مشاركتي في مسابقة الهارب the_fugitive [PaintBrush]

[PaintBrush]

السلام عليكم

إن شاء الله الموضوع ده الي هيحمل تطورات العمل في مشاركتي في مسابقة الهارب

انا في دماغي فكرتين , وإن شاء الله ارسم لهم استكشات واختار واحدة منهم

انا حاطط الموضوع هنا في "ورش عمل/ مسابقات" مش مع بقية المواضيع في "عرض/نقد" علشان انا أظن إن هو ده المكان الصح

تابعونا

PaintBrush

[PaintBrush]

دي بعض الاسكتشات السريعة

قصة اللوحة بتحكي عن السندباد ولما كان في إحدي سفرياته للتجارة ونزل هو والتجار الي معاه علي جزيرة مهجورة ولقوا فيها قبة كبيرة لونها أبيض إلي اتضح بعد كده إنها بيضة طائر الرخ , فلما أخد التجار يحدفوها بالحجارة انكسرت ونزل منها مية كتيرة وظهر منها فرخ الرخ , الي أخدوه التجار ودبحوه وأكلوا من لحمه وحملوا علي مركبهم كتير, وفجأة غيمت السما وحصل شئ يشبه كسوف الشمس إلي كان سببه إن طائر الرخ وصل وجناحاته العريضة المفرودة في السما غطت الشمس عن الأرض, فقام التجار والسندباد ( البحري بالطبع ) بالعودة السريعة لمركبهم ومحاولة الهروب ( وهنا بقي وصلنا لموضوع اللوحة وهي لحظة الهروب ) وعلي الفور طلعوا علي المركب وساروا بيه بأقصي سرعة في البحر لكن طائر الرخ ورفيقته ابتدوا يكسروا الحجارة من الجبل ويجروا وراهم ويحدفوا علي المركب الحجارة , واللوحة هتبين ( إن شاء الله ) أثر الحجر الأولاني الي ما أصابش السفينة بالظبط لكن وقع جنبها وطبعاً أثار موجة عارمة كادت تقلب السفينة علي ظهرها وطائر الرخ بيستعد ( أو بيرمي بالفعل ) الحجر التاني الي هينزل علي مؤخرة السفينة ويكسرها حتت حتت حتت ( في الحقيقة ده مش هيبان في اللوحة لكن هيكون اللحظة التالية للحظة الي فيها اللوحة بالظبط ), زي مانتوا شايفين محاولة هروب فاشلة للأسف لكن علي الأقل السندباد هينجوا من الملحمة دي


دي كانت الفكرة الأولانية , الفكرة التانية انا استبعدتها - مع إنها أسهل بكتير - لكن انا قلت خلينا نعمل حاجة للزمن الناس تفتكرنا بيها بدل الحاجات السهلة

تحياتي
PaintBrush

[MN3M]

فكره جميله و بالتوفيق إن شاء الله..

[PaintBrush]

السلام عليكم

دول اسكتشين جداد لطائر الرخ - 23/1/2006

وشكراً أخ فنكوشي ( حلو الإسم )


تحياتي

[PaintBrush]

سكتش جديد للسندباد - 23/1/2006

قبل ماحد يسأل ( إذا كان حد بيدخل قسم ورش العمل ده من أصله ) مفيش أي دليل علي إن سندباد كان شاب , هو كان راجل تاجر , مش مغامر شاب

[kareem50]

انا من اول صورة قولت انو سندباد
عملك رائع فعلا
عايزين نشوف بقا في الاخر شكلو عامل ازاي

[_hany_]

رسم جميل،
في انتظار العمل النهائي..

[PaintBrush]

شكراً _k50 وشكراً _hany_

[PaintBrush]

السلام عليكم

اسكتشين جداد لبيضة طائر الرخ , ولتصميم سفينة السندباد 29/1/2006

كده أبقي خلصت التصميم العام لعناصر اللوحة

الخطوة الجاية هتكون تكوين المشهد العام , وبعدها التلوين

[PaintBrush]

أول عنصر في اللوحة الرئيسية , السندباد في مركب الهروب - 31/1/2006

دلوقتي هابدأ الونه

[PaintBrush]

بداية التلوين 31/1/2006

دي بس مجرد فرشة أولية للألوان علشان ابقي عارف البالتة الي شغال عليها - طبعا مش منتهية

[_hany_]

تدريج الألوان جميل،
كمل...

[PaintBrush]

تعديلات في التلوين 1/2/2006

[أبو عبد الكريم]

بسم الله
فكره جميله و جمده
بالتوفيق أن شاء الله

[max ghost]

إيه الحلاوة دي ؟ اي البرنامج تستخدم يا أخ بينت برش ؟