تصميم ما اكتمل نبغى نقد حار

[hamas]

السلام عليكم و رحمة الله
بعد طول انقطاع بسبب المراكز الصيفية و أشغالها
نعود إليكم بهذا التصميم اللي ما اكتمل لكن نبغى نقدكم حتى نرتقي للأفضل
فشدوا الحيل

[بندر]

الحمد لله ...جيت قبل النهايه
انا يا اخي عجبني اللي فوق سنعود اما اللي تحته مدري وش قصته
اترك النقد الباقي للشباب

[hamas]

ما أدري هل التصميم لهذي الدرجة من الضعف يعني ما يستاهل
أحد يدلي و لو بكلمة عليه

وين شباب المنتدى

وين....

[السنبلة]

هلا اخوي hamas

بالنسبة للتصميم
أولا : الصورة ما تظهر
ثانيا : بدون زعل التصميم ما هو بالمستوى المطلوب واتوقع منك الافضل
ثالثا : وسع صدرك خاصة في مسائلة الردود

[pixel]

-
اسمحوا لي أرد زي رد أستاذي في النقد: النهاية.

تصميم جميل ورائع ولا يعلى عليه.. وأحسن ما في الصورة الإكس الأحمر، والخلفية البيضة.

يعني افهمها الله يحفظك الصورة ما طلعت.. حاول تلقى server غير ayna.. وأنا عن نفسي أستخدم freeservers من أحسن الموجود ولا يقول أخ.

أخوك المحب
pixel

[hamas]

أولا أشكر جميع الذين قاموا بالرد

وهذا الرابط إنشالله يشتغل

http://mypage.ayna.com/baya_zain/when2.jpg

[pixel]

-
أبشرك اشتغل الرابط اللي حطيته.. بس بعد عدة محاولات..

وبصراحة أكثر ما عجبني في الصورة الأسلاك الشائكة والنقاط المتحدرة منها والورود والأوراق الخضراء اللي تحيط بالأسلاك.. بس

عسى الله يوفقك ونرى منك تقدم في الأيام القادمة.

أخوك المحب
pixel

[النهايــة]

السلام عليكم..

جيت متأخر .. آسف جدا..!

مشكور يا بندر على هذا السباق الشريف..!

ومشكور جدا يا عزيزي بيسكل.. أجل صرت أستاذك وأنا مدري؟

---

بسم الله..
ونبي ننقد سُخُن..!

تصميم طيب وجيد..

لكن ملاحظاتي كالتالي:
()الخلفية..رسم ولا صورة معدلة؟ ممتازة.. لو تضبط الأوان أكثر..
()الصورة فيها ألوان كثيرة.. وهذا متعب للعين ..
بإمكانك تخفيف ألوان العناصر غير الأساسية.. بحيث يتناسق العمل..

() العمل زحمة.. زحمة صدق.. يخلي عقل الواحد مشتت.. ولا تفيده اللوحة لاتجاه معين.. لمعنى مميز.. أتمنى أن يكون كلامي واضحا..

()يا قدس متى.. مش واضحة..كعنصر أساسي جدا.. وتكرارها مش ولا بد.. ياليت تقوي ألوانها.. وتكبر حجمها شوي.. وتعطيها ظهور أكثر على مستوى العمل..

()والباقي خذه من كلام الشباب..

مرة أخرى.. عمل طيب وتشكر عليه أخي الكريم حماس..

وأشكر جميع الشباب على مشاركتهم..


وتقبلوا مني خالص التحيات الوردية..
أخوكم المحب جدا جدا جدا/ النهاية