~*~*~ =_= *~ رمضان جانا..أهلا رمضان..قولوا معانا..أهلا رمضان ... ~* =_= ~*~*~

[أبواسلام]

السلام عليكم ورحمة الله وبركاته

..لعلك أخى القارىء,أو اختى القارئة تعتقد من الاسم باننا نقدم جميع أنواع الحلويات و الياميش بمناسبة الشهر الكريم..لكن اعذرونى ..لا يوجد شىء من هذه الان..الحلوى هنا هى( كيف نستقبل شهر رمضان؟)..أظنكم ستقولونيييييييييييى، يا عم احنا عارفين كل اللى ح تقولوا!)....
ممكن حضراتكم تسمعونى...فكلامى عن رمضان سيكون له طعما أحلى من الشاميات ان شاء الله...ممكن أبدأ؟؟.
أولا ان الحمد لله..و الصلاة و السلام على رسول الله،أما بعد:-
كل عام و انت الى الله أقرب وعلى طاعته أدوم، ويا ترى ..انت ناوى على ايه؟؟..ح تصوم زى السنة اللى فاتت؟؟..لابد أنك تعرف ماذا يريد الله من وراء الصوم؟؟..وقبل الاجابة..لقد سبقك الله فى الاجابة فى قوله تعالى:-"يا أيها الذين أمنوا كتب عليكم الصيام كما كتب على الذين من قبلكم لعلكم تتقون"..يعنى الهدف من الصيام هو التقوى..بمعنى انك لازم بعد رمضان تكون تقى..يعنى تكون أحسن من الاول.
طب ما هو معنى التقوى؟؟؟...صراحة للتقوى معان كثيرة, و أكتفى بهذا المعنىأن يجدك الله فيما أمرك، ولا يجدك حيث نهاك)..يجدك فى الصلاة..فى الامر بالمعروف..فى الخير...ولا يجدك فى الزنا..فى العادة السرية..فى السرقة...الخ.
بمعنى أنك تبنى حاجز بينك وبين عقاب الله بطاعته..وتتقى الله فى جميع أعمالك.
طب ممكن أسأل سؤال؟؟..علشان نربط الصيام بالتقوى!!...عاوز تعرف صيامك قبل أم لآ؟؟...أسأل نفسك طوال العام,من رمضان الى رمضان...هل ازددت قربا الى الله؟؟..بتصلى فى المسجد؟؟بتصلى السنن؟؟؟..هى دى التقوى..ولو غير كده ..حاول انك تكون احسن خشية من عدم قبول الصيام.
*ما هو فضل شهر رمضان:-
_قال رسول الله:-"ان فى الجنة بابا يقال له_الريان_، يقول يوم القيامة:-أيــــن الصائمون؟؟ فاذا دخل أخرهم اغلق ذلك الباب".....وتعالوا نفهم الحديث:-
1_"ان فى الجنة بابا":- يعنى داخل الجنة وليس خارجها!! باب مخصوص للصائميـن
...يا ســــلام...أكيد انت بقى اشتقت أنك تصوم صح علشان تدخل باب الريان.
2_"ينادى يوم القيامة:-أين الصائمون؟":- والنداء ليس لكل الامة رغم أن الامة كانت
تصوم..لكن انظر للنداء"اين الصائمون"..يعنى اللى يدخل هو من صام صياما صحيحـا
..عاوز بقى تدخل من باب الريان، ولا ح تصوم زى كل سنة!!!.
3_اسم الباب هو( الريان):- وهو مشتق من الرى، ينى بيروى الصائمين من كل اللذات و الشهوات التى حرموا منها فى الدنيا..يعنى ح تتمتع بالوان من اللذات و النعم غير اللى فى الجنة كمان..فاللذات دى مخصصة للصائمين فقط.
* تعالوا نعرف فضل تانى لشهر رمضان*
_قال رسول الله:-" اذا كان اول ليلة من رمضان..صفدت الشايطين ومردة الجن.....
وغلقت ابواب النار فلم يفتح منها باب..وفتحت أبواب الجنة فلم يغلق منها باب..وناد
مناد:-يا باغ الخير اقبل، ويا باغ الشر أقصر..ولله عتقاء من النار وذلك كل ليلة".
* تعالوا نفهم الحديث:-
1_"فتحت ابواب الجنة..أغلقت ابواب النار":-أى فتحت للصائمين..واغلق ابواب النار بشدة..بمعنى انك فى الجنة طوال شهر رمضان..وانت مش واخد بالك..يااااه على الغفلة....و الله الى كم تشفق على نفسى..كم من رمضان اضعته!!..وكم من زيارة للجنة وأفسدتها!!!..اللهم سامحنى يا رب العالمين.
2_"صفدت الشايطين ومردة الجن":- يعنى العاصى فى رمضان نفسه خبيثة..و الشر من نفسه، ولم يوسوس اليه الشيطان، فالشيطان مقيد..ولازم من تأديبها وتغييرها...
ومن لم يرد تغيير نفسه..فاعتبر نفسك فى حرب مع الله..فأيكما يكسب؟؟!!.
_ واسأل نفسك كل ليلة...هل اعتقت من النار اليوم ام لا؟؟..يا اخوانا...ربنا لو أعتق رقابنا من النار فلن يأسرنا مرة أخرى.
...........فيه حد مش فارقة معاه...فرصة يا اخوانا..فرصة يا جماعة..اروا الله من أنفسكم خيرا..قول:- يا رب فعلا انا خليفتك..انا ح أعمر الارض مش ح أفسدها.
والانبع ما اخبرت ببعض فضائل الشهر الكريم..ممكن تقبل هذه الهدايا الثلاث مـن الحبيب_صلى الله عليه وسلم؟؟؟؟.
1_قال رسول الله:-"من صام رمضان ايمانا واحتسابا غفر له ما تقدم من ذنبه"..يعنى
30 يوم يغفروا لك عمرك..ولكن ايمانا واحتسابا..يعنىترضى ربنا فى 30 يـــوم و تحتسب المجهود والبذل عند الله..يغفروا لك ما تقدم من ذنبك.
2_قال رسول الله:-"من قام رمضان ايمانا واحتسابا غفر له ما تقدم من ذنبه".
3_قال رسول الله:-"من قام ليلة القدر ايمانا واحتسابا غفر له ما تقدم من ذنبه".
ثلاث هدايا..هل من العقل أن يوجد انسان يود أن يرد هديه حبيبه_صلى الله عليه
وسلم؟؟....هل هناك شخص لا يوجد نده أمل فى المغفرة؟؟؟ملايين الحسنات تمحى يا
اخوانا ب30 يوم صيام وقيام...لكن صيام بحق..صيام عن الحرام..يا جماعة فيه ناس
بتصلى العيد وما عليها خطيئة واحدة..وما عليها ذنب واحد...ليه ما تكونش انت ده؟
..يا اخوانا الجنة سهلة..شهر رمضان طوق نجاة للغافلين...يا جماعة الجنة غالــية
محتاجةاللى يدفع.
طب سؤال؟؟..ماذا سيعطينى الصيام؟؟؟؟؟:-
* قال رسول الله:-" الصيام و القرأن يشفعان للعبد يوم القيامة..يقول الصيام:- أى رب منعته الطعام و الشهوات فشفعنى فيه، ويقول القرأن:- أى رب منعته النوم بالليل
فشفعنى فيه....فيشفعان".
تخيل الصومليك يوم القيامة_ الصيام لمن جد واجتهد، ولمن بذل الوقت و المجهود_ والقرأن يشفع لك..القرأن الذى هجره المسلم سيشفع له!!!!..
كل ده كان ثواب شهر رمضان..الان نأتى الى سؤال مهم..كيف نصوم؟؟؟
_ فى البداية احب أعرفك أن هناك ثلاث أنواع للصيام:-
1_صيام البطن:- يعنى تصوم عن الطعام و الشراب فقط..أكيد احنا عارفين الصيام ده كويس جدا..عشرين سنة بنصومه..صح...للاسف الصيام ده لا يدخلك من بــاب
الريان..ولايعلمك التقوى.
2_صيام الجوارح:-العين تصوم، واللسان يصوم، والاذن تصوم، و اليد تصوم، والقدم تصوم..30 يوما وعينك صائمة لاتنظر للحرام، 30 يوما ولسانك صائم, لا يسب ولا يغتاب ولا ينهر..ما تقولش لآخوك انه مبتدع لمجرد انه بيخفف فى دينه...ما تقولش لاخوك انه متشدد لمجرد ارشاده لاخوانك للخير الكثير..هو ده الصيام اللى يدخلك من باب الريان...عينك لا تنظر الى قناة فضائية، لا تنظر الى فتاة عارية..احذر ان تفقد باب الريان..لا تسمع الحرام أو تقوله..بل قل أنىصائم..انـى صائم..هو ده الصيام..ح تتعلم التقوى لانك بتصوم بجد واجتهاد..30 يوما..وليـس الى صلاة المغرب، ثم بعد ذلك تدخن السجائر...يعنى تحرم نفسك من باب الريــان علشان سيجارة....علشان شوية شعر ظاهرين من حجابك...لآ..جاهد نفسك..ها..ح
تقدر تصوم صيام الجوارح..أكيد ح تعملها يا بطل..باب الريان بيناديك.
3_صيام القلب:- بمعنى أن قلبك صائم عن كل شىء الا الله، قلبك متعلق بالله..اشتغل
واعمل, لكن قلبك مع الله..اطبخى لكن قلبك مع الله..30 يوما مع الله..يعنى اكتب على
قلبك( وقف لله تعالى)مثل المصاحف الموجودة فى الحرم..وهذه حلاوة ما بعـــدها
حلاوة..أتمنى أن نتذوقها جميعا.
هـــا..بعد ده كله..نويت تصوم رمضان بجد؟؟؟عاوز تدخل من باب الريان ولا ايه؟
الاجابة ليك.
طب..كيف احدد أهدافى اللى تساعدنى على الطاعة فى رمضان؟؟؟
هناك خطةعمليةتسهل عليك تحديد هدفك فى رمضان من خلال بنود، مثل:-
1_أنـــا و القرأن:-ناوى تختمه كام مرة، خد بالك الحرف فى القرأن فى شهر رمضان بحسنة فى سبعين مثل فى عشر امثال..بمعنى ان الحرف الواحد أو الحسنة فى رمضان تساوى 700حسنة..تخيلوا..هناك عالم حسابات فى المملكة العربية السعودية..عمل عملية حسابية يحصد فيها الحسنات من خلال ختم القرأن فى رمضان
فوجدأن خاتم القرأن مرة واحد يفوز ب 150 مليون حسنة..تخيل ..كل الخير ده واحنا بعيد عنه..اياكم ان تتركوا هذا الخير الكثير..ابدأ اختمه مرة ومرة أخرى..اختم
لوالديك ان كانوا لا يعرفون القرأة..تتدبر اياته..فكم من شقى هدى من ايه واحدة.
2_أنـــا والصلاة:- فى المسجد بالنسبة للرجال، وفى أول الوقت بالنســبة للنساء..يعنى خمس صلوات فى جماعة ، وكمان فى الصف الاول.
3_أنـــا وصلة الرحم:- اكتب اسماء من تنوى زيارتهم من عائلتك، احذر ان تكون من قاطعى الارحام..اذهب وصل رحمك...حتى لو كان عندك حق اتنازل عنه..واشترى الجنة ..الجنةغالية يا اخوانا و الله.
4_أنـــا و الدعاء:-اجعل لنفسك دعوات محددة..واحرص على الدعاء..لح على
الله حتى يتسجيب لك..ابكى..اتذلل لله..يقول رسول الله:-" للصائم عن فطره دعوة لا
ترد" ..وعنه ايضا" لا يرد القدر غير الدعاء"؟؟ادع يا رب الجنة..يا رب فلسطين..يا رب الاقصى..يار الجزائر..يا رب الفلبين..يا رب الصومال..يا رب السودان..يارب
كشمير..يا رب البوسنة..يا رب العراق..يا رب الامة..يا رب الامة..يا رب الامة.
5_أنـــا و الصدقة:-كان_ صلى الله عليه وسلم_ كالرياح المرسلة، وأجود ما يكون فى رمضان، مثل الرياح تعطى بلا حساب..حدد مبلغ واعتبره صــدقة فى رمضان...أخرجى بعض من ملابسك، أو ملابس زوجك ، أو ملابس اخوتك ووزعيها
لا تتركوا فقيرا بينكم..لا تتركوامحتاج..ادخلوا السرور عليهم..واسمعوا معى هذه
القصة:-" كانت هناك امرأة عابدة اسمها_ عائشة بنت عمران_ تعلمت القرأن وهى صغيرة، وكانت تعمل بيدها، وتغزل الصوف، وكانت متصدقة..مع أنها كانت فقيرة جدا، وكانت لا تدخر شيئا من كسبها...روى انها كانت تقول اذا بات فى جيبها درهم
واحد، قالت:-الليلة عبادتى ناقصة"...يااااااااااه..شايفين..امرأة بتقول ايه؟؟وانت لسه النخوة فى قلبك ميتة؟؟!!!..وانتى لسه مفكرة انك لبستى الحجاب وبقيتى كويسة..هو
ده الدين؟؟؟!!!.....يا ريت اليوم اللى قدمنا فيه خير كتير..نفتش على الخير اللى ما اتعمل، ونقول:- الليلة عبادتى ناقصة"..ردديها معايا:-" الليلة عبادتى ناقصة"..يا ريت
يا اخوانا الخطة تنجح ونفوز برمضان والتقوى ان شاء الله، وندخل جميعا من باب الريان.
ايه رايك بقى فى الحلويات بتاعتى.........اللهم تقبل...و الله المستعان


منقــــــــــــــــــــــــــــــــول

[فدائي]

جزاك الله خيرا ابو اسلام
كل عام وانت بخير

[abdelhakim]

والله حلوياتك انت احلى يا اخي
هذه هي الشحنة المطلوبة لترتيب الاوراق
وطرد الشياطين.........
جزاك الله خيرا
اكلة كاملة
100%
مفيدة ....................

[أبواسلام]

إخوانى فى الله
فدائى
عبدالحكيم
جزاكم الله كل خير
وكل عام وأنتم بخير

[special]

جزيت كل الخير ..

[أبواسلام]

وجزاك الله كل خير أخى اسماعيل
لك وحشة أخى كيف أحوالك
ندعو العلى القدير أن تكون بأفضل حال

[abou_mazen]

جزاك الله خيرا ابو اسلام
كل عام وانت بخير

[أبواسلام]

وجزاك الله كل خير أخى أبومازن
وكل عام وأنت بكل خير وقرب من الله

[ehabrashad]

جزاك الله خيراً اخي ابو إسلام
نرجوا من الله تعالى ان تتفاعلوا مع موضوع "من الطارق ان رمضان"

[أبواسلام]

وجزاك الله كل خير أخى إيهاب
وفى إنتظار الموضوع أخى
وكل عام وأنت إلى الله أقرب وفى الجنة أرغب

[jessing]

جزاك الله خيرا ..

..

[أبواسلام]

وجزاك الله أخى يس كل خير
بلغنا الله وإياك رمضان وأعاننا على صيامه وقيامه ونحن فى صحة وعافية