Unconfigured Ad Widget

تقليص

إعـــــــلان

تقليص
لا يوجد إعلان حتى الآن.

درس بسيط عن : Set Drivin Key

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • درس بسيط عن : Set Drivin Key

    السلام عليكم
    حبيت اعمل درس بسيط عن خاصية : Set Drivin Key طلبه الاخ المتيوتي وحبيت يكون للجميع , ان شاء الله ينتفعو به

    اول شي اشرح عمل الخاصية هادي : Set Drivin Key باختصار هي ربط قناتين ببعض , بمعنى ممكن اخلي دوران عجلة سيارة يتأثر بتحريك السيارة , يعني ما يحتاج اعمل انيميشن للعجلات فقط احرك السيارة والعجله سوف تتحرك تلقائياً (توفير وقت)
    طبعا تقدر تربط اي قناتين تبغاها ممكن تخلي لما السيارة تتحرك الاضاءة تقوى !! على كيفك يعني , خاصيه مره مفيدة بس انت فكر متى تستعملها

    ادخل في الموضوع ...

    انا عملت مستطيل وسميته Car وعملت اسطوانه بسبعة اوجه (عشان تبان الحركه) وسميتها Wheel (كل جسم في Layer ) طبعا لازم تسنتر كل جسم في المنتصف بالضغط على F2 .

    تذهب للـ layout وتحط كل جسم في مكانه المخصص .
    بعد كدا تختار العجله وتذهب لـ Motion option بالضغط على (m) وتربط العجله بالسيارة والصورة توضح :_


    بعد كدا وانت مختار العجله تذهب للـ Graph Editor موجود على الركن الاعلى الايسر , وتختار القناة الي تبغا تربطها بالسيارة طبعا حتكون الدوران B (او على حسب ما تريد ) , بعد كدا تذهب لقائمة Modifiers وتختار من القائمة Set Drivin Key والصورة توضح :_


    وتدخل على الاختيارات الموجوده في الخاصية بالضغط مرتين على الخاصية في الحقل , حيجيك اختيارات اخرى والصورة توضح :_


    في الصورة السابقة :
    تختار تحت Car القناة التي تريد ربط بها قناة الدوران للعجله (طبعاً بما انك اخترت Car معناته تريد ربط الكفر بالسيارة )
    طبعا انا ححرك السيارة على الـX axis يعني حختاره .

    وبعد كدا تعدل في الخيارات على كيفك
    Time Lag= تعني الوقت الذي تريد فيه العجله ان تبدأ التأثر بالجسم (بالثانية) , طبعاً حسيبها على صفر .

    Scale = تعني مدى تأثر القناة (انا مختار السالب لأني سوف احرك السيارة على اليسار وطبعاً اليسار سالب ) وليها تفسير اخر بس ما ابغا اشتت افكاركم

    Start frame = بداية التأثير من فريم كم .. (طبعاً صفر عشان تبدأ من البداية)
    End Frame = نهاية التأثير من فريم كم .... ( -1 معناته مالا نهايه ! عشان ما حترجع للفريم رقم -1 )

    انت جرب في العيارات على كيفك لين ما تزبط السرعتين مع بعض
    بعد كدا طبعا اضغط اوكي.

    وجرب تحرك السيارة حتلاقي العجله تتحرك مع السيارة من غير ما تمسك العجله (سحر )


    كلمة اخيرة : طبعا تقدر تربط اكثر من قناة بقناة اخرى , يعني ممكن تخلي السيارة وهي تلف الكفر يلف معاها , وزي ما قلت مو شرط تكون سيارة وعجله ممكن يكون اي شي تبغا تربطه بشي تاني


    سامحوني اخواني اذا شرحي مو تمام , اول مره اعمل درس وقصدي اني انفع الجميع ان شاء الله واي اسئله انا موجود

    تحياتي وللأمام...
    أخوكم/ محمود عبدالوهاب بغدادي


    مؤسس موقع ماب التقني لمعاينات ومقارنات الجوالات والأجهزة اللوحية
    www.TechMAB.com

    محفظة الأعمال الخاصة بالثري دي والأنيميشن
    www.CreativeMAB.com

  • #2
    تعجبني يا بَطل ..
    والصراحة أخي MAB ذكرتني بأيام الأنميشن، أتذكر عملت أشياء كثيرة وما كنت أحفظهم في الكمبيوتر بس القليل منهم فقط ، وكنت مسوي Rig لسيارة بالضبط نفس الطريقة مع Set Drivin وعملت الرج مرة أخرى على سيارة ميني كوبر وكان أول أنميشن أعمله 60 فريم (ثانيتين فقط ) هههه.

    اذا تسمح لي أخي لأنه مازال عندي ملف الـRig أقدر أخلي وصلة تنزيل هنا في درسك ليكون مثالا عليه؟

    والسموحة على الكلام الكثير
    (الناس أعداء ما جهلوا)

    تعليق


    • #3
      يا سيدي شرح تمام التمام
      وألف شكر لك على المجهود الذي قمت به .
      نتمنى نرى منك مشاركات اكثر .
      خمسة عشر رجلا ماتوا من أجل صندوق

      تعليق


      • #4
        سلام اخي مافيا
        يا عمي حط الي تبغاه انا كل قصدي افيد الجميع بالعلم القليل جداً الي اعرفه

        اخي جون سلفر طمنتني على الشرح مشكور , كنت خايف محد يفهم !
        وبعدين من ناحية المشاركات , انا بحاول اشارك قد ما اقدر معاكم ولكن انا ادرس الان وعندي كذا عمل لازم اخلصه في اوقات محدده , وان شاء الله نستفيد من بعضنا

        تحياتي وللأمام....
        أخوكم/ محمود عبدالوهاب بغدادي


        مؤسس موقع ماب التقني لمعاينات ومقارنات الجوالات والأجهزة اللوحية
        www.TechMAB.com

        محفظة الأعمال الخاصة بالثري دي والأنيميشن
        www.CreativeMAB.com

        تعليق


        • #5
          الف شكر لك اخي MAB991 وجزاك الله الف خير
          الشرح وافي وكافي وجميل
          وان شاء الله ما ننسى مواقفك الجميلة معنا



          بعد اطلبك شي

          درس الظباب الللي وعدتني فيه

          تحياتي لك

          تعليق


          • #6
            بارك الله فيك اخوي MAB ما قصرت..


            هذا مثال على rig لسيارة عامله من فترة وهو يعتمد على طريقة Set Drivin يمكن تسفيدوا منه وتاخذوا فكرة جيدة.
            في أشياء كثيرة ناقصة بس انشاء الله اذا حصلت وقت أعملها.

            http://www.bof3d.com/upload/upload/wh_616860166.rar
            (الناس أعداء ما جهلوا)

            تعليق


            • #7

              مشكور أول درس انميشن اطبقه
              وعجبتني طريقة الربط
              ..
              مشكور مافيا على الملف ..

              تعليق


              • #8
                بارك الله فيك اخي Mab991 وشكر لـ مافيا
                -------------------------------------------------------------
                LW-graher
                creating graphs and charts with LW never been easier

                تعليق


                • #9
                  سلام شباب
                  العفو يا شباب يعني انا ما عملت شي كلو درس بسيط , بس اهم شي انو الشرح تمام الحمدلله.

                  اخي المتيوتي : من عيوني الدرس بس اصبر عليا شويه عندي كذا عمل فوق راسي من الكليه ويا دوب اخلصه
                  مشكور اخي مافيا على الملف جزاك الله خير

                  تحياتي وللأمام...
                  أخوكم/ محمود عبدالوهاب بغدادي


                  مؤسس موقع ماب التقني لمعاينات ومقارنات الجوالات والأجهزة اللوحية
                  www.TechMAB.com

                  محفظة الأعمال الخاصة بالثري دي والأنيميشن
                  www.CreativeMAB.com

                  تعليق

                  يعمل...
                  X