تسونامى زون عمل جديد

[serguineh]

عمل جميل جدا ، و قوي ما شاء الله ، و لا يحتاج الى تعليق ، و الله انبهرت حقا بهذا العمل .

أين كل هذا الابداع لما لا نراه الا نادرا في هذا المنتدى ؟

و لماذا لا يوضع عمل كهذا في الرئيسية ؟؟؟ عجيب .........

[أبو القعقا]

والله عمل جميل جدا لكن هلا نقلته لمكانه المخصص

[esamdrsh]

ممتااااااااااااااز ومذهل
ياخي روح أعرضه في قسم عرض ونقد هناك نقد كتير

[Ayman69]

عمل جميل جدا ، و قوي ما شاء الله ، و لا يحتاج الى تعليق ، و الله انبهرت حقا بهذا العمل .

أين كل هذا الابداع لما لا نراه الا نادرا في هذا المنتدى ؟

و لماذا لا يوضع عمل كهذا في الرئيسية ؟؟؟ عجيب .........

هوة اية يا شباب موضوع "الرئيسية" دة , معلش اصلى ليسة جديد فى المنتدى و مش فاهم قوى المصتلاحات بتعتكو,
يعنى مثلا "الرندر" انتو بتساموة "مصير ", مش عارف مين الذى اخترع هذا الاسم العجيب من البداية

[رجل السماء]

عمل جيد اخى أيمن فى بعض الملاحظات فى العمل
اولا انا مش عارف هى الخلفية او المبانى دى تصميم ولا خلفية فقط
عموما هى الخفية مش مؤثرة مع المشهد خالص ربما لاختلاف الاضاءة تماما بين الخلفية وبين المشهد عندك

خامة السيارة تحتاج لنظرة اخرى فهى تبدو كأنها 2D او ربما انك استخدمت Standard Material

تحطيم السيارات بهذا الشكل جميل بس فى مبالغة رهيبة فالسيارة تبدو كأنها مطبقة من فوق وفى نفس الوقت السيارات فى منها بعض الاجزاء داخل بشكل منتظم

أقصد اذا كنا سنتكلم عن حادثة مثلا كارتطام فيجب ان يكون هناك عشوائية فى شكل التحطيم ايضا كل السيارات زجاجها سليم وغير شفاف وهذا غير طبيعى فيجب ان يكون هناك زجاج محطم او حتى يكون الزجاج طبيعى نوعا ما

الاضاءة فى المشهد مش مؤثرة أوى او بتعطى احساس غير جيد وهذا ربما يعود للسبب الاول الذى ذكرته بخصوص الخلفية

هو عموما العمل جميل

بالتوفيق ان شاء الله

[Ayman69]

عمل جيد اخى أيمن فى بعض الملاحظات فى العمل
اولا انا مش عارف هى الخلفية او المبانى دى تصميم ولا خلفية فقط
عموما هى الخفية مش مؤثرة مع المشهد خالص ربما لاختلاف الاضاءة تماما بين الخلفية وبين المشهد عندك

يعنى انت ليك ملاحظات على العمل و انت اساس مش عارف اذا كانت المبانى دى تصميم و لا خلفية فقط ....

على اى حال الخلفية مؤثرة فى المشهد و الاضائة واحدة فى المشهد كلة .....انت بس اللى مش واخد بالك
لانك انت لو عملت calibration للمونيتور عندك حتشوف الوضع مختلف .

انا برضو بقول انة عمل "مش بطال" يعنى جيد زى ما بتقول ...... لا تعليق

و زجاج السيارات فى اجزاء منة محطمة ...و وقعة على المية كمان ... ركز شوية فى المية ...حتلاقى فتافيت زجاج واقعة......شايفها ....
و زجاج القطار كلة محطم ..... انت بس اللى مش واخد بالك

[yassine4d]

عمل إحترافي من محترف ....

مرحبا بك معنا و إنشاء الله نعرف دائما تطوراتك

[Ayman69]

عمل إحترافي من محترف ....

مرحبا بك معنا و إنشاء الله نعرف دائما تطوراتك

شكرا يا ياسين على ترحيبك

[رجل السماء]

مش عارف انت بتتكلم كدا ليه بس عموما انا بنقد من واقع خبرتى ورؤيتى للعمل

عموما الزجاج المتكسر يجب ان يكون Modeling وليس Texture انا مش شايف زجاج للقطار خالص هو أصلا مافيه زجاج

