موضوع: مظاهرة تقيمها فتيات الطبقة الراقية

ردود: 3 | زيارات: 505
  1. #1
    ضياء الدين
    صور رمزية diaaking
    تاريخ التسجيل
    May 2004
    المنطقة
    مصر
    العمر
    30
    ردود
    3,679

    Wink مظاهرة تقيمها فتيات الطبقة الراقية

    بصراحة من فترة نفسى اكتب الرسالة دى

    بس كنت بعالج مرارتى من الانفقاع عقبال السامعين

    هتقولولى يا مواطن واية الى فقع مرارتك

    هقولكم طبعا وانا اقدر اخبى عن جروبنا حاجة

    خير اللهم اجعله خير

    قال اية كنت راكب فى المترو ولقيت جنبى واحد بيقرا فى جرنال

    فعملت عبيط وقعدت اقرا بنص عين الاخبار المكتوبة

    وقال اية الاقى فى الصفحة الاولى فى الجريدة الرسمية الاولى خبر بيقول

    مظاهرة تقيمها فتيات الطبقة الراقية

    قلت اكيد عايزين يقيموا مظاهرة علشان احساسهم بان النبى اتهان

    ولا علشان الناس الى فوق تتلحلح شوية وتشوف حل لقضية القدس

    اللى حمضت من الانتظار فى الملفات

    ولا حتى تشوف حل لمطبات الشوارع ولا الغلاء

    ولا فاتورة التليفون الجديدة ولا يمكن لتحرير العراق المغتصب ارضة ونسائة

    ولكن فوجئت انى مواطن مش عايش فى الدنيا

    وانى متاخر تلاتة مليون سنة على الاقل عن الاحداث الجارية

    ورحت ضارب بعينى فى السطر الاولانى فى الخبر اقرا بقى

    وقلبى فرحان ان تحرير المراة جاب فايدة


    الخبر بيقول اية


    فتيات الطبقة الراقية فى مصر عاملين المظاهرة بالعربيات بتاعتهم

    ورافضين اى واحدة تروح من غير عربية


    قلت وماله هما برضة الطبقة الراقية

    مش معقول هيبقوا زينا ويمشوا على رجليهم

    وكمان دول بنات يعنى السترة ليهم افضل جوة العربية

    علشان الطوب والدبش واى خناقة فى المظاهرة برضة


    ولان الموضوع منظم ودى صورة مصر قدام العالم

    فلازم نبقى عالم شيك افهموها بقى


    بكمل بقية الخبر لقيتهم كاتبين

    على كل فتاة تشترك فى المظاهرة انها تجيب اتنين بوستر للنجمين


    قلت نجمين اية يكونش مصر بقى فيها وكالة فضاء زى ناسا بتاعة ماما امريكا


    قعدت اضرب اخماس فى اسداس

    وقلت اكيد الموضوع لية علاقة بخسوف الشمس ولا كسوفة اللى حصل


    واللى احتفلوا بية

    بانهم جابو رقاصة ترقص فى مرسى مطروح وقت الكسوف ولاالخسوف


    ففهمت لية الشمس اتكسفت

    بس الصراحة مش عارف اية علاقة الهشك بشك بالكسوف الشمسى


    المهم رخمت على الراجل صاحب الجرنال

    وركزت بعينى فى الصفحة علشان افهم لية المظاهرة

    تتوقعوا بقى ليييييييييييييييييية المظاهرة


    اقولكم ولكن خلو بالكم

    قسم المرارة المفقوعة مليان على الاخر بالشعب المصرى والشعوب المجاورة


    فكل واحد يحافظ على مرارتة


    تصوروا السبب الرهيب


    فتيات الطبقة الراقية تقيم مظاهرة بالسيارات امام القسم

    المحجوز فية المطرب الشاب تامر حسنى والمطرب هيثم شاكر


    بعد ان ثبت ان احدهم زور شهاداته الرسمية والاخر هارب من التجنيد ومزور الشهادة


    ويشترط لحضورالمظاهرة ان تاتى الفتاة بالسيارة

    وان تلصق بوسترين للنجمين على الزجاج الخلفى للسيارة


    واى فتاة لن تفعل هذة الشروط لن يعتبروها متظاهرة معهم


    !! انتهى الخبر !!


    اة والله العظيم مش بهرج ولا بكدب


    مصر ام الدنيا يا نااااااااس


    كفاياكم رجعية وتخلف

    ان مكانش هيتظاهروا علشان تامر حسنى هيتظاهروا علشان مين وعلشان اية !!!


    الله يخرب بيوتكم


    نفسى افهم اية الى هيحصل فى المظاهرة دى !!!


    هيرعبوا قوات الشرطة بالكلاكسات ويعملوا بيب بيب !!!


    وهتافات ياى ياى تامر ياى ياى هيثم هيا دى المظاهرات !!!


    حتة عيل تافة والتانى اتفه منه يتعمل عليهم كدة !!!


    هيا دى القضايا الى شاغلة عقل بناتنا !!!


    هيا دى البنات الى مفروض هتطلع وتربى اجيال زى صلاح الدين ومحمد الفاتح !!!


    هيا دى البنات الى مفروض نص المجتمع !!!


    خلاص بقى تامر حسنى وهيثم والى على شاكلتهم ابطالنا !!!


    انا متصور منظر قوات الشرطة المساكين

    وهما بيتحدفو بالبسكويت الى بيعور


    كانت الاصابات بالغة خاصة من البسكويت الى محشى عجوة كان فتاك
    الحياة ألم يخفيه أمل
    أمل يحققه عمل
    وعمل ينهيه أجل
    ثم يجزى كل امرئ بما فعل


  2. #2
    واحد تامر والتاني هيثم يبقي لازم المتظاهرين يكوني بنات لولي وفيفي تيتي وكوكا وننا و ريتا وكاتي

    بالرووج بالكانز نفديك ياتموره ....... تييييييت تيييت هايثم
    قال صلى الله عليه وسلم ما اصاب عبدا هم ولا حزن فقال اللهم اني عبدك وابن عبدك وابن امتك ناصيتي بيدك ماض في حكمك عدل في قضاؤك اسالك بكل اسم هو لك سميت به نفسك او انزلته في كتبك او علمته احدا من خلقك او استاثرت به في علم الغيب عندك ان تجعل القران ربيع قلبي ونور صدري وجلاء حزني وذهاب همي الا اذهب الله همه وحزنه وابدله مكانه فرحا
    ---------------------
    لا تحتقر عاص لذنبه قد يكون اقرب الي الله منك
    (الحسن البصري)
    ---------------------
    احصاه الله ونسوه

    اذا دعتك قدرتك علي ظلم الناس فتزكر قدره الله عليك


  3. #3
    عضو متميز
    صور رمزية abukatada
    تاريخ التسجيل
    Sep 2005
    المنطقة
    الإمارات العربية المتحده - دبي
    العمر
    36
    ردود
    1,804
    بالرووج بالكانز نفديك ياتموره ....... تييييييت تيييت هايثم
    ههههههههه والله ضحكتنى
    بس انتوا زعلانين ليه ؟؟؟؟؟؟؟؟؟؟؟؟
    كل واحد ليه اهتمامته والبنات ديه كل اهتمامتها تسمع الشريط الجديد لعمر دياب وتروح حفلة تامر
    اكيد لما واحد من دول يحصلوا مشكلة هيتأثروا
    لكن الواحد منا ليه اهتمامته الخاصة
    وحسبى الله ونعم الوكيل

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل