خبر حلو لكل المصريين..

[_hany_]

بحثت على الانترنت عن أي أخبار لها علاقه بالموضوع و هذه هي النتيجه:

أول فيلم روائي عربي بالرسوم المتحركة
"الفارس والأميرة" يواجه الصهاينة بسبعة ملايين جنيه:
بفيلم "الفارس والأميرة" الذي تعكف عليه شركة السحر للرسوم المتحركة منذ أكثر من عامين يقترب العرب من إنجاز نقلة ضخمة في مجال أفلام الرسوم المتحركة، وتجربة الفيلم تلقفها النقاد وصناع السينما بحفاوة شديدة واعتبروها الأهم والأبرز والبداية الحقيقية لمجابهة سينمائية للموضوعات التي يطرحها الغرب في أفلامه وتهدف لتشويه العرب والمسلمين.


قال عصام المغربي وهو مخرج رسوم متحركة قضى ربع قرن في مجال العمل التلفزيوني وبرامج الأطفال، أنه شعر بحزن عميق وهو يشاهد فيلم "أمير من مصر" والذي تعمد تشويه الحضارة المصرية ولفق الأكاذيب التي تؤكد أن اليهود هم أصحاب الحضارة الحقيقيون وهم الذين بنوا الأهرامات. واليوم فقط شعرت باطمئنان بعد الدقائق القليلة التي شاهدتها من فيلم "الفارس والأميرة". وأضاف أن الميزة الكبرى لأفلام الرسوم المتحركة أنها سهلة التوزيع وسريعة الانتشار حيث يمكن دبلجة الفيلم لأي لغة من لغات العالم ومن ثم يمكن تسويقه إلى جميع دول العالم.
الفيلم كتب السيناريو له ويخرجه المصري بشير الديك وأبدع شخصياته وأعد له الرسوم فنان الكاريكاتير المصري مصطفى حسين وتتعدى تكلفته الإنتاجية كما يؤكد المخرج بشير الديك سبعة ملايين جنيه، ويقع في تسعين دقيقة حول قصة البطل العربي محمد بن القاسم بن محمد الثقفي ويقدم صفحة من صفحات الفخار العربي يوم كانت الحضارة الإسلامية تبسط سيطرتها على المشرق والمغرب وتؤثر في كل العالم.
ومن المنتظر أن يكون جاهزاً حسب تصريح مدير عام شركة السحر للرسوم المتحركة العباس بن العباس خلال عشرة شهور حيث لم يتم إنجاز اكثر من اثنتي عشرة دقيقة هي التي حققت كل هذا الإبهار ممن تابعوها.

مقتبس من:
http://arabiat.net/issue26/kutob2.ht...كة
--------------------------------------------------------------------------------------------------

الفارس والأميرة.. سحر الشرق

وكانت أكثر الأفلام المصرية التي سبقتها دعاية كبيرة هو فيلم "الفارس والأميرة"، وهو أول فيلم عربي روائي للرسوم متحركة ينتج بهذه التقنية العالية التي تضاهي الأفلام الأجنبية من أجل مواجهة الفكر الغربي الذي تحمله الأفلام الغربية، وهو من إنتاج شركة "السحر"، ورسوم الفنان "مصطفي حسين"، وإخراج "بشير الديك"، لكن لم يتم سوى عرض 13 دقيقة فقط، هي جملة ما تم تنفيذه خلال عامين كاملين من الفيلم المقرر له 90 دقيقة.

مقتبس من:
http://www.islamonline.net/arabic/ad...rticle21.shtml

---------------------------------------------------------------------------------
و أدي موقع الشركه:
http://www.alsahar.com/


و أدي لقطه من الفيلم::::
http://www.alsahar.com/movies/film.mov

[Chessman]

بصراحة يا جماعة مسلسل بكار ده رائع جداً
لدرجة أنه شركة ديزنى لو شافته حتقول برافو عليكم يا مصريين بتخلوا الأطفال وهم صغيرين يعملوا أفلام كارتون بالشكل ده
حقيقى شغل أطفال، امّال فين الرسامين المصريين، وفين الشغل الثرى دى الحلو الى بنشوفه من المصريين بالمنابر، ليه مايظهرش فى الأفلام دى، ولا هو دايماً فى مصر الرجل الغير مناسب فى المكان الغير مناسب.
انا بيتهيألى لو القائمين على العمل دخلوا المنابر ممكن يختاروا رسامين 2d و 3d مصريين على أعلى مستوى، أحسن من فريق عمل الأطفال القائم على العمل لمدة 7 سنوات بدون تطور يذكر.
أنا مع الأخ Respect بس معترض على الألفاظ إلى استخدمها.

[علاء مختار]

بحثت على الانترنت عن أي أخبار لها علاقه بالموضوع و هذه هي النتيجه:


اقتباس:
أول فيلم روائي عربي بالرسوم المتحركة
"الفارس والأميرة" يواجه الصهاينة بسبعة ملايين جنيه:
بفيلم "الفارس والأميرة" الذي تعكف عليه شركة السحر للرسوم المتحركة منذ أكثر من عامين يقترب العرب من إنجاز نقلة ضخمة في مجال أفلام الرسوم المتحركة، وتجربة الفيلم تلقفها النقاد وصناع السينما بحفاوة شديدة واعتبروها الأهم والأبرز والبداية الحقيقية لمجابهة سينمائية للموضوعات التي يطرحها الغرب في أفلامه وتهدف لتشويه العرب والمسلمين.


قال عصام المغربي وهو مخرج رسوم متحركة قضى ربع قرن في مجال العمل التلفزيوني وبرامج الأطفال، أنه شعر بحزن عميق وهو يشاهد فيلم "أمير من مصر" والذي تعمد تشويه الحضارة المصرية ولفق الأكاذيب التي تؤكد أن اليهود هم أصحاب الحضارة الحقيقيون وهم الذين بنوا الأهرامات. واليوم فقط شعرت باطمئنان بعد الدقائق القليلة التي شاهدتها من فيلم "الفارس والأميرة". وأضاف أن الميزة الكبرى لأفلام الرسوم المتحركة أنها سهلة التوزيع وسريعة الانتشار حيث يمكن دبلجة الفيلم لأي لغة من لغات العالم ومن ثم يمكن تسويقه إلى جميع دول العالم.
الفيلم كتب السيناريو له ويخرجه المصري بشير الديك وأبدع شخصياته وأعد له الرسوم فنان الكاريكاتير المصري مصطفى حسين وتتعدى تكلفته الإنتاجية كما يؤكد المخرج بشير الديك سبعة ملايين جنيه، ويقع في تسعين دقيقة حول قصة البطل العربي محمد بن القاسم بن محمد الثقفي ويقدم صفحة من صفحات الفخار العربي يوم كانت الحضارة الإسلامية تبسط سيطرتها على المشرق والمغرب وتؤثر في كل العالم.
ومن المنتظر أن يكون جاهزاً حسب تصريح مدير عام شركة السحر للرسوم المتحركة العباس بن العباس خلال عشرة شهور حيث لم يتم إنجاز اكثر من اثنتي عشرة دقيقة هي التي حققت كل هذا الإبهار ممن تابعوها.


مقتبس من:
http://arabiat.net/issue26/kutob2.ht...كة
--------------------------------------------------------------------------------------------------


اقتباس:
الفارس والأميرة.. سحر الشرق

وكانت أكثر الأفلام المصرية التي سبقتها دعاية كبيرة هو فيلم "الفارس والأميرة"، وهو أول فيلم عربي روائي للرسوم متحركة ينتج بهذه التقنية العالية التي تضاهي الأفلام الأجنبية من أجل مواجهة الفكر الغربي الذي تحمله الأفلام الغربية، وهو من إنتاج شركة "السحر"، ورسوم الفنان "مصطفي حسين"، وإخراج "بشير الديك"، لكن لم يتم سوى عرض 13 دقيقة فقط، هي جملة ما تم تنفيذه خلال عامين كاملين من الفيلم المقرر له 90 دقيقة.

مقتبس من:
http://www.islamonline.net/arabic/ad...rticle21.shtml

---------------------------------------------------------------------------------
و أدي موقع الشركه:
http://www.alsahar.com/


و أدي لقطه من الفيلم::::
http://www.alsahar.com/movies/film.mov

معلومات خطيرة جدًا الله ينور عليك
بس بصراحة أنا اتصدمت لما شفت العرض
أنا قلت بقى هانشوف حاجة زى سيمبا أو تيمون و بومبا ولا حتى علاء الدين
بس ماشى ربنا يسهل فى الأفلام الجاية
و جزاك الله خيرًا على المعلومات الجامدة

[MN3M]

شكرا يا مخ..

[MN3M]

الجواب باين من عنوانه و شغلهم جميل..

[fighter4d]

السلام عليكم

فى البداية احب ان اشكرا كل اخوانى واصدقائى فى فريق منى للرسوم المتحركة اللى ليهم حق السبق فى المجال وهما فعلا البداية وكل واحد اشترك فى هذا العمل له كل الفخر .

ثانيا:

تعليقا على تقييم الاعضاء لمستوى العمل :

لازم الاول الاخوان يعرفوا بعض

المعلومات المهمه جدا فى مجال الرسوم المتحركة

هناك انواع كثيرة من افلام الجرافيك الكرتونيةاولا :

النوع الاول

ويعتمد على تحريك الرسوم المباشر وهذا لايدخل فية اى برنامج ثرى دى بشكل مباشرمثل بكار وتوم وجيرى وبطوط ولكن يعتمد على الرسم اليدوى ثم التلوين ومعالجته بالفوتوشوب ثم تحريكه بالتونز وهذا النوع هو الاساس فى تسمية جميع افلام الجرافيك( افلام الرسوم المتحركه)

ثانيا:النوع الثانى

وهو المعتمد على برامج الثرى دى وهذا النوع حديث بالنسبة للنوع الذى يسبقه وهذا يحتاج الى جميع برامج الجرافيك من تو دى وثرى دى ومونتاج ومؤاثرات واستوديوهات وهكذا مثل فينل فنتزى وهكذا
وهناك انواع اخرى متفرعة

المهم لما نحب نقيم بكار

نقيمه على اساس انه اول فيلم رسوم متحركه حقيقى فى بلدنا
نقيمه على اساس مدى انتشارة وشعبيته
نقيمه على اساس فيلم رسوم متحركه من النوع الاول وليس فيلم جرافيك من النوع التانى يعنى لو حبيت تقارنه تقارنه بالتوم وجيرة ميش بنيمواخيرا
الفريق اللى اشترك فى هذا العمل لا يجدوا صعوبة انهم يعملوا اشياء قوية جدا مثل نيمو ليس بسبب المواهب او القدرات ولكن بسبب ظروف العمل ومواعيد التعاقد والميزانيه المحدده لهذا
معلومه اخيرة هناك مئات الالف من افلام الرسوم المتحركه والجرافيك من النوع الاول والثانى تنتجح فى امريكا سنويا ولكن لايظهر عالميا الا الاعمال الخاصة بشركات والاستوديهات الكبيرة ولكن الباقى لا احد يعلم عنه شى .

فى النهاية
بلاش النقد من اجل النقد .ونشجع ونتابع ونحاول نشارك واكيد بالتفائل هنوصل ميش بالتشائم

[زاهر2]

السلام

السلام عليكم ورحمة الله وبركاتة بالنسبة لمسلسل بكار انا لا اعتقد انة ليس بالمكس ولا مايا لانا دة مش مستواهم ولو كان بيهم يبقا الفريق هو الى وحش بالنسبة لاول فيلم سنمائى اذا كان زى بكار يبقا طبعا وحش لانة مش هينفع وبالتوفيق وشكرا .،

[Sailor]

السلام عليكم يا شباب
فى الاول دى اول مشاركه لى فى المنتدى الجميل ده
بعد كده عن الفيلم المصرى اللى انتو بتتكلموا عنه
الحمد لله لدى بعض المعلومات عن هذا الفيلم
الفيلم ده مصرى خالص انتاج شركة السحر
وليس فريق مسلسل بكار(الحمد لله)
الخلفيات 2d عالية التقنيه و الشخصيات اقل فى التقنيه
و المؤثرات بالمايا اه شغل ال 2d معمول ب painter
وفعلا الاداء الصوتى ادا ممثلين مشهورين
رأى الخاص_ الفيلم يا جماعه اكتر من ان يكون تحدى
الفيلم على مستوى عالى جدا الفيلم باذن الله هايعمل هزه جامده
الفيلم بيحكى جو قريب من علاء الدين والبصره وكده
الكلام ده عن رؤيه للحظات خام من الفيلم وكمان لمراحل من تصميم البوستر

وعليكم السلام
هايعمل هزة جامدة منين بس اذا أنت قلت ان الخلفية 2d و ان الشخصيات بال painter
حتى القصة هي قصة علاء الدين قصة مكررة ألف مرة
يعني لا إبتكار في القصة ولا صورة مبهرة ولا إمكانيات
و مستني الفيلم "يهز"
أعتقد إن الشىء الوحيد اللي فيه أمل هو الموسيقى و الأغاني مثل الفيلم الفاشل "الرائعة" بكار
و حسبي الله و نعم الوكيل

[Respect]

أنا يا جماعة مش بهاجم مسلسل بكار في حد ذاتة , أنا كل أعتراضي على إننا طايرين بيه في السما و هو مايستهلش إننا نتفرج عليه أصلا لكن لو إحنا معترفين أنه الفيلم الأول و المحولة الأولة و أول خطوة على الطريق كان ماشي كنا حانحترم المحاولة و ننتظر التطور لكن للأسف الأعلام بتعنا متخلف و بيصور للناس إن بكار ده معجزة و أحسن حاجة في الدنيا .
يا جماعة المستوى المتدني المعمول بيه بكار ده يدل على إن اللي عاملوه بيستخفوا أشد إستخفاف بالمشاهدين حتى لو كانو من الأطفال اللي من الادعى عدم الأستخفاف بعقولهم.
حاجة أخيرة للأخ fighter4d ردا على إننا لو عايزين نقارن بكار نقارنة بتوم و جيري ....... أنا مش عارف! أنت شايف إنهم يتحطوا في مقارنة مع بعض ؟؟؟؟!!!!! أنت أكيد متفرجتش على توم و جيري قبل كده أو ماشوفتش بكار !!!

المهم لما نحب نقيم بكار

نقيمه على اساس انه اول فيلم رسوم متحركه حقيقى فى بلدنا
نقيمه على اساس مدى انتشارة وشعبيته
نقيمه على اساس فيلم رسوم متحركه من النوع الاول وليس فيلم جرافيك من النوع التانى يعنى لو حبيت تقارنه تقارنه بالتوم وجيرة ميش بنيمواخيرا
الفريق اللى اشترك فى هذا العمل لا يجدوا صعوبة انهم يعملوا اشياء قوية جدا مثل نيمو ليس بسبب المواهب او القدرات ولكن بسبب ظروف العمل ومواعيد التعاقد والميزانيه المحدده لهذا
معلومه اخيرة هناك مئات الالف من افلام الرسوم المتحركه والجرافيك من النوع الاول والثانى تنتجح فى امريكا سنويا ولكن لايظهر عالميا الا الاعمال الخاصة بشركات والاستوديهات الكبيرة ولكن الباقى لا احد يعلم عنه شى .

فى النهاية
بلاش النقد من اجل النقد .ونشجع ونتابع ونحاول نشارك واكيد بالتفائل هنوصل ميش بالتشائم

[fighter4d]

يااستاذ respect

اولا بالنسبة لكونك انك ميش عجبك المستوى للبكار فده رايك الشخصى كلنا نحترمه

ثانيا واضح انك مفهتيش كلامى بمقارنة بكار بتوم و جيرى
(المقارنة كانت مقارنة انواع ميش مقارنه الافضل)

استاذ respect
انا 3d animitor فى قناة المجد الفضائية وبنعمل حاجات كتير جدا ميش لازم نكون مقتنعين بيها
وبتكون احيانا كثيرة ليست على كفاءة تذكر ولكن السوق عرض وطلب
هوليود لما تدفع 100 مليون جنية علشان تنتج فيلم عرفة هى بتعمل ايه والفيلم ده حيقق ايه
نفس الموضوع هنا لما منى ابو النصر تعمل فيلم بكار وينطلب منها 30 حلقة خلال سنه او اقل وعرفه ان التليفزيون المصرى هيشترية بمبلغ معين (المبلغ ده هو اللى حيحد المرتبات بتاع التيم هو اللى حيحدد الوقت اللى يخلص فية هو اللى حيحدد كل حاجه فى المشروع )استاذ respect الموضوع دراسة جدوه .
وفى النهاية لازم تعرف ان فى مصر فى مستويات جامده جدا وشغلين فى شركات ولو الشركات طلبت منهم يعملوا نيمو هيعملوه وكلنا كا ثرى دى نفسنا يجى الوقت وينطلب مننا حاجه ذى كدا بس
.
وبالتوفيق

[mAmZi]

انا 3d animitor فى قناة المجد الفضائية

بجد و الله

أنا بحلم بالعمل في هذه القناة

لكني لازلت مبتدي في الماكس

انتو بتحتاجو المصمم يكون مستواه قد إيه بظبط في الماكس ؟؟؟
و لازم أكون بشتغل على أكثر من برنامج و لا ممكن برنامج واحد ؟؟؟

[Respect]

أظن إننا كده مش مختلفين يا fighter4d , أنا معاك في أن الأقتصاديات لها دخل في جوده المنتج و أن مصر فيها ناس جامده جدا ممكن تعمل حاجة بس أنا أعتراضي على إننا بنفرح بالحاجة السيئة و مابنعترفش بأنها ضعيفه و مش مصروف عليها . بس كمان في نقطة ثانية مالهاش داعوه بالأقتصاديات وهي الأستخفاف بالمشاهد زي موضوع القصة و الحوار الساذج جدا ده ماله و مال الأمكانيات إلا لو كانو بيوفروا أجره المؤلفين و بعد كده يجوا يقولوا "رائعة"

[MN3M]

كلام سليم..

مع إحترامى لرأى الجميع..

[diaaking]

خبر وحش عشان مبحبش مسلسل بكار .... اتفرجله علي فيلم

[fighter4d]

أظن إننا كده مش مختلفين

يا respect انت عارف انى بكنلك كل احترام وانا مختلفتش معاك فى كفاءة بكار
كل ما فى الموضوع انك كنت حاد فى الفاظك فى التقييم وعامتا حصل خير
وعلى فكرة انا معظم فريق منى ابو النصر اصدقائى وهما نفسهم عرفين ان فيلم بكار مينفعش يقارن بالافلام الخارجية من حيث كل حاجه بس لازم تعرف ان فى مؤلف ومخرج وكل اللى بيعملوه الجرافكيين انهم ينفذوا وممكن يكون المؤلف او المخرج ده مشفش اصلا اى فيلم جرافيك فى حياته بس هو كل اللى يعرفوه ان الفيلم موجه للاطفال ومطلوب انه يضع بعض القيم والمواضيع الهادفة ذى الصدق والامانه والكلام اللى انتا فهمه طبعا.وعلى فكرة ده ميش فى الجرافيك بس ده فى كل الانتاج السينمائى لا افكار او افكار ساذجه
والشركه المنتجة يهمها ان قناة المجد للاطفال مثلا هتشترى منها الفيلم و قناة الart teenz هتشترية ومطلوب مسلسل 30 حلقة خلال فترة معينه وهناك مناقصات بتحصل فى القنوات للشركه اللى تعمل مسلسل مثلا 30 حلقة فى اقل وقت ممكن وهكذا انما الباقى لا يعنية

بالنسبة للاخmamzi

كلنا بنتعلم ومتستعجلش اكيد فيوم هتوصل .وبالنسبة للبرامج يفضل انك تكون عارف برامج كتير جدا من
ثرى دى وتو دى ومونتاج وصوت عامتا ميش كل الشغل بيطلب انك تكون عارف كل حاجه بس اغلبة

تابع وتفائل ولا تياس وربنا معاك

وبالتوفيق