أ..ب.. أنيمشن..!

[MN3M]

بسم الله الرحمن الرحيم..

بمناسبه دخولنا فى ال10 الأواسط من رمضان و هما بتوع المغفره ..
و بعد المواضيع الجميله اللى حطها أستاذى و حبيب قلبى ( يـــــــــــــاســــــــــــY@sserــــر )و المبدع الكبير محمد رمضان-------> قلت أساعد بشىء ينشط قسم المايا فى منتدانا العزيز ..
بصراحه هوا الموضوع مش متعلق بالمايا فقط و لكنها مبادىء و أساسيات تنفع فى أى برنامج بس قررت أحط الموضوع هنا للتنشيط..
أى حد عنده سؤال فى الأنيمشن ( مبادىء و أساسيات التحريك ) بإذن الله أجاوبه لو أعرف..و لو انا معرفش الأإجابه هدورله عليها و أبقى منى أفادته و إستفدت بمعلومات مكنتش أعرفها..لأن مفيش حد يعرف كل حاجه فى أى حاجه..
و بالتوفيق إن شاء الله ليا و للجميع..
و رمضان كريم..

[maxspider]

مااااااااااااااااااااااشي .... كده على طول خلعت من قسم الماكس ... طب اكتب تنويه هناك على الأقل

ياريت يا محمد لو تكلمنا عن الـ Timing , يعني مثلا الحركة الطبيعية لسقوط جسم , لعمل ارتداد كرة , للاصطدام .... التوقيت بيبقى خربان معايا خالص .. ياريت كام نصيحة منك يا حضرة الباشمحرك ^_^

[cyfer]

منعم باشا
انا عندى سؤال بس صعب جدا ... وانا عارف انه صعب و محتاج فيه شرح مفصل مش مجرد كلمتين

السؤال هو

ما هو الفرق بين ال quaternion , و ال Euler rotation ؟
و هل صحيح ان ال Euler لا يعمل كما يجب فى المايا ؟

انا عارف ان السؤال صعب بس انا طلعت عينى من البحث و ما وصلتش لحاجة

[MN3M]

بسم الله الرحمن الرحيم..

يا باشا أنا مقدرش أنكر فضل الماكس عليا ولا الناس الحلوين بتوع الماكس..دول 6 سنين من عمرى يا راجل (مستحيل أنساهم) ..
-لو أتكلمنا عن الـ Timing لازم نقول إن أهم كتاب بيكلم عن الجزأ ده و بمنتهى السهوله و الوضوح هو Timing for Animation ..الكتاب ده فعلا قمه فى الإبداع ..

طبعا لازم تعرف و إنت بتحرك إن التوقيت (Timing) هو من أهم الحجات فى الأنيمشن لأنه هوا اللى بيخللى الحدث أو الفعل واقعى أو خيالى ..

أولا لو عاوز تظبط التايمنج بتاعك بصوره كويسه لازم تعمل التالى:
1-قبل متحرك أى مشهد لازم تمثل المشهد ده و تسجله فيديو بأى كاميرا ..و بعدين تشغله على أى برنامج (الميديا بلاير كلاسيك ) و تحركه فريم فريم..
و بكده تعرف تشوف الحركه كانت عامله إزاى و إستغرقت كام ثانيه و كام فريم..بكده هتعرف فين أماكن مفاتيح الحركه و فين الوضعيات الأاساسيه و فين مناطق التوقف..

2-طبعا من أهم الحاجات اللى لازم تاخد فيها باللك مع التايمنج هى سرعه الحدث و دى دايما بتتظبط من الجراف إيديتور..ولازم تعرف إن معظم الحاجات بتبتدى حركتها ببطء و بعدين تسرع و ينتهى الفعل ببطىء مره أخرى..
طبعا مش فى كل الحالا..إفرض إن إحنا عوزين الفعل يحصل فجأه؟؟هل هنعمل المنحنى بطىء فى بدايته؟؟
أكيد لأ..
علشان كده لازم تدرس أى حركه قبل متعملها ..و الدراسه السليمه هى عن طريق تسجيلها فيديو..

3-لازم تفتكر دايما حبيب قلبى (نيوتن) لأن الراجل ده معملش القوانين علشان ناخدها فى الثانويه العامه و خلاص!!
لأ..القوانين دى بنستخدمها كل يوم فى حياتنا..بمعنى إن و إنت بتحرك أى عنصر لازم تعرف إنه مبيتحركش إلا لما بياخد كميه من الطاقه من عنصى تانى..هديللك مثال:
-لو عندنا كوره بولنج بتخبط الأازايز..أكيد الأزايز مش هتتحرك إلا لما تاخد طاقه من كوره البولنج!!
-طب لو الأازايز دى أتقل من كوره البولنج؟؟هل هتتحرك بنفس الطريقه اللى فاتت؟؟أكيد لأ..
يبقى لازم تميز بين حاجتين أساسيتين هيساعدوك برده هما ( طاقه الوضع ) و ( طاقه الحركه )..

4-طبعا يساعدك على تظبيط التوقيت بتاعك عناصر تانيه من أساسيات التحريك..زى الإستعدادا للحركه..و زى المبالغه فى الفعل و رد الفعل..

5-لازم تعرف (فى التو دى ) إن الرسومات الكتيره بين الوضعيات هى بتسبب الفعل البطىء و بالعكس الرسومات القليله بين الوضعيات بتسبب الفعل السريع

أهم حاجه ممكن تظبطلك التوقيت هوا إنك تتمرن..تتمرن..تتمرن..
ومش عالفاضى و المليان لازم تكون بتتعلم من أخطائك و بتستفاد من اللى بتتمرنه..
عموما الكلام مخلصش عن التوقيت ( Timing ) و إن شاء الله لما أجهز جزأ تانى هكتبه علطول..
و بالتوفيق إن شاء الله..
و رمضان كريم..

[MN3M]

منعم باشا
انا عندى سؤال بس صعب جدا ... وانا عارف انه صعب و محتاج فيه شرح مفصل مش مجرد كلمتين

السؤال هو

ما هو الفرق بين ال quaternion , و ال Euler rotation ؟
و هل صحيح ان ال Euler لا يعمل كما يجب فى المايا ؟

انا عارف ان السؤال صعب بس انا طلعت عينى من البحث و ما وصلتش لحاجة

مبدأيا يا باشا على حد مافهمت..إن ده مالوش علاقه وثيقه بفن التحريك ولا أساسياته..و إن دى مجرد عمليات رياضيه..
للأسف مش ده الهدف من الموضوع..بس عموما ممكن يكون الرابط ده مفيد :
http://www.cprogramming.com/tutorial...aternions.html

[cyfer]

ازاى مالهاش علاقة بالتحريك ؟
مجرد انك تدور الايدى او الارجل لاى شخصية ... فأنت يا اما بتدور quaternion يا اما Euler
و ال curves بتاعتهم هى اللى بتحدد طريقة الدوران .... يعنى بمجرد تغيير الطريقة .. هاتتغير الحركة
هو انا مش فاهمهم بصراحة .... بس اعتقد انهم اساسيين للتحريك ... مش مجرد حاجات نظرية ما تفرقش

على العموم شكرا يا اخ منعم و هاشوف اللينك ده اخباره ايه

[MN3M]

ازاى مالهاش علاقة بالتحريك ؟
...

لازم نخللى بالنا إن :
فى تحريك .. وفى فن تحريك..
و الموضوع ده عن فن التحريك..و تقدر تقول غالبيه الكلام بيكون عن الـ2D لكن بحاول أوصل المعلومه على الـ 3D لأن زمن الـ 2D إنتهى تقريبا مع إنه الأاصل.!
و عموما تقنيه الثرى دى مختلفه من برنامج لأخر..

[y@sser]

جميل مستر فنكوشي
طيب ممكن عمل ورشه مبدئيه في المشي
انا عندي عقدة نفسيه من الكراكتر انميشن

[MN3M]

جميل مستر فنكوشي
طيب ممكن عمل ورشه مبدئيه في المشي
انا عندي عقدة نفسيه من الكراكتر انميشن

بإذن الله قريب يا أستاذ ياسر..
و إن شاء الله فى رباعيات الأارجل كمان..
و رمضان كريم..

[samy]

بسم الله الرحمن الرحيم..


-لو أتكلمنا عن الـ Timing لازم نقول إن أهم كتاب بيكلم عن الجزأ ده و بمنتهى السهوله و الوضوح هو Timing for Animation ..الكتاب ده فعلا قمه فى الإبداع ..

اخى الكريم ما شاء الله بالتوفيق وعمل رائع منك
بالنسبه لسوالى فهو رابط لهذا الكتاب اللى حضرتك بتقول عليه لانى من المبتدئين ومعرفش اى حاجه عن التحريك وعايز اتعلم
و بالتوفيق إن شاء الله..
و رمضان كريم..

[MN3M]

أنا جبت الكتاب توررينت من على www.gfxnews.ru

[شين.نون]

منعم باشا
انا عندى سؤال بس صعب جدا ... وانا عارف انه صعب و محتاج فيه شرح مفصل مش مجرد كلمتين

السؤال هو

ما هو الفرق بين ال quaternion , و ال Euler rotation ؟
و هل صحيح ان ال Euler لا يعمل كما يجب فى المايا ؟

انا عارف ان السؤال صعب بس انا طلعت عينى من البحث و ما وصلتش لحاجة

أخي cyfer ، هل يجب أن يكون الشرح بالعربية ؟ إن كنت لا تمانع الإنجليزية فإليك تلك الصفحة : http://www.anticz.com/eularqua.htm بها أفضل شرح مبسط على الإنترنت لمشكلة الـ euler مع الـ 3d animators ، بدون الغوص في الرياضيات و مشاكلها. و أعتذر للأخ MN3M على التطفل على الموضوع ، و لكن لدي مشكلة في تصفح المنابر تضطرني لاستخدام متصفح خاص مزود بكاسر بروكسي لوجود مشكلة في مزود خدمة الإنترنت لدي. و في ظني أنه ليس بامكاني استخدام خاصية الرسائل الخاصة بسبب هذا المتصفح .

[cyfer]

أخي cyfer ، هل يجب أن يكون الشرح بالعربية ؟ إن كنت لا تمانع الإنجليزية فإليك تلك الصفحة : http://www.anticz.com/eularqua.htm بها أفضل شرح مبسط على الإنترنت لمشكلة الـ euler مع الـ 3d animators ، بدون الغوص في الرياضيات و مشاكلها. و أعتذر للأخ MN3M على التطفل على الموضوع ، و لكن لدي مشكلة في تصفح المنابر تضطرني لاستخدام متصفح خاص مزود بكاسر بروكسي لوجود مشكلة في مزود خدمة الإنترنت لدي. و في ظني أنه ليس بامكاني استخدام خاصية الرسائل الخاصة بسبب هذا المتصفح .

انا شاكر جدا جدا جدا
و انا و الحمدلله ليس عندى اى مشاكل مع اللغة الانجليزية .... شكرا مرة ثانية

[mohheader]

شرح رائع جدا لموضوع التوقيت Timing

كنت في الاخر عايز اقول ملاحظة لاقيتك كاتبها ^_^ ...
Practise ... Practise ... Practise

موضوع شيق ...
وعلى فكرة ... الـ Timing ...
من اصعب الاشياء في التحريك بجد ...
ويأتي بالتدريب ..

حتى ان في ملفات مساعدة كتيرة ...
بتركز بالتحديد على الموضوع ده

منها
( ضاعت الوصلات )

المهم في افلام كتيرة ... وكتب بتشرح الحركات بالتامينح بتاعها

كتاب Timing for Animation بيشرح الـ Timing بشكل عام ..
مثلا
ممكن تلاقي في كتاب the survival kit ... مجموعة كبيرة من الامثلة مع التامينج بتاعها
وكمان ( يالهوي ... انا نسيت كل ما اتذكره ... )
في افلام كانت باسم rihno ... لحركة الحيوانات
وافلام للكثير من حركات الاشخاص ... ( اعلانها كان موجود على موقع 10 sec .. دلوقتي الموقع مغلق )

ايه الرد البؤس ده ...


اسف ...

[mohheader]

ممكن اخي تحدثنا عن الـ weighting ... شكلي كتبتها خطأ

[MN3M]

ممكن اخي تحدثنا عن الـ weighting ... شكلي كتبتها خطأ

بسم الله الرحمن الرحيم..
طبعا الوزن دا من أهم العناصر اللى لازم توافرها فى الأنيمشن بتاعنا لأنه هو يعتبر جزأ لا يتجزأ من التايمنج (دا فى نظرى و الله أعلم فى نظر الباقى ايه ) لأنه بكل بساطه الإحساس بالوزن ميجيش غير من تظبيط الوقت..و هوا مهم جدا فى التعريف بمدى الواقعيه أو الخيال فى الأنيمشن..
عنفسى لما باجى أحرك علشان أحس بالوزن بعمل حاجتين :
أولا-------> بحاول أحدد عدد الفريمات المطلوب و بدقه شديده ( طبعا من خلال ملف اليديو اللى بنصوره "دا مهم جدا جدا جدا")
ثانيا-------> بعد التحريك بستخدم الـ Graph editor و دا من أهم الحجات فى حياه الأأنيمتور , طبعا دا بنصنفه مع المهارات التقنيه و ليست فن التحريك لأنه عباره عن مهارتك و قدرتك عالتحكم بالمنحنيات و الزوايا..
-مقدرش أوصفللك أد إيه المنحنيات دى مهمه جدا جدا جدا جدا..و طبعا من أبسط الأمثله المثال بتاعنا مفيش غيره و هوا المثال بتاع الـ Bouncing ball لأننا بنعمل الإحساس بالوزن عند تساقط و قفز الكره و دا مبيتمش إلا فى الجراف إيديتور لأننا من الأأخر بنعمل التال : بنعمل الفرق بين كل قفزه و التانيه + إننا بنخللى الكره تاخد تباطىء و تسارع فى قمه و قاعده المنحنى و العكس صحيح و كل على حسب الحركه المطلوبه..
-عارف مدى أهميته إيه ؟؟ أنا أشتغلت حوالى 3 او 4 سنين كراكتر أنيمتور منغير معرف إيه هوا الـ Graph E و طبعا كانت أى حركه بعملها تحس إنها فى الفضاء لأنها ملهاش أى إحساس بالوزن و كنت علشان أحس بالوزن بدرجه بسيطه بتعب جدا لأنى كنت بضطر إنى أحرك فى كل فريم و كان لو عندى شوت مثلا 300 فريم بتلاقى ال300 فريم فيهم كيهات!!
كذلك علشان تاخد الإحساس السليم بالوزن لازم يكون عندك وضعيات قويه..بمعنى : إنه لو عندنا شخص واقف على رجل واحده لازم نرحل وزن الجيم كله على الرجل دى وندى الإحساس بإنه واقف على الرجل دى بإننا ممكن نضيف حركات ثانويه على الإيدين و الرأس و الجذع علشان خاطر نوضح إن القوه كلها نابعه من هذه القدم فقط.
خللى ليك أتنين صحاب فى أى برنامج جرافيكس أنيمشن ثرى دى : الـ Graph Editor و الـ Dope sheet و فعلا هما من أهم أدواتك كمحرك ..
و إفتكر دايما إن كلما كانت الوضعيات Poses قويه و واقعيه , إن شاء الله هيكن الأنيمشن بتاعك جبااار
و للحديث بقيه..
و رمضان كريم..
و كل عام و أنتم بخير..

[MN3M]

حبيت أضيف بس حاجه :
إن الـ Graph Editor هوا الإسم التانى للـ Curve Editor لكن الأأسمين لشىء واحد و بيختلف إسمه من برنامج لأخر..

[y@sser]

مشكور مستر فنكوشي
معلومات قيمة فعلا

[mohheader]

همممممممم

مش عارف الموضوع ده يدخل في فن التحريك ام لا ...

اليد ...

طبعا معظمنا يعلم ان في اليد بيكون في 2 ادوات تحريك ...
controlers يعني ..

المهم في واحد بيقى غالبا اسمه shoulder ... والاخر arm .

مش دي بس المشكلة

تاني مشكلة لو جيت تجرب تعمل pose 2pose
لليد

حتلاقي ان الـ inbetweens ... بتروح وتيجي في زوايا غريبة !!

كل ده في وضعيه FK طبعا ...

هل من ملاحظات .. لنراعيها ؟

[MN3M]

همممممممم

مش عارف الموضوع ده يدخل في فن التحريك ام لا ...

اليد ...

طبعا معظمنا يعلم ان في اليد بيكون في 2 ادوات تحريك ...
controlers يعني ..

المهم في واحد بيقى غالبا اسمه shoulder ... والاخر arm .

مش دي بس المشكلة

تاني مشكلة لو جيت تجرب تعمل pose 2pose
لليد

حتلاقي ان الـ inbetweens ... بتروح وتيجي في زوايا غريبة !!

كل ده في وضعيه FK طبعا ...

هل من ملاحظات .. لنراعيها ؟

لو اللى انا فهمته صح..يبقى انت المفروض تهتم شويه بالـ Curve editor و كمان حاول تعمل وضعيات الـ Holding و ربنا يسهل..
ياريت تحط صور أو فيديو علشان نفهم قصدك كويس..