شخصيات من روايات مصرية للجيب- فلاش

[mhdmhd]

والله ان فرحت وتفائلت جدا من الردود بعد الاحباط .
انا كنت مهتم بشخصيات فلاش لانها بسيطة وقصصها موجودة من الاساس ومرسومة كستورى بوردstory board ولكن اتضح انها قد تم تنفيذها سابقا وبمستوى ليس بقليل ولكن ما اجهله هل يحتوى على تحريك ام لا ؟ , على العموم لو فيه اى قصة اخرى خفيفة وظريفة وشخصيات معبرة باذن الله ممكن اشترك فيه حتى لو كانت المستوى اعلى من كده بس منجيش نقول عيزين نعمل final fantasy برضه كل شئ بالعقل
اهم شئ الخبرة واحنا مفيش خبرة انا مبقولش خبرة فى النمذجة ولا التحريك انا اقصد خبرة الانتاج,علشان كدة انا اخترت حاجة معقولةمثل قصص فلاش ونتائجها رغم البساطة فهى مزهلة وممتعة.

[MN3M]

بالتوفيق إن شاء الله يا رجاله..

[A3S]

ربنا يوفئك و تنفذ الفكره لأنها حلوه و كمان مفيش مشكله لو كانت اتنفذت قبل كده انا عارف انها اتنفذت بس مع بعض الأختلاف بس كمل فكرتك انشاء الله هتكون حلوه و ربنا معاك

[مصمم_محترف]

السلام عليكم .. لا أدرى هل final fantasy مقياس لجودة الجرافيك .. بالطبع لا .. وإلا وكانت أكبر شركات الجرافيك ( PIXAR ) تتبعت خطاه .. ده غير أن الفيلم لم يحقق الايرادات المتوقعة .. ومع هذا فإن سلسلة أفلام final fantasy تستحق كل تقدير واحترام .
ومش عايز أقول كلام أحلام ولكن كل شىء ممكن .. وانا أتوقع ايه اللى ممكن يدور فى ذهن كل واحد يقرأ الاقتراح : ... ياه دى ناس بتحلم ... وهما حييجوا ايه جنب بتوع برة .. واللى حيقول يا ترى مين يعيش علشان يشوف حاجة زى كدة ................! مش حنعمل حاجة
بس أحنا مش شوية وممكن نعمل حاجات أحنا نفسينا مكناش نفتكر ان احنا نقدر نحققها ..
كل واحد يقدر يعمل حاجة مميزة حيشترك ويتعلم من الآخرين ونرفع مستوى بعض ، احنا عايزين ناس تعرف فى القصة وفى التصميم وفى التلحين والاخراج ... والناس دى موجوة وعايزة فرصتها وانا مستعد قدر الاستطاعة انا أوفر أجهزة للريندر .. وأى سؤال أو أقتراح انا ححاول الرد عليه بسرعة .

[mhdmhd]

نخش فى المهم من غير كتر كلام
عايزين القصة اولا ثم بعد ذالك رسومات الشخصيات فى وضعية النمذجة حرف Tورسومات اخرى توضح كيف تتحرك وتعبر(كل مالصور تبقى احسن المودل يطلع احسن), واذا كان طول العمل اكثر من عشر دقائق يبقى لابد من ستورى بورد.
الملخص (المرحلة الاولى على الاقل):
1-مؤلف وقصة
2-رسام شخصيات يراعى ان الصور سوف تستخدم فى النمذجة بشكل اساسى
3- رسام ستورى بورد

[مصمم_محترف]

صبرك على .. انا قصدى ان احمس الناس للمشاركة ..
ومن قبل قلت ان الفكرة عندى محتاجة للتطوير .. ومن غير كتر كلام أنا عايز أقول ملحوظة : أنا مراعى الامكانيات الحالية وفكرة الفيلم إن شاء الله تكون فى حدود الامكانيات لإن معظم الشخصيات فى شكل Ropots ومخلوقات فضائية ودى ميزة كويسة علشان نخرج من مقارنة الخيال بالواقع وكمان المشاهد فى الفضاء الخارجى وعلى كوكب غير الأرض ( خيال علمى ) وسبب نجاح هذه الافلام إن الانسان لم يشاهد الفضاء الخارجى فى الواقع ولكن على شاشات السينما والتليفزيون . ( انا مش قادر أقول كل اللى عندى بس إن شاء الله ممكن تعرفوا فكرتى مع المشاركة )
فكرة عن الفيلم -نبذة صغيرة جدا- : ( ارجو النقد ) :-
مقدمة : فى المستقبل تنفذ كل موارد الأرض مثل ( البترول - الحديد .. وما شابه ) ويكون المورد الجديد على أحد الكواكب حيث اكتشف عليه موارد مثل الموجودة على الأرض وموارد لم تكن موجودة من قبل ، ولكن الانسان لا يستطيع الحياة على هذا الكوكب أو حتى العمل فيه لاستخراج الموارد ونقلها للارض وكان الحل فى الاكتشاف الخارق للكائنات الحية الدقيقة التى تعيش على هذا الكوكب والتى عمل العلماء على تطويرها لتصبح مخلوقات تحيا على هذا الكوكب تعمل لخدمة الانسان ( كالعبيد ) وكان التحكم فى هذه المخلوقات عن طريق أول مخلوق يتم استنساخه حيث كان الأم لهذه المخلوقات - وكان العلماء يطورون الأم لتصبح الأقوى فى قومها لتتحكم بهم وبدورهم يتحكم العلماء بها .. ولكن ..تنقلب الامور وتقرر الام تحرير شعبها من الاستعباد بل والسيطرة على البشر ويكون الانسان فى خدمتهم وليس العكس .
وهنا تبدأ الاحداث فى الحرب الجديدة القادمة للارض من الفضاء الخارجى ويقرر المسئولين بارسال سفن فضاء قتالية لصد الهجوم على كوكبهم ولكن تفشل المحاولة ، ويكون الموقف خطيرا ويظهر الحل على أيدى علماء كانوا يعملوا على صنع Ropots من مواد وخامات جاءت من سطح كوكبهم ولم تكن موجودة على الارض ويبدأوا فى استخدامهم فى الدفاع عن الارض وإرسالهم للكوكب للقضاء على الأم وإعادة السيطرة على الكوكب ، وتبدأ الحرب العنيفة بين Ropots والكائنات الفضائية ..... تمت مؤقتاً

طبعا أنا معرفش رأيكوا ايه .. بس أنا مش مؤلف ، بس الفكرة ديه كانت فى بالى فى حدود الامكانيات ..! ليه ... لإن تصميم Ropots وتحريكه أسهل من الانسان ، وأيضا تصميم مخلوقات فضائية فيها شيئ من الحرية فى الشكل ده غير التصوير فى الفضاء وحرية تصميم المشاهد ..
وانا كنت بفكر فى عمله لوحدى ولكن بعد عمر طويل ولكن لو فيه مشاركة ممكن نجتمع ونناقش ونقترح ونصل إلى حلول .. ومبدأياً المرحلة الاولى :

1- انا قولت فكرة القصة عايز واحد مؤلف كويس يعالجها ويكتبها .
2- وعلى ما تكتب القصة محتاجين تصميم اسكتشات للـ Ropots وكائنات فضائية .

وأخيراً .. يا جماعة والله الموضوع بحق يستاهل التفكير وكل واحد ممكن يعرف حد ممكن يشارك فى الموضع يبلغه .. وله الأجر عند الله .

[mhdmhd]

ايه يا عم الحلاوة دى براحة علينا انت داخل دخلة جامدة اوى,
بصراحة فكرة رائعة اتمنى ان اشترك فيها.

كان فيه قصة قبل كدة شوفتها فى المنابر عن قدماء المصريين مدمجة مع العصر الحديث
لو حد يعرف الموضوع لو يسمح يذكره.

[فلاشــــــــــاوي]

............................................

[mobenga]

نعم اشجع الفكرة بشده جداااااااااااااااااااااااااااا
فانا كنت من قارئات روايات مصريه للجيب
وسلسه فلاش تتضمن مغامرات لطيفه للاطفال تنفع تكون افلام قصيرة
فكرة هايله بصراحه
احييكم عليها

[مصمم_محترف]

من الواضح ان اقتراحى يجب ان يكون فى موضوع مستقل لإن غالبية المشاركين يدخلوا المناقشة بسبب فلاش .. وسوف أبلغكم بمكان المشاركة عند إضافتى له فى المنتدى .. شكرا

[lancer]

السلام عليكم ورحمه الله وبركاته
هناك سلاسل نسيتموها وهي ممتعه للغايه
زي سماش و بليه العجيب
انا في راي ان مغامرات بليه امتع من فلاش

[فلاشــــــــــاوي]

السلام عليكم ورحمه الله وبركاته
هناك سلاسل نسيتموها وهي ممتعه للغايه
زي سماش و بليه العجيب
انا في راي ان مغامرات بليه امتع من فلاش

واللهي فكرة.....بلاش فلاش...خليها سماش...