موضوع: أسرار البنات .. في حوار خطير ( للتمعن )

ردود: 6 | زيارات: 852
  1. #1
    عضو جديد
    صور رمزية شادي أحمد
    تاريخ التسجيل
    Oct 2006
    المنطقة
    أم الدنيا
    العمر
    32
    ردود
    3

    Talking أسرار البنات .. في حوار خطير ( للتمعن )

    أهلا و سهلا بكم في برنامجكم الرمضاني " و شهد شاهدٌ "
    و النهاردة ضيفتنا تتميز بآراءها الثورية الراديكالية الأصولية الشعبية الليبية العظمى
    صاحبة كتاب " الأنثى جريمة " الذي أثار جدلا واسعا بين أوساط المثقفين و الفنانين و السياسين و النقاشين و الناشطات في حقوق المرأة و حقوق الطفلة و حقوق الأقلية الذكورية المضطهدة

    الكونتيسة علا
    اليوم نحاورها حول نظريتها الجديدة عن المرأة المتنكرة ... و الأنثى المسخ .. و ما يبشر ذلك عن اختفاء هذا الجنس عن قريب ، و اقتراب فرج الجنس الذكوري المضطهد
    شادي أفندي :
    أهلا بيكي كونتيسة علا معانا في برنامجك و شهد شاهدٌ

    الكونتيسة علا :
    أهلا يا شادي أفندي

    نسمع مؤخرا بشائر عن دخول البنات ( إن شاء الله ) للجيش مكان الشباب ( لقلة عددهم ) و بنسمع تنبؤات ان ده هيقلل الخناقات في الاتوبيسات و المترو و تقل المشاكل في الاقسام و إلخ .. ايه رايك في الكلام ده ؟
    الكونتيسة علا :
    أولا أحب أقول اني اشد اعداء المرأة على فكرة يا شادى أفندي ، مش عقد نفسية زي ما بتتهمني الصحفية العميلة للنظام الحاكم ( عطية المستقوية ) بس فعلا الستات بقت حاجة تخنق ،وملل وهطل ودماغهم فاضية

    شادي أفندي :
    أهدي يا فندم بالراحة على اعصابك انتي لسة شايلة البنكرياس
    فيه سؤال مبعوتلنا عالميل من رئيسة تحرير جريدة إيزيس
    إن ليه ارائك دايما مختلفة عن التيار السايد في البلد و بتتهمك بالعمالة للاقليات ؟

    الكونتيسة علا :
    انا ليا مخ خاص جدا ، الاعلام المتخلف بتاعنا ما بيعرفش يخترقوا لو جاب 100 هاكر
    و فعلا انا بتخنق من حاجات كتير البنات والستات بتعملها ما لهاش اى معنى ولا شكل وده مش شذوذ فكري زي ما بتتهمني بعضهن أبداً
    ده نقد لواقع اليم للاسف نعيشه و نتجرع مرارته في اوطاننا

    شادي أفندي :
    اكيد مشاهدينا الغلابة عايزين يعرفوا منك امثلة عملية و اسرار اللوبي النسائي في اوطاننا
    خليكي جدعة يا كونتيسة و نصحينا

    الكونتيسة علا :
    هههههههههههههههههه
    نصح نفسك يا خويا ... انت مصر اطلع من برنامجك على مكتب اصحابنا الحلويين !!
    هههههههههههههههههه
    هقولك يا سيدي
    اهم حاجة بتقهرنى اعتقاد ان استات احسن وافضل من الرجالة ، ده منتهى الغلط الأبدي
    و بكرر مش عقد نفسية زي الشائعات اللي بتطلقها علي جمعية " البت دي مؤدبة "
    بس الراجل راجل والست ست
    انما بقى واحدة تقولك ده انا احسن من فلان .. ده انا بتنجان
    حوارات مالهاش لزمة يا با ، وهى بتروح البيت تاخد فوق دماغها
    ثانيا ظاهرة استنكار كونها امرأة

    شادي افندي :
    كويس يا كونتيسة انك اتكلمتي عنها لانها مهمة جدا و كنت هسألك عليها

    كونتيسة علا :
    ظاهرة استنكار كونها امرأة دى بتدايقنى جدا
    يعنى تدخل فى كل خصائص الرجالة وما تسيبش حاجة
    وتعمل فيها عبدو مجانص وهى فرخة لا راحت ولا جت
    و تقولك انا ما بعملش شغل البيت .. انا هاى هاااااااااااى قوى وهى واخدة فوق دماغها
    هى يعنى لو قالت انا بكنس وبطبخ الناس هتبصلها بصة وحشة؟ ما هى ربنا خلقها كده
    ليه تعمل فيها مسخ بقى وتتقنص صفات كائن تانى

    شادي أفندي:
    بمناسبة كلامك انا كنت بامشي في الجامعة و الاقي واحدة (محجبة) ما شاء الله بتهزر مع زمايلها و تقوم راجعة بضهرها فجأة و تخبط في ... انا اللي ابقى متضايق و قرفان و الهانم عادي خالص لسة بتهرج

    كونتيسة علا:
    ده كمان بيضايقنى . ليه بقى ؟
    لان ربنا خلق المرأة كائن راقى حساس مرهف ، مش البنات بتوع اليومين دول اللي كل واحدة فيهم مسقفة 5 امواس في بقها

    شادي أفندي :
    خمسة يا فندم ؟ معقولة !! دول عملوا رقم قياسي بقى
    ده انا يادوبك مسقف اتنين واحد فوق و واحد تحت بالعافية

    كونتيسة علا :
    ما اكتشفوا مناطق جديدة في فم الانثى ممكن تخبي فيها ماكينة حلاقة بحالها

    شادي أفندي :
    بنشوف كتير تناقض بين الحال و المقال عند البنات ما تفسيره ؟

    كونتيسة علا :
    فعلا البت من دول تقعد تقولك لأ جواز ايه وعيال ايه لسه بدرى وهى هتموت وحد يعبرها

    شادي أفندي:
    طبعا مشاهدينا بيشوفوا النموذج ده يوميا تقريبا مع مسلسلات الساعة 8
    كونتيسة علا:
    اه والله طب ما تقولى عايزة اتجوز هو عيب؟ المشكلة فى التنشئة من الاول .. أين تطبيق الشريعة يا اخواني في حياتنا

    شادي أفندي :
    يا ريت يا كونتيسة بلاش دعاية للاخوان احنا قناة مستقلة و مش ناقصين مشاكل ، لو كان اسمهم الاخوات مكنش يبقى فيه مشاكل

    كونتيسة علا:
    كمان البت تبقى هتموت ، هيجيلها شرقة على الريق كدهو
    عالواد الملزق وتقولك حب ايه وكلام فارغ ايه
    طب ما تقولى بحب هو عيب؟
    لكن نعمل ايه هو كده المجتمع .. لازم يتكنس
    فيه ناس بتعرق عالرغيف و ناس بتعرق م التنس

    شادي أفندي:
    لا ارجوكي ارجوكي بلاش دعاية للشيوعيين عشان برده اسمهم مذكر
    و بعدين يا كونتيسة انتي كده هتشككينا .. لانك لسة مصرحة بنفس الجملة دي من وقت قريب

    كونتيسة علا:
    لااا ... انا كلمتي واحدة و الكل عارف كده ... لا يمكن اتخلى عن مبادئي ابدا و لا ابيعها بالرخيص خالص
    جاي على كام ؟

    شادي أفندي :
    عارفين يا كونتيسة بس بنهزر معاكي
    و بعدين احنا بنتكلم على البنات دلوقت
    كملي يا فندم

    كونتيسة علا:
    ده غير بقى اللى بيفرس مرارة الى خلفونى بجد لما البنات تلاقى بنت بتتكسف ازاى؟ اقيموا عليها الحد يا رفيقات

    شادي أفندي :
    ارجوكي يا فندم قدري موقفنا ما ينفعش تعملي دعاية علنية لاسامة بن لادن كده
    صحيح احنا قناة حيادية و بنعرض الرأي و الرأي المشابه
    لكن اكيد لينا سقف ، و اللي مسقف امواس ما يتضربش على بقه

    كونتيسة علا :
    يضرب في مناخيره يا شادي أفندي اسأل مجرب
    و بعدين انا اصلا معملتش دعاية لاي حاجة من اللي انت بتقول عليهم دول ، أعمل ايه اذا كان كل الكلام بقى ممنوع في ظل النظام النسائي المستبد
    يللا ما علينا .. السؤال اللي بعده .. خلينا نخلص على خير

    شادي أفندي:
    هل صحيح البنات بقت اجرأ من الشباب ؟

    كونتيسة علا:
    قول ابجح يا شادى افندي ، ما تتكسفش
    فعلا البنات بقت بجحة جدا جدا
    انا ساعات بلاقى الولاد بتتكسف ، والبنات لأ ، ازاى ما اعرفش

    شادي أفندي :
    فعلا انا من الولاد

    كونتيسة علا :
    و أنا كمان
    وبعدين التباهى الغريب بقلة الادب و اللسان الطويل بقيت موضة
    طب ما كلنا عارفين الصح والغلط لازم اظهر مواهبى يعنى ؟

    شادي أفندي:
    طب بيقولوا ان ده اتساق مع الذات
    و إن البنات بقوا يقولوا زي ما هم بيفكروا ما بقوش يخبوا حاجة زي زمان

    كونتيسة علا:
    برده يا شادي أفندي ، ده غلط
    لان فيه كلام بيفكروا فيه ما ينفعش يتقال قدام الجنس الذكوري الخجول باى حال من الاحوال

    شادي أفندي :
    ايه رايك في الموضة الجديدة محجبات بدون حجاب ؟


    كونتيسة علا:
    لأ استناني اللى عاملين فيها المحجبات الجدد
    يا نهاااااااااااااار
    مش ممكن
    مش ممكن
    اخر مرة نزلت الكلية لقيت واحدة لابسة ترحة كثيفة كذا واحدة يعنى ولابسة جيب تحت الركبى

    شادي أفندي:
    آه جيبة قصيرة على بوووت طب ما دي موضة قديمة يا حجة

    كونتيسة علا:
    من غير حاجة يا معلم

    شادي أفندي:
    ما شاء الله .. كانت قاعدة فين بالضبط يا فندم ؟

    كونتيسة علا:
    آه ما ليك حق . إذا كان انا شخصيا بصيت عليها
    ما بالك الولاد يعملوا ايه؟ و تخيل بقى اننا في شهر مفترج

    شادي أفندي :
    أكيد هي عايزة تاخد ثواب افطار الصائمين
    شوفي بقى هي هتاخد ثواب افطار كام شاب في الجامعة

    كونتيسة علا:
    آه فعلا " من أفطر مسلما ...

    كونتيسة علا:
    البنات بقت بتتفنن فى اظهار مفاتنها

    شادي أفندي:
    اعتقد كونتيسة انك متحاملة عليهم بزيادة ، فيه رأي معروف للناشطة النسائية آنسة مرسي : ان البنات مالهمش ذنب في شكاوى الشباب التعبانة
    لان البنات بشر و من حقهم يتحروا و يخففوا في اللبس ، الشباب بقى يحطوا في عينيهم حصوة ملح و يبصوا في الارض و هم ماشيين

    كونتيسة علا:
    قصيدة لسة كاتباها على لسان احدى الحسناوات.. حصريا في برنامجك يا شادي أفندي :

    فكرت ودبرت وحورت
    واخيرا قررت
    انا هلبس ايه
    الحر اشتغل والدنيا بقيت ويل
    انا اصلا تعبانة حجاب ده ايه
    واللبس طويل
    تقيل وحشيم
    اعمل ايه عشان الرجيم
    قالولى خفى هدومك وقصرى طولك
    ومش عارفة اعيش ازاى
    ولو زنقت هيشيلها الحر
    ما هو اصل حرام عليا
    اصل امكانياتى عاليا
    والناس ما تعرفش
    الدولاب متروس
    والمشكلة بقيت فى النفوس
    مانا عندى تامر وهيثم ومنير
    قررت خلاص
    وما عدتش هحتاس
    ما النايلون موجود
    والطويل خلاص راحت عليه
    اصل الدنيا حر حر

    شادي أفندي :
    الله الله يا كونتيسة .. دي كتبتيها في اي مناسبة

    كونتيسة علا :
    ميرسي .. دي كتبتها في افتتاح قناة السويس

    شادي أفندي :
    ما شاء الله .. على كده اكيد على وزن البحر الأحمر

    كونتيسة علا :
    لا اصل بحور الشعر كتير و بتتوه الصراحة

    شادي أفندي :
    ندخل دلوقت على المكياج و الالوان الغامقة قوي و الفوشية الضاربة في العين تحول

    كونتيسة علا :
    انا امى بتتخانق معايا يوميا عشان احطلى فرشتين وانا نازلة الكليه وغصبت عليا اتصور بمكياج لمجرد انها لقيتنى مختلفة ومش عايزانى ابقى مختلفة وحكاية المكياج دى الراى فيها صريح وواضح المفروض ان فى واحد سعيد حظ جدا هيجى يشيل الشيلة كلها المفروض من غير ما اعرفه ( و مش عايز اعرفه ) اكون باحترمه والحاجات دى تخصه وحده
    ليه بقى كل الناس تشوفها وتعرفها؟ ما تفهمش

    شادي أفندي:
    طيب يعني انتي كمحجبة لما بتتحري بتعملي ايه
    كونتيسة علا:
    انا مش بتحر انا كل لبسى جينز زي ما انت شايف مش بتحر و لا بتنيل
    لو انا حرانة مثلا هلا هاقعد فى بيتنا تحت التكيف واضر نفسى والناس؟ وتفتكر هما بيبقوا حرانين؟ ما اعتقدش

    شادي أفندي:
    ندخل على طريقة كلام البنات يا حجة
    فيه محاضرة ليكي كنتي بتتناولي فيها الظواهر الجديدة في كلام البنات يا ريت تكلمينا عن واحدة منها

    كونتيسة علا:
    كلمة قشطة من أول الكلمات اللي باحاربها ، اللي بيقولها قدامي بديله على وشه بجد
    كونتيسة علا:

    شادي أفندي:
    عشان كده مرفوع عليكي قضية من جمعية حقوق منتجات اللالبان ؟

    كونتيسة علا:
    اي جمعيه فيها كلمة حقوق على طول اعرف انها بتعاديني .. عشان انا كلية اداب و طول عمر كلية الحقوق بتحقد علينا

    كونتيسة علا:
    اه والله
    شادي أفندي:
    احنا سعدنا جدا بالحوار معاكي كونتيسة علا و أكيد مشاهدينا استمتعوا و استفادوا من الاسرار الخطيرة اللي قلتيها معانا النهاردة

    كونتيسة علا:
    قصَّر .. هات اللى بعده

    شادي أفندي:
    و قبل ما نختم الحوار يا ريت توجهي كلمة لكل شاب ناوي يضحي بنفسه و يقدم على الزواج ... ايه اهم الحاجات اللي لازم يتحراها في الجانية ؟

    كونتيسة علا:
    ان تكون رفيعة المقام حسنة المقال سيدة الدار لاتصدر عنها الخطيئة ولو بالكلام أما المصيبة لو جميلة لانك ممكن تتجوز واحدة تعقد من جمالها وتطلع بنت ( تم القطع بواسطة الرقابة ) او تندلق عليها طاسة البطاطس تتشوه وتدبس طول عمرك
    بس ممكن يكون شكلها مقبول لانى اعتقد انه لا يوجد امرأة دميمة

    شادي أفندي:
    واضح ان ميولك عدوانية شوية

    كونتيسة علا:
    نياهاهاهاهاهاها
    دى واقع بلدنا المدهول ، لازم الواحد ما يبصش تحت رجليه
    و على راي عبده عشق الروح مالوش آخر لكن عشق الجسد فااني و اييييييييييييييييييه

    شادي أفندي :
    و اشمعنا طاسة بطاطس

    كونتيسة علا:
    عشان هتتكعبل ..واحدة جميلة اخرها تقلى بطاطس

    شادي أفندي:
    بنشكرك كونتيسة على الحوار الهايل ده مضطرين نقطع عشان النشرة النسائية معادها جه

    كونتيسة علا:
    طب انا مش هروًّ ح لوحدي ... اطالب باللجوء السياسي احسن يتم اغتيالي من جمعية البت دي مؤدبة

    شادي أفندي :
    لا احنا في عصر الديموقرطاسية و الجمعية دلوقت بقت ترفع شعار " فكر جديد .. جنس جديد "
    اقطع يا بني الارسال بدل ما مكتب مكافحة الذكورية ييجي يلمنا كلنا


  2. #2
    عضو متميز
    صور رمزية أبو عبد الكريم
    تاريخ التسجيل
    Jan 2005
    المنطقة
    مسحتها تأكيدا للهويه الأسلاميه
    ردود
    3,701
    بسم الله
    هههههههههههههههههههههههههههههههه
    جميله لقيتها فين
    سبحان الله وبحمده سبحان الله العظيم

    أحب الصالحين ولست منهم لعلي أنـال بهـم شفاعـة

    وأكره من تجارته المعاصى و لو كلنا سواء في البضاعة



    .

  3. #3
    عضو فعال
    تاريخ التسجيل
    Jun 2006
    ردود
    291
    هههههههههههههههههههههههههههههههههه جامده


  4. #4
    عضو جديد
    صور رمزية شادي أحمد
    تاريخ التسجيل
    Oct 2006
    المنطقة
    أم الدنيا
    العمر
    32
    ردود
    3
    اقتباس الموضوع الأصلي كتب بواسطة tftof معاينة الرد
    بسم الله
    هههههههههههههههههههههههههههههههه
    جميله لقيتها فين
    شكرا يا أستاذنا على مرورك الكريم
    و الحوار ده بتاعي كنت ناشره على موقعي الخاص جمانة و لكن قلت اشارككم بيه في منتدى المنابر الرائع اللي اعجبني ,,, على الله الحوار يعجبكم و باقي مشاركاتي ان شاء الله

  5. #5
    عضو جديد
    صور رمزية شادي أحمد
    تاريخ التسجيل
    Oct 2006
    المنطقة
    أم الدنيا
    العمر
    32
    ردود
    3
    اقتباس الموضوع الأصلي كتب بواسطة 3bdelnabi معاينة الرد
    هههههههههههههههههههههههههههههههههه جامده
    شكرا يا عبد النبي .. و يا رب دايما اقدم موضوعات تنال اعجابك

  6. #6
    مشرف منبر 3D Studio MAX
    صور رمزية ابومعاذ
    تاريخ التسجيل
    Dec 2005
    المنطقة
    وطنى هنا او قل هنالك حيث يبعثها المنادى الله اكبر
    ردود
    5,117
    ههههههههههههههههههههههههههههههه
    والله جميل اوووووووووووى فضح الواقع وكشف المستور باطار كوميدى ساخر
    تسلم ايد ياشادى

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل