صفحة 1 من 2 12 أخيرأخير
النتائج المعروضة من 1 الى 20 من مجموع 26

موضوع: رحلتي إلى إسرائيل (هشام أبو العافية)

ردود: 26 | زيارات: 2414
  1. #1
    عضو نشيط
    صور رمزية alpharomio
    تاريخ التسجيل
    Apr 2004
    المنطقة
    أم الدنيا
    ردود
    486

    رحلتي إلى إسرائيل (هشام أبو العافية)

    السلام عليكم ورحمة الله
    تفاصيل 24 ساعة قضيتها داخل قطاع غزة...






    في شهر تسعة الماضي كنت في سيناء وسمعت أن الحدود فتحت مع غزة بعد إنسحاب العاهرة إسرائيل
    المهم قلت ياض أطلع على غزة وبعدين سياء أو غزة متفرقش كتير الأثنين بتوع اليهود
    طلعت على العريش قعدت عند خالتى يوم وخدت الواد بن خالتى و طلعنا على رفح المصرية وطلعنا ع الحدود علشان نعدي لقينا الحدود قافلة و الدنيا مولعة ..
    قعدنا بتاع ساعتين واقفين وأمم واقفه على الحدود يعنى ولا السوق
    المهم الواد بن خالتى كان حرك حبتين راح مكلم واد عسكرى وقاله: هنعدى ولا نروح
    العسكري : خمسة جنية
    يا عم بقولك هنعدي ولا نروح
    العسكري : خمسة جنيه
    أنت عليك عفريت أسمه خمسة جنيه.......
    ما علينا
    طبعا أنا طلعت فى دماغي هعدي يعنى هعدي وطبعا مش هدفع رشوة أبدا ده بعنيهم
    المهم فى لحظة لقينا ظابط بيقول عدوا بسرعة.....قام الواد بن خالتى ناطط من على السور ماشاء الله نطة هايله ..وأنا طبعا لسه بفكر هنط ولا أخليهم يكسرو السور او يجيبولى سلم ههههههه
    ومفيش خمس ثواني والظابط بنفسه الى قالهم عدوا يمسك العصاية و يطلع يجري ورا اللى بينطوا...
    الظاهر كان دماغة عالية .....
    والناس جريت كلها وأنا واقف أنا وست عجوزة بدأت تعيط رحت والظابط قالها عدي يا حاجة المهم خدت إيدها وعديت بيها... وهي تقولي : الحمد لله عدينا خخخخخ
    قلت فى نفسي حتى أنتى يا حاجة ...
    المهم لما عدينا عرفنا أن حماس فجرت 500 متر من السور و فى نفس الوقت الشرطة وأو الجيش كانوا بيبنوا سور كبير جدا عامل زي الجدار العازل....ومش عارف المصريين هيبأوا ينطوا من عليه ازاي
    ومصر كانت بترحل الفلسطينين وأبومازن راح لمبارك وقاله :دخيلك الله لا تدخل فلسطيني عندك (هذه الجملة كما سمعتها ومش عاف يعنى أيه دخيلك صراحة)
    المهم أول ما عديت طبعا كان في قلق و كل بلد بتقفل الحدود على التانية وكله على بيته
    ويادوب مشيت خطوتين لقيت أكثر من خمس عمارات متهدمين تماما مع أننا بنشوفهم على التلفزيون كل يوم بس الواقع شئ تاني
    وتبض الناحية التانية تلاقي البيوت متخرمة من طلقات النار و مش أي طلقات يعنى قطر الفتحة حوالي 30 إلى 50 سم يعنى مدفع أو حاجة زي كده
    وتلاقي البيت كله متخرم وحسبنا الله ونعم الوكيل
    المهم نزلت رفح فلسطين وأحساس جميل فى داخلى يعنى تحس أن أنت بجد فى بلدك مش غريب
    هم أي نعم كانوا ينظروا لنا كأننا سياح لكن و فعلا ناس طيبة
    والشوارع كلها مليانة بصور المجاهدين والشهداء فتحس فعلا إنه جو الجهاد
    تلاقي بوستر كبير وفدائي ملثم ومكتوب عليه ((وإن عدتم عدنا)) و هكذا أنتصرنا
    وحتى الناس تلاقي ناس لابسة تشيرت عليه شعار فتح أو صورة عرفات الله يرحمه بأه
    هو طبعا ده غلط لأن الشعارات والأعلام والصور تمزق الأمة فنحن لا يوجد لنا شعار أو راية إلا راية التوحيد (لا إله إلا الله محمد رسول الله)
    وتلاقى الناس معظمها ملتحي خصوصا رجالة حماس والجهاد ربنا يبارك فيهم
    والنساء ماشاء الله متنقبين أو محجبات
    المهم دخلت الجامع على صلاة الظهر لقيت المسجد ماشاء الله مكتظ يعني الناس كلها تقريبا بتصلى ماشاء الله والمسجد واسع جدا يعنى مثل مسجد الفتح في رمسيس أوالفتح اللى فى المعادي أو ربما اكبر منها ويمكن صلاة الجمعة عندنا لا يمتلأ هكذا....
    وتلاقى المسجد مليان مجلات للحائط فيها الأخبار بس كان مفيش وقت أقرأ جدران المسجد كلها....
    المهم صليت الظهر ونزلت أتسكع وأنا صراحة كانت فكرتى عن الفلسطينين وحشة جدا أثلي عاملت كذا واحد أيام كنت فى السعودية يعنى فى إبتدائي و الأفكار بتاعة الطفولة دي لا تنسى
    رغم أني كان ليه واحد جاري والوحيد اللى كان صاحبي ولا حتى كنت مصاحب حد مصري بس كانت فكرتى أن المعظم وحش وده كويس..
    المهم تبضعت قليلا و صراحة ناس محترمة ولا أتنصب علي ولا حاجة أبدا ....... ههههههههه
    المهم الواد بن خالتى كان عايش فى العريش فبيتكلم عرايشي و فلسطينى كويس
    فكان يخش على الراجل يقوله ....إبأكم هذي ؟(باللهجة الفلسطيني)
    يروح الراجل قايله بمش عارف كام مليون شيكل
    وأنا لما أعمل نفس الحركة وأقول ...إبأكم هذي؟
    يقولى بكذا جنيه
    يعنى مفقوس قوي
    وكان الفلسطينين يتنصب عليهم فى مصر خصوصا العريشاية كانوا أكثر ناس بتنصب علي الفلسطينين
    فالناس اللى إتنصب عليهم (تقريبا كل من ذهب لمصر) ....فالناس كانت شايلة مننا شوية وعايزة تعوض..... هههههههه
    فأنا قلت بلاها تبضع بأه .....
    وتلاقى الفلسطيننين كلهم كانوا فى مصر بيجيبوا بنادق رش مش عارف يبعموا بيها إيه صراحة يا أما بيتفسحوا فى شرم
    ولا تجار الحشيش وأنت عارفين سينا بأه كانوا ماسكين بتاع أربعة تجار مخدرات فى عربية نص نقل والشباب بتاع حماس نازلين فيهم ضرب على قفاهم و الراجل أقرع و كان بيطرقع ههههه
    المهم مشيت شوية و لقيت فجأة صوت بووووووووووم
    أنا طبعا أتفزعت ونطيت :إبه ده يا جماعة في قصف ولا إبه؟
    لقيت الناس بتضحك و أكتشفت أنه واحد ضرب رصاصة بس هههههههه

