موضوع: صباح شونج بونج هونج كونج

ردود: 11 | زيارات: 947
  1. #1
    Designer
    صور رمزية S.Badr
    تاريخ التسجيل
    Dec 2004
    المنطقة
    أرض سمرا وقمرا .. وضفه ونهر ومراكب
    العمر
    16
    ردود
    1,586

    Arrow صباح شونج بونج هونج كونج

    هذا الصباح وكل صباح لا يتغير سيناريو كل يوم ولكن هناك ما لاحظته مختلف
    خرجت من بتنا وقابلت واحد جارنا وقلتله صباح الخير زي كل يوم لكن الغريب لقيته بيرد عليا شنج فنج لنج
    استغربت من الرد لكن لاني طبعا لسه صاحي قلت يمكن انا لسه مفوقتش قلت احسن حل اني اروح لعم فتحي بتاع الفول انتشلي ستندوتشين فول علي واحد طعميه يمكن افوق واصحصح
    ولسه بقول للواد ايطه صبي عم فتحي هاتلي 2 فول واحد طعميه
    قالي ( تسج منج بوشو )
    استغربت تاني وقولت يمكن لسه بس عشان مفطرتش
    المهم كلت وقلت بقه عايزين نحبس بكوبايه شاي
    وقلت في عقل بالي يله اجرب قهوه كتكوت الناس كتير بتشكر فيها وفيها مشاريب حلوه
    ونديت علي جاااااااابر (علي راي العضوه سابرينا)
    ابعتلي واحد شاي وصايا يا جابر
    وكانت الصاعقه لي
    رد جابر( بنج ميشو بونج)
    بصراحه يا جماع انا اتخضيت قولت اكيد وداني جري فيها حاجه انا لازم اروح لدكتور ودان احسن انا كده شكلي بايظ خالص
    المهم اتصل عليا واحد صحبي علي الموبايل ورديت عليه
    ولقيته بيكلمني( شنج بونج تيشي موشي )
    بصراحه التليفون وقع من ايدي من الخضه وقلت اكيد في حاجه مش مظبوطه
    قلت خلاص انا احسن حاجه اشتري الجرايد دي اكيد ملهاش علاقه بالسمع دي هتبقي بعنيا والحمد لله انا شايف كويس اهو
    واول ما مسكت الجرنال زي ما يكون مسكت سلك كهربا عريان
    لقيت الكتابه من فوق لتحت ورسومات مش فاهم منها حاجه
    وبطريقه غير اراديه قطعت الجرنال الف حته
    وطبعا كان فعلي هذا مسار دهشه من رواد القهوه
    وجالي واحد شكله كده عيان زيي وودانه وجعاه وعينه مش شايفه
    الزبون : صباح الخير
    انا: مش معقول انت بتقول صباح الخير يعني انا كويس مش عيان
    الزبون: مالك يا كابتن
    انا: مش عارف من الصبح بسمع حاجات غريبه وبشوف حاجات اغرب
    الزبون: طب وايه يعني
    انا: في ايه ايه اللي حصل
    الزبون: يا جااابر هات قلم رصاص وكراسه
    بصراحه انا قلت يمكن الزبون ده شاعر ولا كاتب وعايز يكتبلي قصيده ولا حاجه او رسام وعايز يرسملي صوره
    الزبون : شايف القلم ده
    انا: ايوه شايفه
    الزبون صنع ي الصين
    الكراسه صنع في الصين
    قوم كده واقلب الكرسي اللي انت قاعد عليه هتلاقيه صنع في الصين
    بص في قفا اللي قدامك (طبعا مش قصدي القفا مصنوع في الصين )
    بس التكت بتاع القميص مكتوب عليه صنع في الصين
    شايف جزمه الاخ ده صنع في الصين
    الكوبايه اللي انت بتشرب فيها الشاي صنع في الصين
    البراد اللي اتعمل فيه الشاي صنع في الصين
    اللمبه اللي بتنور القهوه صنعت في الصين
    المروحه المتعلقه في السقف صنع في الصين
    كل حاجه بقت صنع في الصين
    مش عايز الناس تتكلم بالصيني ليه؟
    عموما هسيبك بقه عشان تشرب الشاي براحتك واقولك شونج بونج هونج كونج
    يعني مع السلامه
    وفعلا بدات افكر ان كل حاجه بقت في حياتنا صيني
    نزلت العتبه وشوفت كل حاجه بتتباع صيني- مقشره بطاطس صيني
    مفكات صيني - اقلام رصاص وحبر صيني -ملابس صيني - احذيه صيني -لوازم المنزل كلها صيني -لوازم الديكور بقت صيني وبما اني مهندس ديكور فالموضوع ده انا عارفه كويس اوي
    فحسيت يا جماعه ان في حاجه غلط
    تفتكرو فعلا هيجلنا يوم ونتكلم صيني ؟
    ربنا يستر


    بقلم : من أهل مصر .......... منقول يعني
    ابن المهندس مهندس .. وابن الدكتور دكتور .. يبقى ابن الريس متقال الريس حجازي متقال
    S.Badr = Samy Pasha = Samy Badr


  2. #2
    هههههههههههههههههههههه
    رائع و هي الحققية كله صيني على صيني ......
    سبحان الله وبحمده سبحان الله العظيم

  3. #3
    عضو متميز
    صور رمزية sa9r
    تاريخ التسجيل
    Mar 2005
    المنطقة
    عابر سبيل
    ردود
    7,648
    لا عليك يا شنج بونج تيشي موشي .



