فلستنـــا ياجـرافيك ...... والله حــــــراااام !!!!!!

[elrssam]

السلام عليكم ورحمة الله وبركاته
أخوانى أعضاء المنابر العليا .. عاملين إيه وإيه أخبار التطوير معاكم ؟؟؟
المهم أدخل فى الموضوع : بكل بساطة أنا عاوز أناقش أسعار الأعمال فى الوطن العربى كله
من الــ 3D مرورا بالــ 2D إلى رسم القصص وخلافه
بصراحة أنا عاوز أعرف هل فى واحد هنا فى المنابر كون نفسه مما يعمل بالجرافيك
يعنى هلى ادخر احد مبلغ يقدر يعتمد عليه فى المستقبل
شىء محير صدقونى
مع العلم ان معظمنا او اغلبيتنا شباب .. يعنى المفروض انهم يدورو على ما هوا سريع ومربح
طبعا الفن شىء كويس مافيه خلاف
لاكن انا عاوز أنظر بنظره أبعدية لما تتجوز ولا تيجى تخطب هاتتقدم وتقول لحماك أيه ؟؟؟
أنا بشتغل مصمم جرافيك !!!!
والله هايقلى يعنى ايه يابنى
ولا تعالى بقى نبص بصه كدا على أسعار المصممين فى كل دوله
ويعينى على أسعار الــ 3D وأهله المساكيييين
والله شىء يحزن مقارنة بالدول الأخرى
ولا تعالى طل وشوف على أسعارنا نحن مصممين ورسامين الــ 2D
كلنا مساااااااااكييييييييين
المشكله انك لو شفت تكلفه تعلم الجرافيك هاتلاقيها غاليه بردو الى حد ما
ناهيك عن الجهد والعرق وأيام السهر الطوال اللى عامله زى أيام الثانوية العامة دى
اعاذنا الله منها أيام
هاتلاقيك بتبزل ماهو أعلى مما تكسب بمراحل كبيرة أوى
طبعا وما خفى كان اعظم
من واحد يكلفك بعمل وبعد ماسيادتك تطحن نفسك فيه وتسهرله عليه أيام يقلك مش عاجبنى
أو ينساك بكل بساطة ولو فكرته يقلك بكل يساطة
بدام ماخدتش الشغل خلاص مادفعشى حقه
مش بالله عليكو دا عين الظلم
ولا تعالى بقى للسرقه واهلها ياااااااااربى أنا واحد من الناس اتسرق منى تصميمات
مانزلتشى السوق اصلا وناس خدت منى شغل ومادفعتليش حقه
ولا تعالى نبص على الوفود الكبيرة اللى داخلة المجال وهما لا يعرفو شىء عن
الفن ولا الرسم ولا الاخراج وال الجرافيك أصلا
بصراحه انا تعبت وفلست على الآخر
أخوانى احنا محتاجين وقفه حاسمة ...وسريعة
عذرا لو طولت عليكم وزهقتكو بس كان فى كلمتين جوايه كنت عاوز أقلهم
والسلام عليكم ورحمة الله

[Shady3D]

موضوعك مهم وهوا بيناقش الجانب الإجتماعى من مهنتنا
طيب بالنسبة لحمايا " ابو العروسة بالمصرى " لما قلت له عن المهنة مكانش فاهم بصراحة غير لما
شرحت له يعنى ايه دى ودى بتتعمل ازاى والتلفزيون والكارتون اقتنع بسرعة وكانش فيها خلاف اطلاقا

بص المصممين هما " فراخ دهب " انت تبيض البيضة وغيرك يبيعها بالوف او ملايين حتا وحصلت كتير
وفى الاخر تاخد مرتبك - تروح يمين شمال بردو مرتبك وشوية بهارات متحبشة بكام ورقة بخمسين وشكرا ليك يابطل

بصراحة انا اعتقد ان المصمم التنفيذى والفنى بيقرف عن الفنى بس بيفرق عن رسام الكارتون
بس انا اعرف ناس بيرسمو كارتون ومرتباتهم حلوة ومش معنى كدا ان الثرى دى مرتباتهم مش حلوة انما من بتبدا من 900
الى 2000 ونت طالع بس بامانة شغل الثرى دى - عصر على الفاضى يعنى مهما تعمل بردو فيه حجات لازم تعيدها بسرعة
ودا بيكون على صحة المصمم ونفسيته صدقونى - معصور معصور يا ولدى

انما لو عاوز تتعلم بجد علشان تشتغل لازم على الاقل 5 سنين متحطتش فى جيبك جنيه من شغلك لغاية ما تتعلم
كويس اوى ولازم بردو يكون عندك متابعة مستمرة دايما - يعنى تتابع الجديد وتشترى سى دىهات تعليمية وحوارات
لان المجال متجدد بسرعة جدا

انما بالنسبة للشغل الى بيتسرق - والله لسه مسروق منى شغلانة كبيرة جدا لمكان ما وبعد ما اتفقو على تنفيذ تصميم
واحد لقيتهم منفذين كل التصميمات - بدون تفاصيل - وبعد ما حصل مشاكل رفعو شغلهم تانى كلو

تحياتى ولسه يا ما نشوف

[Ahmed012]

والله انا حاولت أطرح الموضوع ده هنا قبل كده
لكن ماجاليش نتيجه شافيه

وبالتالي إشتغلت أول شغلانه ليا بمرتب 500 جنيه وكانوا بيخصموا منها حوالي 125 جنيه على التأخير أو الغياب مثلا
ألاقي نفسي في الآخر في إيدي 300 أو 350 جنيه بعد مجهود شهر.
أهل الخير دللنوي إن مرتب مصمم ال3d لا يقل عن 1500 جنيه شهريا ((بعد الخصومات))
فتركت العمل فورا

[فاطمة الزه]

السلام عليكم ورحمة الله وبركاته
انا مهندسة حاسوب لى خمسة شهور بعد بعد تخرجى اشتغل فى مجال التصميم واحول اتعلم 3d ولكن شكلى بصرف نظر بعد هل الكلام والله يعنكم ............ وكل عام وانتم بخير

[maxspider]

موضوع جميل جدا أخي ....
بصراحة كل ما تقول عنه موجود بالفعل ... وربما تكون الأوضاع أسوأ من ذلك ....
لكن رغم ذلك هناك عدة جوانب مشرقة في الموضوع .... أهمها أن هذا المجال في السوق لا يزال بكرا في بدايته .... مما يوفر فرصة أن يقدم أي شخصا عملا مبهرا يحتكر به السوق ...
أيضا المستوى التعليمي للذين يدخلون في هذا المجال في ارتفاع .... وربما يكون وعي الناس العاديين بالمجال أيضا في زيادة ...

في النهاية هو مشوار طويل ... يقع على عاتقنا فيه وضع الجرافيكس في مكانه بين الاهتمامات العامة الأخرى وجعله مجالا مميزا عن طريق الأعمال .... لأنه لا بد من بداية لكل شئ ولا بد من تضحية ... ويبدو أننا نحن سنكون هذه الشرارة الأولى ...

بالتوفيق ... وآسف على الإطالة ....

[لوكي لوك]

فاطمة التصميم ليس كبرمجة الحواسيب انا اعرف شباب يدرسو بالجامعه لما يصلو الي اخر سنة بعطوهم دروس عن تصميم 3d اغلبهم يجده اصعب شئ ويرفضه نفس الشئ لطلاب الهندسة المدنية تجدهم يهلوسون 3d لكن لما يشوفو الواجهة فقط يملون منه ويفشلون .

هناك قاعدة عامة حول التصميم 3d اغلب المصممين الذين يتعلمون يقضون من ساعتين الي 13 او 15 ساعة يوميا امام الحاسوب في تعلمه . صعب جدا

[سمير2002]

الموضوع الذي طرحته مهم جدا أخي الرسام ،أضن العامل على 3دي يتقاضي 10000000000 المرات من 2دي لكن يجب أن تكون محترف في مجال ثريدي وأنا شخصيا أري أن التوفيق بين العملين صعب
يعني إما تشتغل 2دي وتستعين شوي بثريدي في التصاميم أو تعمل على الثريدي وتستعين طبعا 2دي لأن المجالين مختلفين 2دي تقوم بتصميم وهناك مطويات وكتب..... وربما تقوم بعمل كتاب فيه كتابة فقط بدون أي
تصميم وكأنك تشتغل على الوورد، أما الثريدي فيذهب بك إلى مجال أبعد وهو الإخراج وتستعين ببرنامج أخر لعمل الكومبوزيتينق أفتر إفكت و......
وحسب رأي أن الواحد إن ستطاع تعلم الثريدي وإتقانوا أحسن لأن مشكل 2دي أن كل واحد يمكن يتجرأ ويصمم أي شيئ عكس الثريدي فإن العمل يضهر والمستوي يظهر بوضوح.
وأخير هناك مشكل واحد في ثريدي أنه يتطلب وقت ومهارة وكومبيوتر جيد.

[alm7treef]

لوالمصمم دارس الجرافيك دراسة و عنده شهادة و خاصة إذا كانت من أوروبا مثل لندن+ يمتلك حس راقي لكان راتبه عالي جدا و ما يشتغل مع أي شركة بل تتقاتل عليه أكبر الشركات الإعلانية في البلد بل ربما في العالم

[althaer]

موضوع مهم جدا

بصراحة يا شباب ايام الدراسة كان الجميع ينظر لي وجلستي الطويلة امام الكمبيورت كتضييع وقت

وحاولت اقتنعهم .. لا فائدة

وطبعا بسبب سوق العمل

لذلك قررت تحويلها هواية تأتي ثانية بعد عملي الرئيسي

لاسباب
1- حتي لا يكون الثري دي عبء وأكرهه .

2- توفير ماده لشراء جهاز وتطويره .

3- تقليل العبء الاجتماعي من الأسرة والمحيطين وهذا مهم جدا لمن جربه .

والحقيقة اسعار الاعمال مش بطالة والله ليا اصدقاء كثيرين في الثري دي يعملون

ورأي يوسف مهم

وفيه شئ مهم جدا في اللاعمال دي ان العمل والهواية واحد .. وهذا بيجعلك تكسب من هوايتك فلا تسشعر كيرا بتعب اثناء العملا بل العمل يقوم بتطويرك

اشجع ياي شاب يسعي في اكثر من اتجاه

اعطاء دورات - يعمل كفري لانسر - عمل لشركات

لزيادة دخله

مع التحية

[elrssam]

الآخ alm7treef هل تتخيل أنى لو معايا تكلفه الدراسة خارج البلد المقيم فيها
هافكر فى الجرافيك أصلا
أنا عاوز من كل واحد كدا يعملى دراسه جادوة بسيطه جدا لا تتعدا الخمس دقائق
يقلى فيها بقاله اد ايه فى المجال وصرف اد ايه وكسب وادخر اد ايه .....
وينشرها فى الموضوع كرد ... يمكن الواحد يلاقى نبرة أمل !!!!!!
ويعيد نظر فى الموضوع .. يمكن .

[elrssam]

الأخ SHADY 3D واضح انك واصل للى فى دماغى كويس أوى وبالذات لما قلت 5 سنيين
الأخ Ahmed012 ربنا يصبـــــــــــرك
الأخت فاطنة ألزة أتكلى على الله
الآخ maxspider كلامك مظبوط ووجة نظر سليمة والله
حبيبى لوكى لوك كلامك رصاص بس صحيح
الاخ سمير 2002 انت ماتكلمتش عن اللى انا عاوزة
الآخ حسام ماهر عندك امل مش بطال

[نجيب الفاتح]

أنا بداتها في البداية كمهنة و لكنني لما رأيت حالة السوق و السرقة و عدم الوفاء عند كثير من الناس -إلا من رحم ربي- فقررت جعلها هواية و وسيلة لإشغال الوقت و تطوير الذات.

[ehsan]

بالنسبه للاعمال اللى اسرقت منك والفلوس اللى ما ندفعت لك فالله يؤجرك في مصيبتك ....

اما عن السوق مثل ما تفضل احد الاعضاء انو لازم اعطاء الوقت للمجال لتعلمه وان لا تقل هذه المده عن مدى احساسك بتغطية المجال من جميع جوانبه هذا اولا :...

اما ثانيا النقطة التي تسبق الاولى من ناحيه الاهميه بالنسبه للراتب وهيه الشهاده ...

اذا كانت من كندا او امريكا او بريطانيا او اي شهاده اجنيبه بتفرق معك كتييير بالنسبة للراتب

عن اذا كنت معك شهادة من جامعه عربيه او اذا ما كان معك شهادة بالاصل

والمشكله تكمن في تفكير اصحاب الشركات او المسؤولين عن توظيف المصممين في هذا المجال ومقارنته هذا المصمم العربي بغيرة الاجنبي ( امريكي , استرالي , المهم اجنبي...) من ناحية الراتب


والاول والاخير التوكل على الله مفتاح النجاح

[elrssam]

الأخ نجيب الفاتح عملت خير والله
الأخ ehsan حطيت أيدك على نقطة مهمة أوى وفعالة فى الموضوع ألأ وهى
تفكير أصحاب الشركات ... دى عبارة يتحط تحتها ألف خط والله

[elrssam]

واضح أن الاعضاء فى المنابر كونو ثروة من الجرافيك وخايفين الأعلان عنها ... (عشان الحسد) .