المشرفين هربوا

[Limponi_3d]

انا مش عارف بجد اقول ايه..

انا الوقتي اكتشفت سبب جديد من اسباب تاخرنا وتخلفنا... اننا بنكره التغير..

اخي العزيز ابو بدر..جزاك الله خيرا ولله انا عارف كل اللي عملته لنا من خلال هذه المنتدي الكبير.. ولي جمع كل فنانين الجرافيك في الوطن العربي...

لكن من سنه تقريبا.. (من وقت ما اشتركت هنا في المنابر) والمنتدي ما بيتغيرش.


الحاجة الوحيدة اللي بتتغير.. هو واجهة المنابر..


ولله منتدي فيه اكتر من 30000 عضو ممكن جداا يكون ليه مكانه وسمعه عالميه.. لو احسنا استغلاله

انا عايز اعرف حاجة .. هل فيه مشكلة لو زاد عدد المشرفين.. في المنابر...يعني علي الاقل لازم يكون في اكتر من مشرفين في كل قسم...
ومن غير ذكر اسماء ..لعدم الاحراج.. لكن المشرف اهم حاجه فيه... يكون نشيط..ليه افكار جديدة ترفع من مستوي المنابر .. واهم حاجه انه يسمع للاعضاء

كل المنتديات العالمية.. بيعملوا افكار جديدة لجذب الفنانين المحترفين اليهم.. وحتي لجذب المبتدئين... بيعملو اقسام جديدة.. واقسام خاصة بالتحديات..وسام وكؤوس ..لزيادة التحفيز بين الاعضاء....وكل يوم بنلاقي فكار جديدة...


اخي ابوبدر انا اعلم انك تصرف علي هذا المنتدي من جيبك الخاص.. والمنتدي ليس له اي عائد مادي من اعلانات او غيره.. وجزاك الله خيرا عن كل ما تفعله..

ولكن ليه.لا تجعل المنتدي تجاري... تستفيد انت ونحن طبعا سنتفيد.. من تطوير الموقع... ومسابقات وجوائز ماديه...

وفكرة منع تداول البرامج المحميه والكراكات... فكرة رائعة.. جداا... ونظفت كتيير من الاقسام..

لكن ماذا بعد.. مافيش اي تغير

معلش يمكن كلامي غير منظم شويا ..
بس ولله انا شايف ان ممكن يتطلع من المنابر الكثير والكثير من الاعمال الابداعية..

[ibrahim3d]

كلامك صحيح 100%.

[Moh Taia]

احنا طلبنا منتدى لبرنامج ال Blender أكثر من مره
وللأسف ما فيش حد بيرد أو يقولك آه أو حتى لأ . زى ماتكون بتكلم نفسك مع ان الموضوع مش صعب يعنى و مش هياخد وقت من أى حد
أخى أبو بدر ما شفتلوش رد فى أى موضوع من فتره طويله جدا مش عارف ما بيجيش ليه ؟؟
أتمنى اشوف المنابر فى أحسن صوره وهى فعلا تمتلك ما يمكن أن يجعلها cgtalk العرب فيها مكان لكل البرامج ولكل الفنانين

[kareem50]

والله فيه منتديات اخري (في تخصصات غير الجرافيك)
وعربية
وتضع لك قسم اثنين او ثلاثة مشرفين
متخصصين للأجابة علي استفسارات الاعضاء واسئلتهم
لكن للأسف هنا مش فيها لكلام دا
ياريت يكون موجود

[jessing]

كلام سليم أخي الفاضل

[عاشق تجارب]

كلام سليم وعين العقل .. لكن ان شاء الله نشوف تحرك من الأدارة ..
على حسب كلامكم ان الأدارة بدها شوية منشطات ^__^ لكن صحية !
ومن الصيدلية بعد ^__* .. وعلى حساب احد الأعضاء .. الله المستعان ..

[حسام الدين]

الإخوة الأعزاء
لا أتفق معكم

لأنه بالبدايه لا يوجد مشكله بالأقسام حتى يتم تعيين مشرفين آخرين..

كذلك لديكم رأي بخصوص المشرف وهو أن المشرف يوضع ليجيب على استفسارات وأسئلة الاعضاء مع أن تكليف المشرف هو تطبيق قوانين المنتدى من (حذف أو تعديل ردود وتنظيم المواضيع ومنع الخلافات أو التجاوزات)
أما أن يرد على جميع الاستفسارات فذلك غير واجب عليه،
كذلك إن وجد وقت وأحب أن يشارك مثله مثل بقية الاعضاء فذلك يعود له..
ثم ما دمتم أعضاء في هذا المنتدى فلماذا لا تتهربون من مسؤولية الاجابة على كل الاستفسارات ما دمتم تحرصون على الارتقاء بالمنتدى؟
لو كنت أمتلك الوقت الكافي لذلك لما تأخرت..

