معضلة...ليس لها إلا نون!!!!

[عمار شلبي]

أخي الحبيب نون ومن له القدرة على الإجابة...
اسئلة تطرح نفسها!!!
1-هل هناك فلتر داخلي أو خارجي يحول الصورة إلى line art؟؟
2-بعض المحلات الرخيصة...تطلب تصاميم من التي تطبع على ورق رخيص...ويكون لونها باهت وتتكون من لون واحد فقط..(كأنه مصور باللون الأزرق)وهي تلك البروشرات التي توزع بكميات كبيرة خصوصا أصحاب الحملات اللي على قد حالها...
السؤال...كيف نصمم مثل هذه البروشرات بهذه الألوان؟؟وهل هناك قواعد معينة لهذا الفن؟؟؟
أرجو اإجابة والسلام
محبكم عمار شلبي

[bufatima]

السلام عليكم
تفضل الاجابة.
01 بالنسبة line art (في فوتوشوب 5) حدد الشكل المطلوب بواسطة أدوات التحديد ثم أختر file-export-ai سيتم حفظ الملف على طريقة الستريتور ثم قم بالتعديل على الشكل في أحد البرامج الخاصة مثل كورل درو أو ادوبي اليستريتور.

02 بعد الانتهاء من التصميم أنتقل إلى image-Adjust-Hue Saturation ثم قم بوضع علامة صح في مربع colorize ثم قم بتعديل القيم حتى تحصل على اللون المطلوب.

ان شاء الله افدتك؟

[Graphics man]

اخوي عمار ..

استميحك عذرا اني بجاوبك على سؤالك الأخير ..

صراحة ودي ابين للإخوان و الأخوات بعض الأسس في الطباعة ..

اي تصميم ألوانه كاملة .. يعني في مثلا صور فوتورافية و تصميم كامل من حيث الألوان ..
هذا يعنتبر في المطبعة 4 ألوان CMYK .. الـ C و هو السيان ( الأزرق السماوي ) .. و الـ M و هو الماجنتا ( الوردي ) .. و الـ Y و هو اليلو ( الأصفر ) .. و أخير الـ B و هو البلاك ( الأسود ) ..

طريقة الطباعة :
يطبع الفلم على ورق من نوعية خاصة شفافة مقسم على الألوان الأربعة و تسمى هذه العملية تسحيب الأفلام ..

لما نخلص من الفلم .. يتحمض على حديد يسمى بليت .. علشان يركب على الآلة الطابعة ..

و بعدين لما يخلص طبع الفلم على البليت في قسم المونتاج .. تحول البليتات الى قسم الطباعة علشان تتركب على ماكينة الطباعة .. و كل بليت من البليتات ياخذ لونه .. و بعدين يطلع لنا التصميم كامل من كل الجوانب ..

بعض المرات تكون الطباعة مو واضحة .. يكمن ذلك لعدة اسباب .. و هي :

1- نقص اللون اللي معطينه للماكينة .

2- اهتزاز البليتات .

3- يمكن يكون الغلط من الفلم نفسه .

4- البليت مو منظف علشان جذيه نشوف المطبوع بعض المرات في مثل النقط .

و طبعا اكيد في عوامل ثانية .. لكن ما تحضرني الآن ..

:: طريقة الطباعة باللون الواحد ..

تسوي التصميم على هيئة Grayscale .. و هي تستقبل لون واحد فقط و هو الأسود ..
و بذلك يتم تسحيبه بفلم واحد و هو الأسود ..
و في المطبعة ما يسمى بالسبوت كلر .. و هي الوان مخلوطه يمكن تعطي نتيجة مقاربة للون اللي تبيه ..
و ينحط بدال الأسود اللون اللي تبيه و خلاص

:: أما عن الطباعة باللونين ..
فتستخدم الأسود و الماجنتا في التصميم .. و نتبع الخطوات اللي طافت ..



اخواني و اخواتي .. اعذروني على الشرح السريع .. كان ودي اني اكتب اكثر لكن هذا اللي قدرت اكتبه لأني مستعيل ألحين .. وراي جم شغلة ودي اخلصها ..

سامحونا على القصور




تحياتي ..

[pixel]

أخي Graphics man

أقترح عليك أن تضع موضوع مستقل بالمعلومات المفيدة.. عشان تاخذ راحتك وما تسوي زحمة في مشاركة الرجال..

أخوك المحب
pixel