    وشوية لقيت ثلاث عيال فلسطينين يعنى قول كبيرهم 12 سنه ولقيت واحد بيطلعلى بتاع خمس أوسته رصاصات و بيقولى عندكوا من دول...؟؟؟
    أنا طبعا استغربت جدا ........ قلت له : أنت جبت الرصاص ده من إين وبعدين احنا معندناش الكلام ده..!!!
    الرصاص كان كبير يعنى بتاع كلاشينكوف ولا حاجة زي كده
    قلت له بتعملوا بيه ايه ... وهو شرحلى بس اللهجة كانت صعبة عليه شوية
    بس أكتشفت أنهم مش عيال ده أحنا اللى عيال و ستين عيال كمان

    شوية ولقيت والدتى بتتصل بيه وبتقولى فى قصف في غزة فمتروحش وأنا صراحة لقيت أستغلال جامد فى المواصلات يعنى كانت أستغلال فقلت بلاها أفجر نفسي فى حته تانية يعنى حته تكون فيها المواصلات رخيصة
    ههههههههههه
    المهم روحت بعد شوية حلوين فى بلدي التانية فلسطين
    بس والله بعد المشوار ده أكتشفت أننا عيال
    و يعنى عامل فيها مجاهد ع النت بس وعيل من عيال فلسطين بألف من أمثالى
    ربنا ينصرهم و يهلك الكفرة والمنافقين
    آمين
    مراسلكم
    هشام أبو العافية
    فلسطيييييييين المحرره
    منتدى الفرقان للحوار غير المسلمين بالحكمة والموعظة الحسنة


  2. #2
    السلام عليكم ...
    أضحكتني أخي هشام ...
    موضوع جميل وقصه جميله ... عشت فيها كلها ...
    الله يبارك فيك أخي هشام ..

  3. #3
    عضو متميز
    صور رمزية y@sser
    تاريخ التسجيل
    May 2003
    المنطقة
    جوانتانامو مصر
    ردود
    10,884
    جامده يا هشام
    باذن الله قادمون
    صدقني انا متفائل جداا بالنسبه لموضوع فلسطين بشكل خاص
    تجمع اليهود علامه طيبه للنصر
    ادعي بس ان باقي اليهود يوصلو علشان تحصل التظبيطه الكبيره
    بلاد الكوارث
    حيث جميع الشعب وجلاديه يبحثون عن العقل والقلب والشجاعه المفقودين
    لكن للاسف لاوجود للساحر اوز
    وتنتهي القصه بفقد الحذاء الاحمر
    وتبقي اليس في بلاد الكوارث للابد

    مدونتي

  4. #4
    عضو متميز
    صور رمزية فدائي
    تاريخ التسجيل
    Mar 2004
    المنطقة
    مصر
    ردود
    1,683
    ايه ده مش كنت تقولى كنا رحنا سوا
    لن تركع امه قائدها محمد(صلى الله عليه وسلم)

    بارودتى بيدى وبجعبتى كفنى ياامتى انتظرى فجرى ولا تهنى
    بعقيدتى اقوى ابقى على الزمن ...حصنى اذا عصف به موجة الفتن
    والصبر لى زاد فى شده المحن

  5. #5
    عضو متميز
    صور رمزية esso70
    تاريخ التسجيل
    Feb 2005
    ردود
    1,377
    حلوه يا هشام

  6. #6
    حُـــس
    صور رمزية downs_mass
    تاريخ التسجيل
    Feb 2004
    المنطقة
    أينما ذكر اسم الله في بلد.. عددت ذاك الحمي من صُلب اوطاني
    العمر
    36
    ردود
    7,612
    ههههههههههههههههه

    انا بروح افجر نفسي كل سنه وارجع
    وما فتىءَ الزمان يدورحتى
    مضى بالمجدِ قومٌ أخرونَ
    وأصبح لا يُرى في الركب قومي

    وقد عاشو أئمته سنينَ
    وآلمني وآلم كل حرٍ
    سؤال الدهر أين المسلمينَ ?

    اذا لم تجد ما تحب فحب ما تجد

  7. #7
    جميلة ياهشام
    لدرجة أنى لا أريد أن أُقنع نفسى بأنها مجرد قصة وأحسها حقيقية حتى وإن لم تكون
    أبواسلام.
    كثر المتساهلون فى الدين ، فظهر الملتزمون بصورة المتشددين ، فعلى الملتزمين إختيار الأسلوب الصحيح لتوصيل صحيح الدين لغيرهم باللطف واللين0
    رابطة الجرافيك الدعوى


  8. #8
    عضو متميز
    صور رمزية abou_mazen
    تاريخ التسجيل
    Feb 2005
    المنطقة
    المغرب/البيضاء
    ردود
    3,875
    بارك الله فيك
    حلوةةةةةةةةةةةةةةةةةةةةةةةةةةةةةةةةةةةةةةةة
    اللهم حرر ارضنا الحبيبية



    بأبي أنت وأمي يا رسول الله



    فدتك نجد و طيبة ومكة وأرض الأسراء


    اللهم احشرني مع نبيك يوم يكون اللقاء


    اجمل شئ في الحياة حينما تكتشف اناس قلوبهم مثل اللؤلؤ المكنون في الرقة والبريق والنقاء قلوبهم مثل افئدة الطير
    اللهم اني احبهم فيك

    لك نصحي وما عليك جدالي ........وافة النصح ان يكون جدال

    دعوة لحفظ القرآن الكريم عن طريق المنتدى










  9. #9
    عضو متميز
    صور رمزية youssef_23
    تاريخ التسجيل
    Oct 2004
    المنطقة
    ارض الله
    العمر
    35
    ردود
    7,047
    مغامرة ممتعة اخى افا روميو
    وحمدلله على السلامة

  10. #10
    عضو متميز
    صور رمزية splash99
    تاريخ التسجيل
    Sep 2005
    المنطقة
    Anywhere but EARTH
    ردود
    1,489
    ربنا يبارك فيك يا الفاروميو
    اللهم ثبت اقدام المجاهدين في كل مكان

  11. #11
    مجبور يقله دخيلك سكر الجدار والا ستغضب اسرائيل
    كله مثل بعضه مع تشكيلات وطنيه للدعايه
    العلمانيه وجه للكفر وان لم يكفر اصحابها

  12. #12
    عضو متميز
    صور رمزية splash99
    تاريخ التسجيل
    Sep 2005
    المنطقة
    Anywhere but EARTH
    ردود
    1,489
    اخي يوسف معلش سؤال
    دخيلك يعني ايه

  13. #13
    عضو متميز
    صور رمزية الجنرال Max
    تاريخ التسجيل
    Sep 2004
    المنطقة
    أطهر أرض في قلبي
    ردود
    1,702
    ...قصة رائعة ...
    شكرا ....
    تصلح كاتب روايات
    ----
    يا قارئ خطي لا تبكي على موتي ... فاليوم أنا معك وغداً في التراب أنت معي
    maxcona4@gmail.com

  14. #14
    عضو متميز
    صور رمزية ehabrashad
    تاريخ التسجيل
    May 2005
    المنطقة
    مصر
    ردود
    2,414
    كثير من اصحابي ذهبوا إلى هناك
    وللأسف الشديد لم اتمكن من لذهب
    ولم رجعوا اخذوا يغيظونني
    فإنهم صلوا صلاة الجمعة هناك واجروا لقاءات متعددة مع اعضاء حركتي حماس والجهاد
    وبصراحة أخذتني الحصرة وكنت "هفرقع" من الغيظ
    والله يا اخي إن اقصى امنية عندي أن ألقى الله شهيداً على اعتاب اقصاه بعد صلاة في رحابه
    كل اناء بما فيه ينضح
    إذا جائتك الضربات من اليمين ومن اليسار فاعلم انك من أهل الوسط

  15. #15
    عضو نشيط
    صور رمزية S.A
    تاريخ التسجيل
    Mar 2005
    المنطقة
    egypt
    العمر
    36
    ردود
    435
    أنا مش فاهم إنت رحت فعلآ ولا لأ

    لكن في كل الحالات أسلوبك جميل وممتع

    أصل هشام أبو العافيه ده إسم مراسل أخبار

    .....................

    http://s-a.cgsociety.org/gallery/

    ....................

  16. #16
    عضو متميز
    صور رمزية فدائي
    تاريخ التسجيل
    Mar 2004
    المنطقة
    مصر
    ردود
    1,683
    اقتباس الموضوع الأصلي كتب بواسطة saloooha
    أنا مش فاهم إنت رحت فعلآ ولا لأ

    لكن في كل الحالات أسلوبك جميل وممتع

    أصل هشام أبو العافيه ده إسم مراسل أخبار
    صالوحه
    اسمه خميس ابو العافيه
    لن تركع امه قائدها محمد(صلى الله عليه وسلم)

    بارودتى بيدى وبجعبتى كفنى ياامتى انتظرى فجرى ولا تهنى
    بعقيدتى اقوى ابقى على الزمن ...حصنى اذا عصف به موجة الفتن
    والصبر لى زاد فى شده المحن

  17. #17
    عضو نشيط
    صور رمزية S.A
    تاريخ التسجيل
    Mar 2005
    المنطقة
    egypt
    العمر
    36
    ردود
    435
    ..........

    أيوه صح

    والأخضر بالريش الناس دي علمت في دماغ الواحد

    .....................

    http://s-a.cgsociety.org/gallery/

    ....................

  18. #18
    حلوة, ذكرتني بالجبرتي

  19. #19
    عضو متميز
    صور رمزية أبوهاشم
    تاريخ التسجيل
    Aug 2004
    المنطقة
    في أحب بقعة إلى الله(مكة)
    ردود
    1,201
    الحمد لله على السلامة يا هشام

    لكن عنوان الموضوع الصحيح هو رحلتي إلى غزة أو فلسطين

    لكن إسرائيل صعبة شوية

    بالتوفيق

    لا اله لا الله محمد رسول الله

  20. #20
    حُـــس
    صور رمزية downs_mass
    تاريخ التسجيل
    Feb 2004
    المنطقة
    أينما ذكر اسم الله في بلد.. عددت ذاك الحمي من صُلب اوطاني
    العمر
    36
    ردود
    7,612
    لكن إسرائيل صعبة شوية
    دون قصد .............................. لا يجب ان نعترف بدولة اسرائيل ... لكن نعترف انها موجوده كعدو يجب التخلص منه
    وما فتىءَ الزمان يدورحتى
    مضى بالمجدِ قومٌ أخرونَ
    وأصبح لا يُرى في الركب قومي

    وقد عاشو أئمته سنينَ
    وآلمني وآلم كل حرٍ
    سؤال الدهر أين المسلمينَ ?

    اذا لم تجد ما تحب فحب ما تجد

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل