الحمد لله موضوع انشاء شركه رسوم متحركه بدء يتحئأ

[ZEIN]

احنا اتقابلنا يوم الجمعه وعملنا ميعاد تاني يوم الثلاث علشان الناس الي اعتزرت تيجي والحمد لله اتجمعني واتفقنا وعملنا الفريق وهنبتدي الشغل من يوم الجمعه بئزن الله وقد تم اختيار الفريق فمن يريد المشاركه بأفكار يبعتها لنا علي المنتدي وسوف نخبركم بالجديد بئزن الله وانتظرو مننا شغل ان شاء الله يكون كويس وعند حسن ظنكو من يريد قرائة المشروع الاصلي يدخل هناhttp://www.maxforums.net/showthread.php?t=66716 والناس الي معانا في المشروع هما ابو معاز-محمد نبيل-احمد يحي- كريم-خالد-حنان-حسن محمد-محمد-وجدي-احمد زين واهم شئ أسعدنا كلنا اننا كلنا وخدين الموضوع بجديه جدا وباسرار علشان نوري الناس الي خيفه تتئدم خطوه ان الموضوع سهل ومفهوش اي مخاطر والغرب وصلو بكده احنا ان شاء الله ابتدينا الفكره الي انا كنت كتبها وعارف ان محدش هيعبرني لاكن الحمد لله ان فيه ناس عندها الحماس ده وعيزه تبئه حاجه وشكرا خاص للناس الي متئدرش تكون معانا لاكن بتشجعنا وان شاء احنا هنعمل شغل كويس بئزن الله وهنعرضه علي المنتدي وربنا يسهل ويعجبكم بئزن الله ويا ريت اي شخص عنده اي افكار يكتبلنا علشان نتقدم للامام من خلال تشجيعكم وافكاركم

[Spark]

اكيد بالأصرار كنت اتمني اشارك لاكن للاسف لست من القاهرة

[محترف صور]

ربنا يوفقكم..لماذا لا تبدئوا بعمل دينى مثل فيلم او مسلسل دينى عله يكون فاتحه خير عليكم

[elgeneral]

ربنا يكرمك يازين ويوفقكم يارب
وانا شايف أنه اكيد بالأصرار هنوصل
لأن عيبنا اننا مبنتحركش فكرين ان احنا اقل من غيرنا وبنفضل فى نفس المكان
لكن خطوتك دى تحسب أكبر خطوه فى طريق النجاح
ومالكش دعوه باللى يقولك اى كلام يحطم معنوياتك وياريت يفكر انه يعمل زيك بدل ما ينتقد وخلاص
ويارب اسمع عنكم كل خير
بالتوفيق لك ولكل اعضاء الفريق

[Limponi_3d]

ربنا يوفقكوا يارب

[ZEIN]

انا شاكر لكل الناس الي بشجعنا ويا رب نكون عند حسن ظنكو فينا وشكرا علي الفكره يا اخ محترف صور اما بالنسبه لفلاشاوي فانا مستغرب من الاحباط الي عنده ده ليه يا حبيبي كده مع اني دخلت علي موضوعك وشكرت فيه وشجعتك ارجو من الناس الي زي فلاشاوي انها تشفلها شغلانه تنيه غير الجرافيك لانو عايز اصرار وعزيمه واحنا ان شاء الله هنوري امثالك من المتخذلين والمحبطين اننا احنا العرب ممكن نوصل واكيد هنوصل احنا مش نقصين عقل وله زكاء عن الغرب كل الحكايه انهم عيزين يبئو احسن مننه وعندهم اصرار واحنا بشوية تعب واستحمال من الكلام الي من ناس زي فلاشاوي هنوصل بئزن الله والله ناس عجيبه وغريبه

[deseigner]

اكيد بالاصرار طبعا ربنا يوفقكم وانا معاكم ولكنى الان مشغول في الدراسة وانشاء الله انا معكم بعد الانتهاء من دراستى
بالتوفييييييييييييييييييييييييييق

[sofiane_av]

أفكار رائعة منكم ....... بارك الله فيكم ......وأعانكم للوصول إلى أهدافكم ....

هههههه خيارات التصويت رائعة .
لكن يمكن إضافة خيار استبعد يا للأسف لا بل يمكن حصوله يوما ما ... وهو :
أكيد بل وأكثر من الغربيين إن شاء الله ....

[Moh Taia]

ربنا هايوفقكم باذن الله
أهم حاجه تستمروا وتشجعوا بعض أول بأول و مافيش حاجه مستحيله
(موقع للإطلاع) http://orange.blender.org/
ده موقع عملته مجموعة شباب زيكم وحطوا خطة عمل 6 شهور لإنتاج فيلم قصير و الموضوع نجح الحمد لله وحاليا بيعملم السيديهات يمكن تلاقوا فيه أفكار تنفعكم
بالتوفيق

[m_elswaf]

قبل ما اوجه كلامي لاي حد انا بشكر ربنا على روح الحماس اللي مليه الفريق علشان انا حسيت بالروح ده من أول مره شفت الفريق فيها وعلى فكرة انا واحد من الفريق " محمد جمال " وارجوا من اي متحمس بالفكرة معانا وكان نفسة يشترك معانا انا ميبخلش علينا بالافكار وميخفش اننا مش هانزكر اسمه في العمل لو كانت الفكرة نالت اعجابنا وبالفعل هانطبقها بس ياريت محدش يبخل علينا بأي فكرة ولو كانت بسيطة

[ابومعاذ]

بسم الله الرحمن الرحيم

اللهم ما سهل الا مجعلته سهلا

وانك ان شئت جعلت الصعب سهلا

الحمد لله رب العالمين الذى له

الفضل والمنه والحمد لله الذى

الف قلوبنا وجمع شتاتنا اتمنى من الله ان يوفق

الجميع الى مايحب ويرضى اشكر كل من شارك بالرد

على موضوع مشروعنا ان كان رد بالسلبيه او بالايجابيه

او بالنقد او بالتشجيع او بتكسير المجاديف فوالله الذى لا اله غيره

كل هؤلاء قد افادونا ومهدوا لنا طريقا عزمنا ان نمضيه بعون من الله

وبصبر منه وسلون اناشد كل من يملك الاراده وكل من يريد لامتنا ان تنهض من غفوتها

وان تكون لها حضارة فى كل شيئ ان لاييأس ةلا يحقر من حلم بما لو اقدم فيه خطوة

لتغيرت مقاييس حايته او تراجع عن حلمه ظل واقفا متصلبا مكانه من يريد ان يتحرر من

قبضة الانبهار بالغير فاليبهر هو غيره ومن يريد ان يسمع دائما فليتكلم

كى يسمع منه الاخرين اتمنى من الله ان يمضى شبابنا وان يتسلحوا بالصبر

والاراده والتضحية فكل اولئك طريق النجاح
اتمنى من الله ان لا يبخل علينا احبائنا واخواننا من الدعاء

ونحن نفتح احضاننا لكل من يريد ان يشارك معنا ولو

بكلمه نصح او بسمه امل او دعوه بظهر الغيب من القلب

لتصل ان شاء الله للقلب

اخوكم ابومعاذ

[mAmZi]

بالتوفيق إن شاء الله

[ZEIN]

والله انا بالنيابه عن كل المجموعه بتعتي بشكر كل الناس الي بتشجعنا بكلمها وانا سعيد جدا بالناس الي جت واشتركت معايه في الفكره ديه والحمد لله انهم كلهم بسراحه اخلاق جدا ومريحين جدا وشكر خاص للاخ (مستني) لانه تفضل مشكورا وكلمني علي الاميل وعرفني ببرنامج جميل هيساعدنا في شغلنا وهو اسمه Cat وحاول يبعته من علي النت وفضل اعد معايه اكثر من ساعه ومعطل نفسه علشان البرنامج يوصلني بس للاسف ان ان البرنامج كبي وانا طلبت منه انه يوقف الارسال وشكرته وقلت له اني هحاول اجيبه من صديق تاني وخصوصا انه من الاسكندريه وهو وعدني انه هيكتب علي المنتدي علشان يعرفنا اشياء عن البرنامج بئزن الله البرنامج خاص بالانميشن

[ZEIN]

والله انا بالنيابه عن كل المجموعه بتعتي بشكر كل الناس الي بتشجعنا بكلمها وانا سعيد جدا بالناس الي جت واشتركت معايه في الفكره ديه والحمد لله انهم كلهم بسراحه اخلاق جدا ومريحين جدا وشكر خاص للاخ (مستني) لانه تفضل مشكورا وكلمني علي الاميل وعرفني ببرنامج جميل هيساعدنا في شغلنا وهو اسمه Cat وحاول يبعته من علي النت وفضل اعد معايه اكثر من ساعه ومعطل نفسه علشان البرنامج يوصلني بس للاسف ان ان البرنامج كبي وانا طلبت منه انه يوقف الارسال وشكرته وقلت له اني هحاول اجيبه من صديق تاني وخصوصا انه من الاسكندريه وهو وعدني انه هيكتب علي المنتدي علشان يعرفنا اشياء عن البرنامج بئزن الله البرنامج خاص بالانميشن