<< ...مطلوب مساعدة في مشروع تخرج...>>

[sherroki]

السلام عليكم
اريد ان اعرض عليكم موضوع شاغل بالي
لعل و عسى ان تشاركوني فيه
في البداية.......

حاليا انا بأخذ منحة تابعة لوزارة الاتصالات في الجرافيكس و الملتيمديا

المهم اننا في خلال كام شهر مطلوب منا ان نقدم مشروع تخرج
و مطلوب مننا حاليا اننا نفكر فيه عشان ننجز في المشروع لان وقت تنفيذه قصير
و مفروض اننا نستخدم البرامج اللي اخدناها في المنحة او حتي علي الاقل 80% منها
و البرامج اللي بندرسها في المنحة هي

photoshop cs2 - illustrator cs2 - indesign cs2 - XHTML & CSS fundamentals - dreamweaver 8 - flash 8 - autocad 2006 - sound forge - print to vidio - software integration - premiere pro - combustion 4 -director mx & lingo language - 3ds max 8 essentials - 3ds max design visualization - character studio 4 fundamentals & beyond - maxscript developmant

انا حاليا انا و الجروب بتاعي بنفكر في المشروع بس عايزين افكار جديدة
فلو تكرمتم و شاركتونا بافكار حتي ولو بسيطة
و احنا حنقوم بصياغتها بإذن الله


و جزاكم الله خيرا

[التائب]

أخي الكريم ..
بما أن المنحة تبع الإتصالات ..
( روبوت وتليفون قديم عليه بعض الصدأ) ..

[Darweesh]

انا عندي فكره ممكن تكون كويسه بس عايز اعرف المطلوب بالظبط والشروط والوقت المتاح علشان اقولك الفكره تمشي ولا لأ

[sherroki]

مش مطلوب حاجة محددة حتي الان و دا اللي مجنني
كل اللي اعرفو انو مطلوب مننا لحد دلوقتي سيناريو عن اي حاجة بس اكيد حتبقي ماكس
و ادخل معاه البرامج الكتيير اللي اخدناها..... بس اللي استقر الجروب بتاعي عليه لحدد لوقتي انه حيبقي يا اعلان عن حاجة... يا اماحاجة تبع هندسة عمارة عشان تبقي سي في لينا... يا اما فيلم كرتون صغير(و انا شخصيا مش حابب الفكرة دي)

ومرسي علي المساعدة يا باشا
لو حتبعت حاجة ابعتها علي الخاص (حقولك السبب بعدين)

[حسام الدين]

شوف شركة أو مصنع، اتفق معاه أنك تعمل دعايه وبالمقابل يسهل لك كل المعلومات اللي بتحتاجها من لتكمل المشروع..

[mAmZi]

sherroki
عاوز أسألك على كام حاجة بخصوص المنحة لأني عاوز أقدم فيها السنة دي إن شاء الله

1- ميعاد التقديم أمتى تقريباً
2- ال score المطلوب في أمتحان ال TOEFL ؟؟
3- بيركزوا على أنك تجيب ال score المطلوب في أمتحان ال TOEFL و لا مش شرط ؟؟

[sherroki]

السلام عليكم
اخي mamzi
بالنسبة لسؤالك عن المنحة فميعاد التقديم فيها كان السنة اللي فاتت في شهر يوليو او اول اغسطس
و زي مانت عارف ان حكومتنا اد ايه سريعة في كل حاجة فتلاقينا عملنا انترفيو علي شهر نوفمبر و بدأنا المنحة اول ديسمبر بالظبط
و من شروط التقديم فيها انك تكون مخلص كلية لانها منحة للخريجين و طبعا يكون معاك شهادة لحالتك من الجيش
بالنسبة للامتحانات اللي بتتقدملها فهي عبارة عن امتحان واحد بس فيه 90 سؤال
مقسم لثلاث اجزاء
الاول خاص الكومبيوتر و البرامج المرتبطة بالجرافيك
التاني اسئلة IQ و هي اسئلة ذكاء
الثالث اسئلة في اللغة الانجليزية وغالبا بتبقي عن قواعد الانجليزي
بس......
هو دا اللي بتـتــسأل فيه و ما فيش اي علاقة لل TOEFL بالموضوع
و النتيجة بتاعتك مادام معدي ال 50% بتبقي نجحت
وباذن الله لما تقبل حتعمل انترفيو صغير جدا بالعربي و بالانجليزي
و دا بقي اللي بيحدد قبولك و لا لأ لانه عليه درجات من اجمالي الدرجات
و غالبا مش بيحددو درجات للنجاح... يعني بياخدو الدرجات الاعلي لحد ما يكملو العدد المطلوب
بس
و بالتوفيق باذن الله
و عموما لما اعرف ميعاد الفتح للتقديم في المنحة تاني ابقي اقولك
و اي طلب انا في الخدمة
السلام عليكم