تويت
إتحاد محبي الماكس ( رجاء الدخول للجميع )
السلام عليكم ورحمة الله وبركاته
أخباركم أيه ؟؟ أسمحوا لي أني أتكلم بالعامية عشان توصلكم المعلومة أسهل إن شاء الله
أنا هطرح المشروع في شكل سؤال وجواب عشان يبقى سهل على الجميع فهمه،وإذا حب أي حد يسأل عن أي حاجة فليتفضل
الأول قول لنا أنت مين ؟
أعرفكم بنفسي أسمي محمد
ساكن في الجيزة وبالتحديد ( مش مهم دلوقتي )
بحب الكمبيوتر جداً أنا وهو أصحاب من تقريباً 7 سنين
عمري ما فكرت أني أتخصص في مجال معين فيه،وده كان سبب أني والحمد لله أخذت من كل بستان وردة زي ما بيقولوا
يعني تقدروا تقولوا عني خلفية حتى ولو بسيطة عن كل مجالات الكمبيوتر والحمد لله
الحمد لله أفتخر أني من مؤسسي برنامج صناع الحياة بل ومنتدى عمرو خالد وأنا بذكر ده عشان لو في حد هنا من صناع الحياة ياريت يقول لي عشان نتصل ببعض
أخت دورة أسمها مهارات الأتصال الفعلي وطرق إيجاده في الأسلام ودي بكل بساطة بتتكلم عن الفراسة
قريت كتير عن أعداد القادة..ليه ؟
لأني كنت مدير لأحدى الجمعيات الخيرية أسمها سنابل الأسلام..
دي كانت جمعية دعوية عن طريق الأنترنت
عندي مشروع صغير كده على قدي أسمه مركز صناع الحياة لدورات الكمبيوتر، فكرة تتلخص في أنها من وحي تكنولوجيا التعلم عن بعد والحمد لله المشروع ماشي كويس وتقدروا تقروا عنه في موقع الأستاذ عمرو خالد
نسيت اقول لكم انا عندي 19 سنة وحالياً مش بدرس مأجل الدراسة شوية لأني عايز أدرس حر مش عايز التعليم بتااااع..آآآآيوه هو ده مش طايقة أصلاً حاسس فيه بنسبة تخلف لو أعلن عنها هتفوز بكاس العالم
ايه لزمة الكلام ده كله انت رغاي كده ليه ؟
انا نويت يا شباب بعد علاقتي بالكمبيوتر الفترة اللي فاتت دي أني أتخصص بقى ياااااه تعبت يا راجل..نفسي بقى أعمل حاجة بجد
ونويت تتخصص في ايه؟
الحقيقة أبقى بكذب عليكم لو قلت لكم الماكس بس، لأ أنا بحلم بصناعة الألعاب وعلى أعلى مستوى
نفسي يجي عليا اليوم أني أصنع فيه لعبة أرد بيها على لعبة زيرو أور..قصتها بأختصار أن الصين وعمتها أمريكا طبعاً بيحربوا العراق اللي هي الأرهاب يعني،اللي هي (بس من بعيد شوية) مقصود بيها الأسلام...طيب صبرهم عليا بس
وعشان كده فكرت إني أبدء بالماكس كا خطوة أولى وده لأني شدني جداً
طب ليه مفكرتش أنك تاخد دورات؟
الحقيقة فكرت وعايز أخد دورات..بس نعمل ايه العين بصيرة والأيد بصيرة..بالزات يا زمل بقى ان السري دي ماكس ده دوراته ناااار بس ربنا يسهل
طب والحل ايه هتعمل ايه ؟
والله انا قلت اتوكل على الله وأبدء أتعلمه زي ما اتعلمت اي حاجة في الكمبيوتر،فبدأت أني أبحث عن الدروس هنا وهناك لحد ما بقى عندي أفكار كتير جداً أهما أني أعرف أزاي أنشأ صندوق أو كورة ههههههههه كده يعني
وبعدين؟
وبصراحة لقيت ان الطريقة دي مملة شويتين تلاتة اربعة خمسة، فقلت اكيد اكيد في ناس تانية زي حالي بالظبط، طب ليه منتجمعش مع بعض وتبقى صحبة حلوة محترمة متعلمة أصحاب هدف واحد
وفعلاً أنا جي دلوقتي عشان أطرح عليكم الفكرة دي، وأتمنى إني ألاقي أقبال منكم
الفكرة ببساطة:
أنت عايز تنضم للفريق يبقى لازم يكون عندك اللي تقدمه لغيرك، يعني دروس أو خبرات
حضرتك كل اللي مطلوب منك،أنك بعد ما تشترك هتنتظر مني تلفون أفهمك فيه على الخطوات هتبقى عاملة أزاي (بس هبقى أخد منك تمن المكالمة)
هنتقابل في الأول خالص ونتفق على سلسلة دروس معينة نطبقها خلال الأسبوع،وبعدين نتقابل ونكون حفظنا الدروس دي صم،وواحد منا ( اللي أكثرنا خبرة ) هيحط أمتحان وهنصورة ونوزعه على بعض،وطبعاً الأمتحان ده هيكون نظري
وبالشكل ده هتلاقي نفسك بتتحسن أسبوع بعد أسبوع..
صدقوني أنا مجرب..أنت لما تدرس حاجة بتحبها بتبقى على قلبك زي العسل، بس يا غلاسة الشيطان بقى مش هيسيبك في حالك، هتلاقي نفسك ديماً كسلان ومش قد كده في حفظ الخطوات ألخ
دي نتغلب عليها أزاي بقى؟ بالجماعة يا شباب، أننا نساعد بعض على الهدف بتعنا.
صدقوني محدش هيخسر حاجة لما يجرب..جربوا أول أجتماع وإن شاء الله هتلاقوا نتيجة جميلة
سؤال بسرعة بسرعة
هل الفريق ده للتعليم بس ؟ يعني اللي يقدروا يدخلوا فيه هما المبتدئين بس؟
بص يا فندم حضرتك لو عندك خبرة نص نص يعني فمش مشكلة أو لو حتى كنت محترف فأهلاً بيك وسهلاً بس طبعاً هتمشي معانا تبع مستوانا
اللي هو من تحت الصفر إلى الأحتراف
واذا حبيت تقدم لينا المساعدة بشرحك أو خبرتك فده بعد أذنك هيكون مجاناً مش غير فلووس
وأحب أقول معلومة عامة ..أن مفيش اي فلوس هتصرف لأي مكان أو لأي حد أحنا زي ما قلنا أننا بنحب بعض وبنساعد بعض بدون اي مقابل
يلا يا جماعة مين هيفتح المزاااد
عليا بأتنين لحد دلوقتي أنا وواحد تاني أخ محترم جداً هو مشترك معانا في المنتدى برده
إن شاء الله أول ما نكمل خمسة هنعقد أول إجتماع
أذا حبيت حضرتك سواء كنت شاب أو فتاة صغير أو كبير مصري أو غير مصري بس أهم حاجة تكون في القاهرة، أذا حبيت تشارك معانا
أبعت لي رسالة خاصة أكتب فيها أسمك الحقيقي ومنطقتك السكنية وان شاء الله هتصل بيك على طول خلال يومين من ميعاد أرسالك للرسالة
جزاكم الله خيراً على تشرفكم لي بقرائة هذه الكلامات المتواضعة
أحبكم جميعاً في الله
محمد
أخباركم أيه ؟؟ أسمحوا لي أني أتكلم بالعامية عشان توصلكم المعلومة أسهل إن شاء الله
أنا هطرح المشروع في شكل سؤال وجواب عشان يبقى سهل على الجميع فهمه،وإذا حب أي حد يسأل عن أي حاجة فليتفضل
الأول قول لنا أنت مين ؟
أعرفكم بنفسي أسمي محمد
ساكن في الجيزة وبالتحديد ( مش مهم دلوقتي )
بحب الكمبيوتر جداً أنا وهو أصحاب من تقريباً 7 سنين
عمري ما فكرت أني أتخصص في مجال معين فيه،وده كان سبب أني والحمد لله أخذت من كل بستان وردة زي ما بيقولوا
يعني تقدروا تقولوا عني خلفية حتى ولو بسيطة عن كل مجالات الكمبيوتر والحمد لله
الحمد لله أفتخر أني من مؤسسي برنامج صناع الحياة بل ومنتدى عمرو خالد وأنا بذكر ده عشان لو في حد هنا من صناع الحياة ياريت يقول لي عشان نتصل ببعض
أخت دورة أسمها مهارات الأتصال الفعلي وطرق إيجاده في الأسلام ودي بكل بساطة بتتكلم عن الفراسة
قريت كتير عن أعداد القادة..ليه ؟
لأني كنت مدير لأحدى الجمعيات الخيرية أسمها سنابل الأسلام..
