-
بخصوص الموضوع.. أنا كان ودي لو حطيت موضوع مستقل بخصوصها.. على العموم أهم شي الفايدة.
أنا عندي Graphire وهي أصغر أنواع الواكوم wacom .. وهي على العموم رهيبة مرة ومكفية وموفية معي. وشغالة مع الفوتوشوب آخر حلاوة. بس انتبه لا تغير شي في اعدادتها أبدا. الاعدادات الافتراضية فيها محترمة خصوصا طبعا مع الفوتوشوب.
طبعا إذا أردت أن تشتري tablet وأنت رجال راعي دقة عالية وفنان أد الدنيا ركز على الرزوليوشن حقها، والgraphire الرزلوشن حقها 1000 dpi .
وركز كمان على حساسية الضغط، والgraphire ذي حساسية الضغط فيها تساوي 512 وهي اللي يسمونها pressure-sensitive .
حساسية الضغط ذي هي باختصار إذا أردت أن ترسم حاجة تكون كأنك تستخدم أدوات رسم طبيعية، وتسهل عليك مواضيع كثيرة وتستخدم أشياء في الفوتوشوب ما كنت راح تستخدمها بدونها.. وللمعلومية استخدمتها في رسم التصميم المرشح في الأسبوع الماضي لفرسان الأسبوع
هذي المعلومات اللي عندي حاليا، كما أني شريتها من زمان من كمبيو مي ب450 ريال..
تعليق