موضوع: درس بسيط عن : Set Drivin Key

ردود: 9 | زيارات: 1075
  1. #1
    عضو فعال
    صور رمزية MAB991
    تاريخ التسجيل
    May 2006
    المنطقة
    المملكة العربية السعودية
    ردود
    276

    درس بسيط عن : Set Drivin Key

    السلام عليكم
    حبيت اعمل درس بسيط عن خاصية : Set Drivin Key طلبه الاخ المتيوتي وحبيت يكون للجميع , ان شاء الله ينتفعو به

    اول شي اشرح عمل الخاصية هادي : Set Drivin Key باختصار هي ربط قناتين ببعض , بمعنى ممكن اخلي دوران عجلة سيارة يتأثر بتحريك السيارة , يعني ما يحتاج اعمل انيميشن للعجلات فقط احرك السيارة والعجله سوف تتحرك تلقائياً (توفير وقت)
    طبعا تقدر تربط اي قناتين تبغاها ممكن تخلي لما السيارة تتحرك الاضاءة تقوى !! على كيفك يعني , خاصيه مره مفيدة بس انت فكر متى تستعملها

    ادخل في الموضوع ...

    انا عملت مستطيل وسميته Car وعملت اسطوانه بسبعة اوجه (عشان تبان الحركه) وسميتها Wheel (كل جسم في Layer ) طبعا لازم تسنتر كل جسم في المنتصف بالضغط على F2 .

    تذهب للـ layout وتحط كل جسم في مكانه المخصص .
    بعد كدا تختار العجله وتذهب لـ Motion option بالضغط على (m) وتربط العجله بالسيارة والصورة توضح :_


    بعد كدا وانت مختار العجله تذهب للـ Graph Editor موجود على الركن الاعلى الايسر , وتختار القناة الي تبغا تربطها بالسيارة طبعا حتكون الدوران B (او على حسب ما تريد ) , بعد كدا تذهب لقائمة Modifiers وتختار من القائمة Set Drivin Key والصورة توضح :_


    وتدخل على الاختيارات الموجوده في الخاصية بالضغط مرتين على الخاصية في الحقل , حيجيك اختيارات اخرى والصورة توضح :_


    في الصورة السابقة :
    تختار تحت Car القناة التي تريد ربط بها قناة الدوران للعجله (طبعاً بما انك اخترت Car معناته تريد ربط الكفر بالسيارة )
    طبعا انا ححرك السيارة على الـX axis يعني حختاره .

    وبعد كدا تعدل في الخيارات على كيفك
    Time Lag= تعني الوقت الذي تريد فيه العجله ان تبدأ التأثر بالجسم (بالثانية) , طبعاً حسيبها على صفر .

    Scale = تعني مدى تأثر القناة (انا مختار السالب لأني سوف احرك السيارة على اليسار وطبعاً اليسار سالب ) وليها تفسير اخر بس ما ابغا اشتت افكاركم

    Start frame = بداية التأثير من فريم كم .. (طبعاً صفر عشان تبدأ من البداية)
    End Frame = نهاية التأثير من فريم كم .... ( -1 معناته مالا نهايه ! عشان ما حترجع للفريم رقم -1 )

    انت جرب في العيارات على كيفك لين ما تزبط السرعتين مع بعض
    بعد كدا طبعا اضغط اوكي.

    وجرب تحرك السيارة حتلاقي العجله تتحرك مع السيارة من غير ما تمسك العجله (سحر )


    كلمة اخيرة : طبعا تقدر تربط اكثر من قناة بقناة اخرى , يعني ممكن تخلي السيارة وهي تلف الكفر يلف معاها , وزي ما قلت مو شرط تكون سيارة وعجله ممكن يكون اي شي تبغا تربطه بشي تاني


    سامحوني اخواني اذا شرحي مو تمام , اول مره اعمل درس وقصدي اني انفع الجميع ان شاء الله واي اسئله انا موجود

    تحياتي وللأمام...
    أخوكم/ محمود عبدالوهاب بغدادي


    مؤسس موقع ماب التقني لمعاينات ومقارنات الجوالات والأجهزة اللوحية
    www.TechMAB.com

    محفظة الأعمال الخاصة بالثري دي والأنيميشن
    www.CreativeMAB.com


  2. #2
    عضو متميز
    تاريخ التسجيل
    Jul 2005
    ردود
    2,228
    تعجبني يا بَطل ..
    والصراحة أخي MAB ذكرتني بأيام الأنميشن، أتذكر عملت أشياء كثيرة وما كنت أحفظهم في الكمبيوتر بس القليل منهم فقط ، وكنت مسوي Rig لسيارة بالضبط نفس الطريقة مع Set Drivin وعملت الرج مرة أخرى على سيارة ميني كوبر وكان أول أنميشن أعمله 60 فريم (ثانيتين فقط ) هههه.

    اذا تسمح لي أخي لأنه مازال عندي ملف الـRig أقدر أخلي وصلة تنزيل هنا في درسك ليكون مثالا عليه؟

    والسموحة على الكلام الكثير

  3. #3
    يا سيدي شرح تمام التمام
    وألف شكر لك على المجهود الذي قمت به .
    نتمنى نرى منك مشاركات اكثر .
    خمسة عشر رجلا ماتوا من أجل صندوق

  4. #4
    عضو فعال
    صور رمزية MAB991
    تاريخ التسجيل
    May 2006
    المنطقة
    المملكة العربية السعودية
    ردود
    276
    سلام اخي مافيا
    يا عمي حط الي تبغاه انا كل قصدي افيد الجميع بالعلم القليل جداً الي اعرفه

    اخي جون سلفر طمنتني على الشرح مشكور , كنت خايف محد يفهم !
    وبعدين من ناحية المشاركات , انا بحاول اشارك قد ما اقدر معاكم ولكن انا ادرس الان وعندي كذا عمل لازم اخلصه في اوقات محدده , وان شاء الله نستفيد من بعضنا

    تحياتي وللأمام....
    أخوكم/ محمود عبدالوهاب بغدادي


    مؤسس موقع ماب التقني لمعاينات ومقارنات الجوالات والأجهزة اللوحية
    www.TechMAB.com

    محفظة الأعمال الخاصة بالثري دي والأنيميشن
    www.CreativeMAB.com

  5. #5
    مشرف منبر Lightwave & Modo
    صور رمزية المتيوتي
    تاريخ التسجيل
    Dec 2005
    ردود
    4,054
    الف شكر لك اخي MAB991 وجزاك الله الف خير
    الشرح وافي وكافي وجميل
    وان شاء الله ما ننسى مواقفك الجميلة معنا



    بعد اطلبك شي

    درس الظباب الللي وعدتني فيه

    تحياتي لك

  6. #6
    عضو متميز
    تاريخ التسجيل
    Jul 2005
    ردود
    2,228
    بارك الله فيك اخوي MAB ما قصرت..


    هذا مثال على rig لسيارة عامله من فترة وهو يعتمد على طريقة Set Drivin يمكن تسفيدوا منه وتاخذوا فكرة جيدة.
    في أشياء كثيرة ناقصة بس انشاء الله اذا حصلت وقت أعملها.

    http://www.bof3d.com/upload/upload/wh_616860166.rar

  7. #7
    عضو فعال
    تاريخ التسجيل
    May 2006
    ردود
    288

    مشكور أول درس انميشن اطبقه
    وعجبتني طريقة الربط
    ..
    مشكور مافيا على الملف ..

  8. #8
    بارك الله فيك اخي Mab991 وشكر لـ مافيا
    -------------------------------------------------------------
    LW-graher
    creating graphs and charts with LW never been easier


  9. #9
    عضو فعال
    صور رمزية MAB991
    تاريخ التسجيل
    May 2006
    المنطقة
    المملكة العربية السعودية
    ردود
    276
    سلام شباب
    العفو يا شباب يعني انا ما عملت شي كلو درس بسيط , بس اهم شي انو الشرح تمام الحمدلله.

    اخي المتيوتي : من عيوني الدرس بس اصبر عليا شويه عندي كذا عمل فوق راسي من الكليه ويا دوب اخلصه
    مشكور اخي مافيا على الملف جزاك الله خير

    تحياتي وللأمام...
    أخوكم/ محمود عبدالوهاب بغدادي


    مؤسس موقع ماب التقني لمعاينات ومقارنات الجوالات والأجهزة اللوحية
    www.TechMAB.com

    محفظة الأعمال الخاصة بالثري دي والأنيميشن
    www.CreativeMAB.com

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل