ملك الملوك .. رمسيس الثاني .. تخيلوا !!!!!!

[S.Badr]

في ميدان رمسيس .. اكبر ميدان في القاهرة .. تم نقل تمثال رمسيس الثاني من مكانه بالميدان الى مكان آخر .. وطبعا صاحب هذا النقل ضجه اعلاميه كبيرة جدا .. ذلك نظرا لأهميته التاريخية هذا اولا .. ولحجمه الكبير هذا ثانيا .. ولوزنه الثقيل هذا ثالثا .. وزنه الذي يبلغ حوالي 100 طن بالقاعدة .. وطبعا قبل كل ذلك المبالغ الطائلة التي سيحصلون عليها نظير نقل الحدث عبر القنوات المختلفه على مستوى العالم ..

لا اهتم بكل هذا .. لا تاريخيا ولا حتى بالحدث .. فالمنقول صنم .. وفي حياته قال انا ربكم الاعلى .. وقال وماعلمت لكم من اله غيري .. وقال اليس لي ملك مصر وهذه الانهار تجري من تحتي ..

المستفز في الامر .. ان مذيعة الغير مبجله .. ارادت ان تمتدح في الامر .. فقالت : والآن اعزائي المشاهدين نحن في انتظار ملك الملوك ، الملك رمسيس الثاني للوصول لمقره الدائم بالمتحف المصري الحديث في ميدان الرمايه بالهرم ..

ملك الملوك هو الله .. وجبار السماوات والأرض .. هو القاهر فوق عباده .. وهو العزيز الرحيم

حسبي الله ونعم الوكيل

الأدهى ان هناك كثيــــــــــــــــــر من الناس اهتم بهذا الحدث التافه ( من وجهة نظري )

حسبي الله ونعم الوكيل

[esamdrsh]

والله العظيم اليوم كنت بسمع على الراديو وسمعت نفس الكلمه فعصبت وقلت كل ده على ايه..ز ونويت أحط موضوع بالمنابر ونسيت
وانت ما قصرتش
فعلا أنا مستغرب على ايش كل هذه الضجه... ربما عشان هي دي تجارتهم...

[فلاشــــــــــاوي]

كنت ظننت أننا إعتدنا مثل هذه الأقوال منهم من كثرة ما رددوها...

[*يس*]

لاحول ولاقوة إلا بالله

[almt3alim]

السلام عليكم

أنا عندي سؤال

ما هو إسم الفرعون المذكور في القرءان. هل هو رمسيس. أرجوا أن تفيدوني أفادكم الله لأنني لست من مصر .

شكرا أخي Samy Pasha على الموضوع

[rabieart]

يا جماعة لو الموضوع بتاع التمثال معمول علشان هو تحفة اثرية و فنية اوكية
انما التمجيد الى بيعملوة دوة نتيجة الجهات الاعلامية البربرية
لان يجى معد برنامج متخلف يجبلة كلمتين للمذيعة
و تيجى المذيعة تطفحهم على الجمهور
اعذرونى لانى قرفان بجد من الاعلام بما ان انا فى كلية اعلام
و على فكرة تقديرى امتياز و الحمد لله
و لكن شوفت و عشت فى القرف دوة كتير
و معنديش حاجة اقولها غير
حسبنا الله و نعم الوكيل

[youssef_23]

فاستخف قومه فاطاعوه
سابقا
والان
واستخف قومه فنقلوه وبجلوه

[khaliiiiid]

لاحول ولاقوة إلا بالله

[MN3M]

إحنا أصلا عالم فاضيه ..
يعنى هوا رمسيس ده كان أشتكى لهم من مكانه ؟؟
ولا لو كان فضل فى الميدان كان هيبوظ ؟؟
دى أصلا منظره و كلام فارغ علشان العيون كلها تبص علينا و على المقاولين العرب !!
مش كان أولى بالفلوس دى الأطفال اليتامى و مرضى السرطان ؟!

[disco]

علي فكره ومن غير زعل انت الي شكلكم فضين وفيها ايه يعني انهم ينقلم التمسال ويعمل ضجه .. اكيد ده ضروري لئن ده اصر ومش معنه انه لقب بآسم ملك الملوك يبقا عده الحدود .. لئن كل واحد مننا ملك في ارضه وفي مكانه وعلي فكره مصر ام الاصاله والتاريخ وانا افتخر اني مصري والي عنده رئي تاني يقوله

[sigma]

السلام عليكم

و الله أنا عضو فالمنابر من حوالي سنتين و ده أول مره أكتب فمنبر أطراف الحديت بس الموضوع ده بجد غيظني أنا مصري و عايش فالمغرب بس اللي حصل امبارح بخصوص التمثال كان بجد شيئ محزن لينا كمسلمين و كمصريين .
11ساعه احتفال بتمثال واحد كان بقول ان ربنا. بقى ده يصح يا جماعه.
وكمان ده وقت احتفال الناس اطحنت فلبنان و احنا بنحتفل على الأقل الفلوس ده كان أولى بيها الناس الغلابه و المحتاجين .
امبارح بجد و التمثال ماشى فالطريق كنت حاسس و كاني والله رجعت يجي 1000 سنه لورا.

الحاجه الوحيده اللي تتقال.

اللهم ان هدا منكر
اللهم ان هدا منكر
اللهم ان هدا منكر
اللهم ان هدا منكر

و أسف على الاطاله

[S.Badr]

ومش معنه انه لقب بآسم ملك الملوك يبقا عده الحدود .. لئن كل واحد مننا ملك في ارضه وفي مكانه

ايواااااااااا .. لو كانو قالو الملك رمسيس .. مكانش جرا حاجة .. لانه كان حاكم مصر في فترة من الفترات .. انما ملك الملوك .. لا مينفعش .. لان ملك الملوك هو الله .. هو الملك الجبار .. صاحب الملك والملكوت وله العزة والجبروت .. مينفعش يبقى رمسيس ملك الملوك .. دي واحد

وعلي فكره مصر ام الاصاله والتاريخ وانا افتخر اني مصري والي عنده رئي تاني يقوله

بالظبط كده .. مصر أرض الكنانة .. منها نبع العلم ونبعت الحضارة .. منها خرج قطز .. وبجنودها حرر صلاح الدين المسجد الأقصى .. وهي التي ذكرها الله تعالى في قرآنه فهو يتلى الى قيام الساعة .. وهي التي أوصى بها رسول الله صلى الله عليه وسلم .. فقال : { استوصوا بقبط مصر خيرا فإنهم خير أجناد الأرض } أو كما قال صلى الله عليه وسلم ..

وأنا مصري وأفتخر أني قبطي مسلم .. على فكرة .. قبطي يعني مصري

[disco]

انا اسف يا سامي بس انا فكرة ان المقصود بالموضع الاستخفاف بمصر او التقليل من شئنها وعلي العموم هوه فعلن مش ده وقت ينقله فيه التمسال واخوتنا العرب بيعانو من الحتلال وانا والله وكل المصرين نفسنا المعلم حسني مبارك يقول يله ياولاد رحو حربو تقوم حرب علي اليهود الاسرائلين والامركان وحنا انشاء الله هنكون اؤل المشاركين وان شاء الله ربنا هينصر العرب والمسلمين

[S.Badr]

انا فكرة ان المقصود بالموضع الاستخفاف بمصر او التقليل من شئنها

دا الي يقلل من شأن مصر .. دانا كنت اقطعه .. صحيح انا في الجيش حاليا .. وانا سني كبير مش صغير .. وخرجوني من شغلي ومكتبي .. بس برده .. ولو

لو لم اكن مصريا لوددت ان اكون مصريا

العيب مش في مصر .. العيب في الي ............ .. ولا بلاش عشان الموضوع مايتحذفش

[almt3alim]

يا جماعة أرجوكم جاوبو على سؤالي:
ماهو إسم الفرعون المذكور في القرآن . .. لعنه الله ولعن كل من مجده.؟؟؟؟؟؟؟؟؟؟؟؟؟