شباب مصر : بحاجة لنصيحة عاجلة أخرى بسررررررررررعة :)

[شين.نون]

أولا شكرا مرّة أخرى على المساعدة بخصوص السؤال السابق ،،
ثانيا : لدي سؤال جديد عن تواجد الـ tablets الـ intous من شركة wacom في مصر .. حد يعرف بكام و ألاقيها في أي محل ؟.. أنا عن نفسي بارتاح مع أصغر حجم و الاحجام الكبيرة بتضايقني .

أسف للإزعاج و جزاكم الله كل خير مقدما.

[أبوهاشم]

ياليتني كنت في مصر علشان أخدمك يا شريف

[kareem50]

مرحبا بك يا شريف
بالنسبة للتابليت
لكن انا مش عارف نوعه والله بالظبط لكن انا سألت عليه وثمنه في حدود 150 جنيه او 170 جنيه
وبالنسبة للحجم فهي صغيرة الي حد ما
تقريبا نفس مقاس المجلة العادية

[cyfer]

هو اللى انت بتكلم عنه ده يستخدم بدل الماوس ؟ عشان ال 2d ؟

الحاجات دى نصيحة لوجه الله ... هاتها معاك من كنكا .... هنا فى مصر ... هاتدوخ لحد ما تلاقيها و لو لاقيتها هاتشتريها بمبلغ اكبر بكتير من تمنها الحقيقى .....
انما كمان يا اخ شريف انت عايز احجام ؟؟؟؟؟
يا باشا .. الناس هنا بتسألهم على vga 512 ...... يديلك كارت مكتوب على العلبة بوضوح 128 !!!!

[y@sser]

مرحب بيك يا شريف
لا اعرف

[kareem50]

هذا ما اتحدث عنه
وفعلا سعره لا يزيد عن 170 جنيه




(اقصد نفس الاستخدام وليس النوع او الموديل)

[Limponi_3d]

أهلا ياشريف.. ان شاء الله تعود بالسلامة
وفعلا زي مالناس هنا بتقول.. الاحسن.. انك تجيبه من عندك..
هنا مافيش اختيار.. لو لقيته يبقي كويس



_______
أخي K50 طب ده بيبتاع فين بالتحديد... علشان انا دايخ علي واحد من زمان

[شين.نون]

ألف شكر يا شباب ، المشكلة إن اليومين دول مش لاقي المقاس الذي أريده في المحلات المجاورة و ممكن يبعتوا يجيبه بس حياخد وقت في الشحن .

k 50 : شكرا ياباشا ، بس الصورة دي لـ tablet من نفس الشركة و لكن موديل أخر هو graphire .. أنا أريد intuos و هو الامثل لفناني الجرافكس. أنا مش جايبها عشان الـ 2d ، و إنما لرسم الخامات بالموديلز الثري دي . حيث أنه في رأيي من المستحيل رسم خامة جيدة بدونها.. و بعدين يا أخي أنا مش فاهم و الله محلات الكمبيوتر اللي في مصر !! يعني مافيش واحد يكون متخصص لفناني الجرافكس و يبيع كروت شاشة قوية و حاجات مناسبة ليهم ؟!!!! ده مافيش حد في العالم دلوقتي بيستخدم الماوس في الفوتوشوب أصلا .. حاجة تقرف يا جدع ..

و شكرا لكم مرّة أخرى يا شباب ، يارب ألحق ألاقيها أحسن مافيش وقت .

[Limponi_3d]

طب ياشريف.. ايه الفرق ما بين graphire و intuos
ممكن يكون في ال sensitivity ولا يكون بيستحمل اكتر

اصل انا دخلت علي موقع امازون.. ولقيت واحد intuos 9*12 ب 410 دولار.. يعني حوالي اكتر من 2000 جنيه مصري
فطبيعي اتخضيت ...


انا بصراحة متعذب مع الماوس.... بحاول امرن ايدي عليه.. لاكن بلا جدوي..
واموت واجيب التابليت.. لاكن انا اخري 500 لو زاد عن كده يبقي استحمل الماوس وامري لله

[mhdmhd]

موجود فى computer market فى السخاوى -الخليفة المأمون-مصر الجديدة
بس الكلام ده من فترة كان بحوالى 250 ومعرفش نوعه بس اعتقد ان يقضى الغرض.

[شين.نون]

أخي ليمبوني : طبعا لازم تكون غالية ، 9 * 12 مقاس كبير جدا ! أنا اللي عاوزها 4 * 5 ، عن نفسي عملت على الـ 4*5 و الـ 6*8 و بصراحة كلما زاد الحجم كلما زاد ضيقي لأني مابحبش أحرك معصمي كثير ، إنما الـ 4*5 معصمي مرتكز و بيتحرك في مساحة صغيرة جدا و باحس اني باركز في اللي باعمله أكثر.

شوف ، الـ graphire ليست سيئة على الإطلاق ، هي مسألة تعود.. يعني لو الـ graphire هي أول tablet لك لا توجد مشكلة ،إنما انا جربت الاثنين و اشعر بالضيق مع الـ graphire بسبب فارق الـ pressure sensitivity أو حساسية الضغط ، يعني لديك في واحدة 512 مستوى بينما في الاخرى 1024 مستوى . مماي يجعلها أكثر حساسية للضغط و يعطيك تحكم أكبر في الخاصية التي يتحكم الضغط بها . ( يمكنك اختيار ذلك من داخل الفوتوشوب ، أنا عن نفسي باحب ان الضغط يتحكم في شفافية الفرشاة ) .

أخي mhdmhd /: جزاك الله كل خير.

[Darweesh]

اخي شريف
انا بردو كنت دايخ على تابلت wacom intuos وانا في مصر وفي الاخر لاقيتها عند محل جبت تليفونه من على سايت واكم نفسه
المهم اتصلت بيهم لاقيت سعر التابلت ب3500 جنيه رغم انه على النت زي ماقلت بحوالي 2000 جنيه
المهم اخر ما زهقت قولت اشتري التابلت اللي في السخاوي اللي قال عليها الاخ mhdmhd وكان نوعها Genieus بس طبعا ماكانتش قد كده وبتتاخر عن حركة ايدك بكام جزء من الثانيه وطبعا ده بيجنن في الرسم وبيخليك مش عارف ترسم
لما جيت الامارات لاقيت تابلت wacom فاشتريتها علطول وطبعا فرق السما والارض بينها وبين التالبلت التانيه.
يعني نصيحتي من الاخر بلاش تصرف فلوسك في تابلت غير نوع wacom لانها الافضل على الاطلاق زي ما انت عارف.
بعدين نصيحه تانيه
انت بتقول انك عايز تستخدمها علشان الخامات للثري دي فده معناها انك مش محتاج اكتر من تابلت graphire لان الintuos غاليه ومعموله للناس اللي بترسم على الفتوشوب لوحات كامله مش مجرد انه يعمل خامه علشان موديل ثري دي .
بعدين انت مش حتستخدمها غير في الفوتوشوب بس لانها مابتبقاش عمليه غير في الفوتوشوب وصعب انك تستخدمها علطول بدل الماوس في باقي البرامج .
ولو عايز اي نصيحه كمان قولي وانا في الخدمه

[شين.نون]

أخي درويش : شكرا لك على النصيحة القيمة ، طبعا إن شاء الله أنا مصّر على الـ wacom .
بالنسبة لخامات الـ 3D ، فرسمها يتم أيضا على الفوتوشوب مثل اللوح و تكون بها تفاصيل دقيقة ، خصوصا لو كان الموديل lowpoly . و لكنني أيضا لدي اهتمام بعالم الـ matte painting و الـ digital painting و لا أريد أن أندم في المستقبل على عدم شراء الـ intuos .. يبقى أحسن أشتري الأفضل حاليا و أنام مرتاح البال
شكرا لك مرّة أخرى و جزاك الله كل خير.

[Darweesh]

الفرق بين الgraphire وال intuos في الادوات الزياده فقط زي الزووم والعمل على شاشتين وامكانية تغير الاقلام وبعض البرامج المرفقه مع التابلت
لكن حساسيه القلم ومدى استجابته واحده في الاثنين تقريبا لانهم من نفس الشركه

[WALEEDSS]

اهلا اهلا
نصيحتي بلاش ترجع من غيره
انا قلبت بر مصر على واحد لقيت اسعار مبالغ فيها جدا لندرة زبونه
انا اشتريت ده من امريكا
والحمد لله شغال معايا كويس ولكن طبعا مش زي الواكم