دي كانت جمعية دعوية عن طريق الأنترنت
عندي مشروع صغير كده على قدي أسمه مركز صناع الحياة لدورات الكمبيوتر، فكرة تتلخص في أنها من وحي تكنولوجيا التعلم عن بعد والحمد لله المشروع ماشي كويس وتقدروا تقروا عنه في موقع الأستاذ عمرو خالد
نسيت اقول لكم انا عندي 19 سنة وحالياً مش بدرس مأجل الدراسة شوية لأني عايز أدرس حر مش عايز التعليم بتااااع..آآآآيوه هو ده مش طايقة أصلاً حاسس فيه بنسبة تخلف لو أعلن عنها هتفوز بكاس العالم
ايه لزمة الكلام ده كله انت رغاي كده ليه ؟
انا نويت يا شباب بعد علاقتي بالكمبيوتر الفترة اللي فاتت دي أني أتخصص بقى ياااااه تعبت يا راجل..نفسي بقى أعمل حاجة بجد
ونويت تتخصص في ايه؟
الحقيقة أبقى بكذب عليكم لو قلت لكم الماكس بس، لأ أنا بحلم بصناعة الألعاب وعلى أعلى مستوى
نفسي يجي عليا اليوم أني أصنع فيه لعبة أرد بيها على لعبة زيرو أور..قصتها بأختصار أن الصين وعمتها أمريكا طبعاً بيحربوا العراق اللي هي الأرهاب يعني،اللي هي (بس من بعيد شوية) مقصود بيها الأسلام...طيب صبرهم عليا بس
وعشان كده فكرت إني أبدء بالماكس كا خطوة أولى وده لأني شدني جداً
طب ليه مفكرتش أنك تاخد دورات؟
الحقيقة فكرت وعايز أخد دورات..بس نعمل ايه العين بصيرة والأيد بصيرة..بالزات يا زمل بقى ان السري دي ماكس ده دوراته ناااار بس ربنا يسهل
طب والحل ايه هتعمل ايه ؟
والله انا قلت اتوكل على الله وأبدء أتعلمه زي ما اتعلمت اي حاجة في الكمبيوتر،فبدأت أني أبحث عن الدروس هنا وهناك لحد ما بقى عندي أفكار كتير جداً أهما أني أعرف أزاي أنشأ صندوق أو كورة ههههههههه كده يعني
وبعدين؟
وبصراحة لقيت ان الطريقة دي مملة شويتين تلاتة اربعة خمسة، فقلت اكيد اكيد في ناس تانية زي حالي بالظبط، طب ليه منتجمعش مع بعض وتبقى صحبة حلوة محترمة متعلمة أصحاب هدف واحد
وفعلاً أنا جي دلوقتي عشان أطرح عليكم الفكرة دي، وأتمنى إني ألاقي أقبال منكم
الفكرة ببساطة:
أنت عايز تنضم للفريق يبقى لازم يكون عندك اللي تقدمه لغيرك، يعني دروس أو خبرات
حضرتك كل اللي مطلوب منك،أنك بعد ما تشترك هتنتظر مني تلفون أفهمك فيه على الخطوات هتبقى عاملة أزاي (بس هبقى أخد منك تمن المكالمة)
هنتقابل في الأول خالص ونتفق على سلسلة دروس معينة نطبقها خلال الأسبوع،وبعدين نتقابل ونكون حفظنا الدروس دي صم،وواحد منا ( اللي أكثرنا خبرة ) هيحط أمتحان وهنصورة ونوزعه على بعض،وطبعاً الأمتحان ده هيكون نظري
وبالشكل ده هتلاقي نفسك بتتحسن أسبوع بعد أسبوع..
صدقوني أنا مجرب..أنت لما تدرس حاجة بتحبها بتبقى على قلبك زي العسل، بس يا غلاسة الشيطان بقى مش هيسيبك في حالك، هتلاقي نفسك ديماً كسلان ومش قد كده في حفظ الخطوات ألخ
دي نتغلب عليها أزاي بقى؟ بالجماعة يا شباب، أننا نساعد بعض على الهدف بتعنا.
صدقوني محدش هيخسر حاجة لما يجرب..جربوا أول أجتماع وإن شاء الله هتلاقوا نتيجة جميلة
سؤال بسرعة بسرعة
هل الفريق ده للتعليم بس ؟ يعني اللي يقدروا يدخلوا فيه هما المبتدئين بس؟
بص يا فندم حضرتك لو عندك خبرة نص نص يعني فمش مشكلة أو لو حتى كنت محترف فأهلاً بيك وسهلاً بس طبعاً هتمشي معانا تبع مستوانا
اللي هو من تحت الصفر إلى الأحتراف
واذا حبيت تقدم لينا المساعدة بشرحك أو خبرتك فده بعد أذنك هيكون مجاناً مش غير فلووس
وأحب أقول معلومة عامة ..أن مفيش اي فلوس هتصرف لأي مكان أو لأي حد أحنا زي ما قلنا أننا بنحب بعض وبنساعد بعض بدون اي مقابل
يلا يا جماعة مين هيفتح المزاااد
عليا بأتنين لحد دلوقتي أنا وواحد تاني أخ محترم جداً هو مشترك معانا في المنتدى برده
إن شاء الله أول ما نكمل خمسة هنعقد أول إجتماع
أذا حبيت حضرتك سواء كنت شاب أو فتاة صغير أو كبير مصري أو غير مصري بس أهم حاجة تكون في القاهرة، أذا حبيت تشارك معانا
أبعت لي رسالة خاصة أكتب فيها أسمك الحقيقي ومنطقتك السكنية وان شاء الله هتصل بيك على طول خلال يومين من ميعاد أرسالك للرسالة
جزاكم الله خيراً على تشرفكم لي بقرائة هذه الكلامات المتواضعة
أحبكم جميعاً في الله
محمد
تعليق