موضوع: الوصلة ( قصة من واقع الحياة)

ردود: 4 | زيارات: 951
  1. #1

    Talking الوصلة ( قصة من واقع الحياة)

    بسم الله الرحمن الرحيم
    مقدمة لابد منها

    لأول مرة منذ ما يقرب من ثلاثة عقود، سيُحرم جمهور الكرة في مصر من متابعة مباريات المونديال الكروي على الهواء مباشرة بعد امتناع اتحاد الإذاعة والتليفزيون المصري عن شراء حقوق البث على قنواته الأرضية؛ نظرا لما اعتبره ضخامة المقابل المادي الذي تعرضه الشركة المالكة (إيه آر تي) لحقوق البث في المنطقة العربية.


    وإزاء ذلك، كان شعار "الوصلة هي الحل" الذي رفعه قسم من جمهور وعشاق كرة القدم في مصر وجدوا أنفسهم سيحرمون من مشاهدة مباريات كأس العالم المقرر انطلاقها



    تعريف الوصلة
    سلك تقوم مكاتب انتشرت في مصر مؤخرا بتوصيله بشكل غير قانوني للمنازل، وتوزع عبرها القنوات الفضائية الرئيسية، بما فيها القنوات المشفرة، للمنازل باشتراك لا يتعدي 20 جنيها في الشهر (3.5 دولارات).


    احنا شعب غلبان ... بس مبيتغلبش !
    نحن لا نعدم الوسيلة والمصريين لو حطوا حاجة في دماغهم بيعملوها

    اسمحولي الآن ان اتحدث بلا قيود .. واسمحولي باستخدام العامية في هذا الموضوع بالذات !

    الأبطال حسب الظهور

    1- شادي ( صاحبي )
    2- المعلم أبو رفاعي ( صاحب القهوة )
    3- 1 معرفوش
    4- ضميري ( لسه مامتش )
    5- ضميري ( بيحتضر )
    6- عمرو خالد ( داعية اسلامي )
    7- محمد باشا ( موزع وصلات )
    8- ضميري ( مات خلاص او صحي مبقتش فارقة)

    المشهد الأول


    العبد لله : يلا يا عم شادي ، الماتش حيبدأ !! عايزين نلحق مكان !
    شادي : اولا حنلاقي مكان ، ثانيا دي كوت ديفوار يا ابني وعلى ارضهم يعني حنشيل طين لا مؤاخذة !
    العبد لله : لا يا حج خليك متفائل - الله ينتقم منك يا تارديلي - وحنكسب كوت ديفوار ونروح كاس العالم
    شادي : طيب خلاص يا عم الوطني ! يلا انا خلصت أهو

    وانطلقنا يا سادة نبحث عن قهوة بلدي لنشاهد فيها مباراة عنق الزجاجة ومباراة الأمل الأخير !
    وشالتنا بلاد وحطتنا بلاد والشمس في عيونا والعرق والكلام ده كله

    العبد لله : مبسوووووووط يا عم شادي مفيش مكان لرجل وتقولي حنلاقي اماكن !
    شادي ( البارد ) : يا باشا لا تقلق .. مغلوبين مغلوبين على ايه تحرق دمك !
    العبد لله ( شامم ريحة دم محروق فعلا ) : يا شادي يا ....... انت مبتحسش !

    وبعد رحلة معاناة ، حطينا الرحال في غرزة - مستحيل يكون هنا art !! - سبحان الله كان عنده art ! وطبعا كنا واقفين صف عاشر .. طبعا مكانش شايفيين حاجة ، طبعا اتغلبنا ، طبعا روحنا ومذاق الهزيمة المر في حلوقنا ، طبعا نمنا متنكدين مغمومين ، طبعا مش جديد على شعبك يا مصر .
    ------------------------------------------------------------------
    المشهد الثاني
    المكان : قهوة المعلم أبو رفاعي

    جلست انا وصاحبي ( شادي ) نلعب دومنا ! نبلع مع الشاي المر طعم الهزيمة الأمر ،
    انضم لنا ( واحد معرفوش ) وبالمناسبة شادي كمان ميعرفوش ( لكني اكتشفت بعدين ان في ناس بتحب تشوف الناس وهيا بتلعب دومنا كانها بتشوف مصارعة مثلا ! والأخ ده كان منهم

    1 معرفوش : لو سمحت يا كابتن !
    العبد لله : أيوه يا هندسة ؟
    1 معرفوش : هو دوري ابطال افريقيا منقول على الكناة التانية ؟
    شادي : الكناة ؟ ههههههههالعبد لله : لا يا باشا مش منقول على القناة التانية .
    1 معرفوش : الله ينتقم من اللي كان السبب !العبد لله : ومين يا هندس السبب ؟
    1 معرفوش قام ماشي وبيقول : الله ينتقم من اللي كان السبب ، الله ينتقم من اللي كان السبب ، السبب ... السبب .. السبب
    العبد لله : يا باشا ... انت يا عم .. انت يا هندسة ! لا حول ولا قوة الا بالله .. ماله ده يا اسيادنا ؟
    هنا وجدت المعلم أبو الرفاعي ( صاحب القهوة ) : في ايه يا بهوات ؟
    وبعد ما شرحنا الموضوع للمعلم ، قهقه ضاحكا وقال : يقصد صاحب شركة الايه بي سي اللي مشفرة الماتشات
    شادي : تقصد ايه ار تي
    المعلم : ايوه الايه اف جي
    العبد لله : وانت يا معلم مشترك معاهم ؟
    المعلم : اه مشترك مع محمد دش أمال ايه يا بيه
    شادي : مين محمد اريال ده يا معلم ؟
    المعلم : ده مندوب شركة الكي جي بي هنا يا بيه
    شادي : وفين المقر بتاعه يا معلم ! أصدي المكان اللي هو فيه يعني ؟

    العبد لله : انت ليه سألته عن مكانه ؟
    شادي : عشان نشترك زي المعلم
    العبد لله : نشترك منين يا ابني
    شادي : انت مش فاهم ده مش اشتراك . دي اسمها وصلة
    العبد لله : وصلة ؟ ازاي يعني ( راجع تعريف الوصلة بالأعلى )
    وبعد الشرح من الاخ شادي ...
    العبد لله : سرقة يعني يا عم شادي ؟
    شادي : لاهي مش سرقة بمعنى سرقة ! تعالا حفهمك
    وقام بالشرح
    ------------------------------------------------------------------
    المشهد الثالث
    المكان : على سريري ..
    بحاول ادخل في غيبوبة ما قبل النوم اللذيذة ..
    ولكن !
    ضميري ( لسه صاحي ) : شادي حرامي .... شادي حرامي .. شادي حرامي .. حرامي حرامي حرامي
    العبد لله : الله يخربيت شادي هوه ورايا ورايا حتى وانا بنام !!!
    ضميري : ايوه شادي صاحبك حرامي
    العبد لله : خلاص يا عم حرامي حرامي سيبني انام
    ضميري : يعني اقتنعت انه حرام ؟ اشطة روح نام بقى
    العبد لله : فله ، تصبح على خير
    ومن جديد ادخل في الغيبوبة الجميلة
    ولكن !
    ضميري ( بيحتضر ) : انت يا عم ! انت اهلاوي ولا ايه نظامك !
    العبد لله : استغفر الله العظيم ،، ايوه يا عم اهلاوي ! انجز
    ضميري : وازاي يا بني ادم تبقى اهلاوي ومتشوفش ماتشات الاهلي المصيرية !
    العبد لله : مش فاهم سيادتك يعني !
    ضميري : يا ابني الاهلي حيلعب في البطولة الافريقية ! اصحى يا عم
    العبد لله : ايه المطلوب مني يعني ؟
    ضميري ( خدوا بالكم بيحتضر ) : المطلوب انك تتفرج على الاهلي طبعا
    العبد لله : ان شاء الله مش مفوت ولا ماتش
    ضميري : حتشوف الماتشات فين ؟ هو في ميكروباصات عندك بتطلع نيجيريا وتونس ولا ايه ؟
    العبد لله : يا ناس حتى ضميري غبي ! لا يا عم حشوفه على اي قهوة
    ضميري : وليه تشوفه على القهوة طالما تقدر تشوفه في بيتكم ؟
    العبد لله : ازاي يا حج ؟ ده متشفر ، والاشتراك عايز فلوس كتير وانا مش لاقي اكل اساسا !
    ضميري : وايه يعني ؟ الوصلة هي الحل ... الوصلة هي الحل ... الوصلة هي الحل ... الحل ... الحل
    ------------------------------------------------------------------


  2. #2
    المشهد الرابع
    المكان : المرة دي مش قهوة .. انما كافي شوب !

    جالس مع مجموعة من اصدقائي نتابع أحد قنوات الايه ار تي الغنائية كما هو الحال في كل المقاهي
    وإذا بالداعية ( عمرو خالد ) يطل عبر الشاشة ...
    عمرو خالد : يا جماعة السرقة حرام .. حرام تاخد حاجة مش بتعتك .. يا جماعة متعتدوش على حقوق الاخرين
    وتحت كان في شريط بيعدي ويمر مكتوب عليه .. طبعا كلنا عارفين مكتوب ايه ... حرام شرعا
    وكانهم بيقولوا .. حرام تسرق السجاير عشان تشربها لكن روح اشتريها واشربها ! قال يعني كده بقت حلال
    وبدون الدخول في تفاصيل ومناقشات ... اللي اعرفه ان مشاهدة قنوات الاغاني والافلام وحتى مباريات كرة القدم عمال على بطال اللي اعرفه انه حرام اساسا !
    بصراحة كده حصل الحوار التالي
    ضميري ( مات او صحي مبقتش فارقة ) : يعني ايه يستغلوا عمرو خالد عشان يقولنا بالبلدي كده سيبوا عمو صالح يمص دمكم ، هي جت عليه هوه ! متخلوه هوه كمان يمص ويشرب

    العبد لله : والله معاك حق !

    ضميري : قوم فز اطلع الحق محمد باشا يا .........

    العبد لله : حاضر يا باشا !

    ------------------------------------------------------------------
    المشهد الخامس
    المكان : أحد شوارع مصرنا

    العبد لله : أيوه يا محمد باشا عدي السلك من ورا الشجرة الاول وبعدين يدخل من الشباك ده
    محمد باشا ( موزع الوصلات ) : ماشي يا افندي ده شغلي انا عارف انا بعمل ايه
    العبد لله : وماله يا حج .. طيب دلوقتي أكيد حنشوف يعني الماتشات كلها ؟
    محمد باشا : أساسي ! وكمان متوشة كاس العالم السنة الجاية عيب عليك
    العبد لله : هي دي كمان حتتشفر !
    محمد باشا : يا عم خليهم يشفروا اللي يشفروا .. طب تصدق بايه ؟
    العبد لله : لا اله الا الله
    محمد باشا : لو شفروا الهوا ... برضه حديك وصلة !
    ------------------------------------------------------------------
    المشهد الأخير
    أمسح عليها برفق .. أتحسسها بحنان ... اضمها الى صدري
    العبد لله : ربنا يخليكي ليا يا حبيبتي
    الوصلة : ويخليك ليا يا حياتي
    ------------------------------------------------------------------
    أعزائي
    قد تكون تلك الخزعبلات عديمة النفع أو الفائدة
    ولكنها رسالة أحببت أن أوصلها لصالح كامل ومعاونيه
    لن تمنعونا من المتعة أو تحرمونا أقل القليل

    للامانة الموضوع منقول

  3. #3
    لأول مرة منذ ما يقرب من ثلاثة عقود، سيُحرم جمهور الكرة في مصر من متابعة مباريات المونديال الكروي على الهواء مباشرة بعد امتناع اتحاد الإذاعة والتليفزيون المصري عن شراء حقوق البث على قنواته الأرضية؛
    الحمد لله رب العالمين
    وبالتالى يوجد إحتمال أن نجد بعض المصلين فى المساجد فى وقت إذاعة المباريات
    اللهم اهدنا واهد بنا واجعلنا سبباً لمن اهتدى
    أبواسلام.
    كثر المتساهلون فى الدين ، فظهر الملتزمون بصورة المتشددين ، فعلى الملتزمين إختيار الأسلوب الصحيح لتوصيل صحيح الدين لغيرهم باللطف واللين0
    رابطة الجرافيك الدعوى


  4. #4
    حُـــس
    صور رمزية downs_mass
    تاريخ التسجيل
    Feb 2004
    المنطقة
    أينما ذكر اسم الله في بلد.. عددت ذاك الحمي من صُلب اوطاني
    العمر
    36
    ردود
    7,612
    افتح التلفاز أو أغلقه أقولك اقرأ هذا الموضوع


    المصريون يعرفون جيدا ما هو الدش المركزي أما غير المصريين فلا اعلم هل انتشر عندهم هذا السرطان أم لا


    قبل أن أتكلم عن الدش ا لمركزي سأتكلم عن الحوار بين مصر والــart ( راديو وتلفزيون العرب )
    الــart جميعنا نعرفها وهي مجموعة من القنوات التلفزيونية المشفرة والتي تعرض خدمه سوبر لطبقات الشعب العربي القادرين علي دفع الاشتراك ( ليست للغلابة ) .
    وهكذا انتشارها في مصر اقتصر علي الأثرياء والمقاهي التي كانت تتقاضي أجرا علي مشاهدة المباريات إلهامه من كل زبون يدخل المقهى .


    ولان امكانات الــart كبيرة وخصوصا القنوات الرياضية دأبت القناة الرياضية علي شراء اغلب المباريات التي تهم المواطن العربي لتنفرد بها علي تلك ألشاشه المشفرة ومن هنا يزداد الإقبال علي الاشتراكات .


    وبما ان أفريقيا تحتوي كثير من الدول العربية , دأبت القناة علي احتكار بث بطولة الامم الافريقيه والتي غالبا ما تحوي علي الأقل 4 منتخبات عربيه ومنها مصر ( 72 مليون نسمه وعلي الأقل 40 مليون مشجع رياضي ) .



    كانت الأمور طبيعية حتى أتت رياح دورة تونس للأمم الافريقيه بما لا تشتهيه سفن التلفزيون الأرضي المصري . لان الــart حازت علي عقد احتكار بث الدورة في المنطقة . ومن هنا حاول التلفزيون المصري شراء حق إذاعتها أرضيا لكن الــart رفضت ذلك . حتى أن ا لمصريين عرضوا مبلغ كبير لشرائها . لكن القناة رفضت . ( وهذا حقها )


    كانت هذه صفعة للتلفزيون المصري .


    كل شعب مصر استعد للذهاب للمقاهي ودفع ما يقارب ال 3 جنيهات لمشاهدة كل مباراة لمنتخب مصر .


    لكن –قبل الدورة بيومين - وجد المصريون ثغرة في عقد الــart مع الاتحاد الإفريقي وهي أن القناة احتكرت البث باللغة العربية فقط وليس البث في المنطقة . من هنا ذهب المصريون إلي شركة فرنسيه ممن اشتروا حق العرض من الاتحاد الأفريقي , واشتري المصريون منهم حق العرض بمبلغ زهيد جدا .


    وبث التلفزيون الأرضي المصري المباريات باللغة الفرنسية ( حيث ألغي المعلق الفرنسي ) ووضع التلفزيون المصري معلق مصري يعلق بالفرنسية لكن بطريقه أوضح ( وتركيز اكبر علي أسماء اللاعبين )


    في نفس الوقت يوجد تعليق باللغة العربية علي إذاعة الشباب والرياضة الارضيه المصريه


    وبذلك كل شعب مصر شاهد المباريات علي التلفزيون الأرضي أما التعليق فكان من الراديو ( وبذلك تغلبت مصر علي الــart )


    هذا كان رد قاسي من المصريين علي الــart .


    في هذا الوقت انتشر في مصر ما يسمي الدش المركزي ( أي أن شخصا يقوم بالاشتراك في الــart المشفرة ثم يقوم بتوزيعها علي منطقة كاملة باستخدام شبكه سلكيه بسبطه )


    وذلك مقابل مبلغ زهيد جدا شهريا من 15 إلي 30 ج شهريا فقط


    ليس فقط قنوات الــart بل وقنوات الاوربت المشفرة وبعض قنوات النابل سات العادية .


    وهي ميزه كبيرة أن يدفع المواطن الكادح هذا المبلغ ويشاهد هذا الكوكتيل الرائع والذي لم يحلم يوما ان يشاهد ربعه طول حياته .


    ولان الحرب بين مصر والــart استمرت, تكاسلت الحكومة المصرية في منع هذا السرطان علي سبيل العقاب للقناة وبالطبع تحصل الضرائب علي حقها من موزعي الدش المركزي .


    لان القانون في مصر لا يفرض حقوق ملكيه فكريه بشكل قوي .


    علي الفور وفي كل مدينة وريف مصري يقوم شخص معين بشراء القنوات المشفرة ثم يوزعها علي منطقه ( ريف ) كاملا .


    مميزات الدش المركزي :


    1- أغلب شعب مصر يحصل علي خدمة اخباريه خاليه من الكذب مصدرها الجزيرة غالبا أو العربية .


    2- توفير كبير للمواطن وتقليص أضعاف سعر الدش العادي ( رسيفر ) او القنوات المشفرة .
    3- مشاهدة المباريات الهامة مجانا ( تقريبا ) دون اللجوء إلي زحمة المقاهي وسوء معاملتها .


    عيوب الدش المركزي ::


    1- انتشر كالسرطان في مصر كلها في فترة بسيطة جدا لم تتعدي سنة .


    2- بعض القنوات الغربية التي تبث مع القنوات المشفرة تحتوي علي مشاهد جنسيه واضحة دون رقابه بل أن تلك القنوات لها شعبيه في بعض المناطق لما تحويه من علاقات جنسيه شبه كاملة ( مثل التي تبث علي الـHot BIRD القمر الأوروبي ) ........................... تخيلوا !!!!!!!!!!!


    3- انشغال المصريون بسماع الأغاني والأفلام والمباريات التي لا تنقطع علي مدار 24 ساعة .


    4- تحكم موزعوا الدش المركزي في انتقاء قنوات دون غيرها وكل شخص من هؤلاء له مبادئ واولاويات تختلف عن الآخر .


    ....................................................... وكثير من العيوب الاخري .




    القنوات المشفرة تحاول جاهدة وقف انتشار هذا السرطان حفاظا علي حقوقها الفكرية والمالية . كما أن المتدينين من المسلمين في مصر ( خصوصا في القرى ) قاوموا انتشار هذا السرطان حتى أن بعضهم لجأ لتقطيع الأسلاك في القرية كاملة . لكن لا حياة لمن تنادي والناس أنفسهم شجعوا الفكرة .......




    بعد كل هذا ما رأيكم في هذا السرطان المركزي المتشعب في جميع ربوع مصر .........


    downs_mass
    __________________
    http://www.maxforums.net/showthread....E3%D1%DF%D2%ED
    وما فتىءَ الزمان يدورحتى
    مضى بالمجدِ قومٌ أخرونَ
    وأصبح لا يُرى في الركب قومي

    وقد عاشو أئمته سنينَ
    وآلمني وآلم كل حرٍ
    سؤال الدهر أين المسلمينَ ?

    اذا لم تجد ما تحب فحب ما تجد

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل