دعوه لتعلم الماكس من البدايه --وايضا تكمله للفصل

[amirrr]

دى دعوه مفتوحه للجميع
ودى لينكه للدروس السابقه http://www.maxforums.net/showthread.php?t=70568وفى الفصل دلوقتى هكمل بقية الدروس
واهلا بيك اخى المحترف غيث معانا ولكن اعتقد انك هتشترك معايا عشان تساعدنى يامحترف باشا
يلا بينا نبدا

الصوره دى فيها هنفهم ايه انواع النسخ لعناصر
1- وهى copy وهى نسخ عادى جدا بين العناصر ومهما غيرت فى خواص اى عنصر منهم لا يتاثر العنصر الثانى
2-وهى instance وعند اختيار هذا الاختيار يتم نسخ العنصر ولكن اذا احدثت تغير باى من العناصر تلاقى تاثير اتوماتيك للعنصر التانى--واحد ذكى ويسالنى ويقولى يعنى ايه اققوله صباح الفل --يعنى حاول زياده حجم العنصر الثانى
هتلاقى الاول يتاثر اعمل ميش سموث للاول هتلاقى التانى يتاثر
3-وهى reference وعند اختياره يتم نسخ العنصر ولكن اذا احثت تاثير على الثانى الاول لا يتاثر واذا احدثت تاثير على الاول الثانى يتاثر ركزو كويس وحاولو التاثير بميش سموث عشان يبان الفرق
4-وهى لاختيار عدد النسخ التى تريد نسخها

[amirrr]

تابع معايا كده وشوف الصوره دى

سنتعلم خاصيه الجروب
اولا نصنع ثلاثه نسخ من الكوره وبعدين نعلم بالماوس عليهم كلهم يعنى نخترهم--وبعدين نتجه الى
1-group ونختار الاختيار رقم واحد ستظهر رساله لاختيار اسم الجروب ثم اوك --سنجد انهم تم تجميعهم فى مجموعه واحده وعند التحريك نجدهم يتحركو مع بعض
2-open نختار هذا الاختيار عشان نفتح الجروب --واحد يقولى يعنى ايه--بمعنى اننا عملنا جروب مثلا وعايزيين نعدل فى عنصر من احد عناصر الجروب بدون فك الجروب --يعنى مثلا نعلم على العناصر اللى عملناها جروب ستجد طبعا كلهم كتله واحده --ثم نضغط على open سنجد انه تم فتح الجروب ويمكنك ايضا اختيار اى عنصر والتعديل فيه
مثل تحريكه او رفعه او اى شىء
3-close بعد ما نعمل فتح للجروب ونعدل كما شئنا لغلق الجروب مره اخرى نضغط close
detach وهذا الاختيار لفصل اى عنصر من المجموعه يعنى ايه؟يعنى مثلا لو انت عايز تفصل اى عنصر من المجموعه وتحرره --اولا تعلم على المجموعه وبعدين تعمل open وتختار العنصر اللى عايز تفصله وبعدين تختار detach
attach وهو لاعاده عنصر الى المجموعه او اضافه عنصر جديد --مثلا عندك عنصر جديد وعايز تضيفه
للمجموعه تعلم عليه بالماوس وبعدين تضغط attachوبعدين تروح بالماوس على الجروب بتاعك وتضغط عليه.
اما الامر ungroup فهو يعمل تفريق للجروب ويصبح كل عنصر مستقل بذاته

[mero zaki]

بسم الله الرحمن الرحيم
السلام عليكم

درس رائع يا أمير
ومجهود طيب

ولكن إذا سمحت لى
فأنا لم أفهم فى attach(وتضغط عليهungroup بتعمل تفريق للجروب)
فلماذا أقوم بهذه الخطوة مادام قد أضيف العنصر الجديد بالفعل عن الضغط على attach

وجزاك الله خيرا

مروة

[amirrr]

متشكر يامروه على كلامك --بالنسبه لسؤالك --ههههههههههه انتى قريتى الشرح غلط عشان انا مش عامل فاصل بين الجملتين
لو تلاحظى انى شرحت الامر ungroup فى السطر التالى يعنى مش تكلمه للامر attach
وقد تم تعديل الغلط شوفى كده تانى

[kareem50]

ياريت يكمل الموضوع للأخر ومش تنام يا امير
بالتوفيق ان شاء الله

[yaman]