بالنسبة للخلفية انا ذكرت هل هى 3D ام صورة فقط انت فهمتنى خطأء يوجد اختلاف بين الاضاءة فى المشهد وبين الخلفية يعنى انا لم تكلمت عن الاضاءة تكلمت عن اختلاف درجات الاضاءة بين الخلفية وبين المشهد
يعنى لما انت تلتقط صور لمكان وتأتى لتضع شىء فى هذا المكان عن طريق اى برنامج للرسوم من الطبيعى ان يكون هناك توافق بين الاضاءة فى الخلفية وبين الاضاءة فى المشهد يعنى محاكاة للاضاءة فى المشهد
هذا ما قصدته ان الاضاءة تحتاج لتعديل لتناسب الاضاءة فى المشهد يعنى يبقى فى توافق
يعنى مثلا انت لو نظرت للمشهد عندك اول شىء هيلاحظه اى شخص هو الخلفية ودرجة الاضاءة والالوان فيها اى جسم فى الدنيا بتأثر بالاضاءة والاجسام المحيطة به فلما يكون الاضاءة مختلفة فى مشهد واضاءة مختلفة فى مشهد اخر ويتم دمج الاثنين معا فى هذه الحالة بيظهر الاختلاف بينهم
عموما الافضل لهذه العملية هو ان تكون ال Background هى HDR او حتى Tiff لان هذه الصيغة من الصور بتحتفظ بدرجات الاضاءة وعندما تستخدم هذه الصورة مع ال gI بيكون هناك توافق بين المشهد والخلفية
لان ليس من الطبيعى ان تكون الخلفية لها اضاءة خاصة والمشهد له اضاءة مختلفة تماما
انا مش عارف انت بتعتبر لما اقلك ان العمل جيد يعنى مش بطال ليه ولاتعليق على ايه انا قلتلك العمل جميل بس يبدو انك عايز ممتاز
عموما العمل جميل وربنا يوفقك

[Ayman69]

مش عارف انت بتتكلم كدا ليه بس عموما انا بنقد من واقع خبرتى ورؤيتى للعمل

انا مش عارف انت بتعتبر لما اقلك ان العمل جيد يعنى مش بطال ليه ولاتعليق على ايه انا قلتلك العمل جميل بس يبدو انك عايز ممتاز
عموما العمل جميل وربنا يوفقك

يا عزيزى ان مش عاوز منك حاجة .. وانا مش مستنى منك جيد او ممتاز ...انا عارف مستوى شغلى كويس ....فهمنى
و بعدين ....انا احب اعرف خبرتك دى اللى انت بتحكم بيها ....

[بوغنيم]

الفنان أيمن كامل ..

فعلاً صاحب اعمال احترافيه. و انا نظرت لبعض اعمالك التي اعجبتني و اعجبني اسلوبها الخيالي ..

http://www.3dluvr.com/aya/news/intro.html

لكن عندي تعقيب بسيط بينك و ين رجل السماء .. فكل منكم له تخصصه و هيبته في هذا المجال .. و الصراحه يا اخواني ليس هكذا تدار الحوارات للأسف. فانتم لكم و زنكم في عالم الجرافيكس. و لو لا النقد لما طورنا من انفسنا. اذا قبلت بالنقد أخذته و اذا لم اقبله تركته و شكرت صاحبه

و مع هذا كله التصميم في نظري المتواضع قمه في الابداع و الدمج فيه رائع.

[esamdrsh]

أخي أيمن لا يعجبني أسلوبك في تقبل النقد
ا بحث عن اسم رجل السماء بالمنتدى لترى مواضيعه وتعرف خبرته

ومعلش انت لسه جديد بالمنتدى

[بوغنيم]

نرجو فقط .. توضيح عن خطوات العمل حتى لو كانت كأساسيات. لتعم الفائده للجميع ..

الأخوه الاعضاء نرجوا الألتزام بالموضوع ..

[رجل السماء]

يا عزيزى ان مش عاوز منك حاجة .. وانا مش مستنى منك جيد او ممتاز ...انا عارف مستوى شغلى كويس ....فهمنى
و بعدين ....انا احب اعرف خبرتك دى اللى انت بتحكم بيها ....

انا مستغرب ان ليه هاجم علية كدا زى ما يكون بينى وبينك طار

عموما احنا هنا متعودين ان الي يضع عمله بيكون عايز نقد يعنى ضع عملك عشان تريد نصائح الناس سواء ناس شغالين فى المجال ده او مشاهدين بس

مرحبا بيك معنا بس المفروض ان لما احد يقول ملاحظات حول عملك على الاقل ان لاترد عليه بهذا الاسلوب
عايز تأخذ كلامه خلاص مش عايز بردوا ده ذوقك وانت حر فيه بس ليس من الجيد ان ترد على الناس بهذا الشكل

انا ذكرت رأى كفرد يشاهد العمل وهذا كان فى ان العمل جميل وذكرت ملاحظاتى كفرد يعمل فى هذا المجال بردوا

أما خبرتى مش لازم يعنى كل واحد يقول ملاحظة يكتب معها ال CV بتاعه

[Rayman]

ماشاء الله جميل جدا جدا جدا .... واقعي بدرجة كبيرة تماما ....
بالتوفيق لك و للجميع إن شاء الله