وضاع المخزون الإستراتيجي يا أبتي

[فدائي]

البقر اتجنن والفراخ جالها برد ربنا يستر على السمك

هههههههههه
اللى انت متعرفوش يا سترنج انهم حدروا من اكل سمك المزارع لانه من ضمن اكله مخلفات الطيور
يعنى ممكن تاكل سمك بحرى فقط وليس نيلى او بيربى فى المياه العدبه
بس انا مش متاكد من صحه المعلومه
بس اللى قالها مصدر من الصحه

[mahmou3d]

هههههههههه
اللى انت متعرفوش يا سترنج انهم حدروا من اكل سمك المزارع لانه من ضمن اكله مخلفات الطيور
يعنى ممكن تاكل سمك بحرى فقط وليس نيلى او بيربى فى المياه العدبه
بس انا مش متاكد من صحه المعلومه
بس اللى قالها مصدر من الصحه

لا حول ولا قوة الا بالله
ختى السمك
ربنا يستر

[youssef_23]

انا كنت امبارح بتمرمغ فى مخافات الطيور ومحصليش حاجة
احنا على فكرة مكبرين الموضوع قوى
ان بفكر اشترى الطيور الى فى السوق دى كلها وابيعها اما الهوجه تروح
بس عندى فى البيت مش راضيين

[sabry arch]

السلام عليكم
حبيت اوضحلكم اعراض الاصابة والكلام ده من طبيب مشهود له بالكفاءة وارجوا من يجد عنده تلك الاعراض بسرعة يخلي حد يدبحه ويحفر ليه حفرة ويغطيها بشوية جير حي وله الثواب
اعراض انفلونذا الطيور الشعور بالرغبة فى الطيران 2-هز الرقبة بطريقة غير عادية 3 -الميل الى الرقود على البيض من وقت الى اخر 4-الشعور بالرغبة فى التقاط الاكل بالفم مباشرة 5-الشعور بانك مفقوس دايما امام الناس 6-الميل الى سماع اغنية " كوكو واوا " طوال اليوم اهم طرق العلاج: - "بق بق بق بق " كررها كل 8 ساعات، يصبح لديك مناعة ضد انفلونزا الطيور
مع خالص تحياتي
____________________
اخوكم
صبري - مصر

[ARAPISQ]

ههههههههههههههههههههههههههههههههههههههههههههههه

لأ جامدة ياصبرى

وساعات الشخص يحس انه مقصوف الجناح

ويبقى خايف من مراته لتقصقصله ريشه

ويمشى يغنى لوردة الجزائرية ( وأطير وأرفرف فى الفضا )

[sabry arch]

هههههههههههه حلوة
وبما انا الوقاية خيرا من العلاج فرددوا معايا
بق بق بق بق
عدد مرات العلاج كل 8 ساعات
واستر يارب
مع خالص تحياتي
___________________
اخوكم
صبري - مصر

[sabry arch]

السلام عليكم
جاءنا البيان التالي
فيه عصابة بتعدي على البيوت و بيقولوا انهم بيقدموا علاج ومصل لمرض انفلونزا الطيور. و هم في الحقيقة بيقدوا مخدر و يحقنوا الناس بيه وتخيل ماذا من الممكن أن يحدث لك ولبيتك و لأخواتك فالموضوع خطير جدا !!!!!!!!!!! و الخبر ده مؤكد و قامت الحكومة بالتحذير منه في الراديو أرجو من كل شخص يقرأ أن يحذر كل من يعرفهم و يحاول نشره قدر المستطاع في اسر ع وقت فربما يجعلنا الله سبب لنجاة أحد الأشخاص الأبرياء أستحلفك بالله أن تنقذ أخ أو اخت لك فى الله
هذا ما سمعته ومن ناس كتير جدا واحترسوا
لا حول ولا قوة الا بالله خلاص مبقاش فيه امان
حسبي الله ونعم الوكيل منهم لله
_____________________________
اخوكم
صبري - مصر

[String]

تم اصطياد فرخة كامله عندها برد تم اعدامها فى ميدان عام امام شارعنا فى تجمع حشود كتير اوى يعنى منهم الأطفال ومنهم الشباب ومنهم الشيوخ وربنا يستر علينا وتم دفن الفرخة فى الزبالة علطول المهم اننا قدرنا نحاصرها .

[youssef_23]

تم اصطياد فرخة كامله

كامله مش ورك يعنى
ههههههههههه

[science]

انفلونزا الطيور وصلت البحر الاحمر
يخرب بيت كده


كله من موريس بتاع الدهب , قال إيه مربي فراخ علي سطح بيته
حاجه تفور الدم بصراحة

[diaaking]

انا والله زعلان علي الناس الغلابة ...... الي بيبعوا الفراخ والبيض ..
هم اكثر ناس خسروا من الموضوع ده ......

[Sultan989]

حس ما رأيك في تغيير النشاط

تربية أرانب مثلا؟

:-)

[downs_mass]

صحيح يا ينبعاوي :: فكرة جيده ربيهم لحين وجود اشاعه اخري عن الحمي القلاعيه تفتك بهم خخخخخخخ

الحقيقة ان واحده من الجيران رمت فرخه في الشارع لانها مرضت

وكانت مخاطره كبيره .. واضح انها اترعبت منها

والواضح اكثر ان انفلونز الطيور بجوار بيتي خخخخخخخخخ

حس هيروح في الرجلين

وكما قال ضياء

الغلابه راحوا في الرجلين

لكن اقول ايضا ان اي فقير في مصر يستطيع اكل فراخ لان كيلو الفراخ بجنيه ههههههههههههه

والبطه كامله وصلت 4 جنيه

اصبحت الفراخ اغلي من البطاطس

هههههههههههه

تحياتي

[الحكمه]

الاخوه الاعزاء حياكم الله ،،،،،،

و الله يا شباب انتم خففتوا عنا شدة هذا الامر بخفة دمكم و بسخريتكم من هذا الموضوع و لكن انا بشوف ان الناس فى مصر اصبحت فى حالة هلع و عندهم قابليه لتصديق اى اشاعه شئ يوشك ان يأدى الى كارسه ربنا يستر.( و عندكم مثال اشاعة تلوث المياه)

اعتقد يا جماعه ان هذا بسبب نقص فى العقيده و الايمان بالقضاء و القدر وبسبب اللهث وراء الدنيا من ملزات و شهوات عفانا الله و اياكم.

لهذا اخوانى الاعزاء انصحكم بسماع محاضره للشيخ نبيل العوضى باسم انفلونزا الطيور، اجاب فيها الشيخ عن بعض التساؤلات و منها :
1- كيفية التعامل مع الشائعات و كيفية التوصق من مصادر المعلومات؟.
2- ماذا لو حدث لا قدر الله انتشار لهذا الوباء؟.
3- هل يعتبر هذا الوباء طاعون ؟ و هل يصح ان نهرب و نترك البلاد فى حالة تفشى المرض؟
4- هل المتوفى من هذا المرض من المسلمين يعتبر عند الله من الشهداء ؟ نسأل الله لنا ولكم الشهاده فى سبيله ...

و اخيرا لا تبخلوا بنشر هذه المعلومه و نصح الاخوه بسماع هذه المحاضره و ستجدوها ان شاء الله على موقع طريق الاسلام (www.islamway.com) صفحة الشيخ نبيل العوضى .

و لا تنسونا من صالح دعائكم .
تحياتى
الحكمه

[علاء مختار]

3- هل يعتبر هذا الداء طاعون ؟ و هل يصح ان نهرب و نترك البلاد فى حالة تفشى المرض؟

ايه ياعم الرعب ده
ربنا يستر الموضوع بإذن الله هايعدى من غير اضرار