    عن أنس رضي الله عنه قال
    : قال رسول الله صلى الله عليه وسلم ( إن لله تعالى أهلين من الناس . قالوا : يا رسول الله من هم ؟ قال : هم أهل القرآن أهل الله وخاصته ) . (صحيح الجامع2165)







  4. #4
    عضو فعال
    صور رمزية *يس*
    تاريخ التسجيل
    Jul 2006
    المنطقة
    الدار البيضاء . المغرب
    العمر
    42
    ردود
    225
    هههههههههههههههههههههههههههههههه

    أذكر أني كنت لا اعرف غير الشاي الصيني

    ايييييييه يازمن
    ys

  5. #5
    الحمد لله الماكس سلم من الصينين ؟؟؟؟
    ولا كان شيئ ثاني ....
    سبحان الله وبحمده سبحان الله العظيم

  6. #6
    عضو متميز
    صور رمزية khaliiiiid
    تاريخ التسجيل
    Oct 2005
    المنطقة
    فاس
    ردود
    3,496
    أذكر أني كنت لا اعرف غير الشاي الصيني
    هههههههه
    تذكرت قصة حكاها لي احد الاصدقاء عن صديق له كان يدعي معرفته باللغة الصينية
    وكان كل من يعرف عنه هذه المعلومة يطلب مته ان يكتب له اسمه باللغة الصينية .....
    العفريت ....... كان يحفظ فقط كلمات الشاي الاخضر الصيني .... فقط كان يقوم بتغيير اماكن الحروف..
    ولا تحسبن الله غافلا عما يعمل الظالمون,
    إنما يؤخرهم ليوم تشخص فيه الأبصار,
    مهطعين مقنعي رؤوسهم لا يرتد إليهم طرفهم , وأفئدتهم هواء.



  7. #7
    حُـــس
    صور رمزية downs_mass
    تاريخ التسجيل
    Feb 2004
    المنطقة
    أينما ذكر اسم الله في بلد.. عددت ذاك الحمي من صُلب اوطاني
    العمر
    36
    ردود
    7,612
    رة قابلت صينية ( يعني سيدة من الصين وليست صنية الشاي )

    أشرت الي الكيبورد وقلت لها بالاشارة ( لانها لا تتكلم انجليزي .. عربي ةخفيف فقط )

    واشرت لها فيما معناه ان كل شئ هنا صيني

    الحياة في مصر بقا لونها صيني

    كله من اللي سرقوا فلوسنا وسابونا للصينين
    وما فتىءَ الزمان يدورحتى
    مضى بالمجدِ قومٌ أخرونَ
    وأصبح لا يُرى في الركب قومي

    وقد عاشو أئمته سنينَ
    وآلمني وآلم كل حرٍ
    سؤال الدهر أين المسلمينَ ?

    اذا لم تجد ما تحب فحب ما تجد

  8. #8
    عضو متميز
    صور رمزية abukatada
    تاريخ التسجيل
    Sep 2005
    المنطقة
    الإمارات العربية المتحده - دبي
    العمر
    36
    ردود
    1,804
    شينج بونج هونج لى ........توم لى ............جيت لى.............جاكى شان..............بروس لى......وعجبى

  9. #9
    مستقبلا (من 30 الى 60 سنة)
    لن تدرس الانجليزية في المدارس
    سوف يتعلم التلاميذ اما اللغة الهندية أو الصينية
    لأن هذاين الدولتين إقتصادهم يتصاعد بشكل مخيف
    بعكس اقتصاد العم سام

  10. #10
    عضو متميز
    صور رمزية abukatada
    تاريخ التسجيل
    Sep 2005
    المنطقة
    الإمارات العربية المتحده - دبي
    العمر
    36
    ردود
    1,804
    اقتباس الموضوع الأصلي كتب بواسطة ZIZO
    مستقبلا (من 30 الى 60 سنة)
    لن تدرس الانجليزية في المدارس
    سوف يتعلم التلاميذ اما اللغة الهندية أو الصينية
    لأن هذاين الدولتين إقتصادهم يتصاعد بشكل مخيف
    بعكس اقتصاد العم سام
    سمعت هيكل على الجزيرة كان بيتكلم فى الموضوع ده وقال حاجة غريبة جدا

    إن الصين اللى بنقول عليها مخيفة إنتاجها السنوى يعادل أقل من ربع الإنتاج الأمريكى

    وده السبب فى إن أمريكا خايفة منها ....لكن هى حاليا لاتسبب أى مشكلة للأمريكان

  11. #11
    عضو متميز
    صور رمزية y@sser
    تاريخ التسجيل
    May 2003
    المنطقة
    جوانتانامو مصر
    ردود
    10,884
    الموضوع واضح
    طول ما الشعب بياكل فول يستاهل الي يحصل
    اعتقد لو بطلنا الفول ممكن نتكلم الماني
    ربنا يستر
    بلاد الكوارث
    حيث جميع الشعب وجلاديه يبحثون عن العقل والقلب والشجاعه المفقودين
    لكن للاسف لاوجود للساحر اوز
    وتنتهي القصه بفقد الحذاء الاحمر
    وتبقي اليس في بلاد الكوارث للابد

    مدونتي

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل