موضوع: أبو جهل وإبليس

ردود: 9 | زيارات: 774
  1. #1
    عضو متميز
    تاريخ التسجيل
    Aug 2003
    ردود
    1,317

    أبو جهل وإبليس


    أبو جهل وإبليس

    بقلمالكاتب/ محمد عبدالسلام



    خرجأبوجهل وإبليس من المستشفى يجروا أذيال الخيبة .. عشان يبدأوا
    جولةجديدة في مجتمع القرن الواحد وعشرين .. بعد ما يناموا لهم شوية
    صحيواالصبح .. المفروض عندهم زيارة لأحد أصدقاء إبليس في الجامعة
    إبليسياللا البس هدومك يابو الحكم .. عندنا معاد مهم النهارده
    أبو جهل – فينتاني .. أنا عايز ارجع مكة بقى
    إبليس – هارجعك ما تقلقش .. بس سيبنيأخلص شغلي .. عندي مواعيد مهمة
    جدا
    أبو جهل – هنروح فين؟؟
    إبليس – كلية الآداب .. ده المكان اللي بيدرسوا ويتعلموا فيه الآداب
    والحاجات دي
    أبو جهل – يااااااه .. أهو انا أكتر حاجةباكرهها الآداب دي أكيد
    هاتخنق من المسلمين وآدابهم .. ماينفعش استناكهنا ؟؟
    إبليس – لا ما ينغعش .. وبعدين ما تخافش .. تعال بس ومشهنطول
    أبو جهل – حاضر .. أمري لله

    ينزلوا . يركبوا العربية .. وفجاة يلاقوا الطريق واقف .. صفوف عربيات
    طويلةواقفة قافلة الطريق .. وحراسة شديدة على الجانبين .. الناس
    شكلها بقىلها فترة واقفة .. واتخنقوا من طول الانتظار

    أبو جهل – إيهالحكاية .. الطريق واقف ليه ؟
    إبليس – أكيد فيه شخصية مهمة هتعدي وللاحاجة
    أبو جهل – شخصية مهمة يعني إيه ؟؟ . ومصالح الناس؟؟
    إبليس – هو النظام كده دلوقت .. لما حد مهم يبقى معدي .. الدنيا كلها
    تقف

    يسمعوا سارينة الإسعاف جنبهم .. سواقالإسعاف يضغط علىالسارينة بإصرار
    ..
    والطريق واقف ولاحد معبره .. ينزلأبو جهل يشوف إيه الحكاية ..
    يسمع كلامالناس

    سواق الإسعاف – ياعالم حرام عليكو .. وسعوا لنا .. الست هتموت مني ..
    خلوا عندكم شوية إنسانية
    سائق آخروبعدين في الشغلانة دي . أنا ورايا معاد طيارة .. الطيارة
    هتفوتني منكملله
    ثالث – وانا ابني عنده امتحان .. امتى بقى ربنا يتوب علينا من الهمده
    ؟؟ كفاية .. حرام

    يسمع أبو جهل صوت طفل يبكيبشدة في العربية اللي جنبه .. وأمه تحاول
    تهدئته

    الطفل – يا ماما مزنوق .. عايز اعملحمام .. مش قادر استنى
    الأم – اصبر شوية .. حاول تمسك نفسك . دلوقتيفتحوا اهم
    الطفل – مش قادر .. مش قادر
    الأم – طيب انزل هنافي الشارع جنب العربية

    وفي لحظات كان الطفل بجانب رجلين أبوجهل وبياخد وضع الاستعداد يفر
    أبو جهل من المكان قبل ما يتبهدل .. أوتيجي فيه حاجة كده وللا كده

    أبو جهل لإبليس – إيه يا عماللي بيحصل في البلد دي ؟؟ عشان واحد بس
    يعدي يوقف حال البشر دول كلهم؟؟
    إبليس – ماهو لازم الناس تتخنق .. عشان ما يبقاش عندهم فرصة يفكروافي
    حاجة تانية .. لو ارتاحوا هيشغلوا مخهم .. ودي أخطر حاجة علينا
    اليومين دول
    إبو جهل – يابن الإيييييييه .. ده انت دماغك ديتستاهل تقلها دهب

    شوية كده ويفتح الطريق .. يتوجهوا للجامعة .. يتوجهوا مباشرة لكلية
    الآداب .. مناظر لا مؤاخذة الطلبة والطالباتتسترعي انتباه أبو جهل
    يسأل إبليس

    أبو جهلإنت واخدني فين ؟؟ .. انت متأكد ان دي كلية الآداب .. وللا
    بقية فرحامبارح ؟؟
    إبليس – فرح إيه يا غشيم ؟؟ .. لا ياعم ..هي كلية الآداب .. تعال بس
    مافيش وقت

    إبليس يروح أحد المكاتب .. يسأل على الموظف صاحبه .. ما يلاقيهوش

    إبليس – هو أصله كانمديني معاد من نص ساعة .. بس اتأخرت شوية ..
    الطريق كانزحمة
    الموظف – لا .. هو النهارده ما بيجيش بدري كده .. ممكن تستناهشوية
    أبو جهل – يعني إيه ؟؟ أمال ازاي مديله معاد ؟؟ هوالوقت مالوش قيمة
    عندكم ؟؟
    الموظف – يا دكتور هدي أعصابك .. الساعة تسعة زيالساعة عشرة زي حداشر
    ..
    ما تنفعلش أوي كده .. عادي
    إبليسيسحب أبوجهل بعيدا ويعتذر للموظف – لامؤاخذة معلش .. أصل
    الدكتور مش منهنا .. هاجيله كمان شوية
    إبليس لابو جهل – ياعم انت ما تقعد ساكت .. وقتإيه اللي انت بتتكلم
    عنه .. هو عاد فيه حد دلوقت بيهمه حكاية الوقتدي
    أبو جهل – أنا قلت بقى كلية الآداب .. أكيد هلاقي الناس متمسكة أوي
    بالآداب .. أصل محمد ما كانش يخلف مواعيده أبدا .. وكان موضوع الوقت
    ده عنده مهم أوي
    إبليس – لا اطمن .. أنا ظبطت الناس دلوقت .. أحسن حاجة يضيعوها الوقت
    ..
    تعال نشوفوا لنا حتة نقعدوا فيها لغايةما الراجل ييجي

    يروحوا الكافيتيريا .. يدخل إبليس ووراه أبوجهل .. أبو جهل يشوف منظر
    الكافيتيريا من الداخل .. سحابة من الدخانتلف المكان والأولاد
    والبنات في أوضاع منافية لكلية الآداب .. يتردد فيالدخول .. إبليس
    يسحبه على جوه

    السلام عليكم أهل الديار الموحشة .. والمحال المقفرة .. أنتم لنا سلف ونحن لكم تبع .. وإنا إن شاء الله عما قريب بكم لا حقون .. يا أهل القبور .. أما الأزواج فقد نكحت .. وأما الديار فقد سكنت .. وأما الأموال فقد وزعت .. هذا خبر ما عندنا فما خبر ما عندكم ؟ مالي أراكم لا تجيبون ؟ أما لو أنهم تكلموا لقالوا وجدنا أن خير الزاد التقوى
    علي ابن ابي طالب



  2. #2
    عضو متميز
    تاريخ التسجيل
    Aug 2003
    ردود
    1,317
    إبليس – فيه إيه؟؟ .. ما تدخل
    أبو جهل – احنا هنقعد في وسط العيال دول؟؟
    إبليس – آه .. هههههههه .. حبايبي دول . المكان ده قعدتي المفضلة ..
    أحلى شغل باعمله هنا
    أبو جهل – بس معقول الطلبة دول بيدرسواالآداب ؟؟ .. لا تكون جبتنا
    كلية غلط وللا حاجة
    إبليس – ولاغلط ولا حاجة .. حتى اسألهم بنفسك
    أبو جهل – بص البنت قليلة الأدب دي .. بص بتضحك بصوت عالي ازاي
    إبليس – دي مش بنت .. ده ولد
    إبوجهل – ولد .. لا .. مش ممكن
    إبليس – طب روح شوفهبنفسك

    أبو جهل يتجه لشلة من الطلبة والطالبات قاعدين يهزروامع بعض .. وصوت
    الضحك جايب لغاية بره الكلية .. الولد اياه قاعد في وسطشلة بنات زي
    مايكون واحدة منهم .. واخد واحدة طالبة على جنب وحاططدراعه على كتفها
    وعمال يوشوشها وهي ميتة على روحها منالضحك


    أبو جهل يسأله – لا مؤاخذة يابني . هي ديكلية الآداب ؟؟
    الطالب – أيوه يا دكتور .. بس كافيتيريا هيئة التدريس منهنا ( يشاور
    له على مكان تاني)
    أبو جهل – مش قصدي .. أنا بساستغربت من اللي باشوفه هنا . قلت اتأكد
    بس إني في كلية الآداب مش مكانتاني
    البنت – ليه يا دكتور .. دي حتى كافيتيريا آداب أشهر مكان فيالجامعة
    .. مش كده وللا إيه . هي هي هي هي
    أبو جهل – الحقيقة أنا مش دكتور هنا .. أنا جاي زيارة بس .. واسمي
    عمرو
    الولد – وانا اسمي بونو .. فالنتينو الآداب كلها .. إيه بقى اللي جابك
    هنا .. بتدور على واحدة صاحبتك ؟؟ .. طلبكعندي
    أبو جهل – لا .. شكرا .. بس انتو بقى قاعدين بتعملوا إيه .. ماعندكوش
    محاضرات ؟؟
    الولد – لا والله احنا انتساب .. بسبنذاكر هنا .. كل واحد واخد
    المقرر بتاعه بيذاكره .. حتة حتة .. ههههههههه
    أبو جهل يحس إن الولد بيحوّر عليه – مقرر ايه اللي بتذاكره ؟؟أنا مش
    شايفك بتذاكر حاجة
    البنت – لا والله يا أو نكلبنذاكر .. بس احنا حافظين المادة صم ..
    فقلنا مافيش داعي نجيب الكتب .. ونذاكر شفوي أحسن .. مش كده يابونو ؟؟
    بونو – كده ونص .. ههههههههههه

    شوية كده .. وواحد يعدي من جنبهم .. بونو يناديعليه .. ويا خد منه
    سيجارتين .. يدخن واحدة ويدي صاحبته واحدة .. ويشربوا بتلذذ واضح


    أبو جهل – إيه ده .. بتشربوا سجاير فرط كمان ؟؟
    الولد – لا .. دي مش أي سجاير .. خد كده جربالسيجارة دي .. دي وصاية

    أبو جهل يا خد نفس من السيجارةالمحشوة بالبانجو .. يدوخ ويحس إنه في
    عالم تاني .. يكح بشدة منالسيجارة ويحس إنه عايز يضحك من المنظر اللي
    حواليه .. وبين الضحكوالكحة بقى شكله تحفة جدا

    إبليس يلحقه وينقذه من بين إيدينالعيال – ههههههه .. إيه يابو جهل ..
    عملوها فيك العيال؟
    أبو جهل – إيه اللي في السيجارة دي .. أنا لغاية دلوقت حاسس إني طاير
    في الهوا
    إبليس – ده يا سيدي اسمه بانجو .. السلاح الجديداللي باحاربهم بيه ..
    أصحابي اليهود علموهم يزرعوه .. ويشربوه .. لحدما أدمنوه .. ودمرت
    شباب كتير منهم بيه .. بقوا مش نافعين في حاجة .. وبقوا يصرفوا دم
    قلبهم عشان يجيبوا السيجارة دي .. لحد ماخربوا بيوتأهاليهم .. بس ما
    تشربش منها تاني أحسنهتضيعك

    أبو جهل يتجنّ من الحركة اللي عملوها فيه يرجع لهموهو في قمة الغضب

    أبو جهل للبنت – بقى انتي أبوكي بيصرفعليكي ويدخلك الجامعة عشان
    تعملي كده .. هي دي الآداب اللي بتتعلموها .. آداب إيه بقى وزفت إيه
    ؟؟
    البنت تمسك في صاحبها – بونو !!
    الولد – باقولك إيه .. احترم نفسك .. سوسو دي صاحبتي .. واللي يهزأها
    اشرب من دمه
    أبوجهل – بس ياله يابتاع سوسو انت .. بقى انتلو شفت اختك قاعدة مع
    واحد كده هتسيبه ؟
    الولد – مالكش فيهانت .. وبعدين مامتها عارفة ان احنا مصاحبين بعض ..
    دخلك ايه انت؟
    أبو جهل – يعني أهلكو عارفين اللي انتو بتعلوه ده ؟
    البنت – أيوه عارفين .. ما دام بنحب بعض خلاص .. ماحدش هيقف في طريق
    حبنا

    أبو جهل ينسحب وهو مذهول .. مش مصدق الليبيحصل قدامه .. والآداب
    والحوارات .. إبليس يبتسم ابتسامةالمنتصر

    إبليس – شفت الشغل بقى .. إيه رأيك؟؟
    أبوجهل – أنا بصراحة لسه مش قادر اصدق .. معقول فيه طلبة كده؟؟
    إبليس – إلا معقول !! دلوقت كل الطلبة والطالبات كده .. مافيش واحدمش
    مصاحب واحدة .. لو ما كانش اتنين
    أبو جهل – كلهم كده ؟؟معقولة ؟؟
    إبليس - صدقني
    أبو جهل – لا بصراحة أنا لازم احكيلهم في دار الندوة .. بس خايف ما
    يصدقونيش
    إبليس – اللي مشهيصدق ابقى اجيبه ساعتين هنا .. يشوف بعينيه ..
    ههههههههه
    السلام عليكم أهل الديار الموحشة .. والمحال المقفرة .. أنتم لنا سلف ونحن لكم تبع .. وإنا إن شاء الله عما قريب بكم لا حقون .. يا أهل القبور .. أما الأزواج فقد نكحت .. وأما الديار فقد سكنت .. وأما الأموال فقد وزعت .. هذا خبر ما عندنا فما خبر ما عندكم ؟ مالي أراكم لا تجيبون ؟ أما لو أنهم تكلموا لقالوا وجدنا أن خير الزاد التقوى
    علي ابن ابي طالب


  3. #3
    عضو متميز
    تاريخ التسجيل
    Aug 2003
    ردود
    1,317
    يخرجوا من الكافيتريا .. في طريقهميسترعي انتباههم تجمع كبير للطلبة
    والطالبات ..ماسكين لافتات وواحدواقف خطيب بينهم .. أبو جهل يروح
    يشوف إيه الحكاية .. يقرب منهم .. يلاقي اللافتات مكتوب عليها

    لا إله إلاالله

    نحن فداء رسول الله

    قاطعواالدانمرك .. انصروا نبيكم

    لا للمنتجاتالدانمركية

    الطالب يخطب في زملائه بحرارة – ولو ما كناشهنقدر نقطع علاقاتنا
    معاهم .. ونعلن الحرب عليهم .. بس نقدر كلنا نقاطعبضايعهم .. ولما
    الشركات بتاعتهم تخسر .. ساعتها يعملوا لنا ألف حساب .. ويفكروا ألف
    مرة قبل ما يشتموا الرسول عليه الصلاةوالسلام
    أصوات طلبة غاضبين – لا مش كفاية الكلام ده .. احنا لازم نطلعنحرق
    السفارة الدانمركية .. لازم نعلمهم الأدب
    أصوات – أيوه .. أيوه .. سيبونا نطلع
    الطالب – يا جماعة مش لازم نمشي ورا عواطفنا فيأعمال تضرنا اكتر ما
    تنفعنا .. شحنة الغضب اللي جوانا لازم نحولها لعملإيجابي يدوم معانا
    كتير .. مش نتصرف أي تصرف اهوجوخلاص
    طالب آخر – احنا جهزنا قائمة بعناوين الجهات الرسمية في الدانمرك
    والأمم المتحدة .. لازم نبعت لهم رسائل احتجاج لغاية ما يقدموا اعتذار
    رسمي .. مش ممكن يتصوروا انهم يشتموا الرسول عليهالصلاة والسلام واحنا
    نفضل ساكتين
    طالب تالت – ودي قوائم بالمنتجات الدانمركيةاللي بنستوردها . لازم
    نقاطعها من النهارده . حتى لو مافيش غيرها .. مشممكن نشتري منتجاتهم
    بعد اللي عملوه ده

    أبو جهليدخل معاهم في الموضوع – لا مؤاخذة يا ولاد .. هي إيه الحكاية
    بالضبط؟
    الطالب الأول – أهلا يا دكتور .. احنا هنا عاملين مؤتمر عشان نناقش رد
    الطلبة على إساءة الصحف الدانمركية للرسول عليه الصلاةوالسلام
    أبو جهل – قصدك محمد ؟
    الطالب – أيوه
    أبوجهل – بس محمد ده كذاب .. وساحر كمان .. اسألوني أنا .. أنا اكتر
    واحدعارفه .. واكتر واحد باكرهه
    الطالب يقف مذهولا .. مش قادر يرد – حضرتكبتقول ايه ؟؟
    أبو جهل – زي ما باقولك كده .. أنا لو طلتههاقتله

    الطلبة يسمعوا كلامه .. يهجموا عليه بشدة .. يتجمعواحواليه عايزين
    يضربوه .. الطالب نفسه يمنعهم ومعاه بعض زملائه .. ابوجهل يتلفت حوله
    بحثا عن إبليس ما يلاقيهوش .. يحاول ينحسببهدوء

    الطالب – لا يا جماعة .. ما حدش يتعرض له .. احنامعركتنا مش معاه ..
    ومش عايزين حد يستدرجنا لمعاركجانبية
    طالب – انت مش سامعه بيقول ايه ؟؟ هو احنا هنحارب الدانمرك هناك
    ونسيبه يشتم الرسول هنا ونسكت له؟؟
    طالب تاني – سيبونانعرفه يبقى مين الرسول عليه الصلاة والسلام
    الطالب الأول – يا جماعةاحنا في حرم الجامعة .. والمكان ده له
    احترامه .. وما يصحش يتحول لساحةحرب .. احنا هنعمل محضر للدكتور ده
    .. ولو ان انا اول مرة أشوفه .. وممكن يكون مدسوس عشان يعمل لنا مشكلة
    .. احنا ناخد ضده الإجراءاتالقانونية .. ياريت نكمل مؤتمرنا ونتجاهله
    تماما
    طالب – لااااا .. مش ممكن اللي بيحصل ده

    بعض الطلبة يجروا ينادوابقية زملائهم .. يحاصروا أبو جهل .. يتجمع
    عدد كبير جدا من الطلبةوييجوا جري .. وفي وسطهم الولد بونو .. بونو
    منفعل جدا من اللي حصل .. يتجه مباشرة ناحية أبو جهل

