وضاع المخزون الإستراتيجي يا أبتي

[downs_mass]

السلام عليكم

.


انفلونزا الطيور وصلت محافظتي

ما زلنا قرويين بالفطرة ...عندنا فوق السطوح فراخ وبط .. لزوم الزنقات .. نربيها بعيدا عن فراخ المزارع المنتفخه بالهرمونات

غير اننا نحتاجها لزوم العزومات والذي منه

لكن الان مجبرون اما علي ذبحها كلية .. وأكلها رغم الخطر

واما التخلص منها

اما المرض او الخساره

لكن فيهم فراخ صغيره نربيها للمستقبل ... (( مخزون استراتيجي للمستقبل ))

كله علي السكين

لاحول ولاقوة بالله

[mahmou3d]

سبقناكم اخي الحبيب
و لو اننا من الغربية
و لكن تقول ايه ؟؟!!!
اجراء وقائي
الله المستعان

[youssef_23]

انا حبست الحمام عندى
ولن اذبحه

[Sultan989]

الله يعينكم

في حاجة بس حبيت انوه ليها انه ظهرت الاصابة بالإنفلونزا عندنا في السعودية

بس ايه في حاجة قد المقام
اصيبت خمس صقور فيها وتم اعدام اكثر من ثلاثين حسب ما اذكر لإختلاطها بالصقور المصابة

حاجة ثانية
حسام لو عندك خلفية عن حمى الضنك؟

لأنه انتشر في مدينة جده وتوفي بسببة كم واحد كدا عالماشي
واصابة اكثر من مئة بحسب ما ذكرته الصحف

[esso70]

بصراحه المفروض فى حاجات تخلى المخزون دا يفضل سليم
مثلا عشه طبيه من النوع القشي او حاجه كدا
يــــــــــــــــــاه دا إحنا عندنا فى طنطا حاجات كدا بردك كدا لازم انزل قبل ما يأكلوا أخر بطايه
اهىء اهىء اهىء قال ونظيف بيقول إحنا فى زمن المزارع الكبيره قال وان المزارع الكبيره بتكون تحت إشراف طبي هائل وحاجات كدا يعنــــــــى مش هأكل فراخ تانى حتى لو الموضوع إنتهى على خير
إن شاء الله يعنى مش بأكل غير اللى متربي منزليا لأنى بحس بأن فى ترابط أسري بيينا
ههههههههههههههههه

والله المستعان

[esso70]

فراخنـــــــــــــــا زيي الفل وإسأل البيه الوزير


طبعــــــــــــــــــــــــــــا ترابط مصالح وزير ومسئول أمنى مع بياع الفراخ والحاتى

[abukatada]

يجماعة قالوا الفراخ لازم يتقفل عليها مش لازم تدبح بس انا شايف ان من المصلحة العامة إنها تدبح لان الموضوع سريع جدا وبينتشر بسرعة رهيبة
ربنا يستر

[jessing]

الخسارة بسرعة ياحسام ..

الدجاج مزكوم و البقر مجنون ، و ربنا سيتر

[downs_mass]

اهلا حبيبي ينبعاوي

حسام لو عندك خلفية عن حمى الضنك؟

حمي الضنك Dengue fever
تشبه الاتفلونزافي الاعراض وتسببها عائلة من الفيروسات .. لكنها تنتقل عن طريق الناموس ... قرصة الناموسه غالبا في النهار عكس ناموس الملاريا... .. مشكلتها في تطورها الي النوع المسبب للنزيف الفتاك والذي ربما يودي بحياة الانسان dengue hemorrhagic fever .

*الاصابه بأحد الفيروسات لا يحمي من الاصابه بباقي العائله .. تنتشر في المناطق الاستوائية والمدن المزدحمه والمرتفعات الجبليه .


الأعراض ::

حمي .. طفح جلدي .. الم خلف العينين مع صداع شديد ... مع الم في العظام والعضلات..من شدة ألم العظام أطلقوا عليها ( حمي تكسير العظام ) هييييييك ... غثيان وقئ وفقدان شهية ... يظهر الطفح الجلدي عادة بعد 3 الي 4 ايام من بداية الحمي ويستمر المرض الي 10 ايام لكن الشفاء يحتاج قرابة شهر ... معدل الاصابة للبالغين او الاطفال الكبار اعلي من الاطفال الأصغر .


غالبا ما يكون المرض غير حاد .. الا اذا انقلب الي حمي نزيفيه ( 5% ) ساعتها ستبدا الأوعية الدمويه بالترشيح ليخرج منها الدم ويظهر نزيف في الانف واللثه .. مع ظهور ما يشبه الكدمات علي الجلد وهي دلالة علي النزيف الداخلي ... وفي حالة عدم العلاج ستنكمش الاوعية الدمويه مسببة صدمة ويموت المريض .

متي تبدا الاعراض في الظهور ؟

بعد قرصة الناموسه الحاملة للفيروس بــ 4 الي 6 ايام ( المدي من 3 الي 14 يوم ) .. ولا تنتقل حمي الضنك من شخص الي شخص مباشرة انما تنتقل للناموس وهكذا تكتمل دورة الحياة .
- يتم التشخيص عن طريق عينة دم .

اين المشكله ؟

المشكله ان المرض يتكرر انتشاره في عدة مناطق بشكل وبائي .. والشخص الذي تعرض له مسبقا يكون اكثر عرضه للأشرس .

كيفغ نمنع انتشارها ؟

*** لا يوجد مصل واقي

** الحل هو حماية نفسك من قرصة الناموسه خصوصا في المدن المزدحمه والمناطق الاستوائي والمناطق الموبوئه .. بارتداء ملابس ذات( كُم) يحمي الذراعين .. او استخدام طارد ناموس .

** لا يوجد علاج لهذه الحمي .. لانها فيروسيه .




مصدر المعلومات http://www.astdhpphe.org/

______

شفاكم الله وعافكم وحمي مصر المحروسه وكل الامه الاسلاميه من كل شر

تحياتي




حُس

[Sultan989]

جزاك الله خيرا يا حسام

[ehabrashad]

انتوا سمعوا اخر الأخبار كيلو الفراخ بقه 1.5 جنيه بس
خلوا الغلابة تاكل

[String]

البقر اتجنن والفراخ جالها برد ربنا يستر على السمك

[ARAPISQ]

المنصــــــــورة إنضربت يارجـــــــــــالة

[WALEEDSS]

دلوقتي بطه راقده على صينية بطاطس محمرة في الفرن ومعاه جوزين حمام حرس ملكي بـ 10 جنيه بس
هايكلفك شوية تمن البطاطس

[downs_mass]

حكمه ربانيه يا اخوننا

نلاقي البطه بـــ 7 جنيه

حلم ولا علم ؟

ياريت الانفلونزا جات من زمان

هههههههههههههه