Unconfigured Ad Widget

تقليص

إعـــــــلان

تقليص
لا يوجد إعلان حتى الآن.

بس يجي العيد وأقله ( تهنئة بعيد الأضحي )

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • بس يجي العيد وأقله ( تهنئة بعيد الأضحي )

    بس يجي العيد واقله

    ليه يا عيد جاي السنه دي؟
    جاي تنادي؟
    علي مين..... والذل عادي ؟

    جاي تفرح مسلمين ؟
    هما فين المسلمين !؟
    ناس شبههم
    عالخروف متجمعين
    ناس شبههم
    عالصواني مرصصين
    ناس شبههم
    بعد شبعة معسلين نايمين
    قلي بس
    جاي لمين ؟

    جاي تفرح قلب مات ؟
    لأ مماتش !!
    مات يا عيد
    قدس راحت ...
    مش جديد
    بطن جابت من الضعاف
    مليار وليد
    وفي معادك جاي اكيد
    ليه يا عيد ؟

    جاي تشوف غزة وجنين
    ولا شيشانا الحزين
    ولا اطفال الحجارة
    ويا دم معيدين
    جاي لمين ؟


    شفت بغداد الحزين ؟
    شفت أسرانا سنين ؟
    جاي لمين ؟


    شوف هقلك كلمتين
    لما ارض الحر ترجع
    تبقي عيد
    لما جيل القوة يرجع
    من جديد

    قول ساعتها
    يلا عيد

    حسام ماهر
    دا وانتي مطلعه عيني ... بحيك مووت

  • #2
    طب بقولك
    يلاه بينا وبايدينا
    راح يكون
    العيد بجد الف عييد
    مش بعيد الحلم يرجع مش بعيد
    كل نار مهما هتحرق
    بكره تصبح كوووم وئيييد



    اه ياحس والف اه
    جرحنا فى الليل يزيد
    نار بتاكل الف ايد
    ايد بتبنى وايد تبيد
    ايد بتدفع من اساها
    تتقطع لجل الوليد
    وايد بتقطع كل بسمه
    تترسم
    على الف عيد
    بس مش هى النهاية
    لسه بكره فيه جديد
    بكره جاى بمييت وليد
    ولا ه اقولك
    بكره هايجيبه الوليد غصب عنه
    راح يكون الهم همه
    راح يكون المهر دمه
    وابقى غنى فى كل عيد
    قول بجد اليوم ده عيد
    يوم ما نبنى الهمه فينا
    وبايدينا
    نصنع العيد والوليد


    قوم ياحس وقول يارب
    قلبك وقلبى
    والف قلب
    لو اخلصوا
    ما يكون فى صعب
    يلاه نادى وقول ياعيد
    بكره جاى مليون وليد
    من جديد راح يكونوا شموع تقيد
    زى ما كانو اللى كانوا
    راح نكون اليوم ياعيييييييد
    ـــــــــــــــــــــــــــــــــــــــــــــــــــــــــــــــــــــــــــــــ
    انت اللى فتحت بابى جزاكم الله خيرا على الكمات وعلى فتح الشهيه

    تعليق


    • #3
      لا يا ابومعاذ مفيش
      مش نشيد
      مش كلام
      مش حديت

      فين بوادر الجديد ؟
      فين طبول الحرب
      تضرب كل ايد
      كل ظالم من العبيد

      قوم ساعتها يا معاذ
      قول لابوك
      يلا عيد
      دا وانتي مطلعه عيني ... بحيك مووت

      تعليق


      • #4
        يابنى هس ليسمعوك
        دول كلاب هيجرجروك
        بدنا
        فى العيد تعييييد
        جمب امك وياه ابوك

        يعنى جاى دالوقتى تبكى
        روح وشوف اللى خانوك
        من زمان فى الليل بعوك
        وبفلوسك شربو دمك
        وبجننهم لغبطوك
        مش كلام اسئل مجرب
        والنصيحة من اخوك

        روح وشيل فى الليل همومك
        ابقى خبيها فى هدومك
        ابقى خللى الصدق لونك
        دول يحس هينفعوك

        والبوادر جايه جايه
        مش نشيد والله هى
        فى الليالى العزم يكبر
        ووبنهارنا حسن نيه
        ليه ياحس النظرة ديه
        قو ل ياباسط دى القضيه
        ان عيدنا زينا فى الكون ضحيه
        يعنى حالنا زى حاله
        وهو بس ياحس ماله
        قوم يراجل خد بايده
        وادعى رب الكون يعيده
        بالبوادر
        والهموم تمحيها ايده

        يلاه عيد ياحس يلاه
        ده االبوادر والله طله
        يلاه عيد ياحس يلاه
        ولوهموم الليل خنتنا
        راح نقوله

        يفتح الله
        يلاه عيد ياحس يلاه
        التعديل الأخير تم بواسطة ابومعاذ; 13 / 12 / 2006, 05:19 AM.

        تعليق


        • #5
          باي حال عودت ياعيدُ
          مــن كثــر كلامه كثــر خطــأه
          ومـن كثــر خطـأه قــــل حيــاه
          ومـن قــــل حياـه قـــل ورعــه
          ومـن قـــل ورعه مات قلبـــــه

          تعليق


          • #6
            كل سنة وانت طيب
            التعديل الأخير تم بواسطة blal0001; 13 / 12 / 2006, 03:50 PM.
            الحمد لله

            تعليق


            • #7

              كلام جميل يا حس وواقعي ابو معاذ في الرد التاني برضه
              بلاد الكوارث
              حيث جميع الشعب وجلاديه يبحثون عن العقل والقلب والشجاعه المفقودين
              لكن للاسف لاوجود للساحر اوز
              وتنتهي القصه بفقد الحذاء الاحمر
              وتبقي اليس في بلاد الكوارث للابد

              مدونتي

              تعليق


              • #8




                (وما يلقاها إلا الذين صبروا وما يلقاها إلا
                ذو حظ عظيم

                تعليق


                • #9
                  جاي للمرابطين

                  تعليق


                  • #10
                    استسلمت يا ابو معاذ

                    نزلت ركبتاي علي الارض
                    دا وانتي مطلعه عيني ... بحيك مووت

                    تعليق


                    • #11
                      المشاركة الأصلية بواسطة حسام ماهر مشاهدة المشاركة
                      استسلمت يا ابو معاذ

                      نزلت ركبتاي علي الارض
                      تسلم ركباتك وتسلملنا ياحبيب قلبى والله انا مقدرشى
                      ربنا يجعله عيد على الامة الاسلاميه بالف خير

                      تعليق


                      • #12
                        أجمل إرتجال أقرأه لحد اللآن ... ما شاء الله عليكم ...
                        My Gallery Work
                        www.cgway.net

                        تعليق


                        • #13
                          تحيااااااااااااااااااااااااااااااااااااااااتي
                          أنتم وقفتوا ليه ماتكملوا
                          كلامك رااااااااااااائع
                          تمام يا حسام
                          جميل يا أبو معاذ
                          I'll be the wall that protects you
                          From the wind and the rain
                          From the hurt and the pain

                          Let's make it all for one and all for love

                          تعليق


                          • #14
                            جميل ان نشعر مع بعضنا بالفرح وبالطرح

                            شعرك جميل فبالامس لم اتابع الشعر لاخره واليوم عدت وقرئته من جديد

                            بارك الله فيك والله يحي اصلك
                            ابواب النصر كثيره واحلى باب هو انه تشوف الشامي ينجرح لو تاذى المصري ولا اقصد الشامي والمصري فحسب انما الكل احب ان نكون روح واحده قلب واحد جسد واحد نفس واحد

                            تعبنا من القوميه والوطنيه والشعارات اللي خلتنا نذبح بعض الي خلت كل واحد منفرد عن الاخر

                            تعليق


                            • #15
                              المشاركة الأصلية بواسطة يوسف فلسطين مشاهدة المشاركة
                              جميل ان نشعر مع بعضنا بالفرح وبالطرح

                              شعرك جميل فبالامس لم اتابع الشعر لاخره واليوم عدت وقرئته من جديد

                              بارك الله فيك والله يحي اصلك
                              ابواب النصر كثيره واحلى باب هو انه تشوف الشامي ينجرح لو تاذى المصري ولا اقصد الشامي والمصري فحسب انما الكل احب ان نكون روح واحده قلب واحد جسد واحد نفس واحد

                              تعبنا من القوميه والوطنيه والشعارات اللي خلتنا نذبح بعض الي خلت كل واحد منفرد عن الاخر
                              بارك الله فيك اخونا الحبيب يوسف واسئل اله ان يرفع الغمة عن كاهل امتنا
                              وان نرى الحدود تندثر بيننا ونكون يدا واحده ان شاء الله

                              تعليق

                              يعمل...
                              X