لغز شخصيه روش بتاعه دريم!!

[MN3M]

فى حد عنده رد تانى؟؟

[ayman_man]

روش دريم

ياجماعه ربنا بيقول فى القران الكريم:ـ
( اذا جاءكم فاسق بنبأ فتبينوا أن تصيبوا قوما بجهالة فتصبحوا على مافعلتم نادمين) يعنى بلاش نحكم على اى واحد بالظاهر لازم قبل مانحكم نشوف هل الشخص دة مخطئ ولا .. لاء .. والناس اللى بتقول ان الروش مقتبس من مجله اجنبية .. بقولهم طيب وليه ماتكنش المجله هى اللى مقتبساه من الاستاذ طارق راشد .. والاستاذ طارق راشد راجل من زمان فى السوق يعنى مش موضوع سنه ولا اتنين ولا تلاته زى انتوا مابتقولوا لاء دة انا اعرفه من 15 سنه والله اعلم هو شغال من امتى يعنى خبرة وتجربة سنين مش موضوع ثلاته
أو اربع سنين .. وبعدين موضوع الجرافكس دة مش كل واحد يشتغل فية سنتين أو تلاته يقول انا ياما هنا ياما هناك .. ياجماعه الموضوع اكبر مماتتخيلوا .. وانا شايف أن فريق مكتب طارق راشد من أكفاء الناس فى مصر.. ومكتب زى دة بيعمل حاجات بالدقة دى اكيد شغال 24 ساعه .. يعنى الراجل مش بينام..والناس اللى بتقول وتعيد فى الروش كلام .. بقولهم على الاقل أن طارق راشد قدر يعمل شخصية ادخلت البهجة فى نفوس كتير من مشاهدين قناة دريم بالاغانى اللى كان بيقلدها الروش ولاقيت اعجاب المطربين أنفسهم .. والاطفال كمان حبوها جدا.
فانا بقول لهم طارق راشد عمل شخصية زى دى .. فين اللى عملتوه انتوا ياللى بتقولا بقالنا سنين فى المجال دة؟ وبعدين ياجماعه انا شايف بدل ماتتكلموا وتتهموا الناس بحاجات انتو مش متاكدين منها ..فالاحسن اعملوا شخصية وقولوا انها احسن من شخصية الروش . ياجماعه عايزين منافسة شريفة مش كلام على الفاضى واتهامات بدون ادلة. وبعدين الاخ اللى اسمه فانكوشة ولافانكوشى دة . دة اسم تقابل بية ربنا...صلح اسمك قبل ماتصلح احوال الناس. وارجوا ان اكون ماطولتش عليكوا .. وفى النهاية بقول ان المبدع .. مبدع فى اى مجال. بالفعل مش بالكلام ..وماتنسوش ياجماعه ان مكتب طارق راشد من احسن المكاتب اللى بتشتعل فى الجرافكس فى الوطن العربى .. واخيرا بقولكم .. رحم الله امرئ عرف قدر نفسة وشكرا..

[MN3M]

فى حد عنده رد تانى؟؟

[MN3M]

يا عم أيمن الموضوع سهل..

طول عمرنا إحنا اللى بنسرق من البلاد اللى بره..عارف ليه؟؟

لأن هما بيستحقروا يشوفوا شغلنا..هايعملوا زينا؟؟

[شين.نون]

اولا : أوضح أني لا عمري اشتغلت مع طارق راشد و لا بدافع عنه لغرض في نفسي.

ثانيا : يا أخ فنكوشي حسن من طريقة كلامك، الصناعة صغيرة و كلنا نعرف بعض.. لازم نكون كويسين مع بعض أكثر من كده و مش معقول اسلوبنا سيكون كيل الشتائم و الاتهامات. الشركة عمرها ما ادعت ان الشخصية لها ، و زي ما قال ميشو في cg4me انهم أخذوا شخصية غبية كما يقول البعض و حببوا الناس فيها و وظفوها صح و عملوا بها أعمال جميلة .
كلامك بأنه بيهتش في المقابلة عيب ، أولا أنا اللي قمت بالمقابلة معه و أنا مش اهبل عشان حد يهتش علي. ثانيا الرجل ليس كذاب و مش بيهتش.. لو كنت قرات المقابلة جيدا بدون تحفز مسبق للهجوم لعرفت أنني بالفعل قابلت غرفة كاملة كان فيها 4 أو 5 على ما أذكر من المبتدأين.

الأخ أحمد يونس : ربما في تلك الفترة توقف عن تدريب الناس لأنهم بيشغلوا كمبيوترات و هو محتاجها لضغط العمل ، الله أعلم.. هناك ألف سبب. ممكن تكون أعماله لم تعجبك أو لم ير فيها ما يشده.

عموما أنا ناقشت الموضوع بما فيه الكفاية في cg4me ، و مش معقول حاجري ورا مواضيعنا المنقولة في بقية المنتديات اناقشها كمان. أنا قلت كلمة حق عن هذا الرجل عشان أريح ضميري.

و أخيرا أخي العزيز الفنكوشي: تفقد رسائلك الخاصة لو سمحت .

و أنا انتهت مشاركاتي في هذا الموضوع لأنه ليس لدي وقت .

[EsDesign]

يا جماعة اسمحولي اشارك برأي ,,,,,,,,,,,,,,,,,,!
مع احترامي لكل الاراء المهاجمة والمدافعة عن المهندس طارق راشد ........
بوجه عام, الشخصية مسروقة , مقتبسة , مبتكرة , المهم احنا ما نوصلش لمرحلة المجادلة بدون فائدة , أولا: لازم نقدر اي عمل مهما كان, سواء ضعيف أو قوي , زي ما كل شخص يملك حرية النقد بأي شكل من الاشكال , المهم عدم التجريح والتقليل من شان العمل واللي عملوه .
ثانيا : وده الاهم إن الاعمال الضعيفة اللي ممكن تكون ضعيفة زي ما احنا شايفين, ممكن تفيد اشخاص اخرين , بمعنى .... ان شخصية روش انا مش شايفها بالبشاعة دي او الضعف ده زي ما بعض الاخوة ذكروا
لكنها بسيطة في تصميمها جرب تعمل زيها ( مودلنج وانيميشن ) , خليها مرحلة تدريب , ومنها ارتقي بالمستوى اللي انت شايف انه احسن , طور من الاساليب , وخللي الناس تتعلم منك .
المهم النقد للافادة والاستفادة مش للتجريح والتقليل من الشأن .
ثالثا : نقطة مهمة واحنا كلنا بنتكلم فيها ، الناس اللي بره احنا بنقلدهم او هم بيقلدونا , المهم ما ننساش ان الحضارة اللي بين ادينا دي واللثورة الصناعية والمعرفية اللي موجودة حاليا , باياتها منقولة من الحضارة الاسلامية والعربية , وهم طوروها (اظن ان الاقتباس مش عيب العيب اننا نقعد نتكلم ونجرح )
وشكرا

[MN3M]

فى الأول و فى الأخر إحنا بس بننتقد أنفسنا مش أكتر يعنى لو إحنا مثلا شله أصحاب هاننتقد بعضينا لكن لو جاء واحد من بره الشله ينتقدنا و يرخم بمعنى أصح أكيد مش هانسمح له..

هوا دا اللى أقصده..يعنى سوق الجرافيكس المصرى من شركات و مبتدأين و محترفين و هواه عباره عن حاجه واحده لكن لو جه حد تانى من بره مصر..؟؟أكيد مش هانسمح له يهاجمن..

عارفين ليه لأننا بلد واحد و كيان واحد و كلنا لازم نخاف على بعض و نقدر اللى ممكن يحصل..

[eslamspot]

الى انا شيفة فى الموضوع دة 2
الراى الاول ان يكون فعلا واخد الكركتر من الكتاب
الراى الثانى
ممكن يكون شاف الكتاب و طبق علية
و بعد فترة عمل كركتر و اتاثر بالكتاب اوى فعملة زى الى موجود ..............!

[رجل السماء]

مشكور على النقل يا فنكوشى
بس هو عموما شغلهم جيد وفى حاجات بتعجبنى ولكن هو لازم نقارن بالشغل الي بالخارج
اذا كنا سنقارن فالافضل ان نقارن بالمستويات الموجودة يعنى هم لو وجدوا شخص كفؤء بالتأكيد سيطلبوه
وسيكون شغلهم أعلى ان شاء الله

لان اغلب الاستديوهات فى مصر على الاقل مستوياتهم ليس قوية وان حتى وجد فستجد ان المستويات العالية فى الاستوديهات قلة جدا
اما حكاية تصميم الشخصية بصراحة شىء يجعلهم يقعوا من نظر الكثير لان المفروض ان الناس دى محترفين على الاقل فى نظر القناة الذين يعملوا معها فكيف يأخذوا فكرة شخصية
وأتصور ان لديهم عقول جيدة جدا ولديهم Modelers جيدين
عموما أصل المشكلة بتبدء من قرصنة البرنامج لااقصدهم بالطبع والله أعلم بس المشكلة فى عدم وجود حقوق فى مصر للابتكار

ربنا يوفقهم

[MN3M]

رأيك عجبنى جدا يا مصطفى..

[Rami3D]

السلام عليكم
يا جماعة انا عندي كلمة واحدة وهي ان الشخصية بالكامل موجودة في كتاب دجتال كاركتر انميشن وهذا الكتاب من اقدم الكتب وقبل ان تظهر الشخصية على قناة دريم
اسم الكتاب (Digital Character Animation)
وانا من راي انه قام باعمال جميلة من خلال الشخصية وكان انميشن ممتاز وجميل ولا يوجد من راي اي خطا فجميعنا يستخدم شخصيات جاهزة والابداع في التحريك الذي قام به يكفيي ليدل على كفاءة الشخص

[waelmgomma]

ورينى انت عملت ايه؟

اولا من قال اننا قولنا ان الشخصية من تصميمنا وثانيا شغل دريم انتهى من فترة طويله و نحن الأن نعمل مع استوديو في فرنسا بسبب هذا العمل الذي تهاجمه وبالنسبه لأي شخص يجيب شغل و عايز يشتغل فليس من المعقول ان واحد يجيب cdمن كتاب و يقول دا شغلي؟
طبيعي اني اقوله انك لا تصلح و الأخ فنكش و لا فنكوش ده مش عارف اسمه ما تورينا انت عملت ايه و ايه شغلك علشان لازم تعرف ان طارق راشد ده بيشتغل في السوق و انت لسه ما تعرفش يعني ايه ويندوزفمعلش كفايه حقد و سيبو الناس تشتغل لأن ده واجهة مشرفة لمصر و كل الوطن العربي ارجوكم بلاش حقد كمان مره و روح اتعلملك حاجه تنفعك بدل الرغي الفاضي

[MN3M]

بالنسبه لأنك تشوف أنا عملت إيه؟؟قريب قوى هاتشوف عمل بإذن الله يكون جاااااامد و يكون فخر ليا فى أى إستوديو محترم أقدم فيه (طبعا غير الأستوديو بتاعكم لأنه مايشرفنيش أشتغل معاكم)..
وعلى الأقل إن العمل بتاعى من الألف للياء ملك ليا لأنى مصمم الموديلز و اللوكيشن و الكاراكترز و أنا اللى محرك و مرندر..
و أحب أنبهك إن شخصيتى مش مسرووووووو وووووووووقه من كتاب قديم..

[ahmedyounis]

يا جماعة انا لم انتقد الفريق ولا اعمالهم بالعكس انا معجب بأدائهم ومحاولة تطويرهم
ولكن انتقد اسلوبه الذى تحدث به فى الموقع وعكسه لذلك عندما تحدث معى ثم بعد ذلك ارساله لشخص يتحدث معى على التليفون عندما اتصلت به دون ان يتكلم معى بنفسه
على كل حال ربنا يوفقه
السلام عليكم

[رجل السماء]

اولا من قال اننا قولنا ان الشخصية من تصميمنا وثانيا شغل دريم انتهى من فترة طويله و نحن الأن نعمل مع استوديو في فرنسا بسبب هذا العمل الذي تهاجمه وبالنسبه لأي شخص يجيب شغل و عايز يشتغل فليس من المعقول ان واحد يجيب cdمن كتاب و يقول دا شغلي؟
طبيعي اني اقوله انك لا تصلح و الأخ فنكش و لا فنكوش ده مش عارف اسمه ما تورينا انت عملت ايه و ايه شغلك علشان لازم تعرف ان طارق راشد ده بيشتغل في السوق و انت لسه ما تعرفش يعني ايه ويندوزفمعلش كفايه حقد و سيبو الناس تشتغل لأن ده واجهة مشرفة لمصر و كل الوطن العربي ارجوكم بلاش حقد كمان مره و روح اتعلملك حاجه تنفعك بدل الرغي الفاضي

اخى وائل لماذا الهجوم على الاخوة الذين اعترضوا
الاخوة لم يقولوا شىء سوى ما يروه

مع احترامى لجميع العاملين معكم والاخ طارق راشد
المفروض كما تفضلت ان طارق راشد وفريقه له باع فى السوق ولكن المفروض ان فى السواق حاجة اسمها حقوق فكرية فأخذ فكرة الغير شىء خطا انت نعم يمكن ان تحاكى عمل تأخذ فكرة عمل وتضعها فى المنابر على سبيل التدرب ومن اجل تقوية المهارة ولكن لايجوز ان يتم اخذ فكرة لاستخدامها فى السوق لايصلح

عمأ انتوا لاداعى لاتهام احد بالجهل خذوا اراء الناس وتعلموا منها كى يكون لكم مستقبل أفضل وأفضل باذن الله
وجميع الاخوة الذين نقدوا هنا نقدوا من أجل ان يتطور الاستديو ويصل لمكانة أفضل وليس لحقد او غيره

أصل خلينى أقولها لك انت مش شغال فى Weta يعنى عشان يحقدوا
خذوا اراء الناس بهدوء وفكروا فيها جيدا واستخدموا النقد لصالحكم
وبالتوفيق ان شاء الله