هل انتهت البطالة ام ماذا ؟؟

[mohheader]

السلام عليكم ورحمة الله وبركاته

استغرب كل يوم من يافتات ( بالاصح ورق ) ملصق على المحلات والصيدليات وحتى ملاهي السندباد
عن وجود وظائف
والحاجات ي بقالها مدى
وتزداد الاعلانات كل يوم ومفيش اعلان بيتم ازالته

اد كده وصلنا لاننا قضينا على البطالة !!!

والله اتعجب من شاب يجلس على المقهى
وبعدين يقول مفيش شغل

العيب فينا
لا في الدهر

تحركوا
نفسي في اليوم الي اجد فيه كل المقاهي خاليه الا من بعض الشباب المتعب من العمل
والاخر الي يجتمع ليضع خطط ومشاريع



الاعلانات في كل مكان
اعملوا
صحيح حيكون اسمها بطالة مقنعه بس اهو على الاقل بدخل فلوس بدل ما تكون عالة بنسبه 100%

يلا

[downs_mass]

نفس الملاحظه

لكن المشكلة ان سعر العمل في الغالب 150 ج .... يتذل ويتمرمط بيهم

[y@sser]

هههههههههه
المرتب يا ريس
العماله تتعرض لاسواء استغلال
واصحاب الاعمال يتعرضون للاستغلال من الحكومه
والحكومه تتعرض للاستغلال من مجلس الامن والله يكون في عون سوريه ماذالو بيقولو لاء
المشكله انهم لو قالو اه برضو مش هايسلمو ربنا يكون في عون العراق
ولو قالو ماليش دعوه برضه مش هايسلمو الله يكون في عون مصر

عموما الاعمال الفرديه ماذالت خارج نطاق السيطره الدوليه .......الحق اتعلم النقاشه بقي

[mohheader]

الحق اتعلم النقاشه بقي

منا بقلهم كدة
بس الشهادة ( كلمة قرفتني )

ساعات بقول مهو لكل شيء بداية ليه مكنش انا البداية

بس اخاف كثيرا
اخاف ابدء وتكون النهاية سيئة
والكل يقلك اعمل الي انت عايزه بس خد شهادة الاول

اخ من الزمن
اخاف اعمل الي في بالي
بعدين اطلع غلط وساعتها اندم
بس لو فضلت كما انا مش حندم لاني ساعتها حقول اديني زي الكل


نفسي انفذ خطتي المجنونة
بس حتى الحكومة مش حترحمك
سنوات الجيش تتضاعف
وحتتبهدل اخر بهدلة كعسكري عادي


جدوا لي حل

ليس الغريب غريب الشام واليمن ......... ان الغريب غريب اللحد والكفن

[شين.نون]

ده غير إن عدد لا بأس به من هذه الفرص هي للأسف عمليات نصب ، حيث يجعلوك تدفع مبلغ مالي لتقديم الطلب و يلموا الفلوس و خلاص

[mohheader]

ده غير إن عدد لا بأس به من هذه الفرص هي للأسف عمليات نصب ، حيث يجعلوك تدفع مبلغ مالي لتقديم الطلب و يلموا الفلوس و خلاص

معلومة جديدة ما خطرت على بالي

وعلى فكرة ياعم شريف مش قبل ما تعلن عن عمل حوار معي تسئلني الاول
اصلك كاتب في التوقيع
" حوار جديد مع أحد فناني العرب المتميزين جدا (ينشر قريبا) "
Just Kidding
ونحن في الانتظار ولو عندك وظيفة لمدقق املائي بمرتب محترم انا في الخدمة
J/K

[رجل السماء]

اية فرص يا حيدر
الاول انت ايه اخبارك

لايوجد فرص يا حيدر

اول شىء لماذا تعمل فى شىء انت لاتحبه او لاتفهم فيه

بمعنى انت خريج حقوق يعنى راجل بتاع قانون
تروح تشتغل بتاع بطاطا مثلا او تروح تشتغل جارسون فى محل
يبقى فين النجاح وفين الهدف
يبقى الفرصة دى بتدمر اهدافك واحلامك مع ان العكس هو المفترض ان يحدث
المفترض ان الفرصة هى خطوة نحو النجاح او الهدف ولكن الفرص المتاحة هى لتدمير الاهداف

يعنى مندوب مبيعات مثلا انت خريج كلية تجارة او زراعة تروح تشتغل مندوب مبيعات يبقى فين الهدف او الطموح

طبعا يوجد طرق عديدة جدا لتجعلك فى الوظيفة التى تريدها
اول شىء انا ليس مقتنع تماما بمسألة البطالة والناس التى تجلس على القواهى لتضيع الوقت

انت خريج تجارة مثلا واحد ضمن الاف الخريجين لاتجد عمل يبقى تبحث عن شىء يطور هذه الشهادة او يطور مهارتك
تأجد مثلا ماجيستير فى تخصصك او تطور مهارتك عن طريق التدريب فى احدى الاماكن الكثيرة
لماذا لاتبدع فى تخصصك او تبتكر شىء جديد لماذا لاتفكر
انا مقتنع تماما ان لكل شخص فى هذا العالم كرسى يجلس عليه عندما يجد هذا الكرسى سيعرف ما قيمة الابداع
والكرسى ليس مجرد مكتب او كرسى على القهوة انما الكرسى هو المكان
ومثل ما نقول الرجل المناسب فى المكان المناسب
انظر من حولك ولتكن فى الاعمال التلفيزيونية على سبيل المثال عندما يكون كل ممثل فى مكانه الصحيح تشعر ان كل شخص جميل روحا ومناسب للشخصية ومبدع ومبتكر فيها

يجب ان تعرف ماهو مكانك المناسب
تعرف ما هو مكانك من بعد الثانوية العامة بعد ان تلم بمعاير العلم بشتى اشكاله

ولاتقول لى هندسة وطب

لايمكن ان يكون طموح 70 مليون هو ان يكون مهندس او طبيب لان ما يحدث هو البحث عن المال وليس البحث عن المكان الصحيح او الابداع

اتوقع اذا كل طالب رفض رغبة ابيه او امه فى ان يصبح طبيب او مهندس وبدء يبحث عن مكونات الابداع فى داخله
وما هى قدراته وما هى ميوله سيحصل على ما يريد من هذه الدنيا والعالم يحترمه للابد

لو كانت ميولك علمية بشكل بحت ولتكن فى الفيزياء وطموحك يدفعك لان تكون عالم فى الفيزياء لماذا لاتدخل كلية علوم
حتى ولو لم يكن مجموعك ايؤهلك لهذه الكلية لماذا لاتدرس مرة اخرى لتحصل عليها

للاسف اغلبنا احلامه بسيطة جدا تتمثل فى تكوين اسرة وشقة وعربية
مع ان هذه الاشياء لاتمثل اى شىء لشخصك ولاتعتبر اهداف او احلام حتى

طبعا اغلب ما قلته هو مشترك بيننا وبين العالم كله وليس لنا فقط ولكن يوجد مرحلة يظهر الشخص مواهبه او يخرجها المدرس او الاب او الام فى اوربا على سبيل المثال


طبعا الخطأء فى النهاية علينا وليس على نظامنا او دولتنا

[mohheader]

ولاتقول لى هندسة وطب

لايمكن ان يكون طموح 70 مليون هو ان يكون مهندس او طبيب لان ما يحدث هو البحث عن المال وليس البحث عن المكان الصحيح او الابداع

اتوقع اذا كل طالب رفض رغبة ابيه او امه فى ان يصبح طبيب او مهندس وبدء يبحث عن مكونات الابداع فى داخله
وما هى قدراته وما هى ميوله سيحصل على ما يريد من هذه الدنيا والعالم يحترمه للابد

اه ه ه ه ه
ومين سمعك
الواحد بس مجرد انه فكر في حاجة زي دي كانت الاجابة اعمل الي انت عايزه ( وطبعا يعدوا يكرهوك في الي انت عايزه فدماغك طبوز --- هل تعلم ان بسبب كلماتك دي خليت يرجع الى دماغي حوار كنت قد اغلقته اليوم صباحا حسبي الله ونعم الوكيل حرجع افكر تاني في الموضوع --- )

[y@sser]

بص هي البلد خنقه لم اعرف حتي شخص واحد خرج وناوي يرجع
بس زي ما بنقول الحصان لا يحسب النتائج الا أخر السبق
طول ما انت جوا لازم تجري
طبعا التعليم وتقويم النفس مطلوب
لاكن هذا لا يمنع الحقيقه فعلا ظروف العمل صعبه جداا
اذكر رفيق الحريري رحمة الله لما كان في مصر كان مطلوب منه عمل تنسيق بين الحكومه المصريه ورجال الاعمال اللبنانين
وبعد الاجتماع جابوه في النشره كنت متوقع يقول الجمله الممله التي تصيبني غالبا بالنعاس
ان الحوار كان بناء ومثمر
مش عارف ليه لما بسمع الكلمه دي بحس اني عايز انام
فوجئت بالرجل بيتكلم بصراحه لم اعهدها في مسئول وبيقول للمذيع ليس لدي ما اعرضه علي رجال اعمال لبنان وعلق ببسلطه علي تعقيد القوانين المنظمه للعمل في مصر

[y@sser]

____________________________________________________

[ehabrashad]

البطالة = الباطل
هذه هي المعدلة
إن الله سبحانه وتعالى خلق الإنسان لوظيفة معينه
ألا وهي عبادة سبحانه وعمارة الأرض
وكل انسان موكل بتكليف العمل
والله الذي خلق اعطى القدرات وجعل بعض الناس على بعض
بأن يكون كل انسان يحتاج للأخر في ظل توازن عجيب ورائع
فإذا زادت البطالة وعطلت القدرات انبعثة الطاقة التي كانت توجه في الخير وإعمار الأرض إلى غير هذا
فأفسدت وكانت بما تمتلكه من قدرات تحت إمرت من يعطي لها لسد حاجاتها
فمن يعطل يستطيع ان يتحكم بمن يعطيه بعد ذالك ويسخر طاقاته تبعاً لما يريد

[mohheader]

بص هي البلد خنقه لم اعرف حتي شخص واحد خرج وناوي يرجع

غريبة انا طلعت وكنت انتظر يوم ارجع لوطني الحبيب

اخي ايهاب
العيب اكيد فينا



العيب بصراحة في المجتمع !!!!!
حتقول ياعم سيبك من كلام الناس
انا معاك ولن اسمع لاحد
ولكن ساحكي لكم تجربتي ويمكن تقولوا اني مجنون

الحمد لله السنة الي فاتت خلصت الثانوية العامة
وكنت مخطط بقى اني اسافر كندا واتعلم هناك الانيماشن وكنت مجهز بقى مخطط خمس سنين ادام
حلو قوي
بس هو السفر ده سهل ؟؟
لا طبعا
وتم رفض طلبي
قلت خلاص ندخل اي كلية
دخلت كلية من الكليات العملية
المهم بعد كده افتكرت موقع animation mentor والعملية كبرت في دماغي
بس برده الموضوع ده عايز تفرغ !!
قلت اسيب الكلية
قلولي ياحلو اعمل الي انت عايزه بس اعرف ان سنين الجيش حتضاعف
قلت مش مشكلة الجيش في الصبح والدراسة مساءا
قلولي يا حلو حتتبهدل اخر بهدله .......... ولاني لا اعرف مدى هذه البهدله خفت الصراحة

قلت احول كلية سهله

قلولي كل الكليات عايزة دراسة وتفرغ ياعسل


وطبعا الكل يقلك مركز ومش مركز وشهادة علشان تتجوز بيها !!!!!


انا محتار

هذا الرد ردا على رد الاخ رجل السماء كمثال

[ehabrashad]

انا لو انك هتقعد في مصر ممكن تعمل إللي انت عيزه ومعها تدرس في اي كلية نظريه
وفيها فوائد متعدده اولاً هتوفرلك سنه من الجيش إن شاء لو قدر لك الله ودخلت الجيش
ثانياً سوف تعطي لك فرصة للتأجيل في الجيش لأنك طالب حتى لو قعدت 9 سنين في الكلية
ثالثاُ سوف تحصل على شهاده جامعية لإرضاء المجتمع العام وعقدت التعليم العالي عند اغلب المصريين

[y@sser]

هههههههههه
يا محمد ما تفهمنيش غلط
مسئاله الوطنيه حاجه تانيه الواحد ممكن يحارب ويموت وهو نفسه مرضيه علشان بلده وده وضع عادي
انما العمل حاجه تانيه
لا اقصد تنفيرك لانك هاتشوف بنفسك في يوم
ايضا لا اتكلم عن الشاب الي مطلوب منه مصروف يومه وتمن ملامبسه وفاتوره موبيل

انا اتكلم في مرحله الالتزام والطموح
يعني بيكون عندك خوارج ثابته كل شهر وفي نفس الوقت تريد ان تطور وتتعلم يمكن تحس بكلامي كويس بعد ما تعدي 25سنه
صدقني يا محمد كل من اعرفهم صحيح بيجو يزورو اهلهم واصدقائم
لاكن لما تكلمه في الشغل بيقولك لا اجد مقارنه بين العمل في الخارج والعمل في مصر
خصوصا اصدقائي في الاتحاد الاوربي
والايام جايه

[String]

بطالة ايه ياعم انت شايف الشباب فاضى مهم قاعدين على القهاوى اهو مش احسن ما يقعدوا فى البيت ولا ايه