لو عندكم حل أن أمكن

[أبو عبد الكريم]

بسم الله
أنا حاولت أعمل تحديث للجهاز المتهالك فقمت بشراء مازر بورد عليها كارت فيجا بلتى أن
و الحمد لله سطبت المايا سبعه و واحد من عشره
لكن كل ما أحاول أفتح البرنامج يدينى رساله بعد ظهور شاشة البرنامج الرائيسيه أن كارت الشاشه
بتاعى غير متوافق مع الهارد و ير و الرندرنج
طبعا المشكله مشهوره
لكن أنا بأسأل لو في حد عنده حل ممكن و جزاكم الله خيرا

[amged]

السلام عليكم ورحمه الله وبركاته
ده ينتج لانك اشتريت المز برد من بره
ثانيا هتلاقى الكارت بلت ان 16 تعيش وتاخد غيرها

[أبو عبد الكريم]

بسم الله
يا أمجد باشا طب أستنى لما فعلتك الأولانيه تبرد ........ ده أنا بأعيط على الأسطوانات الي طارت لغايت دلوقتى ......
على العموم يا عم أنا لاقيك عشان اشترى منك بعتلك رساله و أنت على النت و طنشتنى ...... الي بيته من أزاز يا عم الحج ميحدفش الناس بالطوب
على العموم أنت بترد بتشمت و مش بتساعد ........ الله يسمحك
تخونك طواجن المكروانه ............ يا خاين مخصمك

[eslamspot]

طبعا انت اكيد فرحت بسعر البردة الرخيصة و كرت الجرافك اعالى
لاكن مختش بالك ان مكتوب على الكرت without graphic render
حاول تغير البردة احسن

[yassin_3d]

نصيحة

إذا كان الMotherBoard فية طريقة لإنك تركب كرت شاشة AGP
فأحسن إنك تشتري كرت شاشة AGP
وإلا فأشتري كرت شاشة PCI
بس الأفضل من كدة إنك تشوف وتبحث علي الإنترنت عن الـMotherBoards وبعدين تقرر
بس من دون إستعجال
وطول بالك علي إخوانك من المنابر
وبالتوفيق

[أبو عبد الكريم]

بسم الله
أخى أسلام أسبوت
جزاك الله خيرا
without graphic render
ألاقيها مكتوبه فين ؟
المازر بورد من نوع asus p4s8x-mx
و أتقالى و الله أعلم أن الكارت بيأخذ من الرام و بيبقى 128 و أنا لازم أصدق طبعا (يا أمجد ).......عشان تتريق كويس .

[أبو عبد الكريم]

بسم الله
أخى يا سين
المازر بورد فيها مكان للأثنين
بس أنا كنت باأسأل يمكن يكون فيه حد عنده حل سوفت واير
المهم جزاك الله خيرا
أنت من أى بلد يا يسين ... ؟ لو من مصر هتعرف أننا و أمجد بنهزر
و مفيش حاجه بيننا غير طواجن المكرونه ... أقصد كل خير هههههههههههه

[yassin_3d]

خلينا في المهم

انك إذا عايز تشتغل بإرتياح علي برامج ال3d
فلازم يكون عندك كرت قد البرامج دي
-------------------------------------------------------
أما مسألة المكرونة فحضرتك محتاج شوية ببروني
وحصل خير

[أبو عبد الكريم]

بسم الله
أن شاء الله يا أخى
الببرونى ده أمريكانى .....؟ لا يا عم انا تبع المقاطعه ........ شوية بصل و لحمه مفرومه ميه ميه

[أبو عبد الكريم]

بسم الله
المشكله يا شباب تطورت
الحمد لله قمت بشراء مازر بورد و كارت شاشه أيه تى أى بس 64 على أدى لكن اللي حصل بعد ما سطبت البرنامج أهه





أظن المشكله ده من النسخه
الأدهى و الأمر أن البرنامج بعد ما يفتح أحاول أفتح المشاريع القديمه الي كنت شغال عليها متفتحش أعتقد المشكله المره ده من النسخه أو من الوندوز أيه رأيكم

[أبو عبد الكريم]

بسم الله
و هذه الصوره تظهر أذا أردت أن أفتح موضوع قديم لأكمله

[mohheader]

همممممممممممم
^_^
بالنسبة لاخر مشكلة جرب تنسخ الملف الي بتحاول تفتحه وضعه في درايف ال C مباشرة كده وحاول تفتحه تاني

تحياتي

[أبو عبد الكريم]

بسم الله
كلامك صح يا أخى و الطريقه نفعت
بس الحل مش كامل
أنا حاولت أحط أيدى على المشكله الأساسيه
أكتشفت أن البرنامج مبيتعملش مع اللغه العربيه يعنى العيب في الوندوز و الله أعلم
ببساطه أكثر الوندوز عندى بيكتب عربى فعلا
لكن داخل البرامج بتتحول اللغه العربيه الى رموز مبهمه
ده المشكله أن شاء الله
السوأل بقى الحل فين ......؟
مع العلم أن النسخه ده كانت شغاله زى الفل قبل كده يعن العيب أغلب الظن من الوندوز

[mohheader]

ولا مشكلة ولا حاجة ^_^

اجعل الـ unicode عربي
من لوحة التحكم ^_^

[أبو عبد الكريم]

بسم الله
صح صح صح
المشكله يا أخى أن أنا غيرته أكثر من مره للعربى
و غيرت البوت كى بورد للعربى
لكن الظاهر الحل كان رافض الا أنه يجى على أيديك
جزاك الله خيرا