تويت
اخر اعمالي الغريبة ......... والمريبة
http://mypage.ayna.com/yn3n/karbet.jpg
ملاحظة ..
اذا مافتحت الصورة احذف ال ://http او اضغط بالزر اليمين وحط على اظهار الصورة
هذا الله يسلمكم عمل جديد من الاعمال الغريبة والي احب اشتغل عليها دائما وانتظروا مني كل غريب في المستقبل القريب
على فكرة هذا اول عمل اعرضه هنا 
...مناسبة العمل :
والله في الواقع أنا مااشتغل على عمل الا وانا متضايق عشان احط حرتي كلها في العمل والسبب الي خلاني اشتغل على هذا العمل هو اني كنت راجع متأخر من عند واحد من الشباب , فأول مافتحت الباب لقيت ذاك الوجه الوسيم ينتظرني كالعادة , قام الوالد ويمسكني من رقبتي ويدخلني للبيت : " وين كنت ؟؟ طول هالوقت برة البيت ؟؟ انت ... وانت ..... وانا راح ... وان خليتك تطلع .. مااكون ... انت ماوراك الا المصايب ومامنك فايدة ابد " اخذنا تهزيء على الطاير عاد دخلت الغرفة ورميت نفسي على ذاك الفراش وقمت اوسوس مع نفسي مثل كل مرة :" الحين هاذا وش فيه علي مافي غيري في البيت .. " وانا قاعد اخطرف وأفكر .. تذكرت الكلمة الي قالي اياها " ... مامنك فايدة .." قمت وقلت لنفسي مامني فايدة هااه ؟؟ طيب هين الحين اسويله عمل ونشوف من الي مامنه فايدة ..
وقمت واشتغلت على هالعمل الي تشوفونه فوق ليلة كاملة ومانمت ذاك اليوم .. كملت نومتي في الصف
عالعموم انا وريته العمل وقالي " الحين تارك دراستك وتسوييلي هالخرابيط " قلت في نفسي : يا خسارة الليلة الي سهرناها امس 
لاكن الى الحين مصمم اسوي عمل يعجبه
طريقة التحضير :
اشتغلت على العمل بلير وحدة باستثناء كلمة ابو حسين واستخدمت البخاخ واداتي الدودج والبيرن ( بدون احراج ياجماعة مانعرف انجليزي
) واستخدمت الفرش واستخدام خفيف لبعض الفلاتر يمكن ثلاث مرات على مااذكر او اربع ولاانسى ال heu مدري ايش .. ناسي اسمها والله ..باختصار اعرف ان العمل بسيط لاكن انا حبيت اخرج عن المألوف شوي وبعدين انا لسه مبتدأ مكسور في محل رفع للخبر ( ماخذ صفر في النحو ) لذلك نستقبل النقد الحار بكل سعة صدر .. ورجاءا رجاءا رجاءا بدون مجاملات .
اسف على الاطالة وتحياتي الملهلبة للجميع ..
اخوكم ..
-{"
دبلوماسي "}-
... وبعدين خلك عاقلك ولا تتأخر مرة ثانية وتزعل الوالد 
مصحصح لا تاخذ عنّي فكره 
تعليق