أ..ب.. أنيمشن..!

[MN3M]

ممكن اخي تحدثنا عن الـ weighting ... شكلي كتبتها خطأ

بسم الله الرحمن الرحيم..
طبعا الوزن دا من أهم العناصر اللى لازم توافرها فى الأنيمشن بتاعنا لأنه هو يعتبر جزأ لا يتجزأ من التايمنج (دا فى نظرى و الله أعلم فى نظر الباقى ايه ) لأنه بكل بساطه الإحساس بالوزن ميجيش غير من تظبيط الوقت..و هوا مهم جدا فى التعريف بمدى الواقعيه أو الخيال فى الأنيمشن..
عنفسى لما باجى أحرك علشان أحس بالوزن بعمل حاجتين :
أولا-------> بحاول أحدد عدد الفريمات المطلوب و بدقه شديده ( طبعا من خلال ملف اليديو اللى بنصوره "دا مهم جدا جدا جدا")
ثانيا-------> بعد التحريك بستخدم الـ Graph editor و دا من أهم الحجات فى حياه الأأنيمتور , طبعا دا بنصنفه مع المهارات التقنيه و ليست فن التحريك لأنه عباره عن مهارتك و قدرتك عالتحكم بالمنحنيات و الزوايا..
-مقدرش أوصفللك أد إيه المنحنيات دى مهمه جدا جدا جدا جدا..و طبعا من أبسط الأمثله المثال بتاعنا مفيش غيره و هوا المثال بتاع الـ Bouncing ball لأننا بنعمل الإحساس بالوزن عند تساقط و قفز الكره و دا مبيتمش إلا فى الجراف إيديتور لأننا من الأأخر بنعمل التال : بنعمل الفرق بين كل قفزه و التانيه + إننا بنخللى الكره تاخد تباطىء و تسارع فى قمه و قاعده المنحنى و العكس صحيح و كل على حسب الحركه المطلوبه..
-عارف مدى أهميته إيه ؟؟ أنا أشتغلت حوالى 3 او 4 سنين كراكتر أنيمتور منغير معرف إيه هوا الـ Graph E و طبعا كانت أى حركه بعملها تحس إنها فى الفضاء لأنها ملهاش أى إحساس بالوزن و كنت علشان أحس بالوزن بدرجه بسيطه بتعب جدا لأنى كنت بضطر إنى أحرك فى كل فريم و كان لو عندى شوت مثلا 300 فريم بتلاقى ال300 فريم فيهم كيهات!!
كذلك علشان تاخد الإحساس السليم بالوزن لازم يكون عندك وضعيات قويه..بمعنى : إنه لو عندنا شخص واقف على رجل واحده لازم نرحل وزن الجيم كله على الرجل دى وندى الإحساس بإنه واقف على الرجل دى بإننا ممكن نضيف حركات ثانويه على الإيدين و الرأس و الجذع علشان خاطر نوضح إن القوه كلها نابعه من هذه القدم فقط.
خللى ليك أتنين صحاب فى أى برنامج جرافيكس أنيمشن ثرى دى : الـ Graph Editor و الـ Dope sheet و فعلا هما من أهم أدواتك كمحرك ..
و إفتكر دايما إن كلما كانت الوضعيات Poses قويه و واقعيه , إن شاء الله هيكن الأنيمشن بتاعك جبااار
و للحديث بقيه..
و رمضان كريم..
و كل عام و أنتم بخير..

[MN3M]

حبيت أضيف بس حاجه :
إن الـ Graph Editor هوا الإسم التانى للـ Curve Editor لكن الأأسمين لشىء واحد و بيختلف إسمه من برنامج لأخر..

[y@sser]

مشكور مستر فنكوشي
معلومات قيمة فعلا

[mohheader]

همممممممم

مش عارف الموضوع ده يدخل في فن التحريك ام لا ...

اليد ...

طبعا معظمنا يعلم ان في اليد بيكون في 2 ادوات تحريك ...
controlers يعني ..

المهم في واحد بيقى غالبا اسمه shoulder ... والاخر arm .

مش دي بس المشكلة

تاني مشكلة لو جيت تجرب تعمل pose 2pose
لليد

حتلاقي ان الـ inbetweens ... بتروح وتيجي في زوايا غريبة !!

كل ده في وضعيه FK طبعا ...

هل من ملاحظات .. لنراعيها ؟

[MN3M]

همممممممم

مش عارف الموضوع ده يدخل في فن التحريك ام لا ...

اليد ...

طبعا معظمنا يعلم ان في اليد بيكون في 2 ادوات تحريك ...
controlers يعني ..

المهم في واحد بيقى غالبا اسمه shoulder ... والاخر arm .

مش دي بس المشكلة

تاني مشكلة لو جيت تجرب تعمل pose 2pose
لليد

حتلاقي ان الـ inbetweens ... بتروح وتيجي في زوايا غريبة !!

كل ده في وضعيه FK طبعا ...

هل من ملاحظات .. لنراعيها ؟

لو اللى انا فهمته صح..يبقى انت المفروض تهتم شويه بالـ Curve editor و كمان حاول تعمل وضعيات الـ Holding و ربنا يسهل..
ياريت تحط صور أو فيديو علشان نفهم قصدك كويس..

[MN3M]

فى سؤال جميل واحد سألهولى على المسنجر و هوا :
إيه الفرق بين الـ Secondary action و الـ Follow through او بمعن تانى إيه الفرق بين الحركه الثانويه و الإستمراريه..
-الإجابه :
بكل بساطه ---> الحركه الثانويه بتكون غالبا لجزأ أخر غير المتحرك : فمثلا لو حركت إيديك اليمين بقوه و أنت بتضرب واحد , فهتلاقى إن إيديك الشمال و غالبا باقى جسمك بيتحرك حركه بنسميها حركه ثانويه , و حركه الإيد اليمين هى الحركه الأاوليه أو الأاساسيه..
بينما الإستمراريه بتكون لنفس العنصر , فمثلا لو أنت رافع إيديك اليمين و بتنزلها فهى بعد ماتنزل هتتأرجح عده تأرجحات متتاليه حتى تأخذ موضع السكون..

[MN3M]

سؤال مهم جدا واحد سألهولى عالمسنجر :
إيه هوا الترتيب اللى بتشتغل بيه (ترتيب أجزاء الجسم) فى التحريك ؟
أو بمعنى أخر..إيه أول جزأ بتبتدى تحركه واللى بعده..واللى بعده..إلخ ؟

[MN3M]

بسم الله الرحمن الرحيم..

طبعا بالنسبه لى العمليه بتختلف..لأنى أحيانا ببتدى بالرجلين و أحيانا ببتدى بالحوض..لكن لما سألت المدرس بتاعى فى البدايه عن السؤال ده قاللى الطريقه المثلى ( منقدرش نقول الطريه الواجب إستخدامها لأن كل واحد بيفضل ترتيب معين ) و اللى بيستخدموها بره و بيتعلمو على أساسها بره هى بالترتيب التالى :
pelvis
hips
و أتأكد إن الحركه بتاعه الأاتنين دول تمام التمام..
بعد كده :
chest
legs
arms
head
و هى دى الطريقه المستخدمه فى معظم الحالات..

[MN3M]

سؤال تانى مهم جدا :

إزاى ممكن نستخدم المرجع Reference بالطريقه المثلى ؟

[MN3M]

بسم الله الرحمن الرحيم..

-لازم ولا بد من إنك تدور على الـ Poses المغريه أو بمعنى اصح الواضحه جدا فى الريفرنس و كذلك الأافكار الواضحه لأنها بالتالى هتكون أوضح شىء فى الأانيمشن..
-يكون إستخدامك للمرجع مش مجرد إنك بتنسخه..أو إنك تقلده بالمللى أو بالحرف..لازم يكون ليك لمستك الفنيه حتى لو كان المرجع إنت اللى مصوره على مزاجك..
-حاول يكون ليك الطابع الخاص..حجات معينه تستخلصها من المرجع و ميكونش حد غيرك بيعمل كده..علشان لما حد يشوف شوت معين يعرف علطول إنه بتاعك منغير ميشوف الأسم..

[MN3M]

سؤال تانى من msabry :

السلام عليكم احتاج الى مساعده عاجله فى ik animation
ولكم جزيل الشكر

[MN3M]

بسم الله الرحمن الرحيم :

الأى كى بسهوله هى إختصار للـ inverse kinematics (مش متأكد من الأسبلنج) و عموما دى معناها رد الفعل العكسى.
و علشان تحرك لازم تدمج بين حجتين هما الـ IK و الـ FK لأنك مينفعش تحرك كل حاجه بنوع واحد..
مثلا بنستخدم دايما الـ IK مع الرجل على أساس أنك لو رفعت القدم يتلاقى الركبه إنثنت..
و كذلك ممكن مع اليدين و لكن علشان نحصل على حركه واقعيه لليدين و أقواس طبيعيه فنحرك اليدين بالـ FK .
عارف أنك مفهمتش حاجه
هرفعلك ملف معمول بالماكس8 شغله و أنت هتفهم قصدى إيه..
و الله المستعان

http://d.turboupload.com/d/956167/IK...are01.max.html

[MN3M]

سؤال كمان من عمر :

هل الـFK هي المؤثرات الي اضيفها عن طريق الـmotion؟ هذا سؤال

السؤال الثاني: شاهدت ملف تعليمي للعظام أنشاء لأغلب المفاصل circle ثم اختار لها freeze transforms ايش فائدتها؟

السؤال الثالث:ايش الفرق بين:ik solver & constraints ؟

[MN3M]

بسم الله الرحمن الرحيم..

ربنا يوفقك فى التعليم و لو عاوز نصيحتى عليك و على إسطوانات ليندا بتاعه البونز أنيمشن و ريجنج هتنفعك جااااااااااااااااامد.
- بالنسبه للـ FK هوا بكل بساطه إختصار لـ Forward Kinematics يعنى رد الفعل بيكون للأمام يعن مثلا لو عندك ذراع معمول بالـ FK و هوا عباره عن 3 عضمات , لو حركت العظمه اللى المفروض إنها الكف بتاع الأيد باقى العظام مش هتتأثر بيها!!
لكن لو بتحرك نفس الثلاث عظمات بالـ IK هتلاقى تأثير على العظمتتين الباقيتين..
- أما بالنسبه للسؤال التانى هوا مش واضع بعض الشىء ياريت تحط صوره أو توضح أكتر , و عموما لو أنت تقصد بالسؤال ده أنك تعمل Controlers للعظام..



فده أمر طبيعى علشان بعد الريجنج مايخلص و عاوز تحرك المجسم بتاعك ساعتها مش هتحتاج لوجود البونز , فبتعملها hidden وتحرك عن طريق الـ controlers اللى أنت عملتها , و طبعا دى أفضل طريقه للتحريك و اللى دايما بيستخدمها المحترفين و بتستخدمها الأاستوديوهات العالميه..

-أما بالنسبه للسؤال الثالث فا يا سيدى بنستخدم الـ constrain لو عوزين نربط حجتين أو اكتر ببعض فمثلا لما بنيجى نعمل الريجنج و بنبقى عوزين نظبط العينين بنعمل لينك Constrain بمعنى إن أحنا بنربط العينين بشىء واحد ( مثلا دايره أو مربع أو أى هيلبر ) و بكده لما بنيجى نحرك الهيلبر ده العينين بيتبعوه و يتحركوا معاه.
كذلك مثلا لو عندنا مربع المفروض يمشى ورا التانى-------> بنربط أح المربعين بالتانى و بيبقى واحد فيهم هوا الـ Parent و التانى هوا الـ Child و طبعا الإبن يمشى ورا ابوه بمعنى لو حركنا الـ Parent هتلاقى الـ Child بيتحرك على خطاه.

-أما بالنسبه للـ IK فهوا اللى شرحته قبل كده بمعناه رد الفعل العكسى بمعن إن إحنا لو عندنا عظام الذراع و هما (3 عظام ) ولو حركنا كف اليد هنلاقى مفصل الكوع بيتأثر , بس زى ماقلتلك دا غالبا مبنستخدموش مع الذراع لأن الحركه بتكون واقعيه بنسبه 70 % لكن لو غستخدمنا الـ FK مع الذراع هتكون النتيجه ممتااااااااازه..
فى إنتظار أى إستفسار..
و بالتوفيق إن شاء الله..

[MN3M]

http://www.cgway.net/showthread.php?p=21986#post21986

أول كتاب لفن الأنيمشن و باللغه العربيه..