    بونو – يا كافر يابن الـ .... انت اللي بتشتم النبي ؟؟
    أبو جهل – إيه يا بتاع سوسو انت كمان .. ماتخليك في صاحبتك .. مالك
    انت ومال محمد ؟؟
    بونو يصفع أبوجهل صفعة شديدة .. ويشتبك معاه ويضربه .. ويصرخ في وجهه
    – آه انا بتاعسوسو .. بس انا مش كافر .. وما حدش هيشتم النبي واسيبه
    طالب – خلاص بقىيا بونو .. سيبه .. احنا هناخده للأمن ونعمل له محضر
    بونو – سيبوني .. انا لازم اموته الكافر بن الـ ... ده

    الطلبة يخلصوهم بصعوبة .. ياخدوا أبو جهل بعيد .. ويكملوا المؤتمر ..
    وبونو يقفمعاهم

    بونو يبكي بشدة – ازاي يشتم النبي وتسكتوا له .. احناالسبب .. احنا
    اللي خلينا الناس تتجرأ علينا .. أنا السبب .. أنا عارفاني مجرم
    طالب – خلاص بقى يابونو .. اهدى بس .. ما تعملش في نفسككده
    بونو – والله انا عارف ان انتو صح .. واللي انا فيه ده غلط .. نفسي
    ابطل اللي انا فيه ده .. بس مش قادر .. مشقادر

    أبو جهل ينصرف .. وهو في قمة الغيظ إن فيه طلبة كتيربيدافعوا عن
    الرسول عليه الصلاة والسلام .. مع إن إبليس أكد إن كلالطلبة مشغولين
    بمصاحبة البنات .. حتى بونو وقف له لما شتم الرسول عليهالصلاة
    والسلام .. أبو جهل يدور على إبليس .. واحد يقترب منه .. ويستوقفه

    الواحد – أهلا بيك يا دكتور .. أنا فلان الفلانيمن جمعية الإنسان
    الحر
    أبو جهل – أهلا بيك .. وانا عمروهشام .. أي خدمة
    فلان – تشرفت بمعرفة سيادتك يا دكتور .. أنا سمعت كلامحضرتك . ومعاك
    قلبا وقالبا
    أبو جهل – أهو كده .. أنا عارفمحمد كويس .. وعارف عنه حاجات الولاد
    دول ما يعرفوهاش
    فلان – طيب إيه رأي سعادتك لو تشرفنا النهارده .. تكلمنا في الموضوع
    ده .. احنا بنحب الفكر المتحرر جدا .. وممكن تطلع في الفضائياتكمان

    إبليس يوصل – أهلاااااااان فلان .. إزيك ياراجل .. إيهالصدف السعيدة
    دي
    فلان – مين .. إبليس بيه .. معقول .. ديفرصة جميلة أوي يا باشا ..
    معاليك هنا بتعمل إيه ؟؟
    إبليس – أنا وعمرو في زيارة لواحد صاحبي هنا
    فلان – الدكتور عمرو يبقى صاحبك ؟؟ .. دي حاجة جميلة جدا .. هو دكتور
    في إيه ؟؟
    إبليس – إيه ؟؟ .. آه .. في التاريخ
    فلان – رائع .. رائع .. ياريت لو ييجي لنا في مؤتمرالنهارده .. هيبقى
    قنبلة الموسم
    إبليس - بس كده .. خلاصأجيبه ونجيلكم . بس ما تتقلوش عليه في الأسئلة
    .. سيبوه يتكلمبس
    فلان – أمرك يا إبليس فيه .. في انتظاركم الساعة سبعة .. ماتتأخروش

    بالليل . في المؤتمر الضخم .. نخبة من المثقفينوالأدباء والمفكرين ..
    والمستغربينوالمستشرقين

    فلان الفلاني اياه – ويسعدنا أن نقدم لكم اليومشخصية من أهم الشخصيات
    في مجال علوم التاريخ .. أستاذ يتميز بآراؤهالمتحررة والمستنيرة في
    وقت تحجرت فيه العقول وتجمدت فيه الأفكار .. وهو الدكتور عمرو هشام ..
    أستاذ التاريخ بكليةالآداب


    تصفيقحاااااااااااااااد


    أبو جهل – ياقوم
    نظرات استغراب .. وهمهمات بين الحاضرين
    أبو جهل – قلتهامن قبل وأقولها اليوم .. محمد كاذب وساحر .. ويجب ألا
    نترك أفكارهتنتشر بين الناس وتفسد عقول الشباب

    تصفيق حااااااااد من بعضالحاضرين وهمهمات استنكار من آخرين

    بعض الحاضرين – رائع يادكتور .. هايل .. أهو ده الفكر المستنير وللا
    بلاش
    أبو جهل – وبأكد لكم إن ديننا احسن من دين محمد بكتير .. ولازم نوصل
    الكلام دهلكل اللي نعرفهم

    تصفيق اشد وبعض الحاضرين ينسحب من المحاضرة .. والبعض الآخر يهاجمه
    بشدة

    بعض الحاضرين – إيه الكفر اللي بتقوله ده .. هوه ده الكلام اللي
    جايبينا نسمعه؟؟
    البعض الآخر – كفر إيه ؟؟ .. هو كل واحد مفكر يطلع يقول اللي في نفسه
    تكفروه .. ده حتى الإسلام دين الحرية يا أخي .. سيب الراجل يقول اللي
    هو عايزه
    البعض – لاااااااا .. ده كلام ما ينسكتش عليه ابدا .. احنا لازم نرفع
    عليه قضية ردة

    عدساتالمصورين تلمع بشدة والكل يحاول ياخد صورة للدكتور عمرو هشام ..
    بعضالحاضرين يحاول ينزله من على المنصة .. والبعض الآخر يدافع عنه ..
    وينتهي المؤتمر بسرعة .. ويخرج أبو جهل من القاعة في حراسة مشددة ..
    ولكن بعد أن أصبح شخصية هامة جدا

    في الفندق .. فلان الفلاني ومجموعة من الصحفيين أصحابه بيعملوا حديث
    صحفي مع الدكتورعمرو هشام .. وأفكاره المتحررة العصرية .. أبو جهل
    أطلق للسانه العنانبالسب والتجريح في رسول الله صلى الله عليه وسلم
    والإسلام والمسلمين .. الصحفيين فرحانين جدا بالفرقعة الإعلامية اللي
    هتحصل

    أحد الصحفيين في إحدى المجلات المشهورةيعرض عليه كتابة مقال لتوضيح
    أفكاره
    الصحفي – ياريت يادكتور توافق سعادتك على كتابة المقال .. هندفع
    لحضرتك اللي انتعايزه
    أبو جهل – بس انا ما عنديش وقت اكتب حاجة
    الصحفي – مايهمش سيادتك .. المقال جاهز .. هنتفق بس على الأوت لاينز
    .. واحناهنكتب كل حاجة .. ونحط صورة حضرتك واسمك
    أبو جهل – لو كده ماشي .. اكتباللي انت عايزه

    تاني يوم .. صور الدكتور عمرو هشام أستاذالتاريخ تملأ الجرايد ..
    ومانشيتات ناريةجدا




    الدكتور عمرو هشاميعلن .. من واقع دراستي في التاريخ .. محمد كاذب
    وساحر




    والدكتورعمرو هشام حاصل على الدكتوراه في التاريخ من جامعة كوتو موتو
    . وهوصاحب نظرة عملية وموضوعية في دراسةالتاريخ



    المرتد عمرو هشام .. يسبالرسول علانية ويدعو إلى الكفر .. رفع قضية
    ردة على الدكتور المرتدعمروهشام





    المتطرفونيهددون صاحب الرأي الحر الدكتور عمرو هشام بالقتل .. جماعات
    متطرفةأعلنت أنها لن تتركه يعيش فيسلام





    الدكتورعمرو هشام يناشد المجتمع الدولي ومنظمات حقوق الإنسان حمايته
    من هجماتالمتطرفين




    اقتلوا هذاالكافر .. عدو الإسلام .. حقيقة عمرو هشام من ملفات
    المخابراتالحنكوشية
    السلام عليكم أهل الديار الموحشة .. والمحال المقفرة .. أنتم لنا سلف ونحن لكم تبع .. وإنا إن شاء الله عما قريب بكم لا حقون .. يا أهل القبور .. أما الأزواج فقد نكحت .. وأما الديار فقد سكنت .. وأما الأموال فقد وزعت .. هذا خبر ما عندنا فما خبر ما عندكم ؟ مالي أراكم لا تجيبون ؟ أما لو أنهم تكلموا لقالوا وجدنا أن خير الزاد التقوى
    علي ابن ابي طالب


  4. #4
    عضو متميز
    صور رمزية khaliiiiid
    تاريخ التسجيل
    Oct 2005
    المنطقة
    فاس
    ردود
    3,496
    فعلا هذا هو الواقع للاسف .
    امثال ابو جهل كثر .... شكرا على القصة المعبرة .

  5. #5
    عضو نشيط
    صور رمزية sabry arch
    تاريخ التسجيل
    Jun 2005
    المنطقة
    اسكندرية - مصر
    ردود
    898
    هههههههههههههه فعلا هيه ديه مصر
    منه لله السبب منهم لله عيروحوا من ربنا فين نسوا ان فيه اخرة بس ياويلهم وويلنا لاننا ساكتين عليهم وعلي ظلمهم ربنا ينتقم منهم وكل اللي زيهم ويا حسرة علي الاخلاق
    ____________
    اخوكم
    صبري - مصر
    أخر تعديل بواسطة sabry arch في 08 / 03 / 2006 الساعة 12:24 AM
    ابني نفسك بنفسك ترتاح دائما
    لا خير في كاتم علم
    architect for ever
    هنا كل الجديد للتحميل

  6. #6
    عضو متميز
    صور رمزية sa9r
    تاريخ التسجيل
    Mar 2005
    المنطقة
    عابر سبيل
    ردود
    7,648
    تذكرني بقصة "عمر يظهر في القدس" للدكتور نجيب الكيلاني.

    وللأســـــــــــــــــــــــــــــــف هذا هو الواقع المر ليس في مصر وحدها بل في بلاد المسلمين كلها الا من عصم الله.


    عن أنس رضي الله عنه قال
    : قال رسول الله صلى الله عليه وسلم ( إن لله تعالى أهلين من الناس . قالوا : يا رسول الله من هم ؟ قال : هم أهل القرآن أهل الله وخاصته ) . (صحيح الجامع2165)







  7. #7
    عضو نشيط
    تاريخ التسجيل
    Mar 2006
    المنطقة
    الصحراء المصرية
    العمر
    31
    ردود
    578
    فعلا والله ده حال كثير من بلاد المسلمين
    بس هو عمرو زعلان ليه

  8. #8
    عضو متميز
    صور رمزية ibrahim3d
    تاريخ التسجيل
    Jul 2005
    المنطقة
    جدة - المملكة العربية السعودية
    العمر
    28
    ردود
    1,367
    بس ما
    تشربش منها تاني أحسن هتضيعك
    غريبة ابليس ينصح
    ...
    والله يااخوان لم اكن اتوقع ان تكون مصر هكذا ولا حتى جا علي بالي

    الله يحرقهم

  9. #9
    عضو فعال
    صور رمزية Director 3D
    تاريخ التسجيل
    May 2005
    المنطقة
    مصر
    ردود
    207
    الجزء الاول من الموضوع فانتازيا ساخره من الواقع مكتوبه بحرفيه جيده

    لكن بقية الموضوع معظمه يتطرق الي تفاصيل باهته وخيال غير ناضج

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل