حــد عـــنده معلومـــــات عن التصــــميم الصـــــناعى ؟؟؟؟؟

[mo7amed86]

السلام عليكم ورحمه الله وبركاتة
يا جماعة طلع في دماغي فجأة ومن غير أي مقدمات أني أعرف أية هو التصميم الصناعي ؟؟
وهل أللي بيمارس التصميم الصناعي لازم يكون خريج هندسة أو فنون تطبيقية ولا ممكن الواحد يدرسة عن طريق كورسات ودورات مثلا ؟
ما هي البرامج المستخدمة .. أقصد أية هي البرامج المطلوب دراستها عشان يتعمل عليها التصميم وبتصدر للمكن ؟؟؟
يعني الواحد بعد دراستة المجال دة ممكن يعمل هياكل الأجهزة الكهربائية ولعب الأطفال ؟
يا تري المجال دة مطلوب فية الدماغ المسيكبة اللي بتفهم كويس في الرياضيات والارقام والحسبات ؟

معلش يا جماعة الأمتحانات بتخلي الواحد دماغة تتقل ويسرح بخيالة ويبتدئ يفكر في حاجة مفيدة بعيدا عن مناهج الكلية المتخلفة إللي ملهاش لزمة

[INTERIOR]

عندنا فى المنتدى عضو اسمه فدائى
هو كان زميلى فى اعمل ارسل له رساله على الخاص
هو مصمم صناعى ويعمل فى نفس مجاله ايضا واعتقد انه سيفيدك افاده جيده جدا

[فدائي]

أية هو التصميم الصناعي ؟؟
التصميم الصناعى تعريفه واسع وكبيرالان لكنه بدا فى المانيا فى مدرسه تسمى الباوهوس وكان هدفها تحسين العلاقه بين الانسان والمنتج وكان وقتها منتجات بسيطه كالكراسى والمكاتب ثم فى الحرب العاميه الثانيه ومع تطور الاله الحربيه ووجود الطائرات بدا الجندى يواجه كميه كبيره من المفاتيح والاعدادات وكان لابد من وجود من ينظم له ويعطيه افضل حل لسهوله الوصول لما يريد
ومن هنا ظهر علم الارجونوميكس اللى هو فرع من التصميم الصناعى
وبعد ذلك اتجه التصميم الى راحه الانسان وابتكار منتجات جديده تساعد على الرفاهيه كمثال ريموت التلفزيون يمكنك من تغير القناه وانت فى مكانك مثال اخر السيارات فهى تخضع لمواصفات يحددها المصمم الصناعى كزاويه ميل العدادات والاضاءه الداخليه شكل السياره الخارجى الكراسى وكيفيه التحكم بها المرايات وزايه ميلها وكيفيه التحكم بها وضع جلوس الانسان داخل السياره وتمكينه من الوصول لكل اماكن التحكم بسهوله ويسر
مثال اخر الثلاجه او البوتجاز والمقابض واكر التحكم والجرافيك الذى يمكنك من فهم الوظيفه بسهوله لكل مفتاح و اكثر المفاتيح استخداما وسهوله الوصول لها
وهل أللي بيمارس التصميم الصناعي لازم يكون خريج هندسة أو فنون تطبيقية ولا ممكن الواحد يدرسة عن طريق كورسات ودورات مثلا ؟
المصمم بيعمل داخل فريق يكون فيه مهندسين من كل تخصص ويسمى بحوث وتطوير ولكن يجب ان يكون المصمم الصناعى ملم بجميع الجوانب الهندسيه وده بيجى مع الخبره ومن الممكن ان يعمل خريج الهندسه كمصمم صناعى ولكنه يجب ان يقوم بعمل دراسات على هذا العلم
ما هي البرامج المستخدمة .. أقصد أية هي البرامج المطلوب دراستها عشان يتعمل عليها التصميم وبتصدر للمكن ؟؟؟ يوجد عده برامج اشهرها برنامج ideas وهو اول برنامج اخذ شهره عالميه فى مجال التصميم الصناعى وبرنامج rahino وهو برنامج سهل الاستخدام ويعطى افكار جميله ولكنه يواجه بعض المشاكل فى تقفيل الاسطح جيدا وبرنامج pro engineer وهو البرنامج الاحدث على الاطلاق وهو برنامج شامل يمكن فريق عمل كامل من العمل داخل منتج واحد
يعني الواحد بعد دراستة المجال دة ممكن يعمل هياكل الأجهزة الكهربائية ولعب الأطفال ؟
من المفترض ان تكون هذه هى النتيجه
يا تري المجال دة مطلوب فية الدماغ المسيكبة اللي بتفهم كويس في الرياضيات والارقام والحسبات ؟
طبعا لان من السها انك تعمل اشكال خرافيه لمنتجات ولكن هناك ضوابط واسس منها امكانيه الانتاج وارتباطك بخطوط انتاج قائمه والاهم من ذلك تكلفه المنتج وهو اهم عامل من عوامل التصميم انه يكون تصميم بتكلفه اقل من القديم والا ستواجه مشكله مع المستثمر

[Mattar_3D]

انا حابب اتعلم مصمم صناعة , لدي سؤال , ماذا بالنسبة للناحية الاقتصادية للمصمم الصناعي , هل دخله كبير ام قليل ؟ اي هل اجر المصمم الصناعي كبير ام قليل ؟ وهل يمكنك ان تعطينا ارقام

[mo7amed86]

شكرا لك اخي الكريم INTERIOR
جزاك الله تعالي كل خير باشمهندس فدائي ومتشكر جدا جدا جدا ع ردك الأكثر من رائع .. انا بصراحة كان نفسي ادرس حاجة مفيدة وأستشعر قيمتها الكبيرة عند دراستها او العمل بها... ولم اجد خير من التصميم الصناعي
ونفسي بجد ادرس المجال دة خلا ل الاجازة ان شاء الله , وقلولي أن الجامعة الألمانية بتدي كورسات في المجال دة ..... جاري البحث

وشكرا لتواجد الفنان المبدع Mattar_3D