غزو امريكي لمصر عام 2015 ان شاء الله

[mansy1985]

السلام عليكم و رحمه الله و بركاته

الموضوع قديم شويه( اتنشر من حوالي اسبوعين في جريدتي ليبراسيون و لوموند الفرنسيتين و لم يتم نفيه من الامريكان حتي الان)و انا معرفشي حد اكلم في الموضوع ده علي المنابر قبل كده ولا

المهم الموضوع ببساطه ان الامم المتحده(علينا) و مجلس الامن طلعو قرارات بنشر قوات دوليه في دارفور و طلبت امريكا انها تشارك بتلتين القوات علي اساس ان الناس بتوع السودان صعبانين عليها عشان امريك تحمل مشعل الحريه في العالم و الكلام الخرط ده.

الفكره من القرار ده هو احتلال السودان ثم مصر سنه 2015 ازاااااااااااي اقولك انا ازاي.

الاول حيعملو نظام حكم تاني في السودان موالي للامريكان (ما بيفكركشي بحاجه ده) عشان يغيرو اتفاقيات الميه و يعملو ازمه جامده في مصر(زي كده الحصار الاقتصادي للعراق بس من ناحيه المياه)و بعد لما يتاكدو من اضعاف الدوله تمام حيبقي النظام السوداني مساعد في عمليه الغزو بمعني انه يساعد في دفع قوات مشاه في الصفوف الاماميه مع ترك عمليات القصف و الصواريخ للامريكان(ما بيفكركشي بحاجه ده)
و كمان ناويين يبشرو صواريخ ارض ارض للتهديد بضرب السد العالي(لو اضرب حيحصل فيضان يفني تلتين سكان مصر تقريبا)

و كمان عاوزين يعملو مشاريع عملاقه لنقل مياه النيل من مصر لاسرائيل عشان اسرائيا نوعا ما عندها ازمه مياه و بتستورد مياه من تركيا و بالمره يسيطرو علي قناه السويس

الموضضوع ده بجد مش فرقعه صحفيه و الغزو الي حصل في افغانستان و العراق كان متخطط له من زمان قوي من قبل هجمات امريكا بكتير قوي

و ربنا يسترها معانا

[diaaking]

ان نصر الله قريب ..ان الله لا يغير ما بقوم حتي يغيروا ما بانفسهم ...

[فلاشــــــــــاوي]

طب ليه "إن شاء الله"...

متهيألي حتحصل تغييرات جزرية في مصر خلال السنتين اللي جايين دول...هيغيروا كل الخطط الموضوعة..

[فدائي]

هههههههه
دى اوشاعه مغرضه علشان تبوظ العلاقه بنا وبينهم
اللى قال كده عنده عقده اضطهاد للامريكان
او بيروج لنظريه المؤامره
حرب ايه واحتلال ايه يا راجل
ناقص كمان تقول ان فى اقليه جوه مصر هما اللى بيخططوا لكده وبيساعدوا على التخطيط ده
وبينشروا اكاديب عن اضطهادهم وان الشعب المصرى بياكلهم صاحيين
لالالا
اوعى تقول كده

[mansy1985]

يا سيدي هوه انا جايب الكلام ده من عندي و لا مألفه

و عامه من الخطط الموضوعه انهم يعملو فتن في كل من مصر و السودان عشان يشغلونا بحروب داخليه تضعفنا اكتر و الكلام ده برضه من الجرايد الي انا ذكرتها عندك مثلا مؤتمر اقباط المهجر الي قعد يكلم عن الاضطهاد في مصر من المسلمين الوحشين الي بيعذبوا النصاري و خلافه ما هو اتعمل في امريكا برعايه امريكيين( منهم السناتور الي قال ياريت نضرب الكعبه بالرؤوس النوويه ردا علي هجمات سبتمبر)بهدف عمل فتنه جوه مصر

في مسلسل امريكاني بيتمثل في المنطقه بس الي مبطأ السيناريو حركات المقاومه الي موجوده في كل حته و مطلعا عينهم و الي يقول غير كده اكيد غلطان و مافيش حاجه اسمها نظريه المؤامره بس فيه مؤامره فعلا
مع احترامي طبعا لكلامك

[btahar]

اسرائيل وأمريكا محتلين عقول أصحاب القرار في مصر ليش يحتلوا الأرض ويأتون بالجيوش أصلا مصر هي الولاية 51 للولايات المتحدة الأمريكية

[youssef_23]

امريكا مش محتاجه تحتل مصر
امريكا خدت من مصر حاجات مش ممكن تخدها بالاحتلال حتى

[فدائي]

ههههههه
عندك حق يا عم منسى بس انا حبيت اهزر معاك
انا بقولك اللى ممكن يتقال على كلامك

[fantasya]

السلام عليكم

انا كنت بس عايز اقول رأيى الشخصى

انا من اكتر الاشخاص اللى بتتمنى ان موضوع الحرب ده يبدأ عشان تكون نهايه غشوميه امريكا

و فى نفس الوقت الواحد ما يقدرش يتمنى وقوع الشر

طبعا فى الوقت الحاضر فيه معاهادات بين البلدين و مفيش حد فى البلد يقدر يعمل حاجه

برده ماننساش ان فيه فى البلد ولى امر و يجب اطاعته

بس لو هما اللى بدأو يبقى البادى اظلم

و بالنسبه لموضوع ان امريكا مسيطره علينا بفكرها اوبسياستها او بغيره على سياسه مصر الكلام ده مفيهوش اى شىء من الصحه انا لا انكر ان فيه احيانا ضغوط على البلد بس مش معنى كده انهم مسيطرين علينا

و موضوع التهديدات على السد العالى معلش فى الكلمه احنا مش عندنا ناس نيمين على ودانهم مش من المعقول اسيب حاجه زى السد العالى من غير حمايه ده حتى من باب المنطق

و غير كده الحمد لله الجيش عندنا بخير و بخير اوى وده عن مصادر ثقه فى البلد طبعا انا مش هاتدخل فى التفاصيل بس عشان الاطئمنان فقط

[A.T]

هههههههه
دى اوشاعه مغرضه علشان تبوظ العلاقه بنا وبينهم
اللى قال كده عنده عقده اضطهاد للامريكان
او بيروج لنظريه المؤامره
حرب ايه واحتلال ايه يا راجل
ناقص كمان تقول ان فى اقليه جوه مصر هما اللى بيخططوا لكده وبيساعدوا على التخطيط ده
وبينشروا اكاديب عن اضطهادهم وان الشعب المصرى بياكلهم صاحيين
لالالا
اوعى تقول كده

:d :d :d
الله يجازيك يا فدائى و الله و حشتنى ردودك

[MN3M]

ان نصر الله قريب ..ان الله لا يغير ما بقوم حتي يغيروا ما بانفسهم ...

دول لو جم عندنا هنطلع عليهم الاديم والجديد..
من الأخر هننفخهم..

[فدائي]

:d :d :d
الله يجازيك يا فدائى و الله و حشتنى ردودك

ربنا يكرمك يا A.T

انا من اكتر الاشخاص اللى بتتمنى ان موضوع الحرب ده يبدأ عشان تكون نهايه غشوميه امريكا

و فى نفس الوقت الواحد ما يقدرش يتمنى وقوع الشر

طبعا لان الرسول صلى الله عليه وسلم قال فيما معناه ( لاتتمنوا لقاء العدو ولكن ان لاقيتموه فاسئلوا الله الثبات )او كما قال صلى الله عليه وسلم

دول لو جم عندنا هنطلع عليهم الاديم والجديد..
من الأخر هننفخهم..

بالتاكيد ده هيحصل عارف ليه لان الناس مكبوته من جواها ومستنيه اى حاجه تفش غلها عارف مثلا لما بنفوز فى اى ماتش كوره الناس بتخرج جزء من اللى جواها وتلاقيها كانها انتصرت فى الحرب العالميه من الفرح ليه لانها مش لاقيه اى نصر تانى تفرح بيه....