مشكور وبإنتظار التقدم في الدروس علشان نستفيد منك يا اخ أمير

[amirrr]

k-50 صديقى ايه اخبارك ومتشكر لمتابعتك--بس الصراحه انا حاسس انى عايز انام دلوقتى هههههههه
لالا باذن الله مش هنام عشان فيه كمان ناس هتساعدنى فى الموضوع ده زى ابو معاذ مثلا اللى هخطفه للفصل بتاعى عافيه --والمحترف ايضا
يامان ماكس--باذن الله الدرس اللى جاى قريب
عموما انا عايز اققول للناس كلها فى المنتدى انى اللى انا بشرحه مهم جدا جدا جدا وانا عارف انه بدايات ماكس--بس انا اسميها اساسيات الماكس اللى المفروض تبقى عارفها والغلط اللى الناس تقع فيه انها
تخش على التطبيق على طول --تابعو معايا باذن الله خير ليكو وللجميع

[mero zaki]

بسم الله الرحمن الرحيم
السلام عليكم

كده تمام يا أمير
وأنا فى أنتظار الدرس القادم
ربنا يوفقك

مروة

[amirrr]

تنبيه الموضوع اتنقل هنا من قبل المشرف المحبوب كوووووووول مشكور جدا للاهتمام عشان الفائده تعم

[ابومعاذ]

الله ينور يامير الامراء ايه الحلاوة دى ربنا معاك يارب ويقويك

[amirrr]

حسن باشا --ربنا يخليك --وباذن الله منتظرين منك اشتراكك معايا فى الفصل بتاعى من خلال الشرح ودروسك
اللى وحشتنا --سلامى لك

[amirrr]

شوفو الصوره ديه

نحاول نعمل شكل زى ده عباره عن اسطوانتين وكره بينهما على انه يمثل شكل الذراع
ونضغط على الاسطوانه اللى تحت ثم نتجه الى لوح الادوات ونضغط على LINK ثم نضغط على حرف H فى الكيبورد ستظهر قائمه كما اللى فى الشكل ثم نختار منها SPHERE وبعدين نضغط على كلمه LINK فى نفس القايمه اللى مفتوحه معانا هتلاقى الكلمه تحت ثم نتجه للشكل ونضغط بالماوس على الكره
ثم نختار الاداه ROTATE لعمل دوران للكره --ونعمل دوران فى اى محور ماذا نجد؟
سنجد انه يتم تحريك الCYLINDER مع الكره طواعيه --
نفعل ما فعلنا بس المره دى مع الكره ولالاسطوانه اللى فوق اللى واقفه بالطول
نضغط على الكره ثم نضغط على حرف H بالكيبورد ستظهر لنا نفس القائمه السابقه بس مع اختلاف
سنجد عنصر واحد باقى وهو السيلندر اللى واقف ده --حد بقى يعرف ليه؟سؤال سهل ومش هجاوب عليه
المهم بعد كده حاول عمل دوران للسيلندر اللى واقف عشان طبعا انت فرحان وواثق ان بقية العناصر
ستتحرك معاه -طبعا لا هتلاقى التحريك مش حلو ومش هيعجبك مع انك ربطت فعلا العناصر ببعضها
نستنتج من كل ده انك جعلت السليندر اللى واقف يتحكم فى الكره اللى تتحكم من قبل فى السيلندر اللى نعسان
حد فاهم حاجه؟

[amirrr]

طبعا دلوقتى عايزيين تبقى الحركه طبيعيه
بس الاول عايز افهمكم حاجه --شوف ذراعك كده هتلاقى الذراع فيها كوع مفيش مره ارهقت نفسك فى التفكير وقولت ايه فايدة الكوع طبعا لا او ايوه حسب ذكائك
المهم الكوع فايدته انه المركز اللى بيتحرك عليه الذراع يعنى لو كوعك مثلا فى ودنك اكيد ذراعك محور تحركه يتغير ناحيه ودنك وكذلك الكتف يعتبر محور ايضا للذراع كله
وده اللى هنعمله هنخلى محور التحرك للذراع بتاعتنا ناحيه الكتف
شوفو الصوه دى

اختار الشكل بتاعنا وبعدين
حسب الشكل والخاصيه رقم 1 HIERARCHY اضغط عليها وبعدين اختار PIVOT
ثم 2 AFFECT PIVOT
3 وبعدين روح على الشكل هتلاقى سهمين كده شكلهم حلو حركهم الى اعلى بالماوس
عارف احنا عملنا ايه؟احنا خلينا مركز الدوران ناحيه الكتف وهو اعلى السليندر
اضغط مره اخرى علىAFFECT PIVOT
وبعدين حاول عمل دوران للسليندر اللى واقف --المفروض انه يتحك بشكل طبيعى مع بقية العناصر
اى مشاكل فى الدرس حد يقولى عشان افسرله

[mero zaki]

بسم الل الرحمن الرحيم
السلام عليكم

درس رائع .. لقد قمت بتنفيذه ..وفى أنتظار الدرس القادم

[the_fox220]

السلام عليكم ورحمه الله وبركاته
جزاك الله اخى امير وجعله فى ميزان حسناتك