذا الإجتماع ( قهوة وشاهي وعشاء وفلة حجاج ) والأهم مناقشة ما يدور في المونتاج وتبادل البرامج والفلاتر والدروس وكذلك الخبرات وأنا مستعد أخدمكم بالشيء إلي عندي

وممكن تبلور الفكرة مرة أخرى

من يوافق على الفكرة

صدقوني بترتاحون من عناء البحث في الإنترنت إذا تم هذا الإجتماع

[SamMax]

أنا من سكان الرياض وأوافق رأيك .. بس لازم تحدد يوم يكون الكل فاضي .. فمثلا أنا عندي دوام أيام الأسبوع ويوم الخميس والجمعة فاضي ....
وأتمنا أن يعجب الشباب الباقيين الرأي

[أبوالوليد]

وانا مستعد أزوركم بالشهرين مرة أجيكم طيران من ينبع ويصير الأجتماع ثلاث ايام

[ساهره]

وانا مستعده اجتمع معكم والبس ثوب وشماغ واضع شوارب وهميه ...
بس اخاف تكتشفوني

لا تصدقون أمزح ..

عموما ياليت منكم اذا تجتمعون تنقلون لنا الاجتماع على الاقل كل اسبوع واحد يكتب نتائجه ونستفيد منكم .

تحياتي لكم والله يوفقكم .

[SamMax]

والله اشوف مافي غير كم واحد متحمس والباقيين مطنشين .... تصدقون لو نشترك مع بعض وتشترك الأفكار .. يمكن نسوي مكتب انتاج واعلام ونخرب على السوق

[النحوي]

وعليكم السلام ورحمة الله وبركاته

أنا ماعندي مانع أزرق الرياض مرة كل شهر أجيب معي من بريدة
( جح.. جراوة.. سكري.. كليجا..)

ترجمة المصطلحات
1- الجح : البطيخ أو الحبحب
2- الجرو: الشمام
2- الكليجا: نوع مشهور من الحلوى في القصيم طبعا ذكرت الترجمة أخاف يشره علي أحد الأخوان ويحسب أني أبي أجيب فلاتر

[جلمود]

يعطيك العافيه اخوي ابودجانة على هذا الأقتراح وانا معاك...........
انا من سكان الخرج ودراستي في جامعة الأمام محمد بن سعود....
واي خدمه انا مستعد

[أبو دجانة]

SamMax
جزاك الله خير على التفاعل . الاجتماع سيكون بإذن الله في نهاية الأسبوع بس نشوف البقيه موافقين والا لا

أبو الوليد :
ما قصرت وإن شاء الله نستقبلك في المطار

ساهره :
إن شاء الله إذا تم الإجتماع سنكتب في المنابر خلاصة الجلسه

النحوي :
أهم شيء الكليجا تراه يا شباب فلتر ممتاز يعالج البطن هههه
مشكور على التفاعل


جلمود :
الله يعطيك العافيه على الحماس







والله يا شباب ما قصرتوا وسيتم الإجتماع بإذن الله بس نشوف البقيه هل هم متحمسين والا لا

[أبو دجانة]

وين البقيه ......

والا نبدأ بتنسيق موعد الجلسه على الرسائل الخاصه

[Steady Cam]

تم اجتماع بهذه الطريقة اكثر من مرة .. و استفادوا ... الشباب ..

[أبو دجانة]

Steady Cam
بارك الله فيك على دعم الفكرة بتجربة سابقه

[user_123]

ياااسلام عليك يا ابودجانة ووووينك من زمان ! ما اقترحت هالفكرة الا لما صار وقت سفري !!!!
انا من الرياض و لكن ادرس خارج المملكة ... لو ترتبون لقائكم ويستمر الى المدى البعيد انشالله اشوفكم في اجازاتي
على العموم ياليت تنقلون لنا وش يصير معاكم وتفيدونا
ولو يخصص قسم : لقاء الأعضاء مثلاً والله من صالح الشباب و المنتدى ...

اتمنى لكم كل خير ... واتمنى لك اخي ابو دجانة واخواني في المنابر التوفيق والسداد

وجزيتم خيرا

[خالد _50]

انا من سكان الخرج ومتواجد في الرياض على طول المهم إذا بيصير فيه اجتماع انا مستعد حتى فيه
كم شخص من زملاي مهتمين في المجال ادعوهم اذا حبيتم لاكن انا مستعد انتوا حددوا الوقت بس
وبصراحه اقتراح طيب اخ :ابو دجانه






لتواصل: asd9116@hotmail.com

[أبو دجانة]

user_123
إن شاء الله تروح وترجع بالسلامه وسيستمر بإذن الله اللقاء

خالد - 50

الله يعطيك العافيه وحياك الله أنت وزملائك

وإن شاء الله سيحدد الموعد

[أبو دجانة]

تم إرسال رسالة خاصة للموافقين على الإجتماع