و بخصوص تحويل المنتدى لتجاري فذلك يعود لرغبة الاخ أبوبدر.. لكن يجب أن نشكره على التكفل بالعبء المادي والجسدي لطول هذه السنين والذي كان في مجمله لخدمه الاخوة بالمنتدى بدون مقابل..

لكنها فكره جميله أن تتم بعض المسابقات برعايه شركات أو مؤسسات مهتمه..

وبخصوص التغيير الحاصل بالمنتدى فألاحظه بقوه وهو المستوى الراقي للأعمال والأعضاء المشاركين..
ولو كنت مشتركا منذ افتتاح المنتدى وحتى هذه اللحظه للاحظت الفرق الكبير في جودة الاعمال..

في النهايه أعتقد لو تقدم أي عضو بفكره كامله وناضجة وقابله للتطبيق فإن الاخوة في المنتدى لن يتأخروا عن تنفيذها..

لذلك لماذا لا يحاول كل عضو التقدم باقتراحاته التطويرية والمدروسة بشكل منطقي وجيد للارتقاء بالمنتدى من خلال هذا الموضوع.. سيكون الموضوع مميزا..
ولا تعتقد أن الادراة لن تولي مثل هذه المواضيع الاهتمام.. فقط يلزمكم التقدم بفكره ناضجه... ناااااضجه..

[Limponi_3d]

جزاك الله خيرا إخوتي

أخي حسام مش لازم يكون فيه مشكلة...ردود سيئة او ما شابه... انا بقول الفاعليه في المشاركة ..
طبعا الواحد لازم يلتمس العذر ليهم....لكن ما المانع.. ان يزيدو عدد المشرفين..

اخي ليست الوظيفة الاساسية للمشرفين هو حذف المواضيع... لان ده في وجهة نظري.. فيها إهانه لهم..ان يكون كل دورهم هو ده.

الدور الاساسي لهم.. هو المشاركة والفعالية مع الاعضاء..وان يسمعوا لمقترحات الاعضاء... والكل علي ما اعتقد حسين بغياب المشرفين هنا

وياخي فعلا فيه تطور في المنتدي.. ولكنه بطئ جدا بالمقارنه مثلا مع موقع سي جي توك..الموقع ده كل شهرين تلاقي في حاجة اتغيرت.. منبر جديد .. منبر للتحديات الصغيرة.. خدمات جديدة للاعضاء...مقابلات مع فنانين عالمين..الخ
مستمر في التطور بسرعة كبيرة...

وده من اهم ادوار المشرفين... ان يكون لهم فكر تطوري في الادارة... ويكونوا نشيطين جدا...والتفاعل مع الاعضاء.. ليس فقط تنفيذ القوانين...

واتفق معك ان الاجابة علي الاستفسارات.. ليس مهمة المشرفين.. ده مهمة الاعضاء كلهم.. وانا شايف انا فعلا الاعضاء ما قصرو .... في النقطة ده

واتمني فعلا ان نري مشرف يتجاوب معنا

[smimo_ana]

كلام سليم100

[الجنــرال]

اااااصلا فيه مشرفين باااااالمنتدى .

همااااا فين اااااالمشرفين .


تحياااااااااااااااتي
.

[رجل السماء]

الإخوة الأعزاء
لا أتفق معكم

لأنه بالبدايه لا يوجد مشكله بالأقسام حتى يتم تعيين مشرفين آخرين..

كذلك لديكم رأي بخصوص المشرف وهو أن المشرف يوضع ليجيب على استفسارات وأسئلة الاعضاء مع أن تكليف المشرف هو تطبيق قوانين المنتدى من (حذف أو تعديل ردود وتنظيم المواضيع ومنع الخلافات أو التجاوزات)
أما أن يرد على جميع الاستفسارات فذلك غير واجب عليه،
كذلك إن وجد وقت وأحب أن يشارك مثله مثل بقية الاعضاء فذلك يعود له..
ثم ما دمتم أعضاء في هذا المنتدى فلماذا لا تتهربون من مسؤولية الاجابة على كل الاستفسارات ما دمتم تحرصون على الارتقاء بالمنتدى؟
لو كنت أمتلك الوقت الكافي لذلك لما تأخرت..

و بخصوص تحويل المنتدى لتجاري فذلك يعود لرغبة الاخ أبوبدر.. لكن يجب أن نشكره على التكفل بالعبء المادي والجسدي لطول هذه السنين والذي كان في مجمله لخدمه الاخوة بالمنتدى بدون مقابل..

لكنها فكره جميله أن تتم بعض المسابقات برعايه شركات أو مؤسسات مهتمه..

وبخصوص التغيير الحاصل بالمنتدى فألاحظه بقوه وهو المستوى الراقي للأعمال والأعضاء المشاركين..
ولو كنت مشتركا منذ افتتاح المنتدى وحتى هذه اللحظه للاحظت الفرق الكبير في جودة الاعمال..

في النهايه أعتقد لو تقدم أي عضو بفكره كامله وناضجة وقابله للتطبيق فإن الاخوة في المنتدى لن يتأخروا عن تنفيذها..

لذلك لماذا لا يحاول كل عضو التقدم باقتراحاته التطويرية والمدروسة بشكل منطقي وجيد للارتقاء بالمنتدى من خلال هذا الموضوع.. سيكون الموضوع مميزا..
ولا تعتقد أن الادراة لن تولي مثل هذه المواضيع الاهتمام.. فقط يلزمكم التقدم بفكره ناضجه... ناااااضجه..

ازيك يا حسام

بص والله يا حسام انا اتنبح صوتى ارسلت العديد من الاقترحات للادارة ولكن كان اغلب الردود سننظر للموضوع
وبحاول اساعد قدر الامكان ولكن المشكلة انك بتتكلم ومافيش حد سامعك
يعنى لما وضعت موضوع زيادة عدد المشرفين فى قسم الملاحظات لحد دلوقتى مافيش رد واحد وارسلت هنا وهناك
أيه المانع ان المشرف يرد على الاستفسارات
خصوصا اذا كانت الاستفسارات تتعلق بالادارة وحتى استفسارات الاعضاء بنحاول نساعد

يا حسام الناس تتطورت والاعمال تتطورت يبقى عشان يبقى فى تناسب يبقى لازم الموقع يتطور كى يتطور الناس اكثر واكثر

يعنى مش معقول يا حسام يبقى مافيش مشرف مسؤل عن الاخبار يعنى انا راجل شغال فى المجال ده ومش معقول مش هابقى مطلع على الاخبار الجديدة الخاصة بهذا المجال وعشان اعرف اغلب الاخبار يبقى لازم ادور فى خمسين موقع ليه ما يبقى فى مشرف خاص بالاخبار ويبقى فى مكان مخصص فى الرئيسية وقسم مخصص لاخر الاخبار الخاصة بهذا المجال

طيب اقتراح تانى اذا كانت الناس تطورت والاعمال تطورات ليه مايبقاش فى قسم لمقابلة الفنانين فى هذا المجال فى ناس كثير جدا انا نفسى اعرف عنهم اكثر ومش شرط عرب بس ليه ما يكون اجانب كمان

واقتراح ثالث والناس قالوه واتكلموا فيه اذا كانت اعمال الناس تطورت ليه ما يكون هناك وسام او جائزة ويكون هناك قسم مخصص لها لتشجيع الناس انها تجتهد اكثر

اقتراح رابع زيادة عدد المشرفين وتكلمت فى الموضوع ده قبل كدا ولكن انقله لك تانى يا حسام

ظاهرة عجيبة جدا لاحظتها اليوم مافيش مشرفين فى اغلب اقسام الموقع

يعنى نبدء مثلا باطراف الحدث المشرف هو الاخ العزيز john_silver

ولم اجد له اى مشاركة فى اطراف الحديث منذ دخولى المنابر

قسم الحاسب والانترنت لايوجد به اى مشرف

قسم برامج رسومية أخرى لايوجد به اى مشرف

قسم 3D Games Design لايوجد به اى مشرف

قسم Sound & Effect لايوجد به اى مشرف

قسم Digital Photos لايوجد به اى مشرف

قسم المنبر الأدبي المشرف عليه لم ارى له اى مشاركة فى هذا القسم منذ دخولى المنابر

قسم ورش عمل / مسابقات لايوجد به اى مشرف

قسم عرض ونقد لايوجد به اى مشرف


يعنى المحصلة فى النهاية ان الاقسام الاكثر شعبية فى المنابر لايوجد عليها مشرفين
اولا طبعا اطراف الحديث وثانيا عرض ونقد وثالثا ورش عمل ومشابقات

هذا غير الاقسام الفرعية التى لايوجد فيها مشرفين مثل باقى الاقسام


يعنى المشرفين فى الموقع كله مقسمين على خمس اقسام من 15 قسم فى الموقع

قسم الماكس والمايا والسينما واللايت ويف والفوتوشوب هم الاقسام الخمسة الوحيدة الذى يوجد فيها مشرفين
والعشرة الباقية لايوجد بها مشرفين

اذا الموقع بدء بخمس اقسام منذ بدايته وعندما تم اضافة قسم وراء قسم حتى اصبحوا عشرة اقسام جديدة لم يتم تعين مشرف على اى قسم جديد
وهذا معناه انه يوجد اضافة اقسام بدون وجود مشرفين على هذه الاقسام وهذا زى ما يبقى فى مدينة لايوجد فيه مشرفين عليها تخيلوا هتبقى عاملة ازاى

انا بس بسأل السؤال ده لانه غريب جدا ومش لاقى اجابة عليه اذا كان عدد الاعضاء وصل ل 30000 الاف عضو والمشرفين كلهم هم لايصلوا لعشرة مشرفين على 15 قسم وفى عشرة اقسام لايوجد فيها مشرفين

فما هى المشكلة بالضبط

وطبعا بعد هذا كله لازم يبقى فى مشاكل دائما فى الموقع واعتراضات وووو الخ
فلماذا لانريح انفسنا ونبحث عن اشخاص ذات كفائة فى هذه الاقسام بحيث يكونوا اشخاص بتفسهم فى تخصص كل قسم وفى نفس الوقت له مشاركات دائمة فى هذه الاقسام

ليه ما يكون فى اطراف الحديث مثلا
أبواسلام-abou_mazen -downs_mass-ehabrashad-sa9r-

ناس كلها اخلاق عالية جدا ومشاركة دائما فى اطراف الحديث

وفى عرض ونقد ليه ما يكون
maxspider-نوري- ابوقندوزة -Romantic-X-max ghost

وفى ورش عمل ومسابقات ليه ما يكون
al3ashiq64-Dr.BoF -ابوصالح1

وفى كل قسم هتلاقوا الكثير

اقتراح خامس ليه ما يكون هناك تطور فى تصميم المنابر بصراحة وبدون زعل التصميم ما ينفع يظل كدا لازم يبقى فى اعادة نظر فى التصميم والالوان لتناسب التطور لاعمال الناس كما ذكرت

اقتراح سادس ليه الادارة قامت بأنشاء قسم ورش عمل ومسابقات اذا كانت لاتوجد مسابقات اصلا
مش شرط تبقى مسابقات بمقابل مالى ليكن مسابقات عادية فقط لتنشيط الموقع وزيادة التنافس بين الاعضاء
وتكون فى كل المجالات واهم حاجة انها تكون معتمدة من الموقع لتعطى الثقة للاعضاء الناس هنا بتعمل الي عليها وكل فترة تلاقى مسابقة بين الاعضاء بس عايزين الادارة تعتمد هذه التحديات وتكون الجائزة هى مجرد جائزة رمزية كوسام يعنى مجرد صورة
وده موجود فى كل المواقع الخاصة بهذا المجال

ايه رايك فى اقتراح سابع
المعرض الخاص بالموقع سىء جدا
يعنى ايع معرض بدون نقاد وبدون معلقين وبدون تصويت وبدون اى حاجة دى تنفع بذمتك يا حسام
اذا كان المعرض بيضم اعمال الاخوة لماذا لم يتم اضافة نموذج تصويت لكل عمل وايضا يمكننا اضافة تعليقات ونصائح


أيه رأيك فى اقتراح ثامن
فى ضم واحة ابوبدر بالمنابر انا اعرف ناس كثير جدا تعرف الواحة وماتعرفش أيه هو المنابر مع ان الاثنين المفروض كيان واحد
ليه لايتم ضم الاثنين معا لتكون الواحة هى الرمز الاساسى للمنابر بهذا يتم توسيع الموقع وينتشر بشكل اوسع
ليه اعمال الناس تطورت والمعرض فى الواحة لم يتطور وماذال مثل هو منذ 2002 ليه

والكثير يا حسام بس هما فين بقى يا حسام ؟

[al3ashiq64]

انا مع كلام الاخ مصطفى عين العقل
فعلاً نحتاج مشرفين في الاقسام ليديروها
ليس مهمتهم فقط حذف وتعديل بل للتشجيع والادارة
ووضع استراتيجيات للقسم تجعل العلم فيه واكتساب الخبارت اضعاف الاضعاف
الآن يوجد تقدم فعلاً ولكن لو كان في فعلاً مشرفين (مع احترامي للمشرفين الموجودين) ينظمون ويخططون
لكل قسم مخططات نافعة ومشاريع مفيدة للأعضاء وللجميع كان التقدم هيكون مضاعف
وهذا ما نسعى اليه فالغرب سبقونا بسرعة فهل سنلحق بهم بالخيل ؟ ام بالبعير ؟ اعتقد ما دام في سيارات
وقطارات وطائرات ليه ما نلحقهم بيها (فقط في المجالات العلمية هذا المثال) !!! ونحاول نجتازهم
.............. والباقي ما قصروا الاخوان بقوله
ولكم اطيب تحياتي