درس خصوصي -مصر

[mady]

السلام عليكم و رحمة اله و بركاته
الى الاخوة المصريين
انا محتاج حد يعلمني الماكس
باي مقابل يأمر بيه
لو في حد ممكن يقدملي الخدمة دي
ياريت يبعتلي التفاصيل على
midiheart83@yahoo.com

و شكرا

[waelmgomma]

عايز تتعلم ايه بالضبط في الماكس؟

[mady]

السلام عليكم و رحمة الله وبركاته
يا اخواني انا بشكر كل اللي تكرم و رد علي
والحكاية ان من حوالي سنة تقريبا
درست دبلومة المالتي ميديا في مركز كيت في مدينة نصر
وبصراحة مع احترامي لاسم المركز و اساتذته
الكورس كان اسوء شئ حصلي في حياتي
المستوى ضعيف جدا رغم
يعني من الاخر مالوش علاقة بالاحتراف
او بمعنى تاني مالوش علاقة بالمالتي ميديا اصلا
يادوب بتتعلم شوية مبادئ في كل برنامج
الحمد لله انا عندي معلومات كويسة في بعض البرامج بس انا نفسي اكون محترف بمعنى الكلمة
وعندي استعداد للدراسة 24 ساعة ودفع اي مبلغ في سبيل ذلك
وشكرا لاضاعة وقتكم
هناك صورة مرفقة تجمع بعض اعمالي
بالفوتو شوب و الماكس

[sabry arch]

السلام عليكم
من الصورة مستواك جيد الحكاية محتاجة صبر وعزيمة وعدم الياس ويريت تعلم نفسك بنفسك علشان لا تحتاج لاحد مستقبلا وبالدروس التي يقدمها الاخوة وتحليلها وفهمها سيتطور مستواك وهكذا والله الموفق
ولو احتاجت حاجة نحن موجودين فكلنا اخوة
مع امنياتي لك بالتوفيق والنجاح
اخوك
صبري - مصر

[S.Badr]

انته لو انته الي عامل الحاجات دي فانته مستواك كويس .. ومش محتاج لدرس او كورس .. انته بشوية ممارسة تبقى تمااااااااااام .. وزي ما قال الاخ صبري .. علم نفسك بنفسك .. الواحد لما بيتعب في المعلومة مابترحش منه بالساهل .. وربنا يوفقك

[Respect]

خليك مع المنتدى و أسأل الناس

[mady]

اخواني الكرام
sabry arch-Samy Pasha-Respect
شكرا لاهتمامكم بالموضوع
ولكني اريد فعلا مستوي اعلى .

حاجة كده زي الشغل الامريكاني
اشكركم مرة اخري و جزاكم الله خيرا
ورمضان كريم و عيد سعيد ان شاء الله

[mohandes]

تديني درس بكام؟
ياعم انت عقدتني والله انت شغلك حلو عاوز اكتر من كدا ايه
انت كل اللي محتاجو انك تعمل ماتريال كويس للخامات بتاعتك وتستعمل ريندر حلو زي فيراي او برازيل و توزع الاضاءة احسن شوية وتديني درس ربنا يخليك وعلى فكرة الموديلينج بتاعك ممتاز

[هشام النجم]

أولا الصبر ثم أن المنتدى معلم جيد لأنه يضم أساتذة فى الماكس ثم أن المسألة مش محتاجة درس خصوصى
أنت لو عايز تتعلم باحتراف ادفع فلوس المدرس فى كتب والمتب حتلاقيها فى أماكن كتيرة أوى الكتب حتعلمك من الألف الى بعد الياء ثم أن مهندسين الكمبيوتر كلهم مكنش ليهم مدرس خصوصى

[Gazarika]

ممكن اخد درس عندك تعلمنى اذاي عملت الحاجات دي

[ahmedyounis]

بسم الله ما شاء الله
شغلك حلو
وعارف كمان انت دخلت بشوية ذكاء لانك اكيد قبل كتابتك شفت اعمال وحتى لو ما شفتش تفتكر ايه المطلوب منك لكى تكون محترف برنامج معين
هوة انك تعرف ادوات استخدامك للبرنامج كويس وده ظاهر من شغلك
الباقى بقى على خيالك وابداعاتك
ومفيش حد مهما كان هيعلمك الابداع والخيال لانه ده من فضل الله على الانسان اللى ادالو موهبة الفن ده
وتتفاوت القدرات بتفاوت الابداعات

على فكرة انا من مصر وواخد كورس ماكس من فترة فى مركز يات
اسمى احمد
لو عاوز اى شئ احنا هنا بنتبادل الخبرات والمعلومات
ما اسهل انى اقولك او اى حد يقولك انا اديلك درس
لكن جرب بنفسك الاول طريقك للاحتراف وبعدين شوف النتيجة
والله الموفق