يوم اليتيم

[ZIZO]

إقدر حرصك على الأيتام يا مصطفى
ولكن الجميع وضح لك أن تخصيص يوم بحد ذاته لزيارة الايتام يعتبر بدعة وذكرو لك الدليل الذي آخرة كلمة يفزع منها كل مسلم " في النار"
وبعد كل هذا تقول سأنفذ هذه البدعة
إتقي الله يا رجل واترك عنك العناد

[رجل السماء]

يا جماعة انتوا ليه عيزين تفرضوا رايكم علي انتم تفضلتم وذكرتم وجهة نظركم فلا داعى لكل واحد يدخل يكتب نفس الكلام

قتلوا دى بدعة قتلكم هاعملها خلاص ارتاحوا وريحونا من الخناق ده
انتوا شايفنها بدعة من منظور وانا شايفها مش بدعة من منظور ثانى واحنا اتعودنا على اننا ننظر فى منظور واحد يعنى لاانا هانظر من المنظور بتاعكم ولا انتم هتنظروا من المنظور بتاعى يبقى كل واحد يخليه فى المنظور بتاعه ويريح التانى


ازيك يا محمد طبعا تشرفنا يا باشا

ده رقم تليفونى للاخوة الي عايزين يتواصلوا عبر التليفون عشان نحدد ميعاد معين ونتفق
لان واضح انه مش هينفع نتفق فى وجود الاخوة الاحباء الذين يمعنون الخير
0123191579

بالتوفيق

[esso70]

السلام عليكم إخوتى الأعزاء
يامصطفى ربنا يهييدك ويهديينا يا أخى
بلاش تخلييها يوم 7 أبريل خلييها يوم جمعه يكون أفضل وممكن تكون أول جمعه فى إبريل

بس ملحوظه دا يوم سبعه هو أول يوم جمعه ههههههههه تخيل يا أخى السنه فيها 52 أسبوع ب 52 جمعه
وسيينا ال 52 جمعه ومسكنا الجمعه دى بالذات طييب إيه رأيك بقه إن إقتراحك دا جامد جدا جدا جدا

بس علشان ما نبقهاش بنعمل زيي اللى حواليينا وخلاص وزي ما ممافيش مشاكل فى إنها تكون يوم سبعه

طييب ما أنت لو خلييتها يوم الجمعه التانيه اللى هيا 14 هتلاقى ترحييب أكتر إن شاء الله أبو إسلام ييجي معانا
وبعديين ركز معايا فى ناس بتقبض يوم واحد فى الشهر وناس بتقبض يوم عشرة وناس بتقبض يوم عشريين
لو كان يوم سبعه اللى هييجي اللى قبض يوم واحد وبتاع يوم عشره وعشريين مش هييجي ولو خلييناها يوم 14 يبقه كسبنا يتاع يوم واحد وعشره (( طبعا دى حاجات إقتصاديه بحته ))

والله المستعان

[رمز الصمود]

جزاك الله خيرا أخي مصطفى .. فكرتك جميلة جدا ..
وكل ما جاء معاك عدد أكبر كلما زادت حسناتك .. الله يوفقك

وأتمنى لو كنت معكم والله كنت ذهبت .

بس لو تكون في غير اليوم اللي أنت حددته أفضل . كما ذكر الأخوان

[mohheader]

لو المشكلة في اليوم ^_^

ممكن احنا نروح مثلا يوم 7 ... وباقي الاخوة يوم 14 واخوة اخرين يوم 21
وبكدة الاطفال سيرون ان كل اسبوع في مجموعة بتروح

يعني من الاخر
الاخوة الي مش عاجبنهم الكلام ^_^
ممكن تروحوا في يوم تاني ؟

ولا بس نتكلم ومفيش افعال ^_^
ولا برده مش عاجبكم
ولا يكون كل الي عايزينه ان مصطفى لا يروح يوم 7 ولا 14 ولا 21 ؟؟


تحياتي
مصطفى بقلك ايه
روح كل يوم ياعم وخلصني ...
( تعبت من المناقشة بتاعت كل يوم )

[downs_mass]

مبروك الموقع يا مصطفي ...

رغم اني مش لاقي اسمي فيه ههههههههههههه

[mo7amed86]

أخي الكريم مصطفي
بعد أذنك عندي سؤال مهم جدا يا ريت تجاوبني علية ... ملوش دعوة بالموضوع
أنتا بتدرس في الكلية أية ؟
أنتا قولت في الموقع الشخصي أنك بتدرس في كلية الفنون
تقصد فنون جميلة ولا تطبيقية ؟

[رجل السماء]

خلاص يا جماعة خلوها يوم 4/2 ده يوم ميلادى بجد والله مادام مش عايزين يوم سبعة

وتبقى مفاجاة اننا روحنا قبل اليوم الاساسى

شوفوا انتوا عايزين أيه


اخى محمد بالنسبة لدراستى فنون تطبيقية

[esso70]

لو يوم ميلادك يامصطفى يبقه
طييب والناس اللى بتقبض يوم 10 ويوم عشريين
هههههههههههههههههه

انا بهزر طبعا لكن فى الأخير
مقدرش غير إنى أقول
الله المستعان

[ehabrashad]

مصطفى
تصدق انهرده كنا بنعد لرحلة الجمعية ليوم اليتيم
إن شاء الله تشاركونا هذا اليوم

انا في اتنتظاركم

[ehsan]

الله يهديكو..........و يعينكو على فعل الخير على مدار السنة مش يوم واحد


والفكرة جميلة اخي مصطفى بارك الله فيك والله يهديك ويهديني ويهدي جميع المسلمين



بالتوفيق ان شاء الله

[youssef_23]

احب ان انوه برضة ان الرسول صلى الله عليه وسلم لم يكن ياكل بالمعلقة
فارجو من الاخوة الافااضل المصرين على هذة المعصيه وهى الاكل بالمعلقه ان ينتهوا
لان االرسول صلى الله علية وسلم ادرى بصحتنا منا
انا مش عارف ليه الحكايه دى منتشرة
انتهوا خير لكم
وعودوا لسنه المصطفى
لان قضيه المعلقه دى قضيه مصيريه يتوقف عليها مصير الامه
وحسبنا الله ونعم الوكيل
-------------------------------------------------------------------------
الحج باستخدام المواصلات العامه والطيران افتراء وتعدى على سنه الرسول صلى الله عليه وسلم والصحابه الاولين
وهى مخالفه شرعية اكبر من يوم اليتيم
لذا ارجو ان نخصص الجمال للحج زى ايام زمان
ولا نعود لمثل ذلك
--------------------------------------------------------------
يستحسن ان نقوم من امام هذا المنتدى
لان ذلك لم يحدث ايام الرسول صلى الله عليه وسلم
ان كانوا يتناقشون على المنتدى
انتهوا خير ا لكم
والسلام على من اتبع الهدى
-------------------------------------------------------

[رمز الصمود]

وبعدين معاك يا يوسف ....؟؟؟؟ أنا أمزح طبعا ..

شوف يا أخي العزيز ..
الأمور اللي أنت ذكرتها هذه من أمور العادات ( الأكل - التنقل - الكمبيوتر ..... الخ ) هذه لا يوجد بها بدعة .


أما بالنسبة لأمور العبادات ففيها البدعة وغير البدعة ...


وأنت كما تعلم يا أخي يوسف القاعدة الفقهية التي يعرفها ( أو يجب أن يعرفها ) كل مسلم ألا وهي ..

الأصل في العادات الحل إلا ما أمر الشارع بتحريمه ،،،،
والأصل في العبادات التحريم إلا ما أمر بالشارع به ..

معنى القاعدة ..

أن الانسان لا يجوز له أن يخترع عبادة من عنده ويقول أعبد الله بها بل يجب عليه أن يتبع نهج النبي صلى الله عليه وسلم في ذلك ..
أما بالنسبة للعادات فللأنسان الحرية فيها إلا مانص الشارع على تحريمه ...

وضحت .. ؟؟؟




نأتي الآن لموضوع أخينا مصطفى ....

زيارة اليتيم هي من الأمور التي حث عليها الاسلام ورتب لها الأجر العظيم ولا خلاف في ذلك ...

البدعة هي :::::

تحديد يوم محدد من كل سنة والتعارف على أنه في هذا اليوم نقوم بزيارة اليتيم ونسمي ذلك اليوم يوم اليتيم



أي خدمة .......................

[youssef_23]

الأمور اللي أنت ذكرتها هذه من أمور العادات ( الأكل - التنقل - الكمبيوتر ..... الخ ) هذه لا يوجد بها بدعة

وكذلك يوم اليتيم
شىء مبتدع فى العادات
وليس فى الدين ولا اية
زى مثلا اما انتصرنا فى حرب اكتوبر
عملنا يوم يذكرنا بهذا الانتصار
فكرة يوم اليتيم فكرة كويسه لنتذكر دائما ان فى ايتام محتاجين رعايه
على المستوى الاعلامى ينشط الاعلام فى هذا اليوم لحث الناس على هذا العمل
هذة اشياء مدنية ليس لها علاقة بالدين اطلاقا

[ZIZO]

وكذلك يوم اليتيم
شىء مبتدع فى العادات
وليس فى الدين ولا اية

قال الرسول عليه الصلاة والسلام
أنا وكافل اليتيم كهاتين في الجنة (السبابة والوسطى)
هذا حث من الرسول على الاهتمام بالايتام
ومصادر التشريع في الاسلام 4
القرآن
الحديث
والاجماع
والقياس
وليس القرآن فقط