موضوع: من زمان وانا بلاحظ العملية دي .. من د/ طارق فاروق

ردود: 14 | زيارات: 1508
  1. #1
    Designer
    صور رمزية S.Badr
    تاريخ التسجيل
    Dec 2004
    المنطقة
    أرض سمرا وقمرا .. وضفه ونهر ومراكب
    العمر
    16
    ردود
    1,586

    Angry من زمان وانا بلاحظ العملية دي .. من د/ طارق فاروق

    من زمان وانا بلاحظ العملية دي
    الآيات القرآنية في كل مكان شيء جميل


    ولكن أن يكتب سعيد الفكهاني
    ( وفاكهة مما يتخيرون )

    وعم عبده الفرارجي
    ( ولحم طير مما يشتهون )

    وسيد بتاع الكشري
    ( كلوا واشربوا هنيئا بما أسلفتم في الأيام الخالية )

    وعند افتتاح أي محل
    (إنا فتحنا لك فتحا مبينا )

    وهاني القهوجي كتب على يافطة القهوة
    ( وسقاهم ربهم شرابا طهورا )

    مش ناقص بقى غير ييجي بتاع الرقيق يقول
    ( وحور عين كأمثال اللؤلؤ المكنون )


    دي حاجة تخنق بجد ...


    وانا ماشي في الشارع بقى من يومين فوجئت ان عندنا فيه انتخابات برلمانية في مصر

    آه والله تخيلوا فيه انتخابات
    امتى وفين مش عارف
    بس عادي بتحصل في احسن الدول

    المهم

    فوجئت ان كل واحد بيستخدم الآيات القرآنية على مزاجه

    الحاج سليمان البسطاوي كتب في أعلى صورته
    ( ففهمناها سليمان )

    ولما سألت هما قصدهم ايه بالآية قالولي ان
    الحاج سليمان ربنا فهمه المسألة السياسية ..
    الله اكبر يا سبحان الله ايه الجمال ده !!!



    الأخين أحمد وسيد صالح من مرشحي احدى الدوائر كتبا اعلى صورتهما ايضا
    ( وكان أبوهما صالحا )
    !!!
    خير ان شاء الله ..

    خدت نفسي ورحت ناحية دائرتنا الانتخابية لقيت واحد من اللي مرشحين نفسهم عامل مؤتمر انتخابي قلت يا واد يا ساخر يا غامض خش واستفيد ...


    الحاج مرزوق ابو الحسن
    أكبر تاجر مخـ.... قصدي اكبر تاجر في السوق شعاره الانتخابي
    كله هياكل .. كله هيعيش ..
    قووووول يا رب ..

    قمت سألته سؤال بسيط .. انت ايه البرنامج الانتخابي بتاعك يا حاج
    ( واعي وناصح من يومي ) ..

    ـ رد عليا وقال موال :
    الكل هياكل .. الكل هيعيش .. قول بس يا رب


    ـ يا رب بس انا ما فهمتش برضه انت ناوي علي ايه للمنطقة والشباب وبرضه كله هياكل وكله هيعيش وما حدش هيموت من الجوع ؟
    ـ المنطقة يا استاذ مش محتاجة مساعدة من حد بالجهود الذاتية احنا هنقدر نعمل كل اللي احنا عايزينه وبلاش نحمل الدولة فوق طاقتها ..
    ـ وهو المنطقة دي يا حاج مش جزء من الدولة برضه لازم تصرف عليه وتنميه ..

    فجأة وبدون سابق انذار يتجهم وجهه قائلا :
    انت جاي من عند المنافس بتاعي .. انتوا عايزين مننا ايه .. سيبونا في حالنا .. الناس عايزة تاكل وتعيش .. امسكوا الواد ده وودوه على القسم

    العبد لله الي (هوه انا) لأنه لحسن الحظ كان قاعد في الصفوف الخلفية فالبلطجـ ... قصدي الرجالة بتوع الحاج ما لحقونيش لاني خدتها جري وقلت يا فكيك

    فوق صورة الحاج لقيت
    ( انا عرضنا الأمانة على السماوات والأرض والجبال فأبين ان يحملنها وأشفقن منها وحملها الإنسان )

    مستحيل اللي بيحصل ده .. طب كمل الآية يا حاج كملها وانت تنسحب والله العظيم
    ( انه كان ظلوما جهولا )

    -------------------------------------------------------

    الأستاذ عاطف السيوفي نائبنا الأربع سنوات الماضية اول مرة اشوفه واعرفه في مؤتمره الانتخابي بيقول:
    انا بقالي اربع سنين نائب عنكم وما عملتش حاجة بس ادوني فرصتي
    ؟؟!!!

    يا نهار مالوش ملامح .. اربع سنين وعايز فرصة تانية امال كنت بتعمل ايه في الاربع سنين اللي فاتوا .. اكيد كنت من النائمين في مجلس النوم ...

    كتب أعلى صورته
    ( وقل اعملوا فسيرى الله عملكم ورسوله والمؤمنين )

    طب طبّق يا بني آدم

    والله العظيم اتخنقت

    هي الآيات القرآنية لعبة وأداة في يد من لا يطبقها ولا يقرأها ولا يعرف معناها


    أكاد أجزم أن كل من رشح نفسه لا يملك مصحفا ليضعه في مكتبه .. او في سيارته


    ولا حول ولا قوة الا بالله ..


    تحولت الآيات القرآنية الى جزء من الدعاية الانتخابية بدلا من اساس للعقيدة

    ولا تعليق



    من د.طـــارق فـــاروق

    ابن المهندس مهندس .. وابن الدكتور دكتور .. يبقى ابن الريس متقال الريس حجازي متقال
    S.Badr = Samy Pasha = Samy Badr


  2. #2
    جزاك الله خيرا اخوي
    فعلا موضوع ينم عن جهاله في الدين

    اللهم ارزقهم وارزقنا المغفره وارزقنا نعمة فهم دينك واجعل القرآن سلاحنا

  3. #3
    عضو متميز
    صور رمزية ehabrashad
    تاريخ التسجيل
    May 2005
    المنطقة
    مصر
    ردود
    2,414
    فكرتني بمحل لإصلاح الساعات مكتوب عليه ( إنما اريد الإصلاح ما استطعت) ههههههه
    يعني لو مصلحش سعتك كويس يبقى هو عمل إللي عليه

    والله يا اخي الكريم كلما أتت الإنتخابات تذكرت قول الشاعر
    يردد بعضهم قولاً هزيلاً ولا يتجاوز القول اللسان

    اللهم اقسم لنا امر رشد يحكم فيه كتابك ويأمر فيه بالمعروف وينهى فيه عن الباطل والمنكر
    كل اناء بما فيه ينضح
    إذا جائتك الضربات من اليمين ومن اليسار فاعلم انك من أهل الوسط

  4. #4
    يـــس
    صور رمزية jessing
    تاريخ التسجيل
    Nov 2004
    المنطقة
    الدارالبيضاء
    العمر
    42
    ردود
    6,397
    جزاك الله خيرا موضوع قيم ..

    ..

  5. #5
    عضو متميز
    صور رمزية y@sser
    تاريخ التسجيل
    May 2003
    المنطقة
    جوانتانامو مصر
    ردود
    10,884

    فعلا حاجه غريبه جداا
    شكرا ياخي والله ملحوظه في محلها
    بلاد الكوارث
    حيث جميع الشعب وجلاديه يبحثون عن العقل والقلب والشجاعه المفقودين
    لكن للاسف لاوجود للساحر اوز
    وتنتهي القصه بفقد الحذاء الاحمر
    وتبقي اليس في بلاد الكوارث للابد

    مدونتي

  6. #6
    Designer
    صور رمزية S.Badr
    تاريخ التسجيل
    Dec 2004
    المنطقة
    أرض سمرا وقمرا .. وضفه ونهر ومراكب
    العمر
    16
    ردود
    1,586
    جزاكم الله خيراً ..
    ابن المهندس مهندس .. وابن الدكتور دكتور .. يبقى ابن الريس متقال الريس حجازي متقال
    S.Badr = Samy Pasha = Samy Badr

  7. #7
    اكيد ان احدهم شعاره (خير من استاجرت القوي الامين) فهو شعار اغلب من يرشح نفسه
    ممن يشترون بايات الله ثمنا قليلا
    و قد شاهدت احدي الدعايات الخاصة بشركة تامين و هي عبارة عن صورة سيارة قديمة و محطمة و عن يسارها نفس السيارة و لكن اصبحت جديدة و بين السيارتين مكتوب الاية من سورة طه
    ( سنعيدها سيرتها الاولي)
    الغريب في الامر ان الشركة تزعم انها اسلامية
    يا للعجب العجاب
    يقول الله تعالي في الحديث القدسي:
    ( يا ابن آدم أنا لك محب فبحقي عليك كن لي محبا)

  8. #8
    عضو متميز
    صور رمزية DarNet
    تاريخ التسجيل
    Feb 2004
    المنطقة
    عالم ثاني
    ردود
    1,944
    الله المستعان ، والله كلامكم صحيح ، الله المستعان .
    في يوم من الايام ، كنت عضو في منتديات المنابر الموقرة

  9. #9
    عضو متميز
    صور رمزية youssef_23
    تاريخ التسجيل
    Oct 2004
    المنطقة
    ارض الله
    العمر
    35
    ردود
    7,047
    ههههههههه
    فعلا انا شفت بلاوى من دى كتير
    وشفت محل فى المنصورة
    كاتب
    "وكل شىء فصلناة تفصيلا"
    وكلام كتير يعبر اكثر عن جهل الامة بمعانى القران الكريم اكثر من الاستهزاء

  10. #10
    يوسف التلباني
    عضو لجنة تحكيم

    صور رمزية maxspider
    تاريخ التسجيل
    May 2004
    المنطقة
    <<<<EGYPT>>>>
    العمر
    32
    ردود
    5,585
    موضوع جميل جدا يا سامي ...

    فعلا جهل فظيع ... الحمد لله الذي عافانا ...

    أتذكر أني قرأت في بعض الجرائد احد الصحفيين الذي تحدث عن هذه الظاهرة ...

    وكان من أمثلتها ان جزارا علق على باب المحل " إن الله يأمركم أن تذبحوا بقرة " ؟؟؟؟؟؟؟؟

  11. #11
    Designer
    صور رمزية S.Badr
    تاريخ التسجيل
    Dec 2004
    المنطقة
    أرض سمرا وقمرا .. وضفه ونهر ومراكب
    العمر
    16
    ردود
    1,586
    وكان من أمثلتها ان جزارا علق على باب المحل " إن الله يأمركم أن تذبحوا بقرة "
    ههههههههههههههههه .. سبحان الله

    كل واحد بيأيف الايه زي مهو عاوز ..
    ابن المهندس مهندس .. وابن الدكتور دكتور .. يبقى ابن الريس متقال الريس حجازي متقال
    S.Badr = Samy Pasha = Samy Badr

  12. #12
    معقوله هالكلام كله واقعي ؟ ولا قصه من الخيال ؟

    أنا الي اعرفه مكتوب على بوابة دخول المطار في القاهرة ( و أدخلوا مصر آمنين )

  13. #13
    حُـــس
    صور رمزية downs_mass
    تاريخ التسجيل
    Feb 2004
    المنطقة
    أينما ذكر اسم الله في بلد.. عددت ذاك الحمي من صُلب اوطاني
    العمر
    36
    ردود
    7,612
    كنت اعمل في صيدلية وكان هناك بيت شعر معلق فيها يقول

    ان الطبيب له علم يداوي به :: مادام في عمر الانسان تأخير

    حتي اذا ما انقضت ايام مهلته :: حار الطبيب وخانته العقاقير


    يعني لو حد مات الصيدلية غير مسئولة

    هههه تذكرتها بمناسبة الموضوع
    وما فتىءَ الزمان يدورحتى
    مضى بالمجدِ قومٌ أخرونَ
    وأصبح لا يُرى في الركب قومي

    وقد عاشو أئمته سنينَ
    وآلمني وآلم كل حرٍ
    سؤال الدهر أين المسلمينَ ?

    اذا لم تجد ما تحب فحب ما تجد

  14. #14
    Designer
    صور رمزية S.Badr
    تاريخ التسجيل
    Dec 2004
    المنطقة
    أرض سمرا وقمرا .. وضفه ونهر ومراكب
    العمر
    16
    ردود
    1,586
    ان الطبيب له علم يداوي به :: مادام في عمر الانسان تأخير

    حتي اذا ما انقضت ايام مهلته :: حار الطبيب وخانته العقاقير
    دا كده العيان لو دخل يشتري من الصيدليه دي حاجة .. اكيد لو قرا بيتين الشعر دول هيكتئب ..
    ابن المهندس مهندس .. وابن الدكتور دكتور .. يبقى ابن الريس متقال الريس حجازي متقال
    S.Badr = Samy Pasha = Samy Badr

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل