Human Skin Texture Test

[spirit]

ماشاء الله يابني ايه الجمال ده والله ممتاذة ملهاش حل هي محتاجه تعديلات بسيطه بس
- فتحات المناخير اعملها كاب اقفلها يعني من الداخل
- العين عند نقطه التقاط الجفنين من الداخل من عند المناخير بعيده اوي عن كرة العين - وكمان كرة العين محتاجه ترجع لورا شويه عشان الجفون تاخد جيز لانه كده رفيعه اوي رججع كرة العين لورا شويه وبعدين شد ادجات الجفون وخليها تخترق كره العين مش لازم تظبطها علي دوران الكرة بالظبط
-لما تعمل اكساء للخوزة بلاش تحط علم امريكا حط علم مصر واكتب made in egypt بالغيظ فيهم
- ملحوظه اخيرة بطل كسل وخلص النموزج بسرعه انا عايز اشوفه كامل

[ehsan]

ما شاء الله عليك عمل واقعي جدا

[dark tiger]

ما شاء الله عمل في غاية الاتقان والواقعية
بس حاسس ان الانف غير طبيعية من الاسفل شكله كبير او عريض
والمنطقة المتصلة بين الانف والفم غير واضحة
وحتى لو كذا الرسم خطير جدا جدا جدا تابع
تحياتي ليك

[P!XEL]

قمة في الابداع اخي دائما
وانا اشكر فيك هذا الحماس الذي تبدع فيه في كل المجالات في السيارات والشخصيات الخ
وعليك بملاحظات الاخوة
وننتظر بقية العمل

[Shady3D]

عمل رائع وبالتوفيق ان شاء الله
ويوجد نقاط بسيطة مثل :
1 - تطابق اجزاء الوجه تماما " حاول تغير الملامح من اليمين او اليسار "
2 - تطابق اجزاء الحواجب
3 - الوجه flat حتا مع وجود الإكساء المناسب
الشفة العليا

تحياتى مصطفى ودائما فى تقدم ان شاء الله

[RWAN3D]

عمل جيد جدا قصدي ممتاز وانت دايما بتتحفنا

[AHMEDITO]

بصراحة نتيجة 100% ممتازة ..
ولو أكملت بقية الوجة بالخوزة تكون أكثر من رائعة.....(:

[Artistic.M]

ماشاء الله واللهمبهره الخامة يا مصطفى
بس عندي سؤال
ممكن كورس من عندك
ثاني سؤال بكام ؟؟؟؟؟
ثالث سؤال ((السؤال الحقيقي))
انت اعتمدت ترسمها من الصفر في الفوتوشوب او استخدمت وجه بروس ويلز الحقيقي من صورة وكونتها على شكل خامة ؟؟؟مع تمنياتي لك بالتوفيق

[esso70]

جامده جدا جدا
فى حاج بسيطه بس
الحواجب صغيره ومتهيألى متأكله من الجناب
الحاجه التانيه فى الخامه هي حلوه بس فى مقدمة الأنف فى ريفليكشن بسيط اوى
غير كدا الخامه فى التمام طبعا مفيش شغل فى الدنيا كامل بس فى شغل قوى جدا وفى شغل أقل قوه
وشغلك دا قوى جدا جـــــــــدا أقصد انك بتتعب فيه
ربنا يوفقك يا أخى

والله المستعان

[science]

رهيبة جدااااااا يا مصطفى
شوف الدرس ده ممكن يساعدك

[cyfer]

ام التعقيد اللى بتعملوه فينا يا عم مصطفى !
بالمناسبة ....
Nurbs?

[أبو محمد10]

-------

ماشاء الله تبارك الله ...

أتمنى منك الرد على أسئلتي يا مصطفى إعجاباً بتصميمك و تجربتك الرائعة و الفريدة :-

1 / الوجه : ما هي طريقتك في تصميمها ( شرح يفهمله واحد مبتدئ مثلي ) !
2 / الإكساء : ماهي طريقة الإكساء و ماهي الخصائص المستخدمة ؟.
3 / الخامات : خامة sss Vry , من الممكن أن تشرح كيف قمت بها .
4 / الشعر : أنا لا حظت أن بعد عملية الإكساء ضهور شعر خفيف لونه ( أبيض ) رقيق ودقيق جداً . هل استخدمت فيها خاصية الشعر و الفرو . أم هي دمجة مع الخامة .

-- ( هـــــذه هي أسئلتي ) -- أنتظر منك الإجابة على أحر من الجمر . وشكراً لك يالغالي .

[Limponi_3d]

ما شاء الله ... جميلة جدا.
والخامة ولا اروع...
كنت مستني منك الخطوة ديه من زمان...

[ابوقندوزة]

ما شاء الله

و الله روعة

[رجل السماء]

مشكور جدا جدا جدا يا شباب على هذه الملاحظات والردود جزاكم الله خيرا

ان شاء الله راح ابدء الان فى التعديلات واحاول اضيف جديد واعرضه عليكم بالليل بأذن الله

بالنسبة لل MOdeling فهو Poly

انا بدأت ببلان على طول فى المصقط الاامامى
يعنى ضع بلان فقط على حدود الوجه والسيجمانتس تكون 5-5-4
وابدء بتحريك النقاط بعد كدا ابدء ارسم اشكال بيضاوية حول منطقة الفم وحول منطقة العين مش شرط يكونوا شبكة POlygon لانى بعد ذلك ساقوم بتوصيلهم بنفسى بالشكل الذى اريده
طبعا وراء كل خط باعمله بانظر للسقط الجانبى واحركه ليكون فى المكان الصحيح
بعد هذه العملية بيكون عندك من أول الحواجب حتى الذقن قد أكتمل
بعد ذلك ببدء اسحب من عند الذقن واسحب من الجانب لاكون الرأس

بالنسبة للاكساء المسألة
-اخذ الاكساء من صورة حقيقية
اخراج الموديل عندك على شكل ال UVW عشان تضع عليه الاجزا المقطوعة
فى عمية التجميع يوجد دائما مشكلة وهى حواف الاجزاء المقطوعة يعنى مش هتعرف تجمعهم ابدا بحيث تبدو متناسقة هتستخدم اداوت لمسح الفواصل ستدمر الرسمة عندك
لذلك عند تحديد اى قعة تريد تقطيعها

اذهب لصور الاصلية قم بتحديد الجزء الذى تريده وليكن الفم
بعد ذلك من قائمة الاختيار فى شريط الادوات الي فوق اختر Feather
هذه الخطوة هتخلى حواف الجزء المقطوع ناعم جدا ومتدرج وعند اخذ الانف بعد ذلك على سبيل المثال سيكون هناك توافق بينهم ولن تشعر ان هناك اى فرق أتصور
وتقوم بتجميع كل الاجزاء بهذا الشكل وعلى فكرة مش لازم الصور التى تستخدمها تكون امامية وجانبية مثلا
انت ممكن تأخذها من زوايا قاتلة كمان
ستحتاج لنظرة لو الصور التى تأخذ منها هى صور جانبية يبقى هاضطر انك تعمل فى ال UVW هتضبط الخامة ليكون المنظور الرئيسى فى ال Texture هو الجانبى
عكس الافتراضى والذى يكون ان المنظور الرئيسى لل Texture هو الاامى والاذن مفروشة بجنابه والشعر مثلا

بعد ذلك بتخرج الصورة وتضعها على الموديل بعد ذلك

بالنسبة للشعر الصغير وكل هذه الاشياء فهى Bump

لما هتيجى تخرج ال Texture من الفوتوشوب استخدام اداة ال Blur على المجسم عدا المناطق التى لاتريدها ان تتأثر بال Blur
لان ال BLur هيقلل من قيمة ال BUmp كتأثير والمناطق التى ليس بها سيكون ال BUmp فيها بجانب العين وزى المنطقة التى بها الشعر عند هذه المنطقة يوجد Sharpen أيضا ليقوى من حدة هذا الجزء

هذا كل شىء يبقى فاضل انك تعمل الخامة الصحيحة التى تمثل الوجه وترندر

ان شاء الله اكون اجبت على معظم استفسارتكم واى سؤال اخر انا تحت امركم ان شاء الله

مشكورين مرة اخرى ياشباب وبالتوفيق بأذن الله