احنا وهما !!

[mohheader]

احنا وهما

سلسلة من الرسومات الساخرة للفنان محمد سامي

http://www.amrkhaled.net/gcategories...ories30-1.html

ياريت نتعلم منها وناخذ منها دروس نطبقها في حياتنا العمليه

[رجل السماء]

نعم عندك حق وعندهم حق

احب ان ارفق الصور لانى متوقع ان 3/4 من الي هيدخلو هيكسلوا يروحوا لرابط تانى بعيد شوية عن الموقع

[رجل السماء]

عموما ايضا من يكسل يقرأ ما فى الصورة يمكنه ان يكتفى بمحتوى الصورة وهو سيعرف مضمون الكلام

ومن يكسل يحمل الصور يمكنه الدخول للاربط الذى وضعه حيدر ويختار صورة عبارة عن حادى بادى ويختار الي هو عايزها

ومن يكسل يدخل للرابط او يحمل الصور او يقر ما فى الصور او يقرأ الكلام او يدخل للموضوع
فالله يكون فى عونه ويقويه على مشاغله

[mohheader]

اخ منك يا رجل السماء

عموما ما دام احنا هو احنا فلازم نتوقع اي شيء

[omar77]

طب انتم معانا ولاّ معاهم
.
.
.
.طب احنا همّ

[mohheader]

يا omar77
احنا مع الصح ولا انت ايه رائيك ؟؟

[omar77]

مافيش نقاش على هذا

[رجل السماء]

احب ان اعلق على مسالة المرور
بالذات وكتجربة شخصية اكثر من مرة

انا كنت بتابع البرنام بتاع العسيلى على Mazzika TV فالراجل كان بيتكلم عن نفس الحكاية بتاعة المرور

فقولت ابدء انا بالتحضر والاحترام واحترم هذه الاشارة

نزلت من على طريق المحور وانا داخل مدينة نصر فى اشارة من اول ما رأيتها فى حياتى وهذه الاشارة لايوجد فيها اى ضابط مرور ولا اى شىء
اسمع يا سيدى تذكرت وقولت خلاص انا هبدء من هنا وساواظب على احترام الاشارة الكريمة

وقفت
والعربيات طبعا من جنبى وانا واقف بالعربية طيارات
تحس والله انا العربيات بتتسابق عن الي يوصل البيت الاول
قولت مفيش مشكلة انا مش همشى الي لما الاشارة تدينى اشارة اتحرك
وافضل مستنى يا سيدى والعربيات مشاية من جنبى حوالى دقيقية واستنى الاشارة تفتح او اى شىء وكأن لايوجد حد بيشوف

لحد ما جه واحد وراح قيلى انت راكن فى الممنوع ممنوع الانتظار هنا
قولتله انا مستنى الاشارة تفتح قالى دى مشغالة دى عطلانة وشغالة على لون واحد بس يعنى احمر احمر احمر او اخضر اخضر اخضر او اصفر اصفر اصفر

طبعا روحت ماشى بعد حوالى دقيتين وانا واقف فى مكان لايوجد فيه احد

والمصيبة الثانية فى اشارات وسط البلد
تلاقى عسكرى مرور واقف غلبان ومش بيده اى حاجة وماسك عصاية زى الحطابين
ولايوجد معه صفارة تحس انه بيمسك العصايا خوفا من اعتداء السائقين عليه

والاشارة تفضل وقفة 5 دقائق او عشرة دقائق
وانت واقف فى حالك تلاقى واحد من وراك عمال يزمر ويهلل افتحوا الاشارة هتخربوا بتنا ده مال ناس ولازم يوصل فى ميعاده الله يحرقوا

مع انه واقف فى اشارة

وفجأة تلاقى واحد تطلع زى الخازوق وراح منطلق وفاكر نفسه فى سابق سيارات ويروح كاسر الاشارة

والغريب تنظر للعسكرى لان من الطبيعى ان تجد العسكرى او الضابط يكتب نمرته للمخالفة
تجد هذا العسكرى واقف يأس من الحياة لا معاه دفتر او اى حاجة غير العصايا والبدلة البيضة او السودة
وفى الشتاء ما تلاقيه خالص
اتاريه بيكون مستخبى فى كشك ابيض بيكون بعيد عن الاشارة بحوالى 1 كيلو عن الاشارة الي هو فيها

ولم حد يساله انت هنا بتعمل ايه يقولك الدنيا برد

طب يعنى ليه الحكوة عايزة تعزبه ما تديله بدلة تقيلة شوية

والمصيبة الاكبر وانت على الكبرى تلاقى الناس ماشية على الشريع يمين وشمال والبطىء ماشىء يمين وشمال

والغريبة تجد ان الكبارى الضيقة زى المحور الي هية حاترين فقط تجد اتوبيس كبير ما شاء الله تحس بهيبته فعلا
وماشى اسرع من ال BMM ونازل زمارة
تحس فعلا ان السواق الي بيسوق الاتوبيس ده بيقول وسع للسريع انا جى
وعلى النقيض تجد واحد معاه عربية Mercedes ماشىء على العشرين على الشمال طب يعنى هو الراجل ده خايف احسن البنزين يخلص بسرعة مع انها نفس التيجة ولا خايف على العربية احسن تمشى على الاربعين ولا ايه الحكاية

اسمع هذا الموقف لما بتبقى من مصر الجديدة ومدينة نصر وتركب طريق المحور كأنك رايح على الدقى

نت بتنزل من كوبرى عبارة عن حرتين تنزل تلاقى ما شاء الله باقى الكوبر 5 حارات
وتلاقى الناس ماشية فى حارتين بس وماشين وراء بعضهم
ولما تشوف كدا تقول الناس قعدة فى العربية بتسمع عبد الحليم ومتسلطنين على الاخر وسعيدين بالحياة وماسين بانتظام

فى نفس الوقت الي هم كانوا ماشين فى حارتين وعاملن ازعاج ولكه عايز يجرى

[رجل السماء]

اخ منك يا رجل السماء

عموما ما دام احنا هو احنا فلازم نتوقع اي شيء

هههههههههههه والله عندك حق اه منا جميعا

انا بحاول االتزم ولكن تخيل ان متلزم وباقى الناس مش ملتزمين باى شىء

يكفى مثلا انك تبقى واقف فى اشارة وتجد شاب معاه عربية حلوة ويلوح بيده لك ويوقلك يا مجنون واقف فى الاشارة ويضحك

تشعر فعلا باحباط وتحس ان الناس مجانين

[mohheader]

بجد مش عارف اضحك ولا ايه
بس الضحك غلب على الحسرة


واحده واحده ان شاء الله

[رجل السماء]

قبل ما اجيب العربية كنت بركب الاتوبيس زى باقى البشر

طبعا انا كنت متعود انى اقفز فى الاتوبيس واحاول اجرى واطلع اول واحد فى الناس عشان القى مكان او كرسى اقعد عليه او اى حاجة

والله العظيم اكثر من مرة اجد باب الاتوبيس يقفل على رجل شخص او امرأة حامل او يقفل على جسمها
والولية تفضل تصرخ وتقول انقزونى يا جماعة
وتلاقى شهامة المصريين وكل واحد قام وراح ماسك يدى الست ويفضلوا يشدوا فيها علشان يدخلوها جوة

بزمتك تخيل انت الموقف

لحد ما واحد بيفهم يروح للسواق ويقوله ارجوك افتح الباب احسن انتة افلت على رجل المدم الحامل

يرروح فاتح الباب
وروحوا مدخلين المرأة للداخل
وتلاقى واحدج يقولها ابقى اطلعى بسرعة
اسرعى اسرعى


وكله كوم ولما يبقى الاتوبيس ماشى
تلاقى واحد وهو قاعد جنبك راح قايم فجأة وانت تتخض من قيامه السريع ويقوله ارجوك ارجوك Please نزلنى هنا

المحطة الي فاتت كان المفروض انزل

ويروح قايم ويفضل يحارب علشان يوصل للباب وطول ما هو ماشىء تلاقى الناس تفضل تأنبه وزعلانين جدا ان الراجل فوت المحطة بتاعته
وكله كوم
لما واحد المفروض بينزل اخر الخط
الراجل مثلا بينام فى الاتوبيس عقبال ما يوصل للمحطة بتاعته
ويصحى من النوم يلاقى نفس قبل المكان الي ركب منه يقول بسم الله الرحمن الرحيم
اه ده الاتوبيس بيرجع
يروح للسواق يسألة هو ليه رجع
يقوله لا احنا ماشين على الخط العادى
والسواق يقوله
هههههههههههههههههههههههههههههههههههههههههههههههههههههه انت نسيت المحطة بتاعتك واحنا روحنا ورجعنا وانت لسة هنا
هههههههههههههههههههههههههههههههههههههههه

تحس ان السواق سعيد جدا لهذا الموقف وفرحان فى الراجل

[Ahmed012]

إنت بتقول فيها يامصطفى

طيب خد عندك بقى
مره كنت واقف في إشاره قدام أرض المعارض بمدينه نصر
والطريق كان زحمه مووووووووووووووووووووت
وبعدين على حظي العسكري قفل عليا أول واحد قدام

تمام ؟؟

المهم فضلت واقف في الإشاره
وكان في ظابط (( رتبه يعني)) هو اللي بيأمر العساكر بإنهم يمشوا العربيات أو يوقفوها
المهم جه الظابط الكبير أمر العسكري البعيد بإنه يوقف العربيات اللي هناك ((( إستعدادا لإننا نمشي يعني )))
بس قبل مايأمر العسكري بتاعنا
وعلى حظنا عربيه إتعطلت في الملف
فالظابط إتلخم وقام رايح للعربيه العطلانه من غير مايأمر العسكري بتاعنا

المفروض بالمفهوميه كده إن طريقنا بقى يمشي لإن العربيات اللي هتواجهه خلاص وقفت

إلا إن العسكري حبيبنا قام واقف في نص الشارع وقاللك عليا الطلاق ما حد هايعدي
الظابط ماأمرش

(( يابني ياحبيبي العربيات وقفت ودورنا إننا نمشي والظابط مشغول ونسي بس يأمرك))
(( أبدا والله ....... " بينده بقى " ياسعادته البيه أمشيهم))
والظابط ياعيني ملخوم
والعسكري بيسأل نفس السؤال بغباء فظيييييييييييع
لدرجه إن إستفز سواق التاكسي اللي كان واقف جنبي وقام دايس العسكري وماشي وقاطع الإشاره ومعدي

وطبعا لاقيتلك أنا كل العربيات اللي جنبي واللي ورايا عايزه تمشي
فإضطريت أمشي أنا كمان

[jessing]

بس الضحك غلب على الحسرة

مع كامل الاسف ..

..

[mohheader]

[ram]http://server4.amrkhaled.net/ramadan05/mosalsal/episode01.ram[/ram]

------------------------------

[mohheader]