محاوتي الأولى .... في تلوين اللاين آرت ..

[Graphics man]

السلام عليكم ..

اخواني و اخواتي اعضاء المنبر الكريم ..

صراحة وايد مشتاق لكم .. و من زمان ودي اشارك لكن حرمتني بعض المشاغل الله اعلم بها ..
لكن ترى انتوا على البال .. كل يوم ادش المنتدى حوالي 3 مرات ..
لكني بس اقرا و ما ارد .. و لذلك لبعض الإنشغالات ..
نسألكم السموحة .. و وعد مني اني راح استمر معاكم في المنتدى ان شاء الله ..



_____________ موضوعنا الرئيسي _____________

تلوين اللاين آرت من الأمور الجميلة صراحة .. فهي تعطيك بعد ثاني ..
فالمصم عندنا يقوم بتلوين مثلا الكاريكاتير .. فيحتاج لبعض اللمسات من ناحية اختيار الألوان المناسبة ..
و من خلال عمل بعض الأمور مثل الإضاءة و الظلال و ما الى ذلك ..
و انا اعتقد ان هذا الفن له جانبه الخاص البعيد الكلي عن التصميم الإعلاني ..

و صراحة حصلت لي الفرصة بتجربة هذا المجال .. و اليكم محاولتي الأولى ..

1- الصورة قبل التلوين ..



2- الصورة بعد التلوين ..




و طبعا العمل فيه أخطاء .. و اللي انتوا ان شاء الله راح تبينون لي اياها ..
و انا بصدد سماع آراءكم و ملاحظاتكم ..



تحياتي ..

[النهايــة]

جميل..!


وأجمل منه ضبطك للحواف..

مع أنه فيه أشياء تغيرت شوي..!

====
أحسن أحسن أحسن شي..

وعدك بالاستمرار معنا..!

====
صراحة لا أجيد نقد اللاين آرت..
آسف..!




مع أطيب التحايا الوردية..
أخوكم المحب جدا/النهاية

[الزئبـsــق]

الأبداع بحر ليس له ساحل

مادري والله وش أقولك ابداع بمعنى الكلمه ودائماًمشتاقين لأفكارك الحلوة
تجربه انشاء الله موفقه والى الأمام
هل تعتقد هذامتعوب عليه مره لاكن في برامج الرسم الكرتوني أفضل وأدق



فيه ملاحظه بسيطه
هذاهو التصوير المحرم



اليدين اختلفت جذريا بعد التلوين متلاحظ
أخوك المخلص الزئبق

[Graphics man]

يعطيك العافية حبيبي و اخوي النهاية ..

انا ان شاء الله عند وعدي .. و احاول اني اتم عليه ..

لكن اذا قطعت شويه اعذروني


------------------

اخوي الزئبق ..
مشكور على كلامك الحلو ..
لكن ما نبي ندش في مسائل شرعية ..
( اليدين اختلفت اختلاف جذري بعد التلوين .. و اختلف مكان 5 و 6 )





تحياتي ..

[Dr.wz]

شيء طيب

وحلوووووووووووووووو

يعطيك الف عافية

دائماً تجي بالجديد والجميل

تحياتي لكم والله يعينكم

وإن شاء الله تفوزون في الأنتخابات


اخوكم
ابو فيصل

[سليل المجد]

انا
8lafi
forever

أشكرك يا أخي جرافكس

وأتمنى أن نراك مرة أخرى

بس هذي المرة انت تعال السعودية
وانا زعلان منك أنك ماجيت قبل أمس مع أحمد العجيل

بلع سلامي للشايجي كثيييييييييييييييييييييييييييييييييييييييييييييييييييييييييييييييييييييييييييييييييييييييييييييير


لك تحياتي
أخوك المحب
باهبري

[جمـانه]

اهلين اخوي graphics man

والله انا مالي خبره في اللاين ارت ... بس ما شاء الله شغلك مره نظيف و مرتب

الله بعطبك العافيه

اختك جمانه

[سليل المجد]

أخي جرافكس

لاحظت ملحوظة

انو صاحبنا
مش موجود في صورة 5

[Graphics man]

استاذي بوفيصل ..

مشكور على كلامك الطيب ..
و الله يتقبل منك الدعاء


_______________________________

حبيبي رائد ..

مشتاقين لكم والله .. و الصراحة ما قدرت ايي مع أحمد لكثرة انشغالاتي ..
و لأن الوالد مسافر و انا قاعد مع الوالدة

اما عن صاحينا في الرقم 5 مو داش يالصورة .. اعذرني .. مو انا اللي راسم الكاركتير


______________________________

أختي جمانة ..
مشكورة على الكلام اطيب ..
و نأمل تواصلج معانا في الأيام المقبلة ..





تحياتي ..

[وليد]

ما شاء الله ___ عبودي داش هنيه مرة وحدة ___ مو معقول
ما شاء الله عمل طيب لكني ما اعرف لهذي الحركات واعتقد ان اللي يعرفها هو نون ما لك غيره
ونتمنى انك تعطينا شوية فتافيت من وقتك عشان نستفيد منك الله يجزاك خير

[pixel]

-
الله.. عمل جميل ودقيق..

شكلك تعبت معاه وايد كم أخذ من وقتك؟؟؟

لكن فيه بعض اللاين آرت اللي صحيح آرت، بيتعبك أكثر، لصعوبة تحديد الحواف، واسأل مجرب.

أخوك المحب
pixel

[أبوأنس]

هلا بالغالي
والله لك وحشة
إذا كانت هذه بداية فكيف ستكون المراحل القادمة؟
العمل متكامل صعب تجد فيه ملاحظة أو عيب
المبدع مبدع .. وفقك الله
تحياتي

[نون]

السلام عليكم

حبيبي في الله Graphics man

الله يعطيك العافية ... انا ادري انه مو سهل و عارف اشكثر تحتاج من وقت
علشان تنتهي من التلوين .

و تلوين هذا النوع يتاج ان تكون اللوحة كبيرة علشان تاخذ راحتك
في التلوين .. وانا شفت مواقع فيها دروس ممتازة في هذا المجال .
و العملية ماهي بسيطة . بس انت عليك ان تعدل الخطوط يعني تكون
نظيفة و دقيقة .

و في طريقة ثانية تستخدم هي :.
الرسم و التظليل بقلم الرصاص و بعدين التلوين
في الفوتوشوب باستخدام ال Curves .

وهذا مثال بسيط ... قمت بتلوين الصورة فقط
اضغط على الصورة الكبيرة علشان تشوف الصورة اكبر

http://mypage.ayna.com/noohe/dell1.htm



محبكم
نون

[Graphics man]

حبيب البي وليد ..
مشكور على كلامك الحلو


أخوي بيكسل ..
العمل خذا مني العصر كله و نص المغرب .. يعني تقريبا ثلاث ساعات و نص
و مشكور على الكلام الطيب ..


حبيبي الغالي أبوأنس ..
كرمك اثلج صدري ..
و انحرجت .. خدودي صارت حمر
مشكور و ما تقصر ..



استاذي و حبيبي نون ..
كلامك عدل ..
و انا قلت للي رسموا الرسمه ..
انهم يظبطون الظلال و كل شي ..
اما تلوينك فهو مو طبيعي .. وايد حلو ..
جنه ملون تلوين طبيعي





تحياتي ..

[ظبياني]

تلوين رائع أخوي Graphics man


بس شو المقصود بالضبط باللاين آرت ؟