موضوع: نكت حلوه موووووووووووت

ردود: 6 | زيارات: 605
  1. #1
    عضو متميز
    صور رمزية INTERIOR
    تاريخ التسجيل
    Jun 2004
    المنطقة
    EGYPT
    العمر
    37
    ردود
    1,689

    Talking نكت حلوه موووووووووووت

    نكت حلوه موووووووووووت


    استضافوا ابو العربى فى برنامج من سيربح المليون فسأله جورج
    سؤال المليون و كان السؤال الحج فريضة ام سنة
    فاندهش ابو العربى و قاله هاستعين بصديق ابن عمى غريب
    فى بورسعيد فقاله السؤال قاله اللى سالك السؤال ده مش فاهم حاجة فسأله
    ابوالعربى ليه قاله لأن الحج اما قرعة ياما سياحى

    >>-----------------------------------------------------------------
    رجل نساى اوى ذهب للحج وعند رمى الجمارات سال نفسه انا رميت اتنين ولا
    تلاته فاعاد رميهم مره اخرى
    ثم ذهب للطواف فسال نفسه مره اخرى لفيت سته و لا سبعه فاعاد الطواف
    وعند نزوله من الطائره سال نفسه نسيت ايه يا جورج

    >>--------------------------------------------------------------
    واحد بلدياتنا دخل الجيش ووقف حراسة على بوابة معسكر عدى عليه الشاويش

    وقاله:اللواء "فريد" جه؟
    قاله : ماجاش يا شاويش "محمد" وبعد ساعة رجع له الشاويش محمد وسأله
    اللواء "فريد" جه؟
    قاله لسه ما جاش. وبعد ساعة أخرى رجع له تانى وسأله اللواء فريد" جه؟

    قال له لسه ما جاش. وبعد ساعة جه اللواء "فريد"
    قاله العسكرى : أنت فين الشاويش "محمد" حيخرب بيتك.
    >>--------------------------------------------------------------
    واحد عصبي اتجوز واحده عصبيه, يوم الولاده... الولد بيقول للدكتور وسع
    إنت .. ابعد ...أنا خأنزل لوحدي

    >>--------------------------------------------------------------
    واحد مسطول بيسأل واحد مسطول ثاني: اسم دولة أوروبية لو حطيت على أخر
    حرف فيها نقطة تصير اسم عالم ذرة أم التاني قله أنا غلب حماري
    آم الأول قله: الدولة هي قطر ولما تحط نقطة حتصير قطز
    أم التاني قاله هو قطز عالم ذرة؟؟؟؟؟
    فرد عليه الأول يعني هي قطر دولة أوروبية؟؟؟؟

    >>--------------------------------------------------------------

    اتنين مساطيل اعدين يحششو في المقابر ومرت جنازة فواحد بيقول للتاني
    هي جنازة مين دي يا محمد؟ فرد علية دي جنازة الشيخ محروس فقال
    الاولاني يا حول الله
    وتاني يوم وهما اعدين في نفس المكان مرت جنازة فنفس الشخص سال بيقول
    للتاني هي جنازة مين دي يا محمد؟ فرد عليه دي جنازة الشيخ محروس فقال
    الاولاني يا حول الله
    وتالت يوم وهما اعدين في نفس المكان مرت جنازة فنفس الشخص سال بيقول
    للتاني هي جنازة مين دي يا محمد؟ فرد عليه دي جنازة الشيخ محروس فرد
    عليه هي الدنيا ملطشة معاه كدة لية

    >>--------------------------------------------------------------

    البوليس عمل كبسة على شوية شمامين و لفت نظره ان فيهم عيل صغير قوي
    واخد ركن لواحده وعمال يسحب , فقام مقرب منه و سأله: و الشمام الصغير
    اسمه ايه؟
    قام الواد رد عليه و قاله : كنتلوب يا باشا.


    >>--------------------------------------------------------------

    قابلت مذيعة اثنان مساطيل
    سالت الاول : مصر بالنسبالك ايه ؟
    فقال: مصر دى امى
    ثم سالت الثانى :وانت مصر بالنسبالك ايه؟
    قال:مأدرش اتكلم عن أم واحد صاحبى

    >>--------------------------------------------------------------

    واحد محشش قاعد مع اصحابه و بيحكيلهم : انا مره طلعلى اسد و كان فى
    ايدى كباية ميه رميته بيها الاسد طلع يجرى
    رد عليه واحد من اللى قاعدين قاله
    صح انا قابلت نفس الاسد ضربته بالقلم ايدى اتبلت

    >>--------------------------------------------------------------

    مرة واحد متجوز عنده دولاب قافلة 20 سنة والمفتاح معاه هوه بس, مراته
    هتجنن وفي يوم راح الشغل ونسي المفتاح. مراته فتحت الدولاب لقت 20 الف
    جنيه وبيضتين.
    لما رجع سالته ايه حكاية البيضتين قالها بصراحه كنت كل ماخونك أحط
    بيضة في الدولاب
    الست قالت عشرين سنه جواز ومرتين بس مش مهم وسالته طب والعشرين الف
    جنيه
    قالها كنت كل ماجمع كرتونه ابيعها
    >>--------------------------------------------------------------
    واحد ضابط مظلات امه حلمها ما بيخيبش. كان عنده عرض أمام الوزير
    ...قالتله بلاش تنط عشان أنا حلمت ان البراشوت مش هيفتح. المهم جه ينط
    ... خاف وافتكر
    فزميله سأله أيه الحكاية؟؟ فلما قاله رد عليه زميله ...ولا يهمك
    خذالبراشوت بتاعي وهات البراشوت بتاعك. نط صاحبنا وفتح البراشوات
    ..أتفتح معاه شوية ولقى زميله نازل بسرعة وبيصرخ .
    الله يخرب بيت أمـــــــــــــــك

    >>------------------------------------------------------------

    قرية اهلها اشتكوا ان الامام يلقي خطب طويلة جدا جدا في
    الصلاة فاشتكوا الي الاوقاف التي ارسلت لهم اماما جديدا ولكنه كرر نفس
    المشكلة فاعادوا الشكوى
    فارسلت لهم الاوقاف شيخا آخر وحذرته من الاطالة.
    وصل الامام الجديد فدخل المسجد وصعد المنبر وحيّا المصلين
    وسأل اتعرفون قصة سيدنا يوسف عليه السلام؟
    فرد المصلون كلهم: نعم
    فنظر الامام الى المؤذن وقال: اقم الصلاة
    ولما فرغ من صلاته استوقف الناس وسألهم: اتعرفون قصة سيدنا موسى عليه
    السلام؟
    فرد المصلون : نعم
    فقال لهم : ماتجوش الجمعة الجايـــة

    >>--------------------------------------------------------------

    اتنين مساطيل قاعدين في استاد القاهرة ، واحد بيقول للتاني
    تقدر تلفلي الملعب ده في اد ايه ؟
    التاني : الفهولك في سجارتين
    أخر تعديل بواسطة INTERIOR في 31 / 10 / 2005 الساعة 03:45 AM

    البر لا يبلى والدين لا يفنى والديان لا يموت
    يا أبن ادم أفعل ما شئت كما تدين تدان


  2. #2
    مجنون AfterEffects
    صور رمزية فن ثلاثي
    تاريخ التسجيل
    Jun 2005
    المنطقة
    الســعوديــــة
    ردود
    1,087
    هههههههههههه
    حلوة



    مو لازم التوقيع

  3. #3
    عضو متميز
    صور رمزية youssef_23
    تاريخ التسجيل
    Oct 2004
    المنطقة
    ارض الله
    العمر
    35
    ردود
    7,047
    نكت جميلة
    شكرا جزيلا

    ============
    واحد بلديتنا بيصلح طيارة هليكوبتر شال المروحة وركب تكييف
    ============
    بلدينا جاتلة طوبة فى صدره بص وراه
    ============
    ساعاتى بيصلح ساعة العقارب قرصته
    ============
    مرة واحد رسم على الحيطة الحيطة حبته
    ============
    كهربائى ابوة مات دفنة فى الحيطة
    ============

  4. #4
    نكت جامده فعلا

  5. #5
    عضو متميز
    صور رمزية INTERIOR
    تاريخ التسجيل
    Jun 2004
    المنطقة
    EGYPT
    العمر
    37
    ردود
    1,689
    شكرا جزيلا لكل من علق على الموضوع
    واتمنى انها تكون عجبتكم

    البر لا يبلى والدين لا يفنى والديان لا يموت
    يا أبن ادم أفعل ما شئت كما تدين تدان

  6. #6
    عضو متميز
    صور رمزية علاء مختار
    تاريخ التسجيل
    Sep 2005
    المنطقة
    الاسكندرية
    العمر
    30
    ردود
    1,098
    مشكور أخى على الموضوع
    هذا الملف يحتوى على مجموعة نك بأصوات الممثلين
    حما من هنا
    لا إله إلا الله
    محمد رسول الله

    سبحان الله وبحمده سبحان الله العظيم
    تذكروا اموات المسلمين بالدعاء

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل