موضوع: شريف صبرى "صبى روبى" >>> هما مالهم بينا يا ليل

ردود: 12 | زيارات: 3182
  1. #1
    عضو متميز
    صور رمزية علاء مختار
    تاريخ التسجيل
    Sep 2005
    المنطقة
    الاسكندرية
    العمر
    30
    ردود
    1,098

    شريف صبرى "صبى روبى" >>> هما مالهم بينا يا ليل






    حوار دار بين الشباب
    - شوفت الغنوة الجديدة بتاعت هيثم سعيد
    - ده مين ده كمان
    - ده بيغني غنوة أسمها هما مالهم بينا ياليل
    - آه شوفت التصوير ياعم ده أصلا مش صوته
    أنا أفتكر لما كنت بتفرج عليه في مسابقة سوبر إستار العرب وكان بيغني لعمرو دياب كان صوته زي القطران ده غير انه طلع العاشر من عشر متسابقين يعنى لو كان فيه حداشر أو اتناشر ولا حتى عشرين كان هيطلع الآخير برضك
    بيغشونا حتى في أصوات الناس ياجدع
    - الغريب في الغنوة مش صوته
    - أيوه فعلا
    الغريب هو البنت اللي معاه مين دي بقه الست هانم
    لا وايه طالعه بحجاب
    - يا بني دي سياسة
    - سياسية أيه بقه اللي تطلع واحده بحجاب في غنوة لا وأيه بتترقص و قاعدين علي الكورنيش وقاعده رومانسيه
    يعني مش الحجاب هو سر الإحترام
    - مش مخرجها شريف صبري منتظر منه أيه بقه
    - يابني ده أنا لقيت مكتوب إخراج د / شريف صبري
    نفسي أفهم دكتور في أيه ده
    - دكتور في الت************ ( الرقابه قطعت الكلمة )
    - بكل المقاييس الكليب ده زفت انه يجيبوا واحده محجبه وبتترقص
    ده بمثابة ومسمار جديد في نعش الحجاب الله يرحموا بقه
    - ياعم فيه ايه اولا هو بيعملوا في النعش وبعدين المسامير كتيرة مدقش أنت بس
    وبعدين كمان ما فيه في الشارع محجابين وبيترقصوا
    - إمبارح كنت ماشي أنا ومراتي رايحين عند بابا وماما ولقيت مراتي فجاة بتقول يا سلام
    طبعا أنا سايق ومش شايف لا قدامي ولا في أي حته أنت عارفني لما بركب الطياره مبعرفش أبويا
    بس كنت مهدي علشان الإشارة
    فبصيت لها كده وبعدين لقيتها باصه علي الناحيه الشمال ببص في السريع لقيت واحده محجبه ولابس الحمد لله إسترتش
    مش عارف ازاي بس أهوو حاصل يعني
    فبقولها فيه ايه
    - بقول يا سلام علي الحجاب علي الإسترتش طيب وليه لابسه الحجاب بقه
    - ومين قالك أنه لابسه الحجاب تدين أو حشمه حتى
    - امال أيه
    - دي لابساه علشان مسرحتش شعرها بس فلما تروح للكوافير تتسرح وترجع بقه تظبط فيه اللي هي عايزاه

    - والله مراتك دي ست عاقله هي اللي بتصرخ علي الناس امال الرجاله تعمل أيه بس
    - يابني بص أنا معنديش مانع عن كل الكليبات اللي بتيجي في زفت روتانا ولا ميلودي ولا مزيكا ولا أي حتى طالما مبيدخلوش فيها الأساسيات الدينيه
    - من كام يوم بالصدفه بقلب في التلفزيون لقيت بيعرضوا فيديو كليب لست هانم معرفش هي مين من الناس الجداد اللي بتقلع دي
    وبيصوروها من وفق مش عارف ليه
    لكن بعد شوية عرفت ليه بيصوروها من فوق

    - انت عبيط أصلك يا بني المنظر الفوقي غير الأمامي خالص
    - أيوه غير الجانبي بقه
    - طيب خلاص بقه قفلوا كفايا بلاوي سوده مش ناقصين سيئات
    - احنا عندنا سيئات بما يكفي أننا ندخل جهنم حدف
    - يابني جهنم معدتش فيها مكان
    يعني بزمتك يدخل جهنم اللي بيصور الفيديو ولا اللي بيخرج ولا اللي بيتفرجوا
    ولا اللي بيعترضوا عليه زينا
    - أستغفر الله العظيم .... يا عم كلهم هيدخلوا جهنم
    - صليت العصر طيب
    - نصلي أزاي بقه وأحنا قاعدين نرغي في أشي صبري وأشي روبي وأشي هيثم أفندي كعب الغزال
    - طيب ممكن تقوموا تتوضوا بقه
    - الله يخرب بيتهم جميعا
    - يابني قول ربنا يهديهم
    - لا ربنا يهدهم زي ما هد السلم لم لم .... لم لم ...


    - طيب خلص وروح أتوضا


    انتوا كمان قوموا أتوضوا وأدعوا ربنا يفكها علينا من اللي أحنا فيه ويزيح عننا البلاوي السوده والتفكير الجميل اللي البوق الإعلامي بيفكر فيه وبيتبعه


    كتبه:ابن البلد
    منقول من هذا الموضوعXXX
    لا إله إلا الله
    محمد رسول الله

    سبحان الله وبحمده سبحان الله العظيم
    تذكروا اموات المسلمين بالدعاء


  2. #2
    Designer
    صور رمزية S.Badr
    تاريخ التسجيل
    Dec 2004
    المنطقة
    أرض سمرا وقمرا .. وضفه ونهر ومراكب
    العمر
    16
    ردود
    1,586
    جزاكم الله خيرا
    ابن المهندس مهندس .. وابن الدكتور دكتور .. يبقى ابن الريس متقال الريس حجازي متقال
    S.Badr = Samy Pasha = Samy Badr

  3. #3
    شكرا يا علاء عالموضوع الجميل

  4. #4
    حُـــس
    صور رمزية downs_mass
    تاريخ التسجيل
    Feb 2004
    المنطقة
    أينما ذكر اسم الله في بلد.. عددت ذاك الحمي من صُلب اوطاني
    العمر
    36
    ردود
    7,612
    هما مالهم بالحجاب يا ليل

    انا اول ما شاهدت الكليب .. احتقرت هذا المخرج اكثر ما كنت بحتقره .... لان جنون التجديد عنده جعله يتعدي الي ما هو محظور

    تشويه الحجاب اصبحت فكرته الجديده ... ليخدع بها الجهلاء

    بعد ما انتهي العري ... والناس شبعت ولم يعد جديدا .. اتجه للحجاب لخدعتنا

    لكنها لعبه معروفه وانقلبت عليه
    وما فتىءَ الزمان يدورحتى
    مضى بالمجدِ قومٌ أخرونَ
    وأصبح لا يُرى في الركب قومي

    وقد عاشو أئمته سنينَ
    وآلمني وآلم كل حرٍ
    سؤال الدهر أين المسلمينَ ?

    اذا لم تجد ما تحب فحب ما تجد

  5. #5
    عضو متميز
    صور رمزية splash99
    تاريخ التسجيل
    Sep 2005
    المنطقة
    Anywhere but EARTH
    ردود
    1,489
    ولسه .... البقيه تاتي

  6. #6
    يـــس
    صور رمزية jessing
    تاريخ التسجيل
    Nov 2004
    المنطقة
    الدارالبيضاء
    العمر
    42
    ردود
    6,397
    مشاكل ..

    موضوع جميل ، شكرا ..

    ..

  7. #7
    عضو متميز
    صور رمزية الجنرال Max
    تاريخ التسجيل
    Sep 2004
    المنطقة
    أطهر أرض في قلبي
    ردود
    1,702
    ستبدي لك الأيام ماكنت جاهله ..................
    ----
    يا قارئ خطي لا تبكي على موتي ... فاليوم أنا معك وغداً في التراب أنت معي
    maxcona4@gmail.com

  8. #8
    عضو متميز
    صور رمزية emas
    تاريخ التسجيل
    Nov 2003
    ردود
    3,543
    عندنا 3 مخرجين يستاهلوا الحرق

    شريف صبرى - احمد الفيشاوى اللى عامل ملتزم - جاد الشويرى

    هم اساس كل خلاعه ودعاره فى ا لفن


    اكثر واحد متضايق منه هو احد الفيشاوى لانه يشارك فى برامج دينيه وعامل تقى و كليباته
    الغير محتمله اطلاقا هذا غير قضيته المعروفه

    كليب الحجاب لم يكن تجديدا بل تحديا بظواهر موجوده فعلا ومنتشره وممكن تتفرجوا على قناه الناس وبها فرح به رقص بهذا الزى من اهل العروسين
    _____________
    EMADSOUND

  9. #9
    حُـــس
    صور رمزية downs_mass
    تاريخ التسجيل
    Feb 2004
    المنطقة
    أينما ذكر اسم الله في بلد.. عددت ذاك الحمي من صُلب اوطاني
    العمر
    36
    ردود
    7,612
    احمد الفيشاوي :: غير متزن وايضا نفضنا ايدينا منه

    لو بس يخلوني وزير الاعدام ... أصدي الاعلام
    وما فتىءَ الزمان يدورحتى
    مضى بالمجدِ قومٌ أخرونَ
    وأصبح لا يُرى في الركب قومي

    وقد عاشو أئمته سنينَ
    وآلمني وآلم كل حرٍ
    سؤال الدهر أين المسلمينَ ?

    اذا لم تجد ما تحب فحب ما تجد

  10. #10
    للأسف اللي أعطاله الحق يعمل كده وجود هذه العينات القذرة من المحجبات اللي يستاهلوا الحرق
    اللي مش مصدق ينزل شارع أبو الفدا في الزمالك (المنتزه) ، أو الجانب الأخر من كورنيش النيل من أمام فندق سميراميس و حتى الميريديان (اللي مابقاش اسمه ميريديان الأن) .
    للأسف كنت أمارس رياضة المشي صباحا مع الوالدة في مرّة و مرينا من شارع أبو الفدا ، الساعة كانت 7 الصبح تقريبا و الصف كان مليان محجبات حبيبة ، و إذ بي أفاجئ بالوالدة مشيرة إليهم و وقالت بصوت عالي و مسموع لكل الفتيات التي لم يستطعن الرد " بقى دول محجبات.. اسفوخس عليكم ..مناظر قذرة.. يللا مد خلينا نمشي من هنا " .. كسفتني في الشارع بس معاها حق
    -------------------
    الشارع ده كنا ساكنين فيه زمان..
    كل يوم بيضيق زيادة عمّا كان..
    أصبح الأن بعد ماكبرنا عليه..
    زي بطن الأم مالناش فيه مكان..

    (الشوارع حواديت - صلاح جاهين)
    -------------------

    سبتمبر 2002

  11. #11
    Freelance
    صور رمزية String
    تاريخ التسجيل
    Jul 2004
    المنطقة
    Egypt
    العمر
    32
    ردود
    1,486

    Thumbs up

    اقتباس الموضوع الأصلي كتب بواسطة Sherif.Nagib
    للأسف اللي أعطاله الحق يعمل كده وجود هذه العينات القذرة من المحجبات اللي يستاهلوا الحرق
    اللي مش مصدق ينزل شارع أبو الفدا في الزمالك (المنتزه) ، أو الجانب الأخر من كورنيش النيل من أمام فندق سميراميس و حتى الميريديان (اللي مابقاش اسمه ميريديان الأن) .
    للأسف كنت أمارس رياضة المشي صباحا مع الوالدة في مرّة و مرينا من شارع أبو الفدا ، الساعة كانت 7 الصبح تقريبا و الصف كان مليان محجبات حبيبة ، و إذ بي أفاجئ بالوالدة مشيرة إليهم و وقالت بصوت عالي و مسموع لكل الفتيات التي لم يستطعن الرد " بقى دول محجبات.. اسفوخس عليكم ..مناظر قذرة.. يللا مد خلينا نمشي من هنا " .. كسفتني في الشارع بس معاها حق
    ههههههههههههههههه والله فعلا معاها حق
    امال انا اعمل ايه اللى شفت واحده مش محجبه لأ منقبه وماشية مع واحد وحاطط ايده على كتفها وماشين اخر بوظان طب لابسه النقاب ليه مش فاهم حتى لو جوزها استحاله هتمشى معاه كدا بس جوزا ازاى دا لسه عيل .
    لو رجعنا لموضوع الكليبات فدول فى نظرى معدش ينفع معاهم حاجه الناس مش عجباهم هتيجى تتكلم يقولك اعلامنا حر حر اه قال حر قال هو فين اصلا الإعلام ما علينا شريف صبرى او غيره بقت كوسة .الله يحرقهم جميعا.
    ــــــــــــــــــــــــــــــــــ
    Ahmed Abd Elnaby
    CG artist - compositor
    0162963777 2+

  12. #12
    اصوات الوغواغات مسموعه ومطلوبه وموافق عليها من الدوائر الحكوميه ومن يتفنن بها يعطى جائزة بل ويمنح لقب

    اما اصوات عشاق القران واصوات المطالبه بالاسلام العادل مرفوضه وممنوعه ومن لا يتبع القوانين يسجن
    العلمانيه وجه للكفر وان لم يكفر اصحابها

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل