بداية تصميم سيارة صغيرة

[MAB991]

سلام شباب
كنت طفشان فـ قلت اعملي سيارة على الماشي كدا !
طبعاً اليوم بدأت فيها , وقلت افتح موضوع في المنتدى اعمل شوية حركة تنشيط
الهم الصورة تحت , بس مح اقول ايش السيارة , اباكم انتو تفكرو ايش حتكون السيارة بعد ما اخلصها ان شاء الله , طبعاً الناس الي تحب السيارات اكيد حتعرف...
معلومات السيارة :_
1- غير موجوده في الخليج العربي , غالباً في اوروبا .
2- من اصغر انواع السيارات
3- يبدأ اسم الشركة بحرف (أ) ويبدأ اسمها بحرف (أ)

مع الصورة :


تحياتي وللأمام....

[المتيوتي]

جميل جدا

ما رئيك ان تحولها إلى ورشة حتى نستفيد لأن بنفسي اصمم سيارة من زمان
ونزلت سي دي كاملة لتصميم سيارة من شركة نسيت اسمها تقريبا vtc يعني مثل هذه الأسم
ولكن طلع يصمم نصف سيارة والباقي علينا

المهم
إذا تحب حولها إلى ورشة وان شاء الله اكون متواجد واصمم

اما اسم السيارة فما اعرف اسمها

ولكن يمكن السيارة التي تدور من الوراء ومن الأمام
سيارة نزلت جديد
والله اعلم

[dots]

مشاء الله اخوي mab بدايه موفقه
امم بس لازم نشوف السياره كامله ..
اممم حرف الألف السياره
مع اني مافهم في السيارات
بس أتوقع السياره اللي تسويها
امم اودي7 Q
بس الأودي من اصغر السيارات بالعالم
ننتظر التطورات بفارغ الصبر ..

[MAB991]

سلام شباب
المتيوتي : ما عندي مانع احولها ورشة عشان الكل يستفيد
بس عندي سؤال !!
انا ما عمري عملت ورشة ولا شاركت في ورشة !
فـ قلي كيف ممكن ابدأ وما عليك نشتغل سوى , تحب اديك البلو برنت وتشتغل ولما توصل للمرحلة الي انا وصلتلها نكمل سوى ؟

اخي dots : مشكور على المرور بس السيارة مو Q7 , انا قصدي بأصغر السيارات اعني انها صغيرة في الحجم شي زي الايكو كدا ! بس على العموم قربت

تحياتي وللأمام...

[MAFIA_]

سلام

أعتقد أنها ألفا روميو بس منحنياتها تقريبا تشبه الأودي.

جميل أن تصمم سيارة .. بس انشاء الله تكملها إلى الرندر.. مو مثلي سويت سيارة كاملة تقريبا بس الأضواء ما صممتها إلى يومك هذا ههههه :d

بالتوفيق أخي Mab

[وائل خليل]

(شغل عدل)
اتوقع انها اودي
كلنا بانتظار المزيد
ممكن نشوف Wireframes ، تكفا
تحياتي

[MAB991]

سلام شباب
اخي مافيا ان شاء الله اكملها لأني انا اصلاً جالس اعمل هادي السيارة تجربه لبعض الاشياء اما هدفي الحقيقي هيا سيارة فيراري 599 الجديدة اذا تعرفها

اخي وائل هادا الواير , طبعاً يبغاله تعديل لكن هادا مبدأي



تحياتي وللأمام...

[المتيوتي]

الله يوفقك اخي
هذي السيارة فيراري ؟؟

انا اعرف الفيراري تجي عريضة


اخي بخصوص الورشة تابع عملك واتحفنا بالأعمال الجميلة وان شاء الله نفتح ورشة جديد لتصمم السيار

[john_silver]

جميل جدا
تذكرني بدرس قديم في موقع لايت ويف .
استمر وبالتوفيق .

[MAFIA_]

599 2007 اختيارك في محله

والواير جميل ومرتب
وإلى الحين ما شوف مثلثات (بولجينز)
كثر ما تقدر حاول أن ما تحصل على مثلثات

ماشاء الله

[MAB991]

سلام شباب
اخي المتيوتي هادي مو فراري , انا قصدي انو هادي السيارة كدا على الماشي بس انا اصلاً ابغا اعمل الفراري 599 الجديدة
اخي مافيا طبعا انا دايمن احب اخلي المودلنج حقي نظيف بس بعض الاحيان تضطر تعمل بوليجونز مثلثه زي في الجنوط لو تلاحط في الاسفل .
اخي جون سلفر , فينك يا راجل مستنيك من اول تعدي على العموم اهلاً بيك واذا عندك اي تعليقات احنا حاضرين .

اضيف لكم شوية تطورات على العمل , عملت اللمبات الامامية :_


وكمان الجنوط والكفر , بس ما ادري حاسس في شي غلط في الكفر !!


وهادا الواير عشان الي يبغا يشوف كيف


ها ايش رأيكم ايش الغلط ؟
ايوا صح اكيد دحين حيبان نوع السيارة من الجنوط

تحياتي وللأمام....

[john_silver]

الله يخليك يا رب
لسه بدري على التعليقات في رأيي ولكن سأكتفي بالمتابعة .
انا حاسس ان الجنط نحيف جدا ما ادري لكن كيب ات اب
بس كيف في الانجليزي

[ابوالعز]

تطورات جميلة اخوي ...

واااصل ...
السيارة توقعها اودي ...

[MAB991]

سلام شباب
اهلاً بيك اخي جون سلفر , والله ماني متأكد من حكاية الجنط نحيف ! انا اقول انه تحسه ناعم ! بس برضو ماني مقتنع ههههههه , على العموم خلينا نشوف تعليقات الاخوة الباقين

اهلاً بيك ابو العز , السيارة خلاص باينه انها اودي , بس الي يفهم في السيارات يقول موديلها

تحياتي وللأمام....

[MAFIA_]

تمام .. بس ما دري أخي يمكن التاير يحتاج شوية تعديلات خفيفة أو يمكن علامة الأودي مو موجودة على الكيبات .. اخذ نظرة على صور التايرات في Google